銀芽

Open Now

Now Closed

最近中環開咗一間新嘅茶餐廳，有別於一般嘅茶餐廳，餐廳裝修比較新穎，坐得舒服又光猛。叫左個餐廳嘅招牌菜 - 拔道腩水門雞飯這是一道簡單卻無比美味的經典菜式。雞肉的鮮嫩和醬汁的香氣完美融合，每一口都能感受到雞肉的汁液流出，香氣四溢。米飯吸收了雞肉的精華，顯得格外松軟Q彈，滿足的口感讓人久久回味。我特別喜歡搭配的青瓜片，增添了爽脆的口感，讓整道菜更加清新可口。另一道係考驗廚師功架的一道菜 - 菜遠沙嗲牛肉炒河這道菜的味道十分出眾，鑊氣十足。河粉煮得恰到好處，柔韌的口感配上香嫩的牛肉，令人垂涎欲滴。沙嗲醬的濃郁香氣更是為這道菜增添了層次，讓人一口接一口，欲罷不能。搭配的青菜與豆芽，更增添了色澤與口感的豐富度，每一口都帶來清新的感受朋友就叫左個檸檬可樂。這是一個地道的港式配搭。檸檬的酸味與可樂的甜味巧妙結合，讓人感受到一股清新涼爽的感覺。而我就點左奶茶紅豆冰。濃郁的奶茶底，加上香甜的紅豆，為這杯飲品增添了更多的層次感。

呢間茶記啲食物嘅性價比好高啊～短時間內我哋嚟咗三次，每次都滿足。色香味有齊，有細節有誠意。環境亦都好舒適，服務又貼心，係一個值得再三嚟食嘅地方！希望繼續保持呢份水準，期待下次再嚟舒舒服服食一餐。唯一係上次啲梳化有少少污糟，唯有轉坐位。今日叫試咗鐵板同菜心，蒜蓉炒菜心夠曬新鮮，湯足料（但太多肥膏），鐵板煎得剛好，鎖住肉汁又大塊，幾條菜都唔馬虎。環境方面，上兩次都冇留意，今次先見到啲充滿哲理嘅壁畫，有意思。

好似未寫過食評，但呢間新開既係公司附近，午餐食過三次，今晚第一次晚餐，真係樣樣都好味而且睇得出食物有心機製作。今晚個羅宋湯係我係香港飲過數一數二好味，鐵板牛柳五成熟都真係五成剛剛好。係附近的話值得試試

係frites對面個商場地下好似新開 經過咁岩下午茶睇menu有d比平時茶記唔同嘅嘢例如漢堡包、熱狗、炸魚薯條等$30-70 唔係好貴 豐儉由人😎蜜糖芥末雞扒包 ($48)配德國薯仔沙律 另外包飲品叫左凍檸茶 (+$3) 都幾大杯勁大份 個包好大好鬆軟應該係brioche bun 好圓潤😂雞扒煎得好香脆 另外有番茄生菜成個食落好fresh 而且好飽沙律都好食 凍凍地 又唔會好多沙律醬上面仲有d蟹籽幾特別最後夾埋落個包一齊食好滿足😋咸牛肉玉子熱狗 ($45)呢個都可以配薯角或沙律都係揀左沙律 個熱狗又係勁足料玉子即係炒蛋😂 再加條腸熱狗腸好大條 夾埋好食個包又鬆軟 好快KO左🤤整體出品唔錯 環境又幾舒服👍🏻

中環又多一個堂食嘅選擇～ ✅ 餐廳地點方便✅ 食物種類繁多，份量充足✅ lunch time 等待時間短✅ 收費合理，冇加一服務費😕 略嫌偏鹹、白飯太多😟 冷氣吹風太大，啲嘢食好快就凍晒～

新式既新派茶餐廳，有別於傳統裝潢，帶點小清新cafe既感覺，座位寬闊，仲有圓形梳化位幾chill😆 而且野食性價比高，我特別中意佢既「家常六品料理」，好似日式料理咁，一個套餐包6款食物飲料，一人餐但樣樣都可以食下，相當豐富🥰家常六品料理▫️蘋果蓮子百合燉排骨養生湯湯底清甜，滋補又唔膩，料多夠晒足料！▫️茶碗蒸 蛋滑又有香濃既蛋味😆日式既感覺！▫️韓式醬煮蓮藕片冷盤辣辣地幾開胃又脆口～▫️XO醬四季豆炒黑毛豬 調味好好食😋岩晒送飯！▫️韓式紫菜飯 巨量紫菜不吝嗇😙紫菜仲脆嫁～▫️雪梨無花果紅棗茶 又有養生湯又有養生茶，岩晒養生女生們食💛鐵板西冷牛扒（黑椒汁）配西式餐湯麵包同餐湯都係$118！麵包仲係要烘底，牛油脆皮！黑椒汁加埋一粒粒蒜蓉勁焦香！牛扒係鐵板上煎至外焦內嫩，肉質鮮嫩多汁，每一口都散發著勁吸引既牛香氣🤤個牛扒好入味，好有港式扒房既味道～水果茶 ｜茶記紅豆冰 好少茶餐廳有水果茶😋 佢都有好多水果係入面，紅豆冰就唔會好甜，夠晒清爽🤓

