秋嵐日本料理

Open Now

Now Closed

無限回訪 鰂魚涌名物檸檬牛舌 無黎幾個月又多人咗?!Grilled Thick-cut Beef Tongue Set (With Curry)仙台風 極味厚切牛舌定食👅 (附咖喱)$158 牛舌每次嚟都好厚切，而且燒到外皮焦脆，中心粉紅柔嫩又爽彈，so far 食過幾次都無失準過，加啲檸檬汁會冇咁膩，重口味啲可以蘸鹽、燒汁同蔥油，或者係咖喱Saikyo Grilled Black Cod Gozen 銀鱈魚西京燒御膳$178 飯同魚係分開上，即係成大碗都係銀鱈魚，足足有三塊大魚扒，出面可能$178都係得1-2塊，呢到真係好滿足到我，魚肉雪白潤澤，有好濃郁魚油香味，同香甜嘅西京燒汁係絕佳配搭飯係珍珠米，好軟糯好好食兩個set 都配一份沙律、茶碗蒸、啫喱，茶碗蒸好滑嫩，高湯味濃郁Crispy Cheese Lava Rice Cake炸芝士年糕$12 金黃色外皮炸得又薄又脆，而且多餘油份已吸走，年糕又煙韌，半溶芝士餡好香濃小店都係簡單木系裝修，不過地方較窄，枱同枱之間都有啲迫

秋嵐日本料理位於鰂魚涌英皇道東匯坊地庫，是主打各式經典及人氣日式膳食的溫馨小店。店內裝潢簡潔明亮，環境清幽舒適，設有堂食及外賣服務，無論獨自快餐還是三五好友聚舊，都非常適合隨心坐下享用一碗用心製作的日式料理。極味厚切牛舌定食人氣必試菜式之一。牛舌厚切處理，外層煎至金黃焦香，內裏則嫩滑有彈性，牛味濃厚、肉汁四溢。配上檸檬汁或自家調味可提升牛舌鮮味，每份定食更附蒸蛋、沙律、味噌湯及甜品，份量十足，風味豐富。可加錢追加三文魚子。整體來說，極味厚切牛舌定食在肉質、配餐和口味均有出色表現，深受牛舌愛好者推薦，是秋嵐日本料理的招牌必試佳餚。 缺點是店鋪面積細座位很多，座位很逼，枱與枱之間距離太近。

呢間我諗大部分都係放飯去食，大家但求快靚正。個牛舌基本上台台都係食呢個咁濟，生熟完美，咬落好淋，仲有幾款醬可以揀，個set跟個蒸蛋，仲有個咖喱仔，都幾豐富。仲跟個甜品，不過係個啲垃圾布甸仔，我覺得幾無誠意，可能比一球cheap嘅雪糕睇落都靚仔啲。食晏嚟講價錢偏貴，但佢嘅嘢食比到對應價錢嘅質素你，牛舌出面好少食到咁好味，一試無妨。服務就無嫁啦，同埋坐啲位都幾迫，快快手食完比下手入台，唔知夜晚會唔會好啲。

紅日晏晝黎，都有心理準備要排隊，但竟然幸運地直入🥹▪️極味厚切牛舌定食（附牛舌咖喱） （8/10）💲158啲人成日將佢同日本牛舌檸檬相比，賣相的確好似，份量都慷慨，外層帶點焦香，不過邊位比較耐嚼，中間就爽彈啲，本身調味唔重，可以加檸檬、蔥油、燒汁、鹽調味🍋咖喱牛舌粒軟嫩，味道偏向甘口，並非辛辣或者太鹹😌定食仲有沙律菜、麵豉湯、茶碗蒸、布丁，呢個價真係抵食既😇▪️滑蛋黑豚煮御膳 （6/10）💲108唔好牛舌既另一半，當日想食魚生，點知唔供應喎哈哈🤪豚肉炸皮都濕軟，肉質較爲乾鞋，結論就係All In牛舌🙂‍↔️🔎 整體評分（8/10）

太掛住日本嘅牛舌檸檬，所以今日即興去香港版嘅牛舌檸檬。我哋兩點去到，唔使排隊，不過佢三點就落場，如果大家去食嘅話就要留意番落場時間。🔹極味厚切牛舌套餐 (附咖喱牛舌) $158另加 $38 由白飯轉三文魚籽飯一嚟到基本上同日本嘅牛舌檸檬外貌差唔多，牛舌好厚切，而且唔會過熟，每一舊牛舌中心都粉嫩粉嫩，外層焦脆，內裏嫩口彈牙，口感層次豐富，正🤤配菜咖喱牛舌都好出色，同日本版差唔多，好好食😍😋另外轉配咗三文魚籽飯，雖然冇鋪滿成碗飯，但份量都唔少，味道都好鮮甜，如果再加配埋隻蛋黃應該仲正😋值得一提嘅係佢嘅蒸蛋，呢樣係日本版冇嘅嘢，不過佢蒸到超級滑，好味🥰鍾意食牛舌嘅你真係不妨一試！

