SPICE Restaurant & Bar

Open Now

Now Closed

同朋友係尖沙咀行街,一直都好想食印度菜,除左重慶大廈, 聽講SPICE Restaurant & Bar都好出名.上到樓就見到充滿印度特色既吊燈,裝飾超型格,燈光柔和舒服,配合吧枱,成個人好放鬆,Waiter都係印度人,感覺更加正宗.我地叫左Nacho做前菜,但份量係超級大,配上莎莎醬,酸奶醬,牛油果醬,粟米片大大塊,又夠脆,每塊仲有D溶左既芝士,令粟米片更加脆3種醬都好出色, 酸奶醬略帶酸味,有D似奶酪,綿密醇厚,牛油果醬口感細膩油滑,有種好fresh感覺,莎莎醬有蕃茄既酸甜同辣椒既辣,同粟米片特別夾,食到停唔到口.辣肉腸Pizza,意大利Pizza就試得多,就試下印度Pizza有咩唔同.Pizza舖滿厚厚芝士同辣肉腸,下層係蕃茄醬,餡料好多,濃厚既芝士做到拉絲效果,混合辣肉腸,酸酸甜甜既蕃茄醬,味道層次好豐富,加上批底厚薄適中,批邊微脆,批底鬆軟,真係估唔到印度Pizza 咁好食.牛油雞配烤餅,一上枱已經聞到好獨特既印度香料,個汁味道好複雜,有好重既印度香料,甜甜辣辣,加上有椰汁香, 雞肉因為烤過,入口更香口,入味之餘,肉質仲keep到好嫩滑,烤餅軟熟,點埋醬汁來食,好快就索曬D汁

食來食去都係火鍋、西餐、日本菜...... 今日同朋友想轉下口味，食印度菜，搵到呢間位於尖沙咀諾士佛台嘅餐廳，主打印度及意大利菜式，非常吸引。餐廳嘅裝修非常有格調，燈具色彩繽紛。我哋坐靠窗嘅卡位，私隱度高，非常舒適。Tandoori Chicken $140Boned chicken marinated with Indian spices & cooked well in clay oven 香烤無骨雞塊 - 印度草料烤去骨雞塊烤雞上桌嘅時候仲「滋滋渣渣」冒着煙，香氣四溢！味道梗係一絕，好喜歡印度香料嘅辛辣味，辣到流鼻水，但又食到停唔到口。Beef Lasagna $125Fusion Steve lasagna prepared in a classic style with creamy Béchamel sauce with layered pasta牛肉千層麵- 分層意大利麵配奶油調味醬，融合出經典風味牛肉千層麵超愛肉醬千層麵 Lasagna，層層分明，芝士味極濃郁，醬汁夠多，不會焗到乾爭爭，好好食。呢度嘅店員係印巴藉，令人感覺食物更加正宗，哈哈！

又再黎食喇 佢啲野食係高質而且佢啲staff好nice 最緊要一樣野係有我最想食嘅野仲要次次黎都會叫嘅butter chicken 😍前菜就每日都唔同可以比你簡飲湯定沙律chicken tikka chaat印度既燉烤雞 用左唔同既香料而製 雞肉嫩而香 雖然係烤雞左完全鎖得住肉汁 口感一d都唔覺得粗糙 個汁好香 幾種香料夾得好好 少少辣 但口味上就有啲重 如果唔鐘意重口味既朋友呢款未必岩食lamb tagine慢燉出來既羊肉勁嫩滑 仲用一個呈倒轉漏斗形狀的陶鍋去慢燉 幾特別 呢個形狀既陶鍋可以鎖住食物既水份 的確 羊肉都十分之juicy 此外 佢既醬汁都非常之惹味 同羊肉好夾samosa 印度咖哩角 咖哩勁香勁惹味 炸得好香脆而且唔會太油膩 食落岩岩好 chicken satay沙嗲汁勁香 辣度適中而且好開胃 雞肉好juicy而且每一舊都好厚肉butter chicken鎮店牛油雞 主汁係咖哩 但牛油既香氣完全滲透左係入面 雞肉嫩而且好入味 配搭薄餅真係好好食 必食👍🏻magherita pizza薄餅都幾大份 建議兩個人嗌一份 非常香脆 水牛芝士好濃郁 蕃茄好新鮮 羅勒幾香 成個配答

