The Point - Pizza & Pasta (The ONE)

Open Now

Now Closed

最近勁忙 難得一日約到朋友食飯😵‍💫好彩佢識揀 揀咗尖沙咀The Point 質素唔錯 可以輕鬆開心咁食餐好🍴Lunch set有湯/主菜/飲品 人均只係百幾蚊👍🏻當日餐湯蕃茄湯 味道夠香濃ꕥ 意大利風乾火腿夏威夷披薩 個人偏好有菠蘿嘅pizza🍍而且呢度係用原片菠蘿再加焦糖去烤焗 賣相特別靚 甜甜酸酸嘅味道亦都可以中和ham嘅醎味 兩種味道互相輝映ꕥ 黑松露芝士焗通粉 用鑊仔裝住keep到個溫度🥘面頭芝士溶化有拉絲效果 黑松露味相當香 通粉係比較粗大嘅形狀 所以都好有口感隨餐附送飲品 我哋揀咗咖啡 另外都加咗錢要cappuccino同mocha 都很對味呢☕️ꕥ 香蒜辣椒白酒煮大蜆 另外單點嘅小食 蜆好大隻 又乾淨 調味微微帶辣🌶️個汁則十分清甜 食唔停口

放假約咗朋友去尖沙咀lunch，揀咗The One嘅The Point。環境開揚寬敞，夠空間感喺度邊食飯邊傾偈都幾chill~😎叫咗兩個lunch set同埋一個小食，下午有餐都幾抵食👍🏻香蒜辣椒白酒煮大蜆，份量都幾多，隻隻蜆都大大隻，啖啖肉好爽！除咗蒜蓉，辣椒，仲有蕃茄，甜甜酸酸辣辣，夠晒惹味！意大利風乾火腿夏威夷 Pizza，批底做得好好，鬆軟得來帶有煙靭口感，唔會乾噌噌🍕配料一啲都唔吝嗇，原片大菠蘿加大大片風乾火腿，每一啖都食到配料，味道有層次~而黑松露芝士焗通粉，通粉係粗管粉，有咬口，醬汁夠Creamy，拌勻後香氣十足，而且大大碟，share食啱晒！Lunch set有餐湯，蕃茄湯味道唔錯，酸酸哋幾開胃🍅飲品送咖啡或菜，我哋就加咗錢要特色咖啡☕️

這間位於尖沙咀的西餐廳，主打🍕即叫即整Pizza。餐廳環境寬敞舒適，好適合情侶約會、多人聚餐。餐廳更有二人餐供應，價錢合理。甜品更可加字，可以同朋友一齊慶祝生日，絕對是慶生好去處🎉.🍽️Dinner Set $398.🔸是日餐湯蘑菇湯好足料，用上大量蘑菇煮成，味道香濃，口感綿滑。.🔹BBQ烤雞披薩9"招牌Pizza有多款口味選擇，而且即叫即整，選用意大利"00”麵粉製作麵糰，再經多於24小時發酵，用火山石窯以高溫烤焗，所以口感特別鬆脆又煙韌。嫩滑雞肉，配上香菇、焦糖洋蔥，再加人BBQ醬，口感和味道層次豐富。.🔸四色芝士焗通粉通粉煮得剛剛好，口感彈牙，每粒都沾滿香濃的四色芝士，味道惹味。.🔹雲呢拿焦糖燉蛋 +$38焦糖燉蛋口感細滑，充滿蛋香、雲呢拿香，再加上焦糖面層，香脆和軟滑口感互相配合。.🔸士多啤梨乳酪意大利奶凍 +$38意大利奶凍口感順滑，加入士多啤梨乳酪，味道酸甜開胃。.🔹Strawberry Ice Tea +$29🔸Lychee Ice Tea +$29兩杯果茶都果香濃郁，配上甘香茶味，美味又解膩。

同朋友喺The One隨便搵咗一間餐廳入去， order咗四色芝士pizza同埋牛面頰意粉。四色芝士pizza好出色，好香芝士味，雖然有藍芝士但係都好易入口。牛面頰意粉雖然價錢貴少少，但係牛面頰肉好軟腍腍，意粉亦都吸晒牛肉味。

同朋友黎食dinner, 貪呢個位方便就腳, 又唔駛排隊 。因為得2個女仔，所以叫左好少野，叫左：🍕帶子Pizza - 超失望！個帶子仲薄過張紙，就咁睇以為係百合黎😦 真係欣賞佢刀工，薄到咁我真係食唔出佢係帶子，完全無左個口感，寧願厚番少少俾少片我，真係唔知食緊啲乜咁 。🐷Ribs - 啲肉有啲鞋，同埋都比想像中少，睇個樣都知唔太好食，最後成餐係得啲薯條好食😓 咁就慘啦，俾幾百蚊淨係得薯條好食🫠🫠🫠所以結論唔會再黎食，好難食，又唔抵食 。我食完都仲係好餓，食完呢餐我要再搵第二間野再食番啲野😩

