斗滾 (適安大廈)

Open Now

Now Closed

一次過比你4個驚喜😁。友人訂了一間火鍋店，地方偏遠，本來有啲遲疑不停問點解要去到山旮旯食呀？食乜架？雞煲銅鑼灣大把有得食啦。點知去到，就知道呢間店與眾不同，店員有禮又青春，客人也很青春，好似大部份都係大學生。雞煲一嚟就知道係正嘢，香到呢…雞煲all-u-can-eat, 之餘，D肉又滑，之後跟着上蒸海鮮，正！（只係一盤，但只係收你每人$200 幾，重想點？）跟往後又上咗個烏雞湯，成隻烏雞，飲完湯食完雞再加番啲烏雞湯上去俾你打邊爐, 勁呀，上菜速度快，絕無取巧，絕不欺埸，所有火鍋嘅肉＆餸都係任食😁重有，冇時間限制，食得開心之極不可能唔比多幾個like👍👍👍👍👍👍👍👍👍👏👏👏👏👏👏👏👏👏👏。thank you and I will be back🥳

店名: 斗滾地址: 西環石塘咀山道54-66號適安大廈地下A號舖及1樓AB號舖香港大學站B2出口，行1分鐘環境: 3/5價錢:4/5味道: 4.5/5一至四/五至日及假期$268/$298所有野都任食除左海鮮拼盤🦞首先會食左雞煲，每隔2分鐘炒一次，食完一轉店員會主動問要唔要加揀左bb辣，食落唔算太咸啲雞好入味，肉好嫩，但因為想留肚打邊爐，就無加第2轉🫢之後就係重頭戲蒸海鮮，有跟人頭份量嘅鮑魚，扇貝，蟶子，開邊蝦，龍躉同蜆🥳全部落左蒜蓉係上面蒸，因為好新鮮，就咁食都可以食到海鮮嘅鮮味，中間放左少量烏冬，烏冬索哂海鮮嘅汁，好鮮甜入面🥰😍下一部會揀湯飲，我哋揀左養生燉湯，入面有烏雞，杞子，桂圓等等，飲落好清甜，三個人每人飲左3大碗都仲未飲哂🤩🙈😋之後就轉不銹鋼鐵盆打邊爐，follow ig/fb就送任食手切牛頸脊同黑豚肉牛肉食落比較有肉味，黑豚肉就無咩味，所以之後都係不停encore牛🤨其他火鍋配料就係出面自助區自己拎，無咩特別🤨甜品係椰汁燉雪耳，食落微甜，對女士皮膚好😗#stitchfoodie西環

📍西環斗滾 @potofsouphk 西環石塘咀山道54-66號適安大廈地下A號舖及1樓AB號舖· 養生湯火鍋放題 $268 另收加一 星期一至四 $268星期五至日 $298星期一至日 17：00 - 00：00💡只收現金！！︶︶꒦꒷‧˚₊៸៸﹕︶꒷꒦︶꒷꒦︶︶꒦꒷‧˚₊ ៸៸#ewm西環︶︶꒦꒷‧˚₊៸៸﹕︶꒷꒦︶꒷꒦︶︶꒦꒷‧˚₊ ៸៸*･゜超抵食無限時放題 ゜･* 唔洗$300 就可以食晒雞煲海鮮燉湯打邊爐一大班朋友食飯吹水首推斗滾！由6：30開始食到11：00先捧住個肚走！不過大家就預早要book位啦~．第一食：招牌大亂斗（無限Refill)雞煲可以揀唔同辣！試過BB辣同中辣！中意食辣之人嘅我覺得中辣先至惹味！！我哋11個人Refill咗兩轉～ 佢既辣係會加唔同辣椒粉 而唔係辣醬個啲 所以唔會死鹹！雞煲上碟嘅時候要再計時自己再炒過啲雞件，雞件一！啲！都！唔！鞋！十分之軟冧！數量唔單只比想像中多，再refill都冇減少份量，成個雞煲仲有啲菇菌同豆卜吸味，味道濃郁唔死鹹！覺得成餐最好食其實係個雞煲！！．第二食：海鮮盛宴本日打卡之最！一上枱大家都相機食先！有蟶子鮑魚扇貝龍躉花蜆海

成日見人哋食呢個豪華海鮮拼盤自己又去食下 都幾難book 難得book到西環舖8:30先食雞煲 個辣好惹味 啲雞都幾嫩唔老之後食海鮮 人越多越大盤 呢個價位來講啲海鮮都冇得彈 雖然中間有烏冬有啲搞笑跟住飲老火湯 極力推薦烏雞湯最後打邊爐 牛頸脊任食 真係勁正

