The Pizza Pig

Open Now

Now Closed

熱辣辣唔想煮飯，一於出街食。 小朋友想食意粉，咁就去Pizza Pig啦！Pizza Pig 個menu都幾多選擇，頭盤、沙律、Pizza、pasta、肉類樣樣都有啲，大家可以各自揀自己鍾意嘅食物。我就食得light啲，叫咗nachos，超級香脆，不過如果醬汁多啲就更加好！小朋友揀嘅兩款意粉都非常不錯，大大碟又好味。蕃茄肉丸芝士意粉味道香濃，意粉沾滿酸酸甜甜嘅醬汁，好開胃👍👍👍 另一個意粉係香煎雞肉忌廉青醬貓耳朵粉，呢個清淡啲，雞肉好健康，煎完之後唔會嚡霎霎。creamy嘅青醬鋪滿一粒粒嘅貓耳朵粉，小朋友好鍾意食，非常推介。食飽飽之後要食甜品🤭 甜品胃今晚想食心太軟～ 雲呢拿雪糕配心太軟配藍莓，不能輸的組合👍

三人行揾野食，一個喜歡食披薩，一個喜歡食豬，一個想食素，咁啱喺D2附近，今日注定要食披薩豬The Pizza Pig啦😆今日先試 8" Margherita $118， 下次call齊人馬再試30"招牌長薄餅🤣。Margherita是pizza選擇中食材最簡單，但又有齊三種我喜歡的味道，薄餅不能缺少的水牛芝士、鮮甜開胃嘅蕃茄和香氣四溢嘅羅勒🌿烤斧頭豬扒$298，配辣肉腸醬、菠菜、忌廉、蒜香蜜糖汁，斧頭扒好厚肉但唔覺得鞋，醬汁微辣好惹味，配搭返少少菠菜清清地無咁濟。意式炸雜錦海鮮$148，集合了多款海鮮，有白飯魚、迷你八爪魚、青口、軟殼蟹、大蝦、檸檬和蠔，沾一些香辣菠蘿醬，甜甜地更加惹味。Tiramisu $88，餐廳招牌甜品，口感幾幼滑，酒味再濃一點就更加完美。

今次嚟慶祝生日，冇乜特別安排，都係普通食餐飯，咁岩遇著係星期一，主菜買一送一，明明寫住15吋薄餅先計，點知叫8吋佢都話計。買一送一只可以一次，叫主菜嘅話叫翻主菜先抵，pizza、意粉、飯就比較平。我哋最後就叫兩個main，加兩杯飲品。本身諗住叫兩個main再加8吋pizza，好彩冇叫到，估唔到啲main咁大份。半張枱咁大嘅碟，塊扒都好大塊，下面薯條都有好多，加燒番茄、洋蔥、蘆筍。扒叫medium真係medium，唔會過生/過熟，肉都幾香有肉味，煎得幾香。薯條熱辣辣好脆牛肋骨都幾大舊，同埋好多肉，其實個度有兩舊肉勁厚，好大舊，只有少少筋，邊邊有啲肥肉，其他大部分都唔會好肥，肉好腍夠軟熟，上面個醬好食，咬開入面啲肉有少少乾，就可以點旁邊嘅蘑菇汁食，好夾。飲品就還好，冇乜特別

The Pizza Pig (荔枝角)呢間西餐廳絕對係高質素打造首先要推介PAN-ROASTED SEABASS FILLET & STEWED PRIME SEAFOOD,售價$198(半份)。呢道菜肯定唔會令你失望!細心挑選嘅新鮮海鱸魚配上精心烹調嘅頂級海鮮,每一口都充滿海鮮鮮味,而且肉質嫩滑可口。佢哋仲用獨特調味手法,務求帶出每種食材嘅本味。我試咗之後,真係讚不絕口!第二道要介紹就係SIGNATURE PIGGIE,每件$138(8吋)。呢個就系呢間餐廳嘅經典招牌菜!佢哋嘅炸豬皮有獨特嘅風味,加上鬆軟既薄餅底,簡直就係完美組合。即使你一個人也能輕易解決,但我建議同朋友一齊品嚐,定保証飽肚返屋企。最後,就係PREMIUM ITALIAN COLD CUTS & ASSORTED ITALIAN CHEESES,售價$238。呢度供應嘅意大利凍肉同芝士真係頂級貨色!嚟自意大利嘅名廠,佢哋堅持用最優質食材製作,而且配搭得天衣無縫。即使只係簡單咀嚼,都同樣能感受到醇厚濃郁嘅意大利風味。總括而言,呢間西餐廳絕對係一間質素出眾嘅餐廳!佢哋嘅菜式精心製作,每一道都充滿特色,價錢雖然略高但相當物

