Times Coffee

Open Now

Now Closed

🥰仲記得觀塘以前有間台式懷舊店叫「小時光」～朋友話而家變咗做一間新派西餐廳，今日放假最後一日，同老細嚟食個tea～行到去門口就記得啦！！🤩不過入面嘅陳設已經唔同曬，雖然都仲係一啲學校嘅書枱，但係佈置比較清雅，有啲似coffee shop～一坐低店員就話有個新menu聽日出街，如果有興趣今日可以畀我試下～🥩巴馬火腿水牛芝士沙律套餐，仲可以跟杯嘢飲～parma ham絕對童叟無欺～大大片有成四片！🥰👍🏻水牛芝士好香奶味，最鍾意佢嘅質感！點解話佢係新派菜？因為沙律除咗有沙律菜之外，竟然仲有中華沙律（海藻）同日本大根（壽司入面黃色嗰隻呢），兩樣嘢配埋parma ham嚟食啱啱好～酸酸甜甜中和到火腿嘅鹹香！🍤海鮮大爆炸：基本上係happy hour必備嘅炸物拼盤，入面有炸蝦、炸蟹鉗、炸生蠔、炸魷魚條、炸軟殼蟹同炸魚柳～全部火喉都控制得好好，脆漿唔會太厚，亦都唔會好油膩～炸蝦係MVP，油温控制得好，真係炸到啱啱好！🍹紅柚乳酸梳打：食炸嘢梗係飲酸酸甜甜嘢啦～佢嘅柚子味幾香，加埋乳酸同梳打，成個人清新曬！☕宇治抹茶鮮奶：有拉花就一定㗎啦～估唔到個茶底都幾香，配上甜甜嘅鮮奶，感覺好潤喉！呢度靜靜地，環境

依家餐廳book mark咗好耐之前有睇電視台都有介紹以校園風為主好多好靚嘅打卡位青春嘅感覺返曬嚟即刻覺得自己後生咗10年做嘢辛苦嗌個二人套餐食得豐富啲獎勵下自己鳳尾蝦雜果沙律：蝦大大隻 ，夠彈牙火箭菜新鮮台式小食拼盤：完全係邪惡嘅表表者每樣小食炸得好好食外脆內軟有甜有鹹青醬帆立貝蝦肉燉飯：帆立貝大大隻燉飯唔會太硬好食鹹蛋黃格羅燒蟹肉意粉：離遠影相已經聞到陣陣嘅好香嘅蟹肉味流曬口水每條意粉都掛汁加上有鹹蛋黃粒增加層次好出色抹茶雪糕豆花豆漿：打卡一落豆花好滑抹茶味都好出唔甜好飲茉香綠茶：飲落去清香綠茶解膩雖然樓面只有一位員工仲要做埋水吧但係佢依然好有禮貌而且餐廳食物味道好食而家餐飲業難做希望大家都可以多多支持

觀塘工業區以校園課室主題cafe，餐廳內營造校園環境，牆上掛上黑板，有儲物櫃，木櫃桶枱，好像回到讀書時的課室，讓人重拾學生時代的回憶，有意思的主題cafe。 黑松露雜菌意粉 🍝遠遠已聞到陣陣黑松露的香氣，濃郁芝士與忌廉汁，黑松露加埋雜菌結合🍄‍🟫，充滿層次感，每一啖好豊富同濃郁，好creamy好味道。😋 宇治抹茶鮮奶 🍵不單止拉花❄️賣相好睇，入口亦抹茶高質香濃。 芋心地瓜球 🧆地瓜球炸得香脆，咬落去好煙韌，入面紫薯滿滿，味道甜甜地，充滿台灣街頭小食既感覺。 📍Times Coffee 觀塘興業街18號美興工業大廈A座1樓C1

