甜記餃子

Open Now

Now Closed

成日去食超抵食超正 ！！！最愛食超有特色嘅餃子，位置方便，環境日式裝修，好好一班朋友聚會，蕃茄湯底到晚餐時間有時排隊超多人兩個人好推薦十隻餃子加個1-2個面最抵食

叫咗牛肉同埋羊肉煎餃雙拼，羊肉味唔騷，因為比京蔥啲味完全遮蓋，牛肉超級肥，好似食緊肥膏咁，再加上餃子用咗好多油煎，我覺得唔係叫煎餃，完全係炸餃子，餃子皮上面好多粉，食落去成口都係油同埋粉，從來未食過咁難食嘅餃子，叫咗八隻餃子，食到最後兩隻真係食唔到落去，去到最後要用豆漿沖落口先吞到，兩隻口味都好似，完全唔知食緊邊款餃子，呢一世都唔會再幫襯，列入黑名單，我完全唔知點解會有人排隊，以後就算唔使排隊我都唔會再幫襯

服務：員工友善 處理排隊攞位入客有條理食客自行填個人資料等位 星期五晚上雖然多人但等左唔洗半個鐘到就有位醉雞係雞脾 骨多 肉有點少味淡 只有少少酒味湯餃有雞湯同蕃茄湯簡兩者睇落好水好清簡左雞湯 清水加鹽加少小葱無味 少少雞味都無超失望芫荽豬肉餃還好有芫荽味 不算濃Size比其他店算細但價錢比還好煎餃叫左洋蔥牛肉餃牛肉餡無牛肉味但洋蔥味有 中意洋蔥可一試個皮煎定炸 ？可以油到咁冧 唔脆 食左幾隻就唔想食個皮總括 唔明點解咁多人排隊 完全唔出色

“ 🐑 ” 洋蔥薯仔牛肉餃羊肉味吾太羶 反而洋蔥喺餃子入邊大大塊 而且吾係全熟甜甜地嗰隻 生洋蔥味道比較重 個人口味吾太鍾意生洋蔥所以下次未必會再試哩個味😅“ 🎃 “ 南瓜忌廉雞肉餃南瓜味都吾會太濃 忌廉味重啲“ 🍅 ” 茄湯茄湯都幾鮮甜 一路食餃子嘅時候都忍唔住飲埋啲湯 旺角嘅甜記餃子，相信大家都吾陌生 weekday嘅午飯時間去都要排一陣隊 不過價錢真係非常親民 $50吾洗食到10粒餃子 午餐嚟講已經好飽好夠食 夜晚嚟嘅話仲可以叫多啲小食試下！

終於食到都幾出名既甜記餃子，黎到就即刻叫左煎既粟米芝士雞肉餃同埋韭菜豬肉餃。一上碟既時候見到佢隻隻餃子都好飽滿，望落好正。即刻就試左粟米芝士雞肉餃，一咬落去啲芝士就湧出來，味道十分不錯。試埋韭菜豬肉餃，味道都唔錯，同埋最緊要啲餃子皮好有咬口，唔會太厚又或姐太淋。絕對值得一試。

✨唔錯令人會回訪嘅餃子店✨.天氣凍凍地，唔肚餓又想食有湯嘅食物但又唔想食麵，就去咗好多人推薦嘅甜記試下(*´∀`*)平日接近7點去到大概等咗半小時可入座，旺角店餐廳內環境有啲擠逼，雖然餃子未去到驚豔地步，但整體食物唔錯而且價錢非常相宜，有機會都一定再食❤️.▫️南瓜忌廉雞肉餃 $42（8/10）［8粒配雞湯］最具人氣嘅應該就係呢款，見人人都推薦，食過確實唔錯！餃子皮薄餡多脹卜卜好飽滿，南瓜忌廉雞肉惹味又清甜得黎唔油膩😋雞湯就咁飲都好飲，再配埋佢哋麻辣菜脯真係幾正！個菜脯加好多分呀💓.▫️香芹芫荽豬肉餃 $48（6/10） ［煎餃麵配蕃茄湯］本身係想叫韭菜但我哋唔小心叫錯🙈本身對芫荽冇特別喜好或討厭，雖然煎餃都大大粒，但相對下真係有啲油😿我哋都麻麻地～蕃茄湯底微酸，我哋一致覺得雞湯更好飲，至於米線麵質特別，我哋覺得比較似粗身少少嘅米粉( ˶˙ᵕ˙˶ )（男友唔夠食再叫多個淨米線).▫️豆漿 - 凍/熱唔錯幾好飲，而且有個店員姨姨好細心友善，唔洗講就知我要熱嘅男朋友要凍嘅❤️.❥…高期望下覺得未如傳聞中咁好食，但整體確實唔錯，而且員工好nice，有機會去開旺角又想食餃子一定會再食佢呢♪.如果鍾意我嘅

