Video
7-min walk from Exit B2, Kwun Tong MTR Station
continue reading
Telephone
53653963
Introduction
It features a school-themed ambiance and specializes in Western-Taiwanese fusion dishes like soft shell crab with Taiwanese braised pork rice. Excellent value lunch sets are available. You can wear a school uniform to enhance the dining experience.
continue reading
Opening Hours
Today
11:30 - 22:00
Mon - Sun
11:30 - 22:00
Above information is for reference only. Please check details with the restaurant.
About Reward Scheme
🥰仲記得觀塘以前有間台式懷舊店叫「小時光」～朋友話而家變咗做一間新派西餐廳，今日放假最後一日，同老細嚟食個tea～行到去門口就記得啦！！🤩不過入面嘅陳設已經唔同曬，雖然都仲係一啲學校嘅書枱，但係佈置比較清雅，有啲似coffee shop～一坐低店員就話有個新menu聽日出街，如果有興趣今日可以畀我試下～🥩巴馬火腿水牛芝士沙律套餐，仲可以跟杯嘢飲～parma ham絕對童叟無欺～大大片有成四片！🥰👍🏻水牛芝士好香奶味，最鍾意佢嘅質感！點解話佢係新派菜？因為沙律除咗有沙律菜之外，竟然仲有中華沙律（海藻）同日本大根（壽司入面黃色嗰隻呢），兩樣嘢配埋parma ham嚟食啱啱好～酸酸甜甜中和到火腿嘅鹹香！🍤海鮮大爆炸：基本上係happy hour必備嘅炸物拼盤，入面有炸蝦、炸蟹鉗、炸生蠔、炸魷魚條、炸軟殼蟹同炸魚柳～全部火喉都控制得好好，脆漿唔會太厚，亦都唔會好油膩～炸蝦係MVP，油温控制得好，真係炸到啱啱好！🍹紅柚乳酸梳打：食炸嘢梗係飲酸酸甜甜嘢啦～佢嘅柚子味幾香，加埋乳酸同梳打，成個人清新曬！☕宇治抹茶鮮奶：有拉花就一定㗎啦～估唔到個茶底都幾香，配上甜甜嘅鮮奶，感覺好潤喉！呢度靜靜地，環境舒適，最啱三五知己走嚟hea一個下晝～爽！！
continue reading
觀塘呢間復古校園主題嘅台式fusionCafe真係勾起晒中學回憶！木枱木凳、黑板、鐵櫃，連Menu都係筆記簿造型，仲要食物質素超班，個刨冰仲要正過出名嗰間Shxxx Shxxx！ ✨ 二人套餐 ($328) (另包沙律、小食和飲品)✅ Bagel全日早餐- Bagel外脆內煙韌，咬落有口感 - 煙三文魚+牛油果份量大方，擺盤靚到唔捨得食 ✅ 蒜香蜆肉意粉- 蜆肉多到跌出嚟，鮮甜冇沙 - 蒜香夠晒味又唔油膩 - 意粉硬度煮得剛剛好 🍧 MVP開心果刨冰- 份量巨大，足夠2-3人share - 開心果味濃郁又唔甜膩，仲附送多杯醬自己加，唔會食到一半就冇晒味- 驚喜位：冰內藏有餅碎同牛奶布丁，口感層次爆燈 - 刨冰控認證❤️🔥：真係好食過Shxxx Shxxx！ 🎓 環境體驗- 真·學校木枱凳，坐低即刻變中學生 - 黑板牆+鐵櫃超好打卡 📌 「食物+環境+回憶」三重享受！快啲約埋身邊嘅開心果控同刨冰愛好者 ，一齊嚟懷緬吓校園嘅美好時光🤍 抵食指數：🌕🌕🌕🌗🌑好味指數：🌕🌕🌕🌕🌑
continue reading
今⽇專程嚟到觀塘呢間課室Cafe⻝嘢，呢度嘅裝修真係好特別好靚！我哋晏晝嚟到仲有太陽光成個感覺係⾮常之chill，重點係嘢⻝都唔錯。我哋叫咗⼆⼈套餐跟餐送嘅沙律同⼩⻝⼀啲都唔⾺⻁ 地⽠球外⽪煙靭⼊⾯有芋泥，沙律菜都係⾮常之新鮮嘅。主⻝我哋揀咗煙三⽂⿂南⽠燉飯，南⽠味⽐出邊⻝過嘅濃郁，賣相⼜好睇。炸⽻⾐⽢藍同腰果加埋南⽠燉飯⻝落去好夾，有唔同⼝感。另外仲揀咗⿓蝦汁⻑通粉，⼊⾯有蝦同蜆⾁，好欣賞佢嘅⻑通粉係⾮常之掛汁，⻝落去淡淡都有⿓蝦味。我會為咗呢個意粉再嚟。另外套餐仲包咗甜品，係有兩杯抹茶雪糕嘅，⽤咗可愛嘅杯裝住。味道正常發揮。咁多嘅嘢⻝，最後埋單每⼈唔使$200，雖然佢哋冇收+1服務費，但係店員嘅態度都好友善
continue reading