最近發現一間藏身喺工廈嘅特色Cafe，叫Times Coffee，成間舖裝修有種懷舊學校feel，啱晒同朋友嚟打卡、傾偈hea住食餐，氣氛輕鬆自在。🍚牛肋條芝士燉飯 $128一上枱就聞到香味，面頭仲有芝士醬鋪面，份量唔細，夠晒誠意。牛肋條炆得好入味，輕輕一咬就散，完全唔鞋口。🍔他他醬炸魚柳漢堡配薯條沙律菜 $98成個漢堡用料新鮮，魚柳炸得外脆內嫩，佢嘅他他醬夠晒惹味，酸酸地開胃。麵包鬆軟，整體平衡度高。配菜方面係粗身炸薯條，咬落更有咬口，加埋一小份沙律菜，感覺唔會太heavy。🦑天婦羅海苔魷魚鬚 $68外層炸得酥脆但又唔油膩，調味適中，鹹香夠味之餘仲保留到魷魚本身嘅味道，咬落仲帶少少汁水。雖然係工廈入面，但平日夜晚都幾旺場，幾乎坐滿！如果你鍾意輕鬆chill住食餐，或者想搵個打卡點，可以bookmark呢間！

回到過去🫢🤫觀塘係個充滿我經歷嘅地方，加上班房佈置，回憶返哂黎😆Cafe四處都係班房打卡位😏🔹炸雞扒Burger雞扒大大塊，夠厚又爆汁，配酸辣醬好惹味。🔹煙三文魚牛油果沙律天氣悶熱，想食refreshing嘢，煙三文魚、牛油果份量多，驚喜位係配中華沙律，又係回憶殺🤫🔹抹茶紅豆芭菲雪糕係濃濃抹茶味，充滿奶香，配幼滑紅豆蓉、抹茶蕨餅、脆脆，非常滿足。🔹紅柚冰茶🔹桂花白桃冰茶飲品味道清新、開胃，岩哂夏天飲🫶🏻☀️

凍冰冰殺入工廈搵食，撞正間玩校園回憶殺嘅Times Coffee！木枱櫈、黑板壁報仲有吊扇，成個中學課室咁款。最過癮係櫃桶塞滿「同學簿」，等上菜時揭開睇晒啲街坊心事，自己加兩筆鬼畫符都幾過癮～✨鹽酥雞南瓜燉飯 $88抵食夾大件！南瓜蓉撈飯夠creamy，炸雞即叫即炸脆卜卜，咬落仲噴肉汁✨脆殼蟹肉燥飯 $158原隻軟殼蟹炸到金黃拱起，蟹膏漏油撈埋台滷肉燥，邪惡到想舔碟凍到騰騰震嗌兩杯薑飲暖身，桂花黑糖薑蜜甜辣平衡，飲完成個胃暖笠笠。薑啡就夠哂癲，鮮奶撞埋薑汁再shot個expresso，飲完成個背脊出晒汗～坐低聽住懷舊歌，揭下人哋手寫日記，hea足個幾鐘都冇人催你埋單，呢啲先係真正嘅「偷閒食堂」嘛！

之前都有嚟呢間 Cafe食過，覺得味道一般。咁啱今日經過官塘，女朋友話想搵個地方坐耐小小又唔想食太貴，於是就光顧多次。點知今次有啲驚喜，叫咗個黑蒜鮑魚意粉，個味夠濃，好適合我🤩女朋友話佢嗰個南瓜燉飯嘅羽衣甘藍係炸嘅好特別😂配落個飯度成件事好match好有口感🥰衣家好多 Cafe都有收加一，所以 Times嘅價位算好合理之後同店員傾計先知原來轉咗廚師，相信Keep住呢個水準一定大把回頭客!下次會嚟試埋甜品!

走進這間餐廳就彷彿回到了學生時代，四周的裝飾充滿了懷舊的學校風格。牆上掛著舊式黑板，餐牌用上練習簿，令人回想起那些年在學校的快樂時光。這裡的午市套餐選擇多樣，每位顧客還可以享用免費的熱咖啡或茶，或者以半價選擇其它飲品。ღ 煙三文魚牛油果沙律＄98清新的煙三文魚搭配香濃的牛油果，健康又美味ღ 他他醬炸魚柳漢堡配薯條、沙律菜＄108外脆內嫩的魚柳搭配香脆薯條和沙律菜，簡直是完美的組合。ღ藍莓乳酸梳打 $21藍莓的酸甜味道讓人心情愉悅，清新可口ღ荔枝玫瑰冰茶 $20冰茶的清涼感配搭荔枝的香甜，再加上陣陣玫瑰香氣，清甜又清新