平時行過經常都見好多人排隊，所以要叫外賣。今日難得見吾洗排隊，就入去堂食，但食完出到黎，又見到人龍了🤣。▫️8隻湯餃$42，可選2隻味▫️湯可選雞湯或蕃茄湯☑️自家製辣菜脯一大樽擺喺枱面任食，菜脯唔會話切到好細粒，所以都幾有咬口，吾會話好辣，但都辣得好過癮。中意嘅可以成樽買返去$38。☑️ 8隻 湯餃 （蕃茄湯）湯底清甜，有d碎蕃茄肉係湯，另外仲有蔥花，同少少薯蓉。☑️香芹芫荽豬肉餃+南瓜忌廉雞肉餃餃子同長沙灣店一樣甘大隻，皮薄餡多，芫荽芹菜2隻配料都濃味，但又兩隻味都食到，正！至於南瓜餃，南瓜蓉做得好幼滑，滿滿南瓜味，而雞肉就令到餃子好有口感，雞味都濃，但呢款餃應該煎嘅會好食啲。

2個人食左一碗10隻蕃茄薯仔湯餃子（西洋菜餃併椰菜冬菇雲耳豬肉餃）、一碗雞湯韮黃雞肉餃米粉同一份醉雞。醉雞 $50醉雞份量合理，有酒味但唔會好濃👍🏽椰菜冬菇雲耳豬肉餃併西洋菜餃（10隻） $46韮黃雞肉餃米粉（5隻） $44餃子好飽滿，菜肉比例剛好，唔會太多肉、實的的。兩個人食左總共$140，整體而言，性價比高，係旺角食午/晚餐既好選擇😋😋

今次係第二次黎，第一次黎旺角店，同上一次去既長沙灣分店一樣都係細細既鋪面，必定要等位既餐廳🍴今次嗌咗三樣嘢，首先係小菜滷水牛展，都幾失望完全無味，感覺就好似牛展係一早分開煮咗，上菜嘅時候先林啲滷水汁上去，完全冇味第二樣係餃子麵，揀咗台灣麵蕃茄湯底，餃子我哋揀咗牛肉餃。蕃茄湯底就好似喺屋企煲嘅蕃茄湯一樣，完全冇落味精，個人就覺得比較淡，所以加咗一啲舖頭入邊嘅辣菜甫作為小小嘅調味🤟少少辣啱啱好但下一次去嘅時候，就唔會食台灣麵，因為覺得台灣麵唔係好吸到啲湯既味道牛肉餃真係好好味，因為第一次去嘅時候冇得揀已經賣晒，所以試唔到，今次食嘅時候覺得眼前一亮點解可以咁好食😭牛肉餡料一定係預先煮過之後再包餃子👍🏻👍🏻大推第三樣就係煎餃，揀咗芝士粟米同埋忌廉南瓜雞肉雙拼。兩隻味都好推介，個人覺得芝士粟米甜甜哋咁樣好好食，而南瓜忌廉入口就好滑，不過南瓜味就唔係好濃郁。覺得煎餃煎得啱啱好超脆肉汁係會爆出嚟🥳🥰絕對會再encore甜記，但就真係唔會再試依度嘅小食😹😹舖頭入邊嘅辣菜甫小食，真係好好食😹😹今次去嘅時候羊肉餃又係賣晒，下次有機會一定要試吓🥳🥳

由covid 開始買過好多次生餃外賣，亦都堂食過幾次，但最近個次外賣真係好唔得。都知道水餃少不免會有肥膏，我平時食到一啲明顯嘅肥膏都會lur 出黎。但今次一路食一路lur, 發覺成隻白菜豬肉餃除左白菜同皮就係肥膏☹️ 真係攪唔掂….雖然話依家食材貴，都唔係一點肉都無卦，希望以後有改善

我個朋友不厭其煩咁樣同我講甜記餃子世一我話有冇咁誇張？ 始終我都係對餃子有要求嘅人。好啦咁結果嗰日就同佢去食一次去到嘅時候已經知道要等位 等咗大約20分鐘到終於可以坐低食餃子 叫左個粟米芝士餃子，餃子皮薄餡靚 而且粟米同芝士融合得好好 非常好食。 另外仲叫咗一個香葉豆角豬肉餃，佢有種唔知泰國定越南嘅香草味 有令人煥然一新嘅感覺😋最估唔到嘅係佢湯底，可以選擇蕃茄薯仔湯對比出面地方其他餃子店只會比清湯/味精湯你呢間舖頭嘅湯係可以完全飲晒 而且冇乜頸渴嘅感覺👍🏼👍🏼地理 8/10裝修 8/10味道 9/10服務 7/10

