Pancake 專門

Open Now

Now Closed

都係睇到人推介食 蟹烏冬 所以黎試下咁的確 睇落個餐好靚 同埋好豐富滿足咁但實際上加曬所有嘅蟹膏蟹肉 都唔算好有香蟹味另人好滿足咁一次過有咁蟹肉一齊食 係ok嘅 唔係難食不過唔似人地講到咁誇囉打卡啱 但一次系列另外 得意咁 叫咗個漢堡pancake 外表都靚 但食落又唔會講得上好好食 唔會話唔夾 一般叫咗杯 焙茶富士山樣係打卡 但飲落唔算好香濃 正常野唔會難飲整體 冇驚喜 唔係特別會再想食番以上嘅菜式試完就算可能可以試其他野？定其實真係要食甜品？主餐真心有啲麻麻

好耐都未食過啲咁難食嘅嘢。雖然係前嗰一排食完，但係難食嘅感覺仍然猶新。所以忍唔住要寫返篇食評。1. 牛小排意粉我都唔知呢碟嘢可唔可以叫有汁。一開始食到嚿牛鹹到嘔，應該係啲鹽直接車咗落啲意粉度，仲衰過某d連鎖快餐，一啲誠意都冇。除咗鹹味之外呢一兜嘢冇其他味道。自己喺屋企煮碟意粉加罐罐頭意粉醬仲好味過佢。2. 朱古力mon blanc一食落去第一啖係幾濃朱古力味，但係食到第三啖已經覺得係死甜。我係螞蟻人，有專業培訓，都勉強可以清咗佢。但係個friend已經搞唔掂，食咗少少唔想再食。如果想去打卡，個環境係真係幾好，但係啲嘢食就好難食，最好嘅係佢個杯麥茶。真心問句點解仲會咁多人介紹？

今次同朋友去左位於銅鑼灣嘅Pancake專門店 除左pancake佢地仲有正餐食！咁岩見到有個蟹粉之選menu身為勁鍾意食海鮮嘅人唔試點對得住自己🙂‍↕️-🦀🍜瘋狂蟹粉烏冬 $238一上枱好吸睛 有個蟹蟹碟放烏冬 另外分開獨立放左蟹黃 蟹膏同埋蟹肉 仲有個湯壺同埋紫色嘅香水樽放住花鵰酒 仲有蟹醋～可以試下分開三樣蟹咁撈烏冬食 又可以全部倒哂一齊撈烏冬食 烏冬都算幾煙韌彈牙 食好好滿足😆😆👍🏼-🦀🍚蟹王丼 $208其實同蟹粉烏冬差唔多 不過佢就蟹黃 蟹膏 蟹肉鋪係飯嘅面頭 最頂仲有隻煎荷包蛋！🍳一樣都係咁好食🙂‍↕️不過可能飯比較飽肚 撈埋蟹粉食 食食下有少少漏嘅感覺🤣🤣-🍇🥞提子大福班戟 $168呢個勁得意幾好食！提子都幾甜 而且大福嘅皮下面係呢埋左雲呢拿雪糕+提子同埋pancake 整體都幾夾幾好食😋😋

位於銅鑼灣的地鋪好日式工業風裝修既餐廳。作為孤獨的美食家，在鬧市中竟然有一個寧靜又舒服既地方享受一人午餐⛩️瘋狂蟹粉🦀烏冬 $238⛩️滿滿的儀式感。烏冬盛放在一個精緻的蟹型碟中，旁邊配有如香水瓶般的噴壺，裝著花雕酒和蟹醋一個典雅的黑色沙茶湯壺。三種獨立的蟹肉、蟹黃和蟹膏各自展現其獨特風味，卻又和諧共融。🥢起手可以輕輕噴上花雕酒花雕酒同醋 更加能夠勾畫出蟹黃鮮味。🦀蟹膏橙紅色的蟹膏質感像蛋黃，口感豐腴，味道鲜美；🦀蟹肉＋🦀蟹黃特製 混合口感豐盈，並且融合了大量的蟹肉，份量十足不同食法去配合蟹粉烏冬等配料，為整道菜添加了不少層次感。

冇食到，但我響門口見到店內唯一員工（定老闆）響bar檯位訓得好熟，果陣7點幾一個客都冇，唔係應該好緊張出嚟接下客咁咩？一間食店咁唔care生意再睇埋網上嘅負評，都係算啦我去第二間，因為聞到一陣伏味

今日同朋友一齊去fashion walk行，順便諗住揾個地方食個tea，坐下。咁啱呢間野個門面都幾得意，見到係食pancake又無乜人，就入去試下。入到去店員已經坐咗喺bar枱玩電話，咁間鋪無乜客，我唔怪佢啦（但原來之後多客，佢都係坐喺bar枱玩電話）。之後我地坐低晒，就點野食啦。 4個大人（有一個工人姐姐），2個小朋友（4歲，2歲） ，我地叫咗2份pancake，2杯野飲。咁個waitress就話’你地叫唔夠喎，每人最低消費$100‘ 呢啲咪係應該嗰客一入黎就要講，menu, poster都無寫。咁我就覺得都係嘅你咁大間鋪，唔緊要啦。 我就再加多一份dessert。 諗住都應該夠啦 $460。 佢再話’你地要$500先夠。’ 我就問小朋友都計？ 2歲嗰小朋友都唔食得你啲野。 佢就答我小朋友計$50/人。 咁我唯有加多杯野飲啦。之後，上菜杯iced latte係熱嘅，之不過上面有2粒冰， 咁我覺得唔夠凍，問佢可唔可以加多2粒冰。 佢竟然反我白眼🙄。 講真食物份量少都算，但食物真係好一般，仲要無service。 我真係好少會寫一間餐廳有幾差，呢間野真係我覺得唔配有good comment

