Terrace in seaside (形點 I)

Open Now

Now Closed

呢間Cafe環境chill到爆💯，仲有兩款必食招牌菜要同大家分享👇 🐙墨汁八爪魚燉飯一上枱就聞到超香墨魚汁味🖤燉飯煮到啱啱好，creamy得嚟又帶啲咬口～八爪魚咬落去彈牙到，真係好食到舔舔脷👅成碟飯烏卒卒但邪惡度爆燈，打卡一流📸.🍯開心果蜜糖窩夫甜品控注意！呢個窩夫係即叫即製，外脆內軟🥞～淋滿自家製嘅開心果醬，堅果味超濃又唔會太甜，仲有蜜糖同埋脆脆嘅果仁碎🌰，口感層次多到嚇親人😍熱辣辣切開仲有流心效果⋯⋯食完真係幸福到喊啊💚 總括嚟講，Terrace in seaside絕對係元朗搵食嘅隱藏寶藏💎無論係燉飯定窩夫都誠意滿分，仲有靚景陪住你hea👯.💰人均消費：～$300.🍽味道: 4/5🏙環境: 4/5‍👨🏼‍🍳服務: 4/5💧衛生: 4/5💰價錢: 4/5

雖然依家只係5月 但已經深深感受到夏日既來臨🥹無時無刻我都好需要一杯梳打!!!🍹柚子檸檬梳打就最fresh又解渴解膩! 上星期Happy Friday一於去Terrace in seaside relax下～一邊食韓式fusion菜 一自plan下weekend去邊度玩🤞🏻😍.明太子奶油年糕係我最愛之一芝士炸豬扒外脆內軟 加上軟心芝士🧀 好邪惡年糕質感係平時食既年糕同烏冬之間 好Q彈 而且掛汁 .烏卒卒墨汁八爪魚🐙燉飯 係韓版risotto 加上蛋黃醬 mix埋墨汁燉飯 增加左味覺層次 食完記得飲返啖水先講嘢🤣 🤟🏻柑橘炸雞配埋香脆薯條 炸雞無骨 啖啖肉 酸酸甜甜既醬汁令人更開胃口💓.最後當然唔少得甜品～開心果蜜糖🧇窩夫有超多開心果粒粒!! 窩夫鬆軟香口 仲有大量蜂蜜脆脆 成份甜品都超夾的🥰就算幾飽都一定食得晒😋

Terrace in Seaside（尖沙咀海港城分店，OT233）是一家韓式西餐咖啡廳，以清新文青風和創意菜式吸引食客。雖然旺場時需等位，但食物質素與環境10分，一試難忘！招牌濟州柑橘乳酪（$68）酸甜清爽，杯上整顆柑橘超吸睛，完美打卡。蜜糖士多啤梨窩夫（$122）外酥內軟，配新鮮草莓和忌廉，甜而不膩。蜂蜜炸雞（半份$128）外脆內嫩，甜鹹醬汁令人停不了口。海鮮煎餅（$138）金黃香脆，滿載蝦仁和魷魚，韓式醬汁提升風味。餐廳以木系裝潢為主，配橘子主題擺設，氣氛輕鬆，適合朋友聚餐或情侶約會。服務快捷，店員戴可愛柑橘帽，增添趣味。整體而言，Terrace in Seaside將韓式fusion菜發揮得淋漓盡致，是尖沙咀必訪的chill食肆！

開心果窩夫有驚喜除咗有開心果同埋其他果仁之外仲有脆脆啲cream夾埋一齊好好食嗌咗兩杯嘢飲西柚梳打清新韓國橘子乳酪適合打卡牛骨醬炸雞偏甜，但係好好排骨鍋每次都會叫個汁好濃郁好重奶油味