之前自己同朋友食過「斗滾」覺得唔錯，所以今日帶屋企人去試試！👭🏻👭🏻入到去檯與檯之前就有啲啲逼，但我地6個人比左8個位嘅檯比我地，坐落都算舒服！🫰🫰坐低後，侍應哥仔就即刻幫我地落雞煲，雞煲要自己炒，每2分鐘翻炒一次，前後4次就可以食啦！雞肉好嫩滑惹味，完全唔比食雞煲專門店差，真係好好味啊，因為係任食，所以我地叫左兩轉，食到大家lamlam 脷😋😋係食緊第二轉雞煲嘅時候，已經幫我地蒸好盤無敵大的海鮮啦！海鮮盤有「聖子、鮑魚、扇貝、海蝦、龍躉、烏冬」海鮮十分新鮮，用簡單嘅蒜蓉蒸，夠鮮甜美味！烏冬吸曬各款海鮮嘅精華，真係一絕😍😋食左海鮮已經感覺少少飽了，再上個蟲草花烏雞湯，個湯夠甜，唔似味精湯！🫕🫕飲湯嘅同時，已經幫我地上埋打邊爐用嘅番茄薯仔花甲湯，哇！好正吖！🍅🥔like 社交平台可以無限送手切牛頸脊，牛頸脊高質，啲肉唔鞋好嫩滑，出面仲有丸，菜，飲品自助！好飽，好飽，真係好飽吖！最後還有甜品每人一客鮮奶雪燕，真係由坐低食到走！滿足😋😋

一大班人約食飯，最啱就係食雞煲或者打邊爐，斗滾就滿足到我哋啦！😆 首先係雞煲，因為我哋多人，所以嗌咗兩煲，一煲小辣，一煲唔辣。雞肉斬得細細件，好入味，相對地要夾得好密。😂食得辣嘅可以試中辣或者大辣，應該會好正😋 跟住就係跟人頭嘅海鮮盛宴，有鮑魚、聖子、扇貝、海蝦、花蜆、龍躉、讚岐烏冬。呢盤海鮮令到我哋嘩嘩聲，絕對打卡able！😂味道方面好鮮甜，勁香蒜味，粉絲同烏冬都入晒味👍🏻 食完海鮮就係打邊爐啦！我哋揀咗滋補火鍋湯底，嘢食係自己出去拎。其中好欣賞佢個黑/白墨魚滑，好鮮甜，又彈牙，encore咗好幾轉😂然後就係手切牛頸脊，呢個部位嘅牛唔肥，牛味重，好有咬口👍🏻重點係可以問佢添加，啱晒牛魔王！

用whatsapp訂座，原本諗住訂6點，通知我8:30要還枱，叫我可以5點到，3個半鐘可以慢慢食。店有2層，當天樓上嗰層有人包場，我們坐下面嗰層。枱放得好密，大家要保持忍讓哦!因為你和後面那位客人會沒有距離。如要去洗手間，要預早小小行出去，因女廁只得一格。店員全部都好有禮貌。跟上菜跟得好足，不過如果唔係5點開始食，上菜會慢些。首先任食雞煲，雞煲要炒4次，每2分鐘炒1次，自己炒呀!我們order唔辣，但店員主動同我們講可另上辣醬，超好服務。雞肉好滑，豆卜入味，麻辣醬好香。海鮮用蒜蒸，上面加蔥。有扇貝、鮑魚、龍、聖子、蚌、蝦、烏冬。店員主動幫我們影相。農曆新年能夠食到咁新鮮的海鮮實在太正。火鍋我們選了清湯腩湯底，店員會叫我們先喝湯，之後幫我們加湯打邊爐。湯清甜、重胡椒味。當時吃了件蘿蔔，唔好味，但打邊爐尾聲時再吃，超甜呢!在FB或lG留言可任食手切肥牛，肥牛唔肥，好岩我。出面有其他火鍋配料、醬料和飲品。配料算多，一碟碟分好放雪櫃，幾整潔。飲品唔算好多選擇。甜品係椰汁血燕。整體來說，食物好食，環境比較逼，店員有禮。

