譚仔三哥米線 (西洋菜南街)

Open Now

Now Closed

認識譚仔雲南米線已經15年，當時只有兩間分店。那時，因工作關係，每晚都臨收舖才進(11時收舖，我10:45才到)，一星期總會幫襯3天以上，偶爾也會見到三哥到舖鎖門。譚仔吸引我的是那個貨迷一般的湯底，一向喜愛研究煮食總想像不到那湯底的材料，但我只能說:好味、特別、夠濃、.....已足以成為我首選食堂。後來，分店越開越多，再後來，譚仔與三哥分家了，兩邊都有食過，而且不只是一兩間分店便算，我幾乎大半兩間公司的分店都有食過，一向喜歡食和做 marketing 的我對兩間公司有以下評論:譚仔不得不佩服是生意其材，分店比三哥多，平均生意也應比三哥好，難怪日本財團看中了他。但食物質素比普通更普通，湯底只有其形而完全沒有神緒，完全沒有譚仔雲南米線湯底的質素，但是極之好生意三哥天生就是一個愛食的人，愛食的人對食物質素要求很高。湯底，幾乎所有分店都能保持舊有譚仔的質素，而且精益求精⋯⋯但是，三哥總不夠譚仔的生意好？莫非在香港，贏了 marketing 就能贏天下？食客們只信評論又不𢤦食物的質素？近兩三年，我只會幫襯三哥，食物品質有保證，甚至連隻碗都靚D。譚仔有其形而欠缺神緒，但總是迫爆，對我來說是一件好事

眾所週知譚仔有分三哥同non 三哥，我個人習慣咗食譚仔三哥，而譚仔三哥入面我覺得旺角天橋底下呢間最好食！咁啱我係附近返工，所以呢間譚仔自然成為我既食堂😂我覺得譚仔三哥最好味係個湯底，湯底先係精髓，所以一向都係要一個餸就已經好足夠（仲可以平啲😂）放工屋企無飯食，又唔知食咩好又去咗食譚仔，我淨係叫咗雞肉麻辣10小辣。如常咁覺得好惹味好好食，我聽到隔離幾個大學生傾計講米線好冧好味，我突然明白點解我一直覺得呢間譚仔好食過人，之前啲人問我有咩分別，我又答唔出🙈原因除咗麻辣好惹味之外就係因為我鐘意佢米冧啲好入味，仲要唔洗特別叫米冧啲都係米冧啲！另外值得一提既係如果你唔大食既話可以揀米少啲平一蚊，三哥會捐出去，唔洗晒食物仲可以做善事一舉兩得👍🏻

吃貨一條冷又沒什麼錢之時，只好吃得便宜點，選擇譚仔三哥。人家常說三哥比譚仔更美味，我倒覺得沒什麼大差別。大大碗譚仔三哥的墨丸米線十小辣：六粒爽口彈牙的墨丸，加上口感軟綿的米線，配上兩條腐竹和海量芽菜仔，還有對我來講是剛剛好的十小辣湯底，就這樣又一餐了。

正宗嘅譚仔三哥可遇不可求 尤其是旺角呢一間 裝修又黃又綠 完全可以帶畀我雲南家鄉嘅感覺 喺食物方面 三哥嘅酸辣係無可比擬好食 我最鍾意就係佢哋蕃茄湯底 真係有一嚿嚿蕃茄喺裏面 而且非常濃郁 其次推介就係佢哋嘅 尖椒皮蛋同土匪雞翼

應該好多人同我一樣，自從有譚仔同譚仔三哥，食米線食到毒癮咁，每幾日就要食一次！無錯，今晚毒癮起，所以食三哥，食過N次，但今次好好分享一下！食過一次糊辣後，從此愛上，每次食三哥就只食呢個湯底！酸菜又係本人最愛😆，三哥既墨丸最好食，叫雙拼貴左料又少左，所以朋友叫墨丸米線，分2粒俾我就岩好啦墨丸麻辣5小，麻辣味好麻，5小辣對我黎過已經食唔到。土匪雞翼: 呢個一直keep到水準，即叫既炸，所以上枱實係熱辣辣，香噴噴！無論食譚仔定譚仔三哥，都令人又愛又恨，愛佢既湯底，愛佢既小食，但每次，係每次，食完成晚都口渴到爆，每次都好後悔，但過幾日又再去食😝人類總喜歡犯同樣既錯！😏

之前經過見到這間鋪都有幾多人排隊，但今日下午茶時段竟然沒有人等，既然有位，好奇地就入去食下啦。中午或下午茶時間通常有人在門外等位，如果多人是需要搭枱。第一次食譚仔米線，不知如何呢 ?!我們選擇了炸醬麻辣米線及豬潤麻辣米線，辣有分好多級，我們點了小辣2。米線湯裡面超級少配料，一、二條葱和腐皮，就是這樣，沒有其他配料，而炸醬和麻辣米線是分開上的，炸醬味帶酸，好像肉醬一樣，與其他吃米線店鋪做法完全不一樣，味道很差，好難食。而另一碗豬潤麻辣米線，材料少得可憐，湯底只喝到小辣味，其他味道完全是沒有，亦是很差，相信以後一定不會再光顧了。

一段時間冇黎食, 今日行過就入去食餐晏啦. 通常去三哥都係食三哥酸辣或者麻辣湯底, 今次就揀左麻辣十小辣, order了鮮冬菇同埋豆卜兩個餸. 賣相都OK, 芽菜同韭菜都有唔少, 鮮冬菇有4粒都頗大粒, 豆卜就係我最鍾意既果款長形豆卜! 好似都有4舊! 鮮冬菇味道鮮甜, 同埋洗得幾乾淨, 食唔到有沙. 麻辣湯底都OK, 唔會好鹹, 雖然只係十小辣, 但辣度對我黎講都OK架喇, 呢排都唔想食太辣. 而最滿意就係米線既質地, 幼幼地, 軟硬度適中, 口感好軟綿的, 不過份量真係太大碗, 下次叫少米線就OK啦!

