Video
Opening Hours
Today
11:00 - 22:00
Mon - Sun
11:00 - 22:00
Above information is for reference only. Please check details with the restaurant.
👧🏻同朋友今次唔想食正餐，喺樂富有啲想掃街！不過豆乳狂人已經有齊晒我哋想食嘅嘢，仲可以坐定定安心慢慢食！除咗最出名嘅各種口味豆漿、糖水，原來仲有唔少鹹嘅小食！🌟薑汁麻糬芋薯糖水冬天咁凍，要食返啲暖笠笠嘅糖水！估唔到呢度嘅薑汁番薯糖水薑味幾濃又夠辣，薑汁白玉夠晒煙靭軟糯，而芋薯即係有齊黃心番薯、子心番薯同芋頭呢三款澱粉質，整體上都算幾腍同甜；鮮奶麻糬充滿奶香滑捋捋。🌟黑糖紫米豆乳//鮮芋泥豆乳豆乳狂人嘅豆乳全部都少甜低脂，豆味相當濃郁。加上有唔少口味選擇，要試唔同口味都可能要飲返10幾次先得🤣。今次叫嘅黑糖紫米豆乳，紫米相當有咬口，份量十足夠晒飽肚。至於芋泥質感細滑又唔甜，令人飲得相當滿足！🌟Gold純度鹹蛋黃炸脆雞估唔到呢到既咸食咁有誠意，鹹蛋黃醬超級香濃真係夠曬純🤣，有沙沙既感覺。包住炸單骨雞翼，食得方便。食完真係好有罪疚感🥹。
continue reading
自己好鍾意食甜品，但因為有乳糖不耐症關係，平時都會小心選擇、儘量揀豆品製甜食，因而經常幫襯呢個豆乳品牌嘅甜品今次嚟開樂富見有分店順道買啲嘢食下●薑汁麻薯芋薯糖水~個薑汁味道好出，平時少食薑嘅我都接受到，因為都幾香同暖胃，好啱天氣涼涼哋食。裡面有好大舊紫芋超粉糯、拉埋絲嘅白玉同三色芋薯等超足料，個人覺得整體甜度有啲高●Black & White Sesame-Topped Soy Milk with Pudding & Brown Sugar Pearl黑芝麻奶蓋~搖勻嚟飲佢個黃豆粉味都幾香、珍珠又Q布丁滑滑，芝麻味道較為低調，飲晒成杯幾滿足●Sticky Rice with Avocado, Eel & Tamago 牛油果鰻魚玉子粢飯~呢個我次次都嗌，材料豐富全部都鍾意食，今次都保持到水準，牛油果幾熟夠滑鰻魚也多，油炸鬼酥脆，呢餐飽飽
continue reading
佢哋嘅豆乳出名口感濃厚，品種選擇多，仲有豆花、滋潤糖水、栥飯及小食，想食飽啲定想食飯後糖水同樣適合🔖鮮芋泥豆乳頭號最愛，綿密芋泥加濃郁豆乳，質感順滑，豆乳本身無加糖，豆香味濃，配上微甜芋泥，甜度剛好🔖抹茶紅豆小丸子抹茶豆乳質感濃厚，裡面有粒粒紅豆同煙韌小丸子，口感豐富綿密，夠晒真材實料，滿滿飽肚感🔖特濃豆乳豆乳豆味香濃，無糖配方，豆香味更突出，啱晒追求健嘅朋友🔖薑汁豆花/ 仙草豆花豆花有仙草、紫薯、芋泥、芒果等不同口味揀咗最基本嘅薑汁豆花同仙草豆花薑汁豆花簡簡單單食到最原始風味而滑溜仙草配上滑嫩豆花，雙重口感有凍食或熱食選擇，作為飯後甜品最好不過
continue reading
一路都好鍾意「豆乳狂人」嘅item ，之前一直幫襯開「海之戀」分店，今次係「樂富」有緣遇見，即刻買返碗外賣先～除咗甜品，佢哋嘅栥飯同小食都非常不錯‼️😋超煙韌豆花面層有芝士奶蓋，珍珠，小丸子，芋圓，加咗奶蓋好好味🧀💯配料夠曬煙韌有咬口，底係滑溜溜嘅豆腐花，濃濃豆香味～呢個組合真係完美～作為豆乳狂人嘅fans，已經食過好多次，食完已經又想再食了🤤實在太好味🫶🏻狂人栥飯呢個係經典配搭，超足料，外層軟軟嘅糯米飯，裏面包住脆卜卜嘅油炸鬼，榨菜同肉鬆比例剛剛好，口感豐富～外賣返到屋企食依然咁好味🥹
continue reading
自從試過soymart豆乳飲品，久唔久都會再幫襯吓，以下係幾款食過幾次都好鍾意嘅小食推介。GOLD純度鹹蛋黃炸脆雞 $38．炸脆雞即係炸單骨雞翼，試過避風塘味，個人認為鹹蛋黃最夾．鹹蛋黃醬🥚都幾大量，每啖都有鹹香味．炸雞翼都炸得唔錯，外脆內軟，肉汁都豐富💦吉烈豬扒粢飯 $45．呢間嘅粢飯都好出色，牛油果鰻魚個款都唔錯，但由於我鍾情油炸款，食吉烈豬嘅機率會高啲🤣．粢飯好足料，有玉子、青瓜絲🥒等配料，炸豬扒都好大粒😛焙茶珍珠小丸子 $42．之前都推介過呢款飲品，個人認為佢地茶味豆乳真心出色，抹茶味都可一試😬😬．焙茶味依舊好濃😋．轉咗飲品包裝，有啲掛住以前嘅透明罐裝🫣
continue reading