中上環新開地道茶餐廳- 銀芽，裝修高級有特色，環境好光猛，坐位舒服，沒有一般茶餐廳擠迫。剛好安排坐孔雀綠圓形𢇁絨梳化卡位，坐得特別舒適！餐廳是用QR CODE下單，等緊上菜時可以打卡，牆身塗上西方漫畫和佳句餐廳，打卡一流。拔道腩水門雞飯 配胡椒冬瓜湯水門雞飯的雞肉滑嫩多汁，油香不膩，雞皮爽口而富彈性，配上拔道腩，肉質軟腍而不失嚼勁，味道濃郁。飯粒吸收了雞油的香氣，粒粒分明。胡椒冬瓜湯清甜解膩，胡椒味適中，冬瓜煮得入口即化，帶來一種清新的感覺，為整道菜增添了層次感。芝士蕃茄豬扒焗飯芝士焗飯的香氣撲鼻，芝士拉絲效果一流，份量十足，蕃茄醬酸甜開胃，與豬扒完美結合。豬扒煎得剛好，外層微焦，內裡嫩滑，豬肉的鮮味與芝士的濃郁恰到好處，焗飯底部略帶焦香，為整體口感加分。炸脾•薯仔沙律炸脾酥脆香口，外層炸得金黃，內裡的脾香濃郁，沒有過多油膩感，份量也剛剛好。搭配的薯仔沙律味道清新，薯仔綿密細膩，沙律醬的酸甜平衡得宜，與炸脾形成爽口對比，整體非常和諧。花生醬西多士花生醬西多士絕對是這餐的亮點！外層煎得金黃酥脆，帶著淡淡的奶香，內裡花生醬香濃幼滑，甜而不膩。配上適量的糖漿和牛油，味道更上一層樓，口感豐富，

今日和朋友諗住去中環街市逛街影相，途經附近見到有間新開嘅新式茶餐廳，牆上佈滿了特色漫畫設計，以和尚做主題，十分有趣。法式煎鵝肝爆蔥蘭王蛋壽喜燒汁牛肉丼雖然是茶餐廳但是日午餐絕不馬虎，竟然有鵝肝南蘭王蛋牛肉飯，朋友一見到即刻心思思想試，香煎鵝肝很Juicy，拌埋蛋汁很惹味，壽喜燒汁不會過濃，十分推薦。芝士蕃茄豬扒焗飯另外我們點了店家招牌煲仔焗飯，第一次見到焗豬扒飯以煲仔呈上，一定要打個卡先，煲仔上更有一個好處就係底層有飯焦，正啊！呢個焗豬扒飯用上新鮮蕃茄製成，豬扒好腍，面層鋪滿芝士，整體非常好吃。飲品方面點了熱奶茶和凍檸7。大推平日中環上班一族可以來嘆個靚午，有眾多款式可以選擇，而且價錢在中環區也很相宜。

夜晚諗唔到食乜第二次來食😋又有前菜 蒸蛋 小菜 燉湯 好足料一碗白飯仲有個養生茶食完覺得好滿足今次帶埋屋企人來食我哋仲叫咗一碟炒菜份量都唔少佢都話好好食味道唔錯咁嘅價錢咁多件 都覺得抵食還是一區唔係太多人但係都坐咗一半座位 左右佢呢個晚市Menu每個星期會轉一次裏面有唔同嘅主菜同小食都會轉下唔同今次我哋點咗西檸雞同埋黑毛豬至少啲雞同豬比梳打粉揦得咁犀利咬落去仲有啲質感個燉蛋自己覺得係好香滑應該用咗靚嘅蛋去食同埋裏面有少少雞肉廚師好有心思

中環L. Place開咗呢間新餐廳，餐牌好多選項，下午茶好抵食，所以試吓。餐廳裝修非常之啱晒年輕人，牆上面有好多有趣漫畫，坐得舒服。餐牌好多選擇中西式乜都有，價錢非常抵食，樣樣都想試，所以我哋決定咗叫幾款share食。意外驚喜，佢哋嘅海南雞飯竟然好好食，配埋胡椒冬瓜湯，配油飯。 雞肉嫩滑，搭配香滑油飯，大份又美味。蘭王蛋芝士肉醬煲仔焗意粉，郁肉醬結合，表面覆蓋著融化的芝士，在焗烤下形成金黃色的酥脆表層。蘭皇蛋的加入提升了菜品的細膩口感和營養價值。這道菜既有西餐的精緻又有中餐的溫馨，是一場獨特的味覺盛宴。芝士安格斯牛肉漢堡配美式炸薯角，好厚肉多汁且外皮焦香。薯角炸得甘香脆口。 好大份非常之抵食。主餐可以另外配少少嘅配菜，揀咗德國薯仔沙律，同埋蕃茄通粉。