過年屋企人唔想煮飯想出去，特登揀左間冇限時任食雞煲打邊爐放題，可以坐足成個晏晝，成家人聚埋一齊傾偈～原來佢哋午市有9折，連紅日都有架(*╹▽╹*)🍽食物收費係成人每位$298加一，首先會上雞煲，食完可以再嗌，之後會上蒸海鮮，如果想encore就要加錢最追加，之後就係打邊爐，當中牛肉豬肉同火鍋配料都係任食✨雞煲可以揀辣度，我哋揀左BB辣，雖然唔係好食得辣，但雞煲點都要有少少辣先夠惹味！雞煲係要自己炒嘅，店員會教每2分鐘翻炒一下，8分鐘之後就食得。一打開蓋香氣撲鼻，雞件都算大舊，唔會得啲骨或者碎濕濕，肉味都預左欠奉，不過食得雞煲都係食醬爆個種惹味～ 之後encore左一次，依然keep到水準唔會hea你✨食完雞煲就食蒸海鮮，海鮮有6款每人一件，分別有元貝、蜆、鮑魚、蟶子、魚同蝦，簡單用蒜蓉蒸已經可以帶出海鮮本身嘅鮮甜味，食到款款都好新鮮，其中我最中意蟶子，夠大隻肉質又爽同好甜！中間仲有啲烏冬，不過就比較淡左啲✨之後就到打邊爐，湯底有竹絲雞湯同蘿蔔牛腩湯，2個湯底都可以直接飲品嘗吓先，之後先加料落去打邊爐～蘿蔔好清甜，牛腩燉到啲味出晒嚟，成個湯底好清甜，而且胡椒味比較重，我更中意另一個烏雞湯

Book左20:30兩位 準時入座明顯唔太夠人手，非常忙因為太爆場 所以安排座入邊本來應該係倉/放貨但都安排左空間 ，唔算十分舒適但可以接受，坐左一陣職員就安排開冷氣都幾細心，問左幾次會唔會太凍 先上左個雞煲👍🏻味道真係唔錯，仲可以無限加 依完就上左算海鮮👍🏻味道都係唔錯 ，不過現場人手十分短缺（太爆場）食完等左陣，就自己出去叫上湯抗邊爐揀左個番茄花甲👍🏻湯都係幾好飲 ，飲完就開始邊爐（已經9成飽）凍櫃唔算多打邊爐食物 上左一碟牛肉，牛肉👍🏻最後仲有個糖水 $268一位 真係好抵食 雖然人手唔足夠但係職員態度真係好好絕對會再回頭（西環店）有機會會試吓尖沙咀店😆

9/10/2022首先食雞煲、再食蒸海鮮（呢個絕對係打卡名物啦）（啲海鮮人頭計，都幾鮮甜嘅，不過中間啲烏冬冇乜味🫣）、之後再飲湯、再用啲湯黎打邊爐。每人like咗店IG 就可以任食牛肉，啲牛肉都幾好食喎，仲可以喺出邊拎嘢食同嘢飲。服務非常好，嘢食都幾好，我哋由五點食到7:30 pm (本身應該8:30要還枱但係我哋真係太飽啦）不過有唔好嘅地方係：拎嘢食嘅地方得壹個大雪櫃 （打棟），啲兜一個個疊起哂，拎嘅時候都要逐個睇吓係咩先拎。同埋位置比較逼夾如果同時間好多人一齊攞嘢食就會好混亂。同埋枱與枱之間都有少少迫夾，坐低食嘢就冇問題嘅，但係要行出行入拎嘢食拎嘢飲就會有啲唔方便。

🫶🏻抵食多種類無限時放題📍：斗滾｜💰：平日$268再另加一今次生日嚟咗一間好抵食嘅放題餐廳食飯，性價比相當之高，一個價錢可以食哂雞煲、火鍋同埋超值得打卡嘅海鮮拼盤🫶🏻首先會上咗雞煲先，我哋揀咗中辣啲雞件相當惹味🥵對我嚟講有少少辣但食落幾過癮。雞煲上枱之後要自己炒下同炆焗咗8分鐘先可以食，如果有興趣嘅話仲可以去自助櫃攞埋火鍋配料落去一齊炒🫶🏻食完雞煲之後可以揀再添/叫店員上圖二嘅海鮮拼盤，呢個拼盤無得任添係按人頭每人有各有1款海鮮🙈好彩有5個人一齊食，望落個拼盤超豐富。店員仲好貼心提我哋影完相要快啲食咗蟶子先，熱食先會好食🫶🏻成個拼盤除咗海蝦有少少梅其他都正常發揮。鮑魚同蟶子都唔會韌🫶🏻食完個海鮮拼盤之後就會上足料嘅滋補烏雞湯等我哋飲夠湯水就再加水打邊爐，雖然打邊爐嘅配料唔多不過極力推薦墨魚丸+片中呢舊其貌不揚嘅墨魚滑😂2者都相當之彈牙❤️‍🔥而且like咗ig可以任食好重牛香味嘅手切牛頸脊🫶🏻食得相當滿足。🫶🏻食到飽一飽店員就會按人頭奉送梛香味十足嘅梛汁雪燕，而且雪燕數量都唔少💓🫶🏻總結嚟講，嚟呢間餐廳可以滿足哂食雞煲同打邊爐嘅癮。而且無限時可以同朋友仔坐耐啲吹水😆不過西環店環境就相對陜