冬蔭功龍蝦汁蜆肉意粉 $128醬汁以冬蔭功嘅酸辣同龍蝦汁嘅鮮甜混搭，食落去好開胃，微微辛微中帶點香料味道，層次豐富，另外蜆肉幾多，意粉煮得啱啱好，唔會太軟，吸晒啲醬汁好 juicy原條鰻魚南瓜燉飯 $128用上原條鰻魚，厚肉又無骨，食落好方便，南瓜嘅甜味滲入飯中，入口creamy，軟硬適中，飯入面仲混入少少菇菌，食落幾有層次青桔仔氣泡特飲 $21呢杯飲品好清新，青桔仔酸酸地同氣泡水嘅爽口感好夾，飲落醒神，味道唔會太甜，好開胃Espresso tonic $24Espresso 香味濃郁，tonic 水清爽，飲完好醒神，味道同口感都幾好

⻝之前好有期待，因為餐廳嘅裝修都幾靚，見到網上亦都好多好評🤓試過就知味道~果然係唔錯😋難怪平⽇晚上都咁多⼈幫襯啦～冬陰功⿓蝦汁意粉係超！級！好！⻝！其他餐廳冇試過呢個配搭🤩好新鮮嘅組合⽽且好⾜料，加⼊咗⼤量嘅蜆⾁同菇👍⿊松露薯條新鮮熱辣炸起，重點係醬汁唔夠仲可以refill😎薄荷朱古⼒飲品賣相可愛⼜好飲，有好⼤球薄荷朱古⼒雪糕，薄荷之友大愛💞焦糖脆餅⽑⼱卷偏甜，好的骰🙈叫甜品都係為咗加⽣⽇牌for慶祝🍾餐廳喺賣相同埋餐具上⾯都好有⼼思🥰最緊要係味道都好好😌最後要多謝職員幫⼿⽐朋友⽣⽇驚喜，侍應嘅態度都⾮常友善同有禮貌🫶🫶❣️推介菜式: 雙重薄荷朱古⼒，冬陰功⿓蝦汁蜆⾁意粉❣️Joyfoodstop心動值：💓💓💓💓/5Times Coffee(香港)地址: 香港觀塘興業街18號美興工業大廈A座1樓C1室電話: +852 53653963

Found a treasure trove of Taiwanese flavors in an industrial building! Times Coffee’s "Taiwanese Snack Platter" is a savior for indecisive foodies 🌟 Crispy golden sweet potato fries vs. sinful popcorn chicken, paired with bouncy Taiwanese sausages and chewy tempura fish cakes—but the star is the molten lava sweet potato balls bursting with gooey goodness! Every bite teleports you to a Taipei night market. Pro tip: Camera eats first—this platter is peak IG aesthetic 📸 Dessert lovers, don’t miss t

呢間係以課室為主題嘅cafe，裡面佈滿住各種懷舊嘅校園小細節，例如喺課室嘅舊式枱凳用餐、好嘈嘅塑膠雞掛飾、唔同嘅動漫人物擺設同玩具。佈置用心又打卡able～✨◎冬陰功龍蝦汁蜆肉意粉 （$148）用冬陰功嚟做意粉嘅基礎好特別，色澤豐富吸睛，有好多菇菌、車厘茄同菠蘿作配襯，帶出東南亞風情。冬陰功龍蝦汁嘅微酸令意粉食落清新同開胃，蜆肉為意粉添加咗鮮味。◎抹茶紅豆冰 （$118）抹茶味濃郁唔死甜，配合埋紅豆嘅甜香好夾。冰品質地細膩，冰涼消暑，建議配埋忌廉一齊食口感更順滑。一大球抹茶味雪糕份量十足，旁邊仲有抹茶味蕨餅，口感有彈性。◎荔枝玫瑰冰茶 （$20）點主食可以半價加配飲品，茶味清淡冰涼。Times Coffee 📍 觀塘興業街16-18號美興工業大廈A座1樓C1室🚇 港鐵觀塘站B2出口，步行約7分鐘