🍱 極味厚切牛舌定食（$158）一上枱，嘩！真係厚切㗎，大大粒有成8-10舊，鋪到滿一滿，睇見都流口水🤤！口感爽！脆！彈牙！咬落去「索索聲」，外層微微焦香，入面又夠淋身，仲好 Juicy唔乾柴！個汁甜甜地帶少少燒烤香，但爽脆度真係冇得頂！份量方面 $158 有咁多粒厚切，仲要粒粒都咁靚仔，真心抵食！🍱 極味厚切牛舌&牛小排定食（$188）貪心啲想試多款肉？咁呢個雙拼啱你！牛舌同上，但牛小排都唔輸蝕，肥瘦適中，燒得香口，肉味濃啲，同爽口牛舌係兩種享受！

家人請食生日飯，近近哋揀咗秋嵐日本料理，因為見OpenRice的評價唔錯。不過，到左餐廳就見到魚生丼暫停供應嘅告示，真係好失望，因為我本身就係想嚟食魚生丼。迫於無奈之下，我最後揀咗極味厚切牛舌定食，仲加咗一塊$12蚊嘅芝士年糕，妹妹就點咗極味厚切牛舌+牛小排定食，。 食物真係好味，牛舌燒得好香又唔韌，厚度啱啱好，配菜嘅茶杯蛋滑溜溜，甜品芝士年糕暖粒粒，成餐飯食得好滿足。 服務就真係麻麻，等咗差唔多一個鐘先有位，仲要入到去先話淨係得水吧位，完全冇提前通知。走嘅時候聽到佢會問其他客人介唔介意水吧位，但當時就冇問我哋，感覺有啲唔公平。 總結，食物好食，但服務同安排真係有改善空間，嚟呢度食嘢記住要有耐性！

必食隱世人氣港版牛舌檸檬🍋日本大熱的牛舌檸檬喺香港都有得食！地點有啲隱世，位於商場地庫，但店內依然都爆滿！仙台風 極味厚切牛舌定食（附咖喱）($158)定食包左咖喱、沙律、茶碗蒸、甜品。牛舌好厚切，燒到外皮焦脆，粉嫩又爽彈，加啲檸檬汁會冇咁膩，可以蘸鹽、燒汁蔥油、咖喱食。另加左$38轉三文魚籽飯！厚切牛舌＆牛小排定食($188)同樣配左咖喱、沙律、茶碗蒸、甜品。牛小排都好淋，一啲都唔鞋，份量好多～地址：秋嵐日本料理 @shuran__izakaya鰂魚涌英皇道1010-1056號東匯坊地庫072號舖#goeat鰂魚涌 #goeat日本菜 #鰂魚涌美食#鰂魚涌日本菜#牛舌#秋嵐日本料理 #秋嵐#鰂魚涌秋嵐日本料理

🎂好友生日指明要食【秋嵐】的仙台風原切牛舌!!! 一早訂左位，但有限時呢。餐廳裝修以日本居酒屋為主，但座位比較密。定食已包牛舌咖喱🍛、茶碗蒸、雞蛋布丁、沙律及麵豉湯🥣🐮極味厚切牛舌定食牛舌超厚切呢~熟度剛好，粉紅色澤👍🏻，外脆內嫩彈，帶有牛油脂香。加檸檬汁食，好味😋~份量都幾多!🐮極味厚切牛舌&牛小排定食🥩牛小排都幾厚切呢~肉質都尚算柔軟，有牛味。🐟三文魚子飯鮮味不錯，魚油香~🥣牛舌咖喱牛舌燉到軟熟，咖喱味道正常。整體喺講，牛舌味道真心好味🥰，但餐廳冷氣太勁，食左2-3舊牛舌，啲牛舌已經凍哂😅，味道就變得無甘好食呢。呢點比較可惜呢…

同朋友都係牛舌愛好者，上次去左鰂魚涌試一間好出名牛舌嘅日本菜居酒屋我地兩個都嗌同一樣野👇🏻極味厚切牛舌定食（$158一份）佢個定食會包埋一份沙律、湯、茶碗蒸、細細碗嘅牛舌咖喱、甜品佢嘅牛舌每一舊都切到好厚身食落好滿足，外皮有少少焦脆，但牛舌中間位置係好粉嫩，肉質非常之爽口彈牙吾靭牛舌咖喱個汁超濃郁用黎撈飯簡直一流！食埋其他配菜份量岩岩好超飽超滿足人均消費💰$150-200💰