餐廳主打‘豬🐷’及Pizza🍕 一入到餐廳有種好舒服的感覺裝修精緻美觀座位亦坐得舒適而且店員Friendly的態度加分😆⭐️慢煮醬燒豬肋骨廚師用咗秘製BBQ醬搽勻豬肋骨再去燒食起上黎非常惹味亦保留住肉汁超好食🥳仲有豐富配菜-椰菜沙律、粟米、薯條🍟沙律酸酸甜甜好開胃粟米🌽有烤過 夠滋味薯條脆卜卜😋食唔停⭐️HAWAIIAN pizza🍕 呢間Pizza非常特別係用石爐焗製既餅底烤得非常酥脆😙口感鬆軟又煙韌熱辣辣Pizza加埋拉絲效果賞心悅目又好食😌而且火腿+菠蘿+水牛芝士嘅配搭無敵😎⭐️甜品-TIRAMISU意大利芝士蛋糕呢個甜品不愧係餐廳嘅signature 軟滑Mascarpone芝士配充滿咖啡酒的手指餅每一啖都有咖啡酒香😊層次豐富咖啡和酒味的平衡得剛好甜度適中份量都好有誠意超有驚喜嘅甜品💕食埋真係大滿足⭐️飲品-菠蘿汁🍍酸酸甜甜清新解渴😆夏天之選

今日行完D2 place既市集就順便同埋朋友慶祝生日，當然要搵番間chill餐廳啦🍹🍹 Slow cooked BBQ beef short ribs 平時豬既ribs就食得多，反而牛好少見，就試試佢🤩唔試唔知咁有驚喜，上菜嗰陣時，餐廳已經原條骨起咗，即姐係話啖啖肉😋😋好大舊肉，仲要好淋，淋到可以直接用個叉一吉就食到🤭 Signature Piggie pizza🍕 係手工pizza，等嘅時間係會耐少少，不過美食係需要等待😋個pizza好足料，好多餸，而且好多醬。佢個皮係即搓即焗，個邊邊好脆，但係中間好煙韌。而且呢個價錢一啲都唔貴。👍👍 chicken florentine orecchiette 平時好少見到貓耳朵粉，而且我哋都係青醬愛好者，就梗係要叫埋啦！首先佢啲雞胸好嫩，應該係慢煮，再煎一煎，一咬就散開！貓耳朵粉好有口感，而且佢中間可以包住啲青醬，變咗淡淡意粉都有醬，好好味😚😚 pineapple mimosa🍍 雖然係用咗菠蘿汁，但係因為有芒果蓉🥭，所以芒果味更加突出，都好好味，酒味唔係好覺，好似果汁咁易入口🥰🥰oreo madness 佢唔似其他奶昔咁杰撻撻，反而仲冇咁甜，

荔枝角都有高質餐廳! 餐廳係D2 TWO，一入餐廳，就覺得好似去左另一時空咁，餐廳裝修好靚，好歐式，店員好友善，最重要服務好快，好緊要!!!煎海爐魚柳海鮮薈海爐魚好滑，外皮煎得少少脆，好味! 下面仲有蝦、蜆、辣肉腸同麵包粒，個汁吸哂海鮮既鮮味，我幾乎飲哂D汁招牌鬼馬豬意PIZZAPIZZA上面舖左手撕豬手、腸、火腿同水牛芝士，口感豐富，仲有唔同大細可選，我地兩個人叫左8寸PIZZA，份量岩岩好烤豬青豆西洋菜蓉意大利飯呢個飯好特別，有淡淡既青豆味，意大利飯唔會太硬，岩番香港人口味，上面舖左幾件厚切烤豬，烤得好好