入到餐廳，我呢個社會人好似重返校園咁呀！睇得小廢片穿越劇多，打工仔做到身心俱疲，都係為兩餐。同朋友嚟到呢間餐廳，除咗可以舒服傾吓心事，都會諗起以前校園嘅點滴。Menu都好色彩豐富呀！點咗餐廳嘅主打菜式！：🦞冬陰功龍蝦汁蜆肉意粉意粉熱辣辣，拉起嚟冒煙，都要傾番一陣偈先再食，而且都多汁夠味！🍝黑松露雜菌意粉味道濃厚，雜菌都唔錯，食落都係高質水準，感覺好味🤤🍧焦糖燉蛋刨冰賣相好想影低！整道甜品嘅設計，令我諗起雖然生活係辛苦，但苦中作樂一點甜，食品甜度岩岩好。🧡菜式：🦞冬陰功龍蝦汁蜆肉意粉🍝黑松露雜菌意粉🍧焦糖燉蛋刨冰仲有排排坐打卡位，創新嘅懷舊設計，感覺好有特色！打埋卡先走啦！

係觀塘返⼯諗住放左⼯搵食咩⾏過周圍都食過晒咁岩去到美興街⾒到好⼤個照牌燈上去，睇下原來呢間cafe係呢個位置。唔講唔知原來個menus咁⼤，好多野都想食， 同朋友就叫左1個 ⼆⼈套餐滿⾜下！推介菜式: #鰻⿂南瓜飯⼀落單好快就上左野食，頭盤有⼿律同⼩食個沙律好fresh落左柚醋汁酸酸甜甜幾開胃⽽且份量都唔少。跟住⼩食有#芋芯地瓜球裏⾯好多芋泥煙煙韌韌嘅，有⼝感再加埋兩條#⼤⼤台灣腸同埋佢哋跟餐仲要送兩杯嘢⼜係free既主食就叫咗#⿊松露意粉 同埋 #鰻⿂南瓜飯 ⿊松露意粉正常發揮啦同出邊⼀般Cafe嘅⽔平差唔多，但我鍾意呢個多啲，佢有好多菇喺度同埋松露香氣非常之⾜！食得出佢⽤料係比較⾼級啲👍🏻👍🏻👍🏻鰻⿂南瓜飯南瓜味好重！如果唔鍾意甜食朋友呢個可能未必啱你，但係鰻⿂既汁鹹鹹地煮埋落南瓜度甜甜地估唔到有幾夾👍🏻👍🏻👍🏻 ⾯頭嗰d野綠⾊開頭以為係啲裝飾，後尾發現原來係中華沙律😍基本上好多裝飾出邊餐廳都有，但係唔可以食。佢呢做得幾好⼜打卡⼜好食！食完兩個主食之後其實都好飽。原來最尾仲有個甜品！因為我哋揀咗#抹茶紅⾖芭菲！開頭以為係⼀個⼤家share原來佢有兩個實在太滿⾜👍🏻👍🏻👍🏻幾百蚊係c

估唔到觀塘工廈入面竟然有間「課室cafe」，觀塘社蓄們又有新飯堂喇～🍽️一推門就見到好多學生時代嘅木製枱，牆上嘅黑板用粉筆字寫住唔同數學formula📖氛圍感十足之餘，仲回憶滿滿我地叫左兩個Lunch Set同一個甜品；Lunch Set包左沙律+小食+飲品，性格比唔錯🌟經典全日早餐全日早餐分量十足又飽肚👍🏻有齊太陽蛋、司華力腸、煙三文魚、煙肉、薯餅、蘑菇、焦糖香蕉、沙律菜🥗焦糖香蕉係神來之筆，面頭嘅脆糖片同軟糯蕉肉，非常搭配🍌蘑菇加入辣汁炒香，惹味至極🍄‍🟫🌟牛肋條芝士燉飯牛肋條煮到淋身唔黐牙，牛味濃郁🥩燉飯米芯保留Al dente口感，夠creamy又掛汁每啖都黐住拉絲芝士🧀罪惡感？食完先算啦！🌟黑松露薯條粗身波浪薯條炸到金黃脆身，脆得嚟唔油🍟加上黑松露嘅香味，真係食到停唔到🌟芋心地瓜球外皮炸到金黃脆卜卜，咬落去地瓜蓉軟綿甜度剛剛好，地瓜香氣十足🌟薄荷朱古力Oreo毛巾卷食到飽飽都唔可以錯過個甜品！🍰💚黑色班戟皮捲住冰涼薄荷cream同Oreo碎朱古力味濃得嚟帶陣涼浸浸，甜度控制得宜🍫所有食物新鮮、熱辣辣、即叫即整，所以需時至少25分鐘餐廳裝修充滿小心思， 大家去食時不妨留意下🫶🏻🫶