星期日lunch gathering有大人又有3個小朋友想搵個地點方便、family friendly又坐得舒服嘅地方最後揀左the one嘅the point食物本身都多選擇又好味，叫左2個pizza 2個pasta同1個risotto + 1小食尤其truffle Mac & cheese👍🏽👍🏽最抵讚嘅係service好好Waiter哥哥好親切，對小朋友好nice又不斷提我地「小心pan手柄熱」、主動refill水、俾紙巾我地有時呢啲小舉動真係好窩心🫶🏻

收工約咗朋友， 唔想出街吹風，近近哋決定喺商場入邊食算。揾到間睇落幾chill嘅西餐 佢有set, 但因為選擇比較少，我哋最終都係散嗌松露野菌濃湯一上枱好香松露味，入口都好creamy，夠咸帶到菇菌嗰種香味出黎。至於巴馬臣黑松露薯條，粗幼適中，份量一定夠飽😂 松露醬都夠點嘅，反而芝士碎係靚，味就唔算出，呢個我覺得還好意大利風乾火腿夏威夷pizza幾特別，我最初係想食ham, 望緊第二個pizza, 但又驚自己唔食無花果, 1516咗好耐最尾都係揀返comfort zone。隻ham都幾好食， 有啲咸香味， 唯一係我覺得太難咬開， 一咬落去就要成啖食咗塊ham，無得分開成塊pizza都食到ham。食到最後開始飽， 我索性卷起成塊pizza用刀叉慢慢切， 邪教食法😂但效果其實幾好， 起碼塊ham分贓平均咗。菠蘿有驚喜， 超大塊而且唔係平時食嗰種cheap cheap罐頭，好甜好juicy，加埋啲火箭菜味道好有層次，中和咗ham嘅咸味又令到唔太鍾意食麪包嘅我覺得個批底無咁dry。 煙三文魚蘆筍刁草忌廉汁天使麵夠幼，我不嬲鍾意天使麵比意粉嗰啲更掛汁，個汁如果再多啲就好，蘆筍比較細條， 口感爭啲

今日同朋友到尖沙咀食飯，到達餐廳不需賈等位就可以入座 。我們叫了松露野菌濃湯，巴馬臣黑松露薯條，意大利風乾火腿夏威夷披薩，煙三文魚蘆筍刁草忌廉汁天使麵和海鹽特濃朱古力慕絲 。首先，松露野菌濃湯，湯體濃稠適中，菌菇的鮮味與淡淡的松露香氣交織，入口溫潤順滑 。巴馬臣黑松露薯條，薯條炸製金黃酥脆，巴馬臣起司的鹹香與黑松露的獨特氣味巧妙融合，帶來豐富的味覺體驗。意大利風乾火腿夏威夷披薩，餅皮口感鬆軟，風乾火腿的鹹香與鳳梨的酸甜在口中碰撞，帶來獨特的風味，整體味道協調，令人回味。煙三文魚蘆筍刁草忌廉汁天使麵，麵條口感Q彈，忌廉汁濃郁順滑，煙三文魚的鹹味與蘆筍的清爽相互襯托，刁草的香氣也為整體味道增添了層次感。最後，海鹽特濃朱古力慕絲，慕絲口感綿密細膩，朱古力的濃郁香氣在口中蔓延，海鹽的加入巧妙地平衡了甜膩感，帶來令人愉悅的味覺享受。總體而言，味道不錯，環境舒適 。

同朋友去左The One食晚飯 試左呢間餐廳既晚市2人套餐 包左兩個主食同埋前菜前菜可以簡餐湯/沙律 餐湯亦都可以揀是日餐湯或者+$28升級龍蝦湯 個龍蝦湯都幾濃味 所以飲落有啲鹹 不過飲龍蝦湯就係想要呢種濃鬱嘅海鮮味 如果唔想加錢 當日本身跟餐可以揀甘筍薑粒湯 之前飲過都唔錯Pizza我地揀左BBQ烤雞Pizza 呢度主打Pizza係即叫即做 Pizza餅底採用意大利"OO"麵粉製作麵團 發酵超過24小時 再用火山石窯高溫快速烤焗 鬆脆煙韌 而BBQ烤雞Pizza 顧名思義係BBQ醬同雞肉做Base 另外仲有啲菇同焦糖洋蔥 有種Fusion既感覺 唔洗成日都係蕃茄醬底咁悶另外一個主食我哋冇揀到意粉 而加左錢食牛扒 雖然要畀多啲 但係味道絕對冇令我哋失望 Juicy又夠油脂香 咬落口已知唔係Cheap Cheap牛扒 而係有質素的 而且會配埋薯條 所以可以當小食食下 薯條新鮮炸起鬆軟香脆 嗌呢個餐可以半價叫飲品 不過我地今次就冇試Lu