作為土生土長嘅觀塘人，今日要同大家分享我嘅私藏組合——掃完駱駝漆大廈嘅平靚正貨，一定要去隔離街嘅Times Coffee回血！呢間隱藏喺工廈區嘅文青Cafe，絕對係區內性價比之王，人均$100唔單止食到高質漢堡，仲可以瘋狂打卡㗎！ 📚 課室主題Cafe 食物賣相滿分一推開Times Coffee嘅木門就驚喜到嘩一聲！黑板牆寫滿粉筆字、原木枱凳配復古吊燈，成間Cafe將校園風玩到極致～最正係佢哋連餐牌都設計成筆記簿，食物上枱仲要擺盤精緻，我次次帶朋友嚟，未食嘢已經相機食先半個鐘！特別推薦窗邊嘅四人卡位，自然光線影相零死角，仲有BB凳提供，啱晒我哋呢班湊住小朋友都要chill下嘅媽咪黨。 🍔 大份量美食 小朋友都搶住食必試招牌「安格斯牛肉芝士漢堡」，成個burger疊到成座山咁高！厚切牛肉juicy到咬落爆肉汁，雖然酸瓜對我嚟講稍為搶味，不得不提係佢哋堆到瀉嘅脆薯條，兩個小魔怪爭住蘸茄汁食到停唔到口～「芝麻雞翼」更加係隱藏MVP，外皮炸到金黃脆身，淋滿自家製香甜芝麻醬，凍咗都唔會油膩，每次都要encore多份！ 💰 人均$100 掃貨後充電首選四個大人叫齊漢堡、小食同特飲，埋單$406仲平過連鎖餐廳！特別欣賞佢哋嘅服務，試過同姨媽團拖住十幾個購物袋衝入去，店員即刻幫手併枱仲主動拎水畀小朋友，真係掃貨掃到腳軟時嘅救星～ 🌟觀塘人貼士有時候OpenRice仲會有套餐特價優惠，真係唔好錯過！建議星期六下晝過嚟，避開晒貨車人潮！行完駱駝漆再衝過嚟Times Coffee抖氣——呢個先係觀塘人嘅週末儀式感！
continue reading
✩✯二人套餐（全日供應）($328)✯✩內容：前菜蔬菜沙律小食：甜不辣 & 地瓜球 主食：櫻花蝦蝦肉明太子意粉(+$40) & BBQ手撕雞漢堡 甜品：士多啤梨芭菲(+$10)飲品茉香綠茶 & 荔枝玫瑰冰茶(+$24)性價比:🤑🤑🤑好味道:🤤🤤應9衝:🏃♀️🏃🏼♀️ℹ️👩🏼🏫 今次我地黎到位於觀塘嘅一間樓上cafe~~ 呢度裝修好特別，校園風嘅佈置，用嘅檯檯凳凳都係以前中小學番學坐果D，舖頭入面仲有好多唔同嘅動漫收藏，火影one piece 龍珠pokemon都有，D童年回憶真係望到都番哂黎。另外，舖頭仲掛滿左波波燈同雲朵嘅裝飾，一望上去都幾夢幻✨約埋D舊同學係度聚餐吹下水都唔錯~ 尤其勁啱啲𡃁仔帶妹豬拍拖黎撐枱腳，實撘哂糖🤣🤣🤣今次我地就叫左一個二人set，諗住可以試多啲菜式😌$328起(有D要另外補錢先叫得)，包一份沙律，一份小食，2主食、甜品同飲品就各兩份，性價比都唔錯~~同埋要讚一讚呢度啲野食都係即叫即整，溫度好夠熱🔥同埋菜式都係一道道上，食到好舒服，唔會趕你走咁👍🏻沙律: 時令蔬菜沙律🥗時令蔬菜可能會有更改，但我地今次就食到沙律生菜🥬、蕃茄仔🍅、青瓜🥒，仲有D蟹籽舖面咁，蔬菜幾新鮮，味道正正常常都幾清新。小食: #甜不辣+#地瓜球 (芋泥波波?)唔知佢係咪比錯左定係真係呢度嘅地瓜球係咁，我地食果陣係芋泥波波😂。不過值得一讚嘅係兩份小食黎到嘅時候都係熱辣辣，雖然芋泥波波味道唔算好特別，好似係放題食到果啲👀，但炸野熱辣辣咁食會加分✨同出面個炸皮都幾脆，入面個餡甜得黎又唔會太膩~至於甜不辣呢，上面灑左一D七味粉，原塊上無切開嘅，煙韌度適中，中意食甜不辣嘅朋友都唔會失望👌🏻主食: #櫻花蝦蝦肉#明太子意粉 (+$40)個意粉份量都唔俾得大方，明太子醬汁包住每條意粉，但食落去味道偏淡，但都有食到淡淡嘅明太子香同辛辣🌶️，意粉質地都唔錯，幾Al dente，冇煮過火。同埋配料幾出色，櫻花蝦落足料，酥脆嘅櫻花蝦增加左意粉嘅口感，仲有4舊都幾大隻嘅蝦肉🦐，仲要幾爽口彈牙添。主食：#BBQ手撕雞漢堡黎到嘅時候發現都幾大份，仲有配搭埋沙律同薯條。沙律同前菜果個差唔多，薯條係粗薯條，有D似Mos Burger果種，我覺得佢炸得未夠，所以唔算好脆，但勝在夠熱。Burger嘅配料就有，煎蛋、生菜、手撕雞肉仲有煙肉，麵包黎講都算幾軟熟，同成個包食落唔乾。BBQ手撕雞雞肉🍗肉質幾嫩，BBQ醬嘅味道都有，不過份量唔算好多。所以成個食味道唔突出。反而最驚喜係個煙肉，煙肉味道好濃，但又唔會好似其他煙肉咁柴到咬唔開。總體黎講，個burger呢個價錢黎講係幾好食嘅。甜品：#士多啤梨芭菲，仲包左2杯野飲，#荔枝玫瑰冰茶 加hkd24可以唔洗嗌👀味道超級淡。但成餐食落都幾滿足。兩個人最後Total 都係食左400蚊左右，仲唔洗加一，可以打下卡吹下水，食物質素又唔差，仲要份量夠，食物吸塵機都食得飽😆性價比都幾好，可以一試!———————————————————————————💰人均: HKD200
continue reading