自從食過一次之後 就變我地韓國菜既飯堂 每次想食韓國菜都必定諗起哩度 環境闊落 開揚 特別係元朗分店 有落地大玻璃 望住戶外景觀 好chill❤️ 而且服務態度好好 從來都唔會趕客 試過同朋友傾左半日 都唔趕我地走😅首先必點既美食一定係紅蝦意大利飯 （紅蝦可選生或熟） 當然推介生食 好鮮甜 彈牙 👍🏻👍🏻另外海鮮煎餅都好有驚喜 豐富既海鮮配煎到勁脆既煎餅 再加上酸酸的汁料 十分開胃 食到停唔到口 差啲一個人ko左成碟🥹🥹除左主食好推介之外，🧇甜品窩夫都唔可以錯過，外脆內軟 恰到好處 😋😋😋

terrace.in.seaside係其中經常去飯堂，以韓國濟州主題做藍本，餐廳周圍都有濟州柑打卡元素～ 每季餐廳都會出期間限定menu, 經常換款，真係食極都唔會厭！🔸橘子咖啡有橘子清新香氣，咖啡味唔算好濃～ 🔸濟州柑橘乳酸梳打🔸讓人瘋狂的蜂蜜炸雞 （無骨半份）啖啖肉有蜂蜜香氣🔸牛油果泡菜牛肉炒飯很足料，牛油果加泡菜呢個組合幾特別！🔸每口都是海鮮味的海鮮煎餅海鮮雖然唔係好大粒，但份量好多！每一啖都咬到海鮮～🔸士多啤梨蜜糖窩夫窩夫很脆，內層鬆軟～ 忌廉都好輕身 份量都大，建議3-4人 share

去元朗形點行街，商場內有好多食肆，好鍾意韓國菜，去咗Terrace in seaside 食韓式料理，店內裝潢好有度假嘅感覺，有好多打卡位～戶外同室內都令人覺得好chill~讓人瘋狂的蜂蜜炸雞 – 無骨半份黃金色澤蜜糖炸雞，外皮脆卜卜雞肉嫩滑，不太油膩，充滿濃郁雞香味，令人瘋狂，食唔停口。牛油果泡菜牛肉炒飯上枱時已覺得吸晴，味道配搭好夾。海鮮煎餅煎餅材料豐富，食材都好新鮮，每口都是海鮮味，令人回味家鄉。士多啤梨蜜糖窩夫窩夫嘅蛋香撲鼻，口感鬆脆，配搭士多啤梨同蜜糖，甜絲絲嘅味道。橘子咖啡咖啡迷嘅我，飲一口都有橘子味道，加入橘子味道真喺更醒神，so refreshing.濟州柑橘乳酸梳打鮮艷梳打非常打卡able，乳酸嘅酸甜口感好正，柑橘控必定試。

位於元朗形點既韓式Cafe<Terrace in seaside>店舖位置比較較多 窗邊採光好啱晒約埋三五知己聚會打卡-橘子咖啡 & 濟州柑橘乳酸梳打濟州主打嘅Cafe 無論係乳酸定係咖啡飲落都有好清新既橘子味道☕️-讓人瘋狂的蜂蜜炸雞食韓國野點少得炸雞無骨炸雞上面淋咗蜜糖 仲配搭咗薯條份量都比較多，唔使驚唔夠食-每口都是海鮮味的海鮮煎餅呢個海鮮煎餅入面食到粒粒分明嘅魷魚蜆肉粉漿唔會太厚岩岩好～-牛油果泡菜牛肉炒飯炒飯上面鋪滿咗滑蛋 再放咗個牛油果泡菜牛肉好惹味 😻-士多啤梨蜜糖窩夫黎Cafe最後當然唔少得甜品啦朋友鍾意食士多啤梨，所以最後揀咗個士多啤梨窩夫士多啤梨好新鮮，雖然鋪滿咗蜜糖同埋cream～但係甜度竟然啱啱好🥞值得一試

Terrace in seaside (形點 I) (元朗)元朗朗日路9號形點 I L2樓2056號舖-讓人瘋狂的蜂蜜炸雞 – 無骨半份呢個炸雞真係好好味，外脆內嫩，再加上蜂蜜，甜甜咸咸，食到你停唔到！ -牛油果泡菜牛肉炒飯牛油果同泡菜配合，炒飯粒粒分明仲有牛肉添！味道豐富，食落去非常順口。每口都是海鮮味的海鮮煎餅呢個煎餅真係海鮮味十足，每一啖都可以食到新鮮海鮮，例如蝦同魷魚，充料又超級開胃！-士多啤梨蜜糖窩夫窩夫外脆內軟，上面鋪滿士多啤梨，藍莓，Cream，同蜜糖，甜得啱啱好，食完仲想再來一份！-橘子咖啡橘子味道配咖啡，清新又特別，飲完感覺好舒服！-濟州柑橘乳酸梳打呢個梳打飲品帶有濃濃的柑橘香氣，口感清爽，十分解渴！