呢晚又外賣譚仔三哥返去食，以前多數會叫三哥酸辣，但自從食過煳辣之後就返唔到轉頭，鍾意佢唔係一味嘅辣，每一口都有多重香料嘅味道，湯底嘅質感亦比其他口味嚟得濃郁。每碗米線入面本身已經有韭菜、芽菜同腐皮，另外仲加咗腩肉、木耳絲同冬菇，呢次嘅腩肉肥膏部位明顯，口感仍然脆身軟嫩，木耳絲同冬菇就爽腍，加咗佢哋之後令湯底仲鮮味。另外仲買咗份大嘅土匪雞翼，表面沾滿調味料，賣相黝黑唔太討好，食落就外脆內有肉汁，味香微辣。

我永遠大愛腩肉糊辣 只係得三哥先會有😍😍😍😍我次次都會叫糊辣😎😎因為糊辣種味好特別 又香又濃味好岩我食重口味得黎又唔食得辣既人😛😛三哥既米線又滑又香 一講起 三哥癮又起啦仲要配上最愛既皮蛋❤️❤️❤️皮蛋個汁睇落去好紅 以為會好辣但其實係又香又好味🤗🤗🤗我最中意食多皮蛋黃既皮蛋😚😚😚好好味 真心百食不厭呀🤤🤤🤤🤤佢既蒜泥白肉就一般般啦🙈🙈但食譚仔我就一定會三哥💕💕💕💕💕💕

因為前排太常外出吃昂貴的晚餐，害得臨近月尾時財困😞。我要到下月出糧後才有錢吃貴一點的餐廳，暫時只能負擔快餐店和其他連鎖餐廳。這天午餐唯有吃譚仔，一來比其他餐廳便宜，二來方便快捷，三來味道不錯，至少是正常的。點了墨丸米線，清湯底，店員仍是滿口鄉音，但她也很盡力理解我所說的話。雖然點菜用的時間比在其他餐廳慢，但總算是成功的。一分錢，一份貨，價錢較便宜，服務質素當然不能與高級餐廳相比。墨丸很大粒，咬下去很彈牙，充滿着墨魚香。米線份量可接受，至少能吃飽。就是這樣，我在譚仔解決了午餐。

旺角鬧市中很難得有一間店能夠充分容納客人而且不用客人等太久。我來這店都來了數次，說實在的，每一回也不用等便可以入內了。內裡的員工效率高，很快便會幫忙安排點餐送餐等等。反正不多時就有一碗熱騰騰的米線出現在眼前。我點的是全走炸醬雞肉清湯米線。送上來後，嚐一口奶白色的清湯，甘甜鮮味，反正我挺喜歡這口味。米線軟身滑溜，盛在湯匙和著清湯一口吃下，一解飢餓。我喜歡這店子的炸醬，味濃之外，最重要是這裡的炸醬不算太辣，甚至可以說是不辣。對於我來說，這味道剛剛好。雞肉的話，這裡會替你撕好了肉塊，都不會需要吐骨什麼的，十分方便食用。閒時四處人多時，這裡總是有坐的位置，還真是旺角平價午餐好去處。

譚仔這玩意要不是同行的人喜歡吃，要我間中欣然接受的話，基本上我也絕對不會觸碰，本人對米線真的不感興趣，若有河粉/ 米粉等，也許可以再考慮吧。點了一碗墨丸豬潤酸辣湯米線，對我而言，配料終是配料，也變不出甚麼花樣，味道與街市凍櫃所賣的大致相同，例如墨丸便是街市賣$22/磅的墨魚丸。豬潤質素也是一般，沒有黃沙豬潤般的幼滑似沙的質感，只是乾得來有點老，期望值不會放得太高。酸辣湯底蠻開胃，但多吃幾口似乎便有點膩。整體而言，不過不失，興趣並不大。

近排變了譚仔的常客🙈我點了貢丸米線，因為突然想吃辣，所以點了麻辣湯底，5小辣。😛因為我叫了少米線，所以減$1，變成$28貢丸很夠菇味，5小辣也不算太辣，可接受

有時收工1條友就最鍾意食譚仔,作為米線控的我,好多間譚仔三哥我都食過,但我對旺角呢間就情有獨鍾!今日我叫左炸醬酸辣米線,加個青瓜, 雖然好似無乜餸,但其實個味道層次已經好豐富!一啖米線加d 炸醬落去再加啖湯一齊食,配埋爽口青瓜,享受

一大班朋友放左工,行完街之後浩浩蕩蕩甘去搵野食因為我做完手術,唔食得辣朋友們都好好,會問我食咩所以我都揀間可以揀辣或者唔辣既野食加上諗諗下又無試過8個人一齊食譚仔-一上到去 阿姐見到我地8個人 就同我地講好快有位正想坐低等位,阿姐就話可以過去坐低我成張枱都係我地,無其他人一黎到就即刻叫左一人一碗面先我要至愛係魚旦豬潤同炸醬,因為唔可以食辣都係清湯算2碟大SIZE既土匪雞翼,仲有其他小食手拍青瓜,蓮藕同雲耳等等味道都仲keep到,譚仔既味道係無食好耐就會好掛住我決定好返之後會再黎食 下次可以食辣架啦!!!-D野食黎齊哂 成張枱好壯觀影相又影左一段時間咩角度影都係自己友食下傾下計 同朋友一齊好開心希望同佢地下次再食過!