今日同媽咪去The One搵嘢食 見到呢度有個晚市2人套餐 只係$398 會包湯或者沙律 仲有一個Pizza同埋意粉 加錢可以升級主菜同埋額外叫小食 仲可以半價加飲品揀左是日餐湯 係甘筍薑湯 飲得出係新鮮甘筍同薑打出嚟非常重薑味 仲飲得出有啲薑粒 好啱我飲 然後仲有啲脆脆地嘅麵包粒BBQ烤雞Pizza 裏面有雞肉 野菌 焦糖洋蔥 個底係燒烤醬 食落去甜甜地個餅底同平時喺Pizza hut食嘅唔同 因為係手工Pizza 所以個餅底都會煙韌啲 餅底中心薄而鬆軟 芝士仲係可以拉芝嘅 餐廳坐嘅位置已經會望到焗Pizza嘅火爐 安格斯肉眼 配薯條 呢個要額外+$188 但因為我實在太想食牛扒喇 所以都冇乜理價錢 最緊要好味 但係其實叫意粉唔使加錢會更加抵牛扒我揀咗五成熟 生熟控制得宜 食落仲好Juicy 而且外皮有有焦脆感 塊肉眼本身油脂分佈幾好 所以食落會食到油脂香同牛肉嘅肉汁 簡單點少少鹽已經好好食

下午茶選擇不少, 有小食, 包類, 薄餅和甜品, 是日挑戰了較少會選擇的布朗尼, 希望不是那種死甜的味道。Afternoon Tea Set $58 + 10%1) 朱古力布朗尼2) 凍檸檬茶朱古力布朗尼以鐵盤奉上, 店員溫馨提示小心熱, 甚為貼心。布朗尼面上放有雪糕一球, 旁邊有香蕉和合桃作伴, 甚為吸引。朱古力布朗尼軟硬適中, 朱古力味道濃郁, 不會過甜。雪糕雲呢拿味略淡, 開初質感實淨, 及後受溫度影響, 漸漸變得軟身, 幸好融化速度不快。合桃香口, 是不錯的配料。香蕉略嫌過熟過軟腍, 部分香蕉雖有焦糖脆面, 但焦糖脆又薄又少, 佔香蕉面 1/4 也沒有, 有點兒戲。凍檸檬茶茶底清澈, 甜度適中。

extremely disgusting!! blacklist. we ordered a pepe's special, fresh egg fettuccine with wagyu beef cheek, spicy tomato chicken wings along with risotto with asparagus and ricotta cheese.the pizza was horrible! the sides were all burnt and the bottom part of the pizza was soggy. the pepper slices on the pizza was cold, all cold. the spaghetti was just one word, ew. the beef was overcooked. the sauces mixed with the beef was just disgusting. for the chicken wings, they added random spices, it has

今晚約左朋友係尖沙咀食生日飯，係the one呢間pizza，2人餐非常抵食，2人餐包左2個頭盤，1個PIZZA同1個主菜。北海道帶子鮮蝦披薩北海道帶子鮮蝦披薩的餅底薄脆，搭配了新鮮的海鮮，帶子和鮮蝦的口感完美融合。帶子鮮嫩多汁，鮮蝦則彈牙爽口，加上香濃的芝士，令每一口都充滿鮮味。披薩上還點綴了一些香草，增添了層次感和香氣。和牛面頰手工意大利寬條麵和牛面頰肉質細膩，經慢火燉煮至軟嫩，醬汁濃郁而富有層次感。手工製作的寬條麵彈性十足，完美吸附醬汁，口感圓潤而不膩。另外加左兩個甜品，雲尼拿焦糖燉蛋，海鹽特濃朱古力慕絲燉蛋綿滑細膩，香氣四溢，淡淡的雲尼拿香味令人陶醉。每一口都帶來絲滑的口感，搭配焦糖的甜味，恰到好處，不會過於膩口。海鹽特濃朱古力慕絲質地輕盈，入口即化，濃郁的黑朱古力唔會好甜。將海鹽加入可提升層次感，巧妙地平衡了甜味與鹹味。

呢間主打pizza既餐廳，之前已試過其他分店。今次叫左個2人餐，首先係兩個頭盤，頭盤包括餐湯同沙律，餐湯係黑松露蘑菇湯，沙律係雜菜沙律。北海道帶子鮮蝦披薩披薩的餅底薄脆，配料豐富，帶子的鮮甜與蝦的彈牙相得益彰，口感層次分明。和牛面頰手工意大利寬條麵主菜則是和牛面頰手工意大利寬條麵，牛肉慢煮至軟嫩，與意大利寬條麵的Q彈相互融合，醬汁濃郁。最後，我們加左兩款甜品。雲尼拿焦糖燉蛋燉蛋香滑綿密，焦糖的甜味剛好。海鹽特濃朱古力慕絲朱古力慕絲則濃郁香醇，海鹽的點綴讓整體味道更加立體。

伏！伏！伏Carbonara D蛋汁熟哂，好難吃，無味，意粉硬的，點解可以比客人食，lunch 唔係平，可以煮成咁，不會再去吃，同層幾間西餐好食好多，真係唔會再去吃！