🍄🐷椰菜冬菇雲耳豬肉餃 + 🎃🐥南瓜忌廉雞肉餃(10隻) 湯餃(雞湯) $46🐥韭黃雞肉餃 (5隻)🍜煎餃子麵(蕃茄薯仔湯) $48之前食過兩三次甜記，覺得啲人對佢既comment太高，有啲名過其實🤔今日經過又再去試下😋可能因為之前既印象唔算特別好，反而今次覺得有驚喜😱甜記既餃子唔算大隻，餃子既形狀係比較圓碌碌，但餡料非常飽滿🤤每一啖都好滿足😍個人覺得無論湯餃定煎餃都咁好食，如果情侶一齊去就建議每人叫一款😘特別要提下佢地既煎餃煎得好靚，外面煎到好香脆，裏面又非常juicy😝我自己覺得三款入面椰菜餃🍄🐷最好食，雲耳爽口、椰菜冬菇又甜。但女朋友就覺得南瓜餃🎃🐥最好食，忌廉南瓜茸又香又甜，係比較特別既口味😝但總結三款都好好食，唯一扣分位係個湯欠左啲誠意🤕特別係雞湯淨係飲到鹹味🤧Menu有咁多款餃子，要食好幾次先試得晒🤤

太太之前係旺角返工，會經常幫襯甜記，堂食又有，外買生餃亦有，我亦因此接觸甜記的餃子，覺得餃子比其他水餃店味道更好。話說今日經旺角做野，午飯時間幫襯，亦係我第一次到甜記堂食。係門外等左2分鐘，午飯時間黎講算係好快。入到去坐低，用QR code叫左個莞茜豬肉湯餃x5+米線+熱洛神花茶。好快就送上左杯洛水花茶，味道略嫌偏甜，尚算ok既。等左接近20分鐘，坐我身邊既人都上曬菜食緊，唯獨我碗米線仲未到，於事我叫了一位女服務員跟一跟單，前後有2位女服務員望一望我張單，再走入廚房望個究竟，然後其中一位女服務員同我講唔好意思話廚房攪錯左，整左煎餃（我係叫湯餃），問我會唔會轉，我一口拒絕並且叫佢要快（午飯時間係旺角，得1個鐘頭放飯時間唔快唔得）。她說要再等7分鐘，好，我忍，最後前後由落單到上菜已經差唔多25分鐘。事情未完，上左米線，開始食，食左第1粒水餃，味道一般，同平時唔一樣，食第2隻，有d唔對路，咬開，發現唔係莞茜，再望真d,，係豆角，我本人係比較討厭的。呢個時候，我塊面已經黑過墨豆，於是，又叫了同一位女服務員，同佢講：「我叫莞茜餃wo。」今次佢好快另上左5隻莞茜餃俾我（應該係用左其他人既單所以唔駛

縱然分店多左，但每次食都依然要排隊嘅餃子店。門外自行登記排隊：寫上稱呼、電話頭3個數字同入座人數。對於我個人黎講，我麻麻地呢個叫號方式😅因為我個人唔係好alert到係咪叫到自己🫣所以每次有staff出黎叫number我都好緊張，心很累😝麻辣牛腱絲夠辣但唔算麻，香味濃，開胃一流😋【湯餃】湯底揀左蕃茄湯，有淡淡蕃茄味，附有幾粒仔蕃茄肉同薯仔。韭菜豬肉餃- 韭菜足料；豬肉有肥有瘦，口感豐富，但無咩豬肉味。韭黃雞肉餃- 韭黃鮮甜，配雞肉甜甜的，都幾驚艷😙【煎餃】似日式煎餃咁，主要得一邊煎得比較香口，餃皮唔會脆。粟米芝士雞肉餃- 粟米甜、芝士香，唔怕辣口嘅上檯後盡快食仲有拉絲添😆洋蔥薯仔牛肉餃- 好香口，唔會咸🧡

本身見到咁多好評,對呢間嘅餃子都抱有頗高嘅期望。叫左四種餃子,兩煎兩湯,分別係洋蔥薯仔牛肉、白菜豬肉、芝士粟米雞肉同京蔥羊肉可以好肯定同大家講,除咗芝士粟米雞肉另外三個都好伏洋蔥薯仔牛肉食唔到薯仔食唔到牛肉,啖啖都係洋蔥白菜豬肉冇味,白菜味亦都太重,導致豬肉略嫌冇味京蔥羊肉係伏中之伏,油膱味勁重,仲好油,好難食餐廳嘅環境中上,人好多(雖然真係唔明點解)用電話落單都算方便,但食物質素就真係不敢恭維,我本身唔係啲專業食家,但真係好失望。