係D2 Place行完街，發現地下有間西餐廳The Pizza Pig環境幾好，樓底好高舒適寬敞，風扇同吊燈有少少懷舊風格，再望望餐牌，炸豬皮Pizza幾吸引，就入去試試🩷Signature Piggie (8吋) $138果然係招牌菜式，餡料豐富，份量都十足，面層炸豬皮大大塊，炸到黃金色脆卜卜好香口，估唔到用黎做Pizza又幾好食，好有口感，另外配料有香草肉腸、火腿、芝士、紅洋蔥等等，啖啖肉，薄餅餅底好香麵粉香，烤得鬆軟，我會為左呢個Pizza再去食🩷Crispy Chicken Wings (6隻) $ 130​​秘製香料辣雞翼，隻隻雞翼都好大隻，連炸粉都有調味，所以外層炸得非常酥脆惹味，內裡肉質仍保持嫩滑多汁，味道香香辣辣，愈食愈開胃🩷Crispy Calamari酥脆辣魷魚圈，魷魚圈厚身大大件，外層酥脆，入口爽口彈牙，係好出色嘅小食，好好味🩷Pork and Green Pea Risotto烤豬腩肉青豆西洋菜蓉燴意大利飯，賣相幾靚，豬腩肉大大塊肉質鮮嫩，味道香濃偏咸，再配搭上清新的青豆西洋菜燴意大利飯，可以中和到豬腩肉的油膩，幾新穎的組合🩷飲品 - 西班牙水果酒🍹Sangri

Tuna Tartare 吞拿魚他他 $148見有墨西哥辣椒，店員話可走辣👍🏻。個汁好開胃，蓮藕脆片好有驚喜，香脆帶有淡淡藕香，好好食，配上吞拿魚嘅軟，牛油果嘅滑，口感一流🤩。Seabass Half 煎海爐魚柳海鮮燴 半份 $198海爐魚柳煎得皮脆肉滑，正。海鮮燴有鮮蝦、蜆、辣肉腸、麵包粒。海鮮質素不錯，蝦大隻彈牙。蜆雖不多，但每隻都大，完全無沙，鮮甜肉厚，正。海鮮中加辣肉腸可以提升辣和咸，令海鮮濃郁惹味。Signature Piggie 招牌鬼馬“豬”意薄餅 15" $198最初諗住叫8吋，但8吋同15吋價錢差好少，長形又好吸引😆，結果貪心致兩人食到勁飽🙈，不過真係好好食。最特別係面頭嘅炸豬皮，特色好食。個餅底做得好好，邊厚中間勁薄，厚皮食到麥香面脆。餡有手撕豬，個醬帶有BBQ味。Tiramisu $88比較甜，我食唔出有酒味😅，咖啡味都唔夠出，不過芝士好滑。Ginger Ale $28 Ginger Beer $28 其實我成日都分唔到Ale同Beer嘅分別，咁就叫晒2杯慢慢試😂。結論係Beer濃過Ale，大家都係汽水🤣。💬呢間餐廳用色柔和又舒服，食物有質素，店員有禮唔趕客，又近

13/4/2024📍The Pizza Pig上次食完Pici 行過睇到呢間以🐷做主題嘅餐廳就好想試下餐廳嘅裝修偏歐陸風情 以藍白色做主調 俾人好輕鬆活潑嘅感覺 特別有holiday mood😚我地坐係櫥窗邊 可以睇到人來人往嘅街 (或者係俾人望🤣)不過衛生好一般 有啲飛飛會係張枱爬過🤢⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨Signature Piggie - 8 inch ($138)見到佢係signature 就決定叫黎試下每塊pizza上面都有一塊炸豬皮 同埋手撕豬肉第一次見呢個combination 不過無咩特別上面有好多番茄醬同芝士🧀食落好juicy 而且餅底好脆好香口 又唔油膩👍🏻✨香脆德國鹹豬手 ($308)雖然比較貴 不過就寫明係for two 真係好大份 豬手肥瘦比例啱啱好 唔會淨係得肥膏 而且瘦肉又唔乾上桌已經幫你切好 啖啖肉食落真係好爽快😋豬皮算係脆 不過又未去到好似燒腩仔咁脆如果再脆啲就好啦佢仲有酸菜同埋芥末醬俾你refresh下 無咁油膩👍🏻配菜有焗薯 烤蘿蔔 烤菜 都有調味不過配菜可以多啲 話曬都係俾2個人食⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯我哋兩個人