Tequila Chicken Berger $130好大個酒煮雞肉漢堡包，用上龍舌蘭、青檸汁同特製香料去醃製嘅雞胸肉，食落一啲都唔鞋口，仲嫩滑多汁。配上芝士、蛋黃醬同綠色嘅鱷梨醬，口感豐富，惹味十足，仲有沙律同薯條伴碟，食完真係好飽。12吋Pepperoni Pizza $135食Pizza揀意大利辣肉腸一定係我首選，加上San Marzano Sauce同大量芝士。辣肉腸夠香，味道濃郁，薄餅唔會太厚身，幾個朋友一齊食就最好不過啦！店舖名稱：SPICE Restaurant & Bar (尖沙咀)地址：尖沙咀諾士佛臺1號2樓

友人愛吃不同地方的美食，今次去諾士佛臺睇下有咩好食。見到有間印度菜，價錢合理，於是便在這裡晚餐。非一般的門面，入內感覺不像以往食的印度菜店。地方非常寬敞，舒適又有格調，好有氣氛，仲有酒櫃！食物種類頗多，友人最終選了 "Pepperoni Pizza (12")", "Samosa (Chicken)", "Butter Chicken" & "Thick Crust Plain Naan".Samosa (Chicken), 炸得香脆，再配醬汁，美味！我比較鍾意食這個，Butter Chicken, 因多汁，番茄開胃，配naan 一流 我們最愛吃  Plain Naan，熱辣辣，plain 才食到香口，又可沾其他菜的汁食 Pepperoni Pizza (12")，材料很豐富，意大利辣肉腸、芝士，再配 San Marzano Sauce，非常惹味 環境舒適，食物又美味，真的不錯的選擇 ^_^

味道好好，環境舒服！強烈推薦去食！價錢合適香港人，烤羊肉味道偏喊但配上香草汁即刻中和咗，加上上菜時間好快唔會要等好耐，野食嘅賣相好好，非常吸引！最後不得不說，佢雖要用英文進行點菜，但餐牌會附上中文，可以放心點餐。

今日同幾位小學同學嚟呢間餐廳，環境幾舒適和有格調，值得推介首先我地點了特色肉類拼盤賣相幾吸引，共有九種小食可供選擇，配上pita bread，別有一番風味之後我地點了BBQ鷄肉pizzapizza烤得不錯。BBQ汁甜甜地的，好好味。整體上唔錯，材料豐富，熱辣辣鐵板烤牛肉賣相唔錯，牛肉很juicy, 還有大量蔬菜，例如燈籠椒和蕃茄，幾健康。千層麵千層麵非常之大份，夠幾個朋友一齊分。蕃茄醬和肉醬非常濃味，配上沙律菜，不錯海鮮炒飯呢個炒飯炒得好香口，但都幾辣，唔食得辣既建議唔好挑戰另外我哋仲叫咗幾款甜品，賣相吸引，幾有特色，啱晒女仔打卡，而且味道亦不錯呢度亦有好多cocktail,和朋友不醉無歸

疫情再次肆虐，襯係二人限聚前同同事食生日飯❤️係諾士佛臺食其實都驚會岀現酒吧群組🙈食前都search過枱同枱之間都有一定距離，先安心啲去到餐廳，有種神秘既感覺，燈光較暗氣氛一流，而店員安排佐我地坐窗邊梳化位，自成一角好岩傾計，同隔離枱絕對保持社交距離🤣卡邦尼薄餅🍕10 inch($100)好搞笑個pizza一上中間有隻煎蛋🍳😂真係見識少未見過😂上黎時夠熱，滿滿既芝士仲拉到絲👍🏻味道都正路椒鹽胡椒炸魷魚($120)呢個都係新鮮炸起，配佐類似沙律醬同甜酸醬，2種口味都好開胃既前菜👍🏻份量都好大碟牛油雞($130)🌟🌟🌟重點推介!!呢個超級好味!!!一入口已經感覺到有牛油既香味同個質地都好似牛油!!同個雞好夾好夾有碗飯係度應該可以食曬🤤我地配佐個牛油Naan酥餅真係perfect🥰🥰意式白蛤蜊麵($125)不推介，啲蜆好大陣海水味，有啲腥，可能唔係食開既口味唔識食Tiramisu ($55)同事即叫即request寫Happy birthday🎂呢個甜品竟然有驚喜唔係太漏平時食開好多cream個種，細細舊實在太好🤣上既時候仲全場播生日歌🙈3個女仔，叫到成枱都係野食😂都有成6 7樣野講唔曬🙈🙈總