我都好耐冇試過食一間咁差嘅食店，我帶父母去食8點半，8點5就到左，工作人員話執緊檯，然後就冇理過我。見父母一直係門口吹風，我8點7就再問執好檯未，佢先話上一檯人未走，然後走去嗰檯人講話我地到左，佢地要走，但上一天檯人依舊係度慢慢食。直到8點9，我再問得未呢？工作人員先叫上一天檯人結賬走。之後坐低，keep住冇人理我地， 尤其係後生嗰個男仔，放低雞煲又走左去，只有光頭男人會黎解釋一下係點食，步驟係點，用超長時間食左個雞煲同篜海鮮，到打邊爐，哩個正， 啲水除左最後唔食嗰刻，先真正滾過， 其餘時間都係唔夠熱。至於雪櫃嘅食物， 魚劃，噏味(雪藏味)，魚餃，噏味，真係好似俾錢食垃圾咁。跟住重要見到有個女仔同個後生男員工講要食蟹柳，個男員工講開過包新嘅，唔好食雪櫃嗰啲。我真心拍手掌

$298加一既任食雞煲💥雞煲+打邊爐+蒸海鮮+燉湯！！！本身覺得價錢中規中矩冇乜特別大期望點知發現好抵食質素好高🔥🔥🔥雞煲叫咗大辣，好香好惹味，所以忍唔住再添多一煲😚蒸海鮮嘅部份我個人就覺得普通，打卡一流不過海鮮質素一般，帶子蝦嗰啲都唔係話超級新鮮，但呢個價錢都好合理🙌🏻我最後我最鍾意嘅係佢個任食牛肉片，好少喺呢個價位嘅放題任食度見到咁高質素嘅牛肉！最後佢都有啲凍櫃同埋公仔麵等等嘅配菜，質素都唔差㗎，種類都幾多，唔錯👍🏻

斗滾四式 $268/298加一，晚市食第二輪不限時，同朋友又食又傾三個幾鐘，非常滿足的雞煲海鮮打邊爐！① 招牌大亂斗任食雞煲，每次都起碼要食兩煲！雞煲上枱唔係即刻食得，需要翻炒四次，每次炆焗兩分鐘，亦可加入火鍋配料一齊炒，例如芋絲，豆卜，支竹，牛百葉等等。五款辣度可選，非常惹味！有時朋友唔食辣，店員主動提供辣醬比我地食辣既自己點，真係貼心。② 海鮮盛宴呢個係最打卡Able既蒸海鮮盤！有鮑魚，蟶子，扇貝，海蝦，花蜆，龍躉及讚歧烏冬。用荷葉墊底，簡單用蔥蒜蒸，味道偏淡，海蝦有少少梅，但打卡真係一流！最好味係讚歧烏冬。③ 滋補火鍋等個湯底都等左好耐，個清湯安格斯牛腩好正！先飲湯之後打邊爐，湯頭清甜，爽口牛腩，好食！其實已經飽飽地，打邊爐食唔到好多野，手切牛頸脊同黑豚肉之外，其他都是自助櫃取的蔬菜及丸。④ 椰汁雪燕最後再送上椰汁雪燕，唔係燕碎，都幾大舊，而椰汁幾濃幾甜，無溝水溝到淡。.除左食物質素唔錯，員工服務態度都幾友善，同埋幾有效率，讚！

🐽 - 西環 - 斗滾⁣⁣講到雞煲打邊爐，最高CP值既一定係呢一間斗滾；⁣除咗有超豐富既海鮮盛宴、仲有任食雞煲同埋滋補燉湯；⁣重點仲要係無限時任食，五個字 - 真係冇得輸❗️⁣⁣💰 價錢收費如下⁣星期一至四：成人＄268加一⁣星期六至日：成人＄298加一⁣⁣入座後會先上任食雞煲，單係呢個雞煲已經想不停encore，每件雞肉都非常入味🤤而且完全唔鞋口🫶🏻真係好惹味！⁣⁣之後就會上海鮮盛宴，內容包括有: 花蜆、龍躉、聖子、鮑魚、扇貝及海蝦，中間放上吸收哂”日月精華”既讚岐烏冬🤣真係完全令人食唔停口！⁣⁣然後再上非常足料既滋補烏雞燉湯 💰+$38⁣湯底亦都好濃味，飲一碗係完全夠喉🤪⁣⁣基本上食完上面個三樣野已經七成飽，但都要堅持打埋個邊爐😂雖然火鍋配料唔算有好多選擇，但有任食手切牛頸⁣脊同黑豚肉都已經好夠做，加埋個多椰汁既雪燕作為甜品，簡直係為成餐飯寫下一個完美既句號🫶🏻⁣