🍊呢晚係yoho行完街後就黎番之前食過唔錯嘅韓式cafe食晚餐~ 最印象深刻佢份大大份waffle, 所以呢次黎都好想再食😋我哋嗌咗半份無骨嘅蜂蜜炸雞, 豬生話雞肉外脆內軟, 雞肉好juicy, 🍯蜂蜜味好足夠, 配埋芝士醬一齊食仲邪惡! 炸雞旁仲有薯條, 炸得剛剛好🤗 另外再嗌咗牛油果泡菜牛肉炒飯同海鮮煎餅~ 泡菜牛肉炒飯上面仲鋪滿香蔥滑蛋, 炒飯配泡菜超惹味~ 海鮮煎餅食到好多蜆肉 😌 配埋秘製醬汁一齊食好鮮味啊!最後當然嗌埋士多啤梨蜜糖窩夫啦~ 窩夫即嗌即製作, 好鬆軟, 而且窩夫上有爆多士多啤梨醬汁同生果, 夠哂juicy! 酸酸甜甜嘅感覺唔會覺得好飽😄飲品嗌咗橘子咖啡同濟州柑橘乳酸梳打, 好有濟州風味🧡📌 Terrace in seaside元朗朗日路9號形點 I L2樓2056號舖

在這個天氣胃口真的不太好，所以會吃水果配搭的美食，既清新又吸引欵。去到 YOHO MALL就會想起這家，環境舒適不會太嘈雜，食物大份選擇多。元朗西鐵站K出口無縫連接，小清新風格環境舒適。這裡還有室外用餐區，天氣清爽時坐在這裡挺寫意的🙈。-橘子咖啡 HKD$58 | 濟州柑橘乳酸梳打 HKD$48用水果製的飲品有多款選擇，咖啡和梳打各來一杯。橘子咖啡雖然沒有拉花，但有橘子片和小蘇葉做裝飾，淡淡橙味跟香浪咖啡感覺配合的。濟州柑橘乳酸梳打賣相較吸引😆，帶漸變層的賣相，還有柑橘片和食用花裝飾，是杯味道清新很爽的飲品。-讓人瘋狂的蜂蜜炸雞 HKD$108這個是半份無骨炸雞，無骨更方便吃欵😛。用了鐵盤裝著，有薯條、沙律及2款醬汁。炸雞大件味道挺香，是皮脆肉嫰的質感。薯條口感酥脆，但不會感到油膩。吃完炸雞和薯條吃沙律，中和到食物油膩感。-每口都是海鮮味的海鮮煎餅 HKD$118份量十足的海鮮煎餅，賣相雖然有點平凡，但吃起來味道可以的。熱辣辣吃帶點微脆口感，配搭多款海鮮吃出鮮味來。另有醬汁配著的，加來吃味道較香，提升了鮮味的感覺。-牛油果泡菜牛肉炒飯 HKD$128是個顏色吸引的組合，是個清新開胃配搭

Terrace in Seaside係好多地方都有分店，成日經過都覺得佢嘅裝修好靚😍有一種係韓國嘅Cafe感覺，入到去好多位都可以打卡👍🌟讓人瘋狂的蜂蜜炸雞（半份） （$108）我地叫左半份炸雞，即叫即整出到嚟熱辣辣咁，蜂蜜加埋濃濃嘅芝士粉。而且已經起晒骨，食落啖啖肉👍👍🌟每口都是海鮮味的海鮮煎餅（$118）呢個海鮮煎餅同佢個名一樣真係每一啖都可以食到海鮮，海鮮吃分別有蝦仁、蠔仔肉、蜆肉等等，煎餅呢個煎得好脆口加埋佢嘅醬汁，一齊食就更加有風味🌟牛油果泡菜牛肉炒飯（$128）冇諗到牛油果同泡菜可以咁夾，而且份量都好大份，牛肉好入味，辣辣地咁都幾好食架🌟土多啤梨蜜糖窩夫（$122）私心推介呢個甜品😍佢係即叫即做嘅大約要等15至20分鐘，建議食到一半左右就可以落單。但係而且佢嘅醬應該係用士多啤梨熬製，所以都唔會假甜👍🌟橘子咖啡（$58）最近越來越多呢一類型嘅咖啡，但係好多時候都唔係特別好飲，但依一款係會飲到分層風味，飲得到咖啡嘅苦澀味同時亦有橘子嘅清香☺️我就覺得幾好飲啦🌟濟州柑橘乳酸梳打（$48）呢杯嘢飲真係超級夢幻🤭一拎上嚟就覺得佢好靚，啱晒打卡，而且酸酸甜甜咁，都幾啱配甜品🍴Terrac