呢間位於酒吧林立嘅諾士佛台，嗰度有間印度餐廳除左會有傳純嘅印度菜外，仲有其他國家嘅菜式供應，而比較特別嘅係呢度會有北非摩洛哥嘅菜式，講左咁耐呢間餐廳就係SPICE Restaurant & Bar。而呢次分別叫左有阿拉伯風味嘅特色前菜炸鷹嘴豆餅，仲有墨西哥薄餅，加埋印度風味嘅烤羊肉串燒，最後當然要有北非摩洛哥嘅羊肉塔吉鍋。羊肉塔吉鍋：用上杏子，梅子所燉嘅羊肉，再配以糖汁橄欖同薯仔，羊肉燉得非常軟嫩，保持肉汁，亦非常入味，最啱就係加埋佢哋附上用古斯米做嘅飯一齊食，令人有種去左摩洛哥嘅感覺。鷹嘴豆餅：係一款素菜餅，入面除左有鷹嘴豆蓉外，仲有啲雜菜，再加埋藥草。食落味道都幾特別，不過食嘅時候感覺會有啲乾，所以佢哋提供左兩個醬，分別係酸酸嘅沙律醬同埋惹味嘅辣椒醬。墨西哥薄餅：薄餅香脆，入面包著香辣惹味嘅雞肉同埋咸香嘅切達芝士，食嘅時候可以分別加埋佢哋提供嘅蕃茄他他醬，酸奶油，鱷梨醬，又或者三種醬一齊食，每種不同食法都會令薄餅嘅味道層次都會有明顯嘅變化。烤羊肉串燒：羊肉經過獨特而香濃嘅香料醃到非常入味，加埋印度嘅草料，令到羊肉增添多份印度嘅風味。

諾士佛台除左飲酒食shisha其實都仲有好多唔同類嘅餐廳比大家揀~~朋友不嬲鐘意周圍試野，佢提議黎呢間主打中東菜既SPICE Restaurant & Bar試試~~~ 一上到去到，餐廳既另一邊就有好幾個打卡位：摩洛哥傳統馬蹄形拱門，仲係粉紅既超夢幻，再加埋土耳其既馬賽克吊燈，感覺好似已置身中東區中~~~當日上到去，仲見到一班著印度風既朋友喺度開小型party，真係好鬼熱鬧!我地叫樣樣都叫咗啲~~Falafel (炸鷹嘴豆餅)+墨西哥薄餅+烤羊肉串燒+羊肉Tajine(塔吉鍋)先講講前菜，Falafel 口感好似食緊炸角仔咁入面好多芝麻粒粒再孜然味勁香~ 覺得無咩味可以點佢比埋既沙律醬同辣椒醬~ 之後就係墨西哥薄餅，薄薄一小塊入面有雞肉加芝士餡～食嘅時候再點埋 3 種醬: 蕃茄他他醬，sourcream同牛油果，我就最鐘意個蕃茄他他，因為加埋落D雞肉餡薄餅最夾! 食完D算清啲既菜，呢個烤羊肉串燒真係好濃味! 首先佢用鐵板上，嗰個味係香到不得了，再加埋羊肉已用好多香料醃制過，所以味道再上一層樓，所以佢地會配埋塊PITA比你夾住食~~~ 最後，就係呢個羊肉塔吉鍋，羊肉燉得好軟腍，再加埋個汁

來到尖沙咀諾士佛台 日頭無酒吧看似死城咁 但其實仲有好多唔同國家的美食 竟然比我地發現有印度菜餐廳環境都充滿印度風味，好似置身當地咁 充滿印度風情而食物選擇亦都非常之多pepperoni pizza-我地簡左有辣腸 個cheese 好濃厚 我地選左細size 但份量都非常之大 個餅底烤得好鬆脆，食到一件接一件，而個腸亦都係厚切，啖啖滋味 好豐富，一定要試 pizza 餡勁豐富，食完已經好滿足。海鮮炒飯-係用印度香米炒 海鮮有青口 蝦 魚 海鮮分量多 絕不欺場 有點辛辣但炒得好好食 超有印度風味，意想不到又幾好食wor!!想試埋其他野 但真係太飽了，唯有下次再來。