我和太太在荔枝角睇完戲就在附近的The Pizza Pig享用晚餐。我們首先點了一個15寸長方型的BBQ雞肉Pizza薄餅~$188。這個薄餅上有烤雞肉和美味的BBQ醬，口感香脆，味道十分濃郁。接著，我們還點了一份雙重安格斯芝士牛肉漢堡配蛋黃醬和薯條~$198。這個漢堡有兩層安格斯牛肉和濃郁的芝士，搭配蛋黃醬和新鮮香脆薯條，非常美味。我們每人點了一杯凍Cappuccino，每杯$48。這杯凍Cappuccino濃郁香醇提神。最後，我們點雪糕為餐後甜品。我選朱古力雪糕球~$25，它濃郁的朱古力味道令人陶醉。太太選雲呢拿雪糕球~$25，它帶有淡淡的雲呢拿香氣，非常迷人。整個晚餐過程非常愉快，我們在The Pizza Pig享受了美味的西式料理。這家餐廳的環境舒適，服務也很周到。

真係好心做好啲training. 連個男supervisor 級別嘅都係黑口黑面咁招待行入門口的客戶，笑都唔識，衰衰格格咁，借問仲邊 有運行成日話餐飲難做，但觀乎台灣，日本，大陸，佢哋餐飲嘅服務員真係當客係客人，而唔係仇人囉。

星期一主菜買一送一好吸引，加埋7點前叫兩杯飲品送小食，今日送係雞翼，雞翼有4隻肥嘟嘟辣辣地送酒不錯之選主菜叫咗鹹豬手，海鮮拼盤內有兩大舊魚，蜆蝦，但最好都係兩舊魚肉，牛油果芒果煎蝦沙律，仲有一個15吋pizza 簿餅底已經夠正，又煙靭，又有脆邊，芝士仲有拉絲添，加多個吞拿魚他他做小食今晚覺得最好係個pizza 👍🏻👍🏻

朋友住荔枝角，收工去搵佢食飯，經佢推介之下，去左呢間係D2 Place二期地下一間叫Pizza Pig嘅西餐廳，入面環境清幽舒服，非常適合同朋友食飯或者情侶約會🍝意大利香草辣肉腸貓耳朵粉 $168 中意食辣嘅朋友一定要試下呢一道貓耳朵粉，因為辣得好過癮，而且香草辣肉腸超香，極有風味，貓耳朵烹調得恰到好處，軟硬適中帶口感，掛上濃濃醬汁咁食真係好享受🦀Fried Seafood Bites $148 意式炸雜錦海鮮有不同嘅種類，分別有白飯魚、迷你八爪魚、軟殼蟹、青口同埋大蝦，全部都係新鮮熱辣辣炸起，香脆惹味，配埋檸檬汁同埋香辣菠蘿醬一齊食，令味道更加清新🐖香脆德國鹹豬手 $308 足足有1公斤重，非常適合兩個人share食，德國鹹豬手新鮮焗起，皮脆肉嫩，而且肉質依然好軟腍多汁，酸菜同原個焗薯亦都一流，豬手酸菜焗薯一齊放入口中品嘗，超級好味📍荔枝角長順街15號D2 Place TWO地下G02號舖 - The Pizza Pig

The pizza pig at Pizza Pig🐷🐷overall: 6/10🥩Grilled Black Angus Ribeye SteakNormally pizzas go well with steak so got to try this delectable Black Angus ribeye. The steak is expertly grilled to perfection, with enough amount of juiciness. The grill marks on the exterior add a touch of visual appeal. However, as a steak lover, this is slightly tougher than desired.🍕Signature Piggie Pizza 8”The signature dish, Signature Piggie pizza, is an absolute delight for meat lovers and pizza enthusiasts alike