士多啤梨蜜糖窩夫 $122邊緣微脆而內裏軟綿的窩夫，配有原粒士多啤梨乾的香甜jam、香甜濃郁奶cream、新鮮士多啤梨和藍莓牛油果泡菜牛肉炒飯 $128惹味的泡菜牛肉炒飯蓋上一層滑蛋，配軟滑牛油果，再加上小蘿蔔和花生碎增添香口感讓人瘋狂的蜂蜜炸雞 $108炸雞可選 ： 有骨 / 無骨我選了無骨炸雞，外皮香脆而內裏一咬juicy肉汁，配薯條和沙律菜蘸蕃茄醬、甜口乳酸味的他他醬每口都是海鮮味的海鮮煎餅 $118真是滿滿海鮮味！足料！舖滿蜆、蝦仁、青口、魷魚的煎餅橘子咖啡 $58明亮果酸香的咖啡，配入口有橘子清香的奶泡濟州柑橘乳酸梳打 $48顏色層次對比鮮明又好適合打卡，味道甜甜酸酸_______________Terrace in seaside (形點 I) (元朗)元朗朗日路9號形點 I L2樓2056號舖_______________

白色情人節同情人一齊梗係要食返餐好㗎啦，第一次到訪呢間餐廳，環境真係幾好，座位又寬闊，咁啱安排咗喺一棵假嘅橘子樹隔離，真係好似去咗濟州島咁,呢度嘅店員熱情有禮，真係食得開心又放心。讓人瘋狂的蜂蜜炸雞 – 無骨半份見到個名咁搞笑，忍唔住嗌嚟試吓，炸雞外脆內軟勁Juicy！呢度只係半份，但係都好多舊。如果係用粗薯條就更好啦。牛油果泡菜牛肉炒飯首先一定要讚吓個牛油果，熟得啱啱好，好重牛油果味。炒飯炒得好香，加埋個滑蛋，真係好有驚喜。每口都是海鮮味的海鮮煎餅上菜嘅時候真係嘩出嚟，滿滿嘅海鮮真係大癲！好好味，大推。士多啤梨蜜糖窩夫請一定一定要點呢個窩夫！窩夫外脆內軟，加埋自家製嘅士多啤梨醬，好出色！個醬唔會太甜之餘仲勁多果肉，真係好好味呀！癲左！濟州柑橘乳酸梳打呢杯梳打真係攻擊到我嘅少女心，好靚。乳酸味比較濃，相對地柑橘味冇咁突出，但都係好飲既！p.s. 上面片橙勁甜！橘子咖啡咖啡冇酸味，加左橘子乾，所以飲落有淡淡橙香，好chill既感覺！

今日同家姐嚟咗元朗YOHO睇嘢，順便食野，之前食過呢間嘅窩夫覺得好好食，今次我哋又黎我哋叫咗個蜂蜜炸雞、海鮮煎餅、泡菜牛肉炒飯同埋個士多啤梨窩夫，再叫咗杯橘子咖啡同埋柑橘乳酸梳打讓人瘋狂的蜂蜜炸雞-我哋揀咗無骨半份，呢個外脆內軟，都好Juicy，入面仲會有一份薯條，呢個都幾好味仲有一個牛油果泡菜牛肉炒飯-呢個好夠味，下面係泡菜牛肉炒飯，上面係滑蛋再加牛油果，成個感覺好夾，好惹味每口都是海鮮味的海鮮煎餅-呢個有三大塊，入面有好多唔同嘅海鮮煎出嚟，有蝦、扇貝、蜆，呢個一定要點佢嗰個醬料一齊食最想食係佢個甜品，士多啤梨窩夫，佢好鬆軟，而且蛋味，陪埋啲cream同埋士多啤梨醬好好味另外我哋都嗌咗兩杯特飲，今日食得好豐富好滿意