難得星期六放假，同屋企人出街揾食。想揾個靜靜地又可以坐得耐既餐廳，屋企人帶左我黎諾士佛臺。原來呢度樓上都有好野食，環境仲唔錯。 餐廳地方大，坐位闊落，卡位仲有落地大玻璃可以望街景，中午時自然光射入黎感覺舒服。燈飾甚有印度feel, 好鬼靚。印度菜雖然出名食咖哩，但今次決定試下佢地既薄餅同燒烤。薄餅款式多樣化，有岩食肉獸，亦有岩素食者。Chicken Tikka Pizza $130（1 0 "） 呢款印度烤雞薄餅，餅底厚薄適中。剛焗起，熱辣辣之餘餅底較軟腍，唔會覺得又乾又硬。餡料唔多，只有經燒烤過既雞肉和洋蔥，但餅面上是滿滿的濃郁芝士，下層為蕃茄醬。呢款唔係普通既蕃茄醬，係由San Marzano製作而成既蕃茄醬，顏色較鮮紅，味道亦較鮮甜，完美地襯托出薄餅既風味。兩條友唔使半個鐘就ko晒成個pizza。Veg Fajitas $135即係Grill vegetable 鐵板烤蔬菜。有蕃茄，西蘭花，洋蔥，薯仔，青豆，磨菇，紅蘿白，紅椒，青椒和粟米。。。多到都唔太記得啦，總之好多材料啦佢仲配埋四塊印度玉米軟餅和特色醬汁，有鱷梨醬（牛油果醬），酸奶油和蕃茄沙沙，一定要試，出奇地好食，尤其是酸

今日平日放假去開尖沙咀行街，經過諾士佛台見到呢間餐廳門面好似好吸引，仲有啲聖誕裝飾，午飯時候人流唔算多，可以坐到卡位望到窗外。我哋兩個人總共叫咗四樣嘢。叫咗一個鐵板烤牛肉，鐵板牛肉黎嘅時候仲係熱辣辣，出緊煙。牛肉底有炒洋蔥同燈籠椒，係配埋個薄餅食，再加埋牛油果醬簡直絕配。第二個係水牛城雞翼，雞翼係即炸皮好脆，肉都好新鮮再配埋個辣汁好入味。最後係芝士烤餅，雖然睇落好普通，但係入口有好香嘅芝士同牛油味而且係新鮮烤成，熱食好好味。呢個印度煎馬鈴薯，好有印度特色，佢嘅醬汁係酸酸辣辣好開胃。入邊有鷹嘴豆、煎薯餅、同埋一啲印度脆薄餅，幾樣野夾埋味道好夾口感豐富。呢間餐廳整體來講都唔錯，下次如果再想食印度嘢嘅時候都會再過嚟食。

Lemon Pepper Calamari前菜嗌左檸檬胡椒炸魷魚🦑上枱嘅時候熱辣辣，脆卜卜，胡椒味唔算重，配上檸檬汁既一點酸，味道層次更加豐富。Salmon Tagine嚟到呢度又點少得叫返個Tagine，Salmon Tagine係以香辣秘製醬燉醃三文魚同新鮮蔬菜，三文魚口感香滑，辣度唔算重，但好開胃，用嚟撈飯真係一流。Butter Chicken & Lamb BiryaniButter Chicken 係我最愛之一，醬汁有濃厚奶油香氣，雞件香滑入味，啖啖肉，好幸福。而羊肉炒飯幾有鑊氣，夠乾身，滿滿羊肉香。最後嗌埋Lachha Paratha，為今餐畫上完美句號。

同朋友去呢度試印度野食，見幾多人話幾好就book左呢一間試下可能係平日，一入到去個環境都幾靜幾舒服。周圍有好多印度風既裝飾，感覺唔錯。我地叫左幾樣野食，share一齊食。特色肉類拼盤，上碟靚，九種小食，有好多選擇比你去揀，配一個pita bread，想食既話可以另外再落order。鐵板烤牛肉賣相唔錯，下面鋪左大量既燈籠椒，上枱既時候好香，食落質感好厚實，好惹味👍🏻BBQ鷄肉pizza個汁甜甜地幾吸引。pizza既餅底厚度適中，唔會話一咬落去成口粉。成個pizza焗得夠，所以好香口。千層麵比我地想像中大份，上枱既時候聞到好香。個麵用左好多蕃茄醬同肉醬，但係食落唔會膩，旁邊仲有沙律菜配埋一齊，令口感好清爽。海鮮炒飯就係咁多樣入面我覺得最好食既。個炒飯好香口惹味，但係偏辣。食到辣既人就冇問題，食唔到辣既就唔太建議啦。4個人叫左4杯野酒，平均每人250我覺得都好抵，值得推介