朋友約我去中環食lunch budget係$100以下但係唔想坐得太迫太辛苦所以特別揀咗呢間新開的銀芽常餐、午餐炒粉麵、焗飯都有最緊要坐得舒服 樓底特別高 更加有空間感一開始唔知道呢個位係茶餐廳 以為係高級餐廳比較似現時流行的Cafe 但係食物更加實在一個常餐已經食得好飽抵食！雞髀撈啖啖肉 配上炒蛋和北海道薯餅比起平時食到啲薯餅，好食太多蔥油撈麵 又好香 整個配搭都係夾加埋先$62真係抵個麵煮得唔錯㗎 蔥油幾香。仲有滑蛋芝士咖喱牛脷焗飯有驚喜 牛脷勁厚肉用砂鍋上可以保溫 仲有芝士特別香想簡簡單單可以食個 水門雞飯含金量好高 雞肉好滑 非常滿意朋友食過大贊 好食過唔少馬來餐廳可能因為口味都改良過更加適合香港人仲有碗胡椒湯都好香 非常暖胃

想不到在中環有咁大咁靚，價錢又咁合理嘅茶餐廳。地點就在中環中心隔離，光猛闊落，食物選擇多。平日行開中環，我都好鍾意食中環名物：孖腸熱狗。打開餐牌發現這間餐廳有此名物時，相當驚喜。🏅中環孖狗（$38）係經典之選，兩條腸仔配香甜醬汁，簡單又滿足。🏅蜜糖芥末雞扒漢堡配薯仔沙律（$48），雞扒香脆，醬汁微甜唔膩。🏅菜遠沙嗲牛河（$70）係意外驚喜，指明「亂兜」，牛肉嫩滑，沙嗲味濃，仲有菇類同菠蘿，層次豐富。🏅芝士咖喱牛舌煲仔焗飯（$72）更係推介之選，牛舌多過飯，厚切又腍，芝士咖喱香味撲鼻。以上全包飲品，特別堆薦UNAR水果茶（+$15），茶底香濃，帶微甜，多款新鮮水果真材實料，口感清新又爽口。

📍銀芽 🔎中環皇后大道中139號The L. Place地舖-----見到中環新開呢間茶記裝修幾別緻，週末過黎食個Lunch。餐牌選擇頗多，價錢比一般茶記高少少，但環境舒適度同用料亦確實更勝一籌。🍽️意式蕃茄黑毛豬通粉配嫩滑炒蛋+煙燻芝士腸+多士+凍鴛鴦黑毛豬豬肉片肉味濃郁，肥瘦適中，而且份量都足，湯底嘅薯仔粉綿粉的，番茄味亦濃。炒蛋帶濃郁牛油味，腸仔無煙燻味，但幾juicy。🍽️拔道腩水門雞油飯配胡椒冬瓜湯+熱港式奶茶加咗$10要雞髀位，肉質非常嫩滑，雞皮同雞肉之間仲保留上湯啫喱，油飯則乾爽帶油香。

經過這間地方 🏡新開張 睇吓個Menu啲食物都好吸引價錢又公道跟住就入去食因為係晚上時間叫咗個中式晚餐有一碟菜我叫了青瓜有蒸蛋 裏面有雞肉 🍗 味道唔錯唔會太鹹 跟住有個燉湯 一飲落去就好足料 好清甜廚師有放雞腳 佢知道雞腳唔好斬腳趾如果唔係出晒啲雞油跟住叫了個紫菜飯再加埋碟沙嗲炒牛肉味道啱啱好 牛肉有口感 沒有「那」到塑膠這樣的仲有杯龍眼肉杞子桂花茶甜甜地同埋好清新杞子龍眼肉飲完夜晚應該好好瞓食完覺得冇味精因為沒有口渴同頭暈和眼瞓的感覺下次會再嚟幫襯

中環新開左間特色茶餐廳, 牆仲有唔同英文對白嘅禪味漫畫邊食邊睇幾有趣家常六品料理 $128見到都多人叫就試下. 一碟有6樣小品, 當中比較欣賞就係個蟲草雞腳龍眼燉湯幾清甜暖胃仲有茶碗蒸, 蛋頗軟嫩.飯加錢轉左紫菜飯, 亦可轉烏冬.養生茶每日不同, 當日嘅紅棗加桂圓嘅微甜滋潤.桂花蜜餞蝦球, 炸皮略厚. 蒸煮醬油牛筋好腍, 近入口即溶鐵板金薯安格斯牛柳粒 $128呢個好食, 牛柳粒仲有牛肉香, 肉質嫩. 仲有一邊都好粉薯仔蒜炒菜心 $68菜都綠油油, 不過就略偏油左d泡菜豚肉鍋烏冬 $118大煲, 湯較清淡. 烏冬唔會太腍, 仲有隻蛋紅豆冰 UNAR 水果茶 +$15呢兩杯特飲都可以餐加錢, 好飲.