👅厚切牛舌定食（$158）小編終於自費去朝聖呢個鰂魚涌嘅人氣牛舌店，完全冇失望，成個餐係一啲都唔馬虎，有齊沙津、主菜、飯、茶碗蒸、麵豉湯同甜品🍮講返牛舌，因為人流多嘅關係會係即叫即燒🔥，望住燒住嘅牛舌真係粒粒都係厚切👍🏻牛舌燒得外皮小小焦脆，中間柔嫩多汁，味道上除咗原味可以蘸鹽、燒汁同蔥油醬，仲有咖喱牛舌，一次過可以食到五款口味嘅牛舌😋 （雖然同日本嘅係有少少分別，日本嘅油脂感都仲係比較重）環境嚟講係比較狹窄，不過百五蚊有呢個咁高質嘅set，絕對係性價比之選！

今日嚟到位於鰂魚涌秋嵐日本料理，係太古地鐵站岀沿電車路行5分鐘就到。網上見到牛舌關注組推介，一定要試吓。極味厚切牛舌定食 $158牛舌外面燒得焦香，份量好慷慨，肉質粉嫩彈牙juicy，但唔會過韌。配檸檬汁，及三款不同的醬料。定食仲有沙律，茶碗蒸及咖喱汁，同埋味噌湯。性價比高隱世小店，見餐牌除咗牛舌定食仲有其他刺身丼飯，日式定食可以揀，下次會再嚟。仲有晚飯時段過嚟非常多人，記得先訂位，可以係openrice或者inline到預先book位。

聽幾個朋友講過去開鰂魚涌都一定會去秋嵐度食牛舌定食，講到超高質唔食唔得咁😅我呢日經過開都去咗試吓🥢🥩極味厚切牛舌定食 $158朋友們極力推薦一定要叫呢個，食完之後終於明點解‼️牛舌芯超厚切，外面香脆內裡粉嫩，食落完全唔韌👍🏻除咗加檸檬汁之外仲有鹽,燒汁,蔥汁可以點，牛舌咖哩都好腍好好味😋🥩安格斯牛小排松葉蟹肉蟹膏丼 $188松葉蟹肉蟹膏份量好多，味道超鮮甜🤩安格斯牛小排肉質軟熟，牛味濃郁，食落啖啖肉汁👍🏻隨餐附送甜品,蒸蛋,湯,沙律，蒸蛋好滑，甜品係啫喱😋整體飽肚又好味☺️🔔溫馨提示🔔記得要網上訂座，因為呢間餐廳長期都好full🈵

估唔到喺香港可以食到日本厚切牛舌嘅味道😱 極力推薦俾大家呢間小店，雖然位於地庫但其實一啲都唔難搵到，但憑見到佢都有一個大長龍，就知道佢嘅食物質素唔低👍🏻今次兩個人點咗呢啲嘢食，全部質素都好高👅極味厚切牛舌+三文魚籽飯 ($198)🐟銀雪魚西京燒御膳 ($178)🍗午-龍田炸雞3件 ($18)🐔 日本鹿兒島芝麻雞翼 2隻 ($32)喺度全部都係食bento set，最受歡迎嘅就係厚切牛舌。食過就知道點解佢係最受歡迎入邊煎到粉色好軟熟，有三款醬汁可以配搭，分別有洋蔥汁、燒烤甜醬同埋海鹽，再配上三文魚子飯，真係非常之好味🤤另外銀鱈魚西京燒會配埋日本咖喱醬，邊度配搭又真係估唔到非常之夾。因為銀鱈魚本身比較輕盈啲，但在配上日式甜咖喱再有牛舌，真係好滿足🥰另外小店嘅其他小食，不過其實佢的bento都已經非常之滿足🤗

秋嵐日本料理 📍：香港鰂魚涌英皇道1010-1056號東匯坊地庫072號舖🚗：太古地鐵B出口 步行6分鐘📞：+852 2111-3129💲：~HKD88-188/head for lunchFood quality✔️：極味厚切牛舌👌🏼：汁燒雞扒御膳、安格斯牛小排松葉蟹肉蟹、三文魚三切總結：😋社交平台熱爆一段時間嘅厚切牛舌 非常火紅所以繁忙時段要耐心等候 但除咗牛舌外其他都冇咩特別🥺😋最招牌就肯定係極味厚切牛舌 物如其名真心厚切 重點係個橫切面粉嫩誘人 一上枱就極為吸精 食落都多汁嫩滑 難怪個個都叫🙏🏼🤔除咗牛舌外 佢都有唔少選擇 而且以午餐🍱嚟計都係行中高檔路線 人流多都證明一昧靠平唔係唯一出路🤔另外試咗安格斯牛小排松葉蟹肉蟹 $188一碗計份量少 松葉蟹都冇話特別新鮮 而且蟹同牛小排唔太夾 牛太濃味蓋過哂 分開食反而好食啲 牛肉都有點韌🥲🤔汁燒雞扒御膳就正常🤔$38三文魚三切 厚就夠厚 但唔夠大塊🙊😨由於非常火爆但座位有限 所以門口有一堆人排隊 安排入座有點混亂😕