見佢係OpenRice評論唔錯，而且好多social media 落廣告，諗住俾個機會放工嗰陣去試下。我試咗門口推介嘅蟹粉烏冬，$208唔算平再加一，仲包埋沙律、湯同飲品，可以揀焙茶或者咖啡。  佢哋用個蟹形碟裝住烏冬，旁邊有花雕酒同蟹醋可以自己加。我攪勻咗蟹粉同烏冬，第一口試返原味，冇加醬料。結果真係好失望，唔熱冇鮮味，食落好似白烚烏冬咁。蟹粉冇味，仲有啲微微嘅腥味。夾埋烏冬只係食到腥味。 見到花雕酒好靚，我試咗噴少少上去，希望可以改善味道，但結果係多咗陣酒味，變咗又苦又腥，更加難食。最後我加咗好多蟹醋，終於有啲味道出嚟。所以，$208食咗一碟蟹醋烏冬，仲加咗啲蟹殼碎。呢度嘅蟹粉烏冬真係完全冇達到我嘅預期。

之前食過一次覺得ok，所以再去幫襯，點知係惡夢嘅開始😓入門口嗰陣職員完全唔講話冇晒白飯，等人齊坐低晒到落order先至講話冇。因為menu上面晚餐大多數係丼飯..揀無可揀之下，唯有叫個牛肋條意粉，結果嚟到嚇一跳…成碟好似上手食剩再砌返俾你咁😓 餸又少粉又少🤯都唔知佢其實係咪連食材都冇，所以得一啖餸都照上俾個客😓定係嗰晚有其他人都係叫呢個所以個廚師將d餸一分為二？總之就係圖文嚴重不符啦⋯⋯😓（翻查過之前其他人po 啲相明明冇咁少量）收你$138俾一pat仔嘢你食….簡直係伏中之伏！千祈唔好嚟食！可惜OpenRice 冇得俾負分☹️

冇記錯應該四五年前已經來過幾次，但當時主打做甜品，但係見佢近年已經轉左有埋主食⋯⋯應該生意唔好或者都轉左老細，所以經營上應該有多啲選擇，而當年初開張係比較專業食日本甜品….見佢而家其實已經係一間普通日式餐廳咁…尋晚去完百德新街買嘢，費事行咁遠是但幫襯一次啦，寫食評前都見到幾多負評喎😂😂 但其實都應該，首先職員好似都係搵啲抄散多（個人覺得乍）😄，睇到冇乜熱誠但又唔係冇禮貌嘅….而且人手都唔夠，有個情況都幾好笑，我老婆個set 係有個牛湯跟埋，應該佢都唔記得攞過嚟，跟住咪問佢係咪有湯，staff 話係有跟湯，但就冇反應🤣🤣🤣跟住我仲要再主動問佢可唔可以俾返個湯我，先攞過嚟…..笑死。但我沒有介意的🤣叫咗: 牛面肉烏冬🌟x 2.5, all day breakfast 🌟X 2.5，甜品朱古力雪糕蛋糕 pancake 🌟X 2， 一杯cool latte 🌟x3.5 和凍麥茶🌟x3個朱古力雪糕蛋糕真係嫲嫲， 面頭啲朱古力絲唔係太新鮮….其他啲食物真係麻麻都有待改善⋯⋯不過你又唔好理🤣🤣🤣食飯嗰晚星期四平日， 7，8點左右都滿座，可能餐廳位置好同裝修上都尚算吸引吧……食咗$520 for tw

依間位於銅鑼灣既班戟專門店係日式和風既裝修風格，非常之打卡！芝士和牛漢堡班戟 $168依個原味班戟材料豐富: 金文畢芝士、和牛漢堡、薯餅、車打芝士等。聞起上尼有好香既芝士味，食落去再夾埋和牛嘅香味真係好好食!和牛漢堡份量十足，而且一上枱就散發住陣陣牛肉香味👍🏻紫薯班戟 MONT BLANCE $158MONT BLANCE有唔同口味可以選擇，今次揀左紫薯味，班戟方面就揀選左綠茶味，雪糕就揀咗焙茶味。有濃郁既紫薯味，綠茶pancake以日本無麩質食材製作，啱晒麩質敏感嘅朋友去試下。紫薯 MONT BLANCE食落有濃濃既紫薯味同好香滑，而焙茶雪糕有好香濃嘅茶味，同唔太甜👍🏻但係焙茶雪糕同綠茶pancake一齊食嘅話，焙茶味就會遮蓋咗綠茶味。要淨係食綠茶pancake先可以食到綠茶味。抹茶富士山 $48綠色奶蓋個杯係抹茶富士山，呢杯飲品好igable，抹茶奶蓋有好濃郁嘅抹茶味，真係令人有深刻既印象! 先飲一啖抹茶奶蓋再配搭下層鮮奶，好濃好香滑，非常推薦鍾意濃抹茶味嘅朋友一試。焙茶富士山 $48啡色奶蓋個杯係焙茶富士山，賣相都係十分打卡！超濃焙茶味既奶蓋，配搭下層嘅鮮奶同樣都係好香濃好滑，非

同朋友比餐牌及餐廳環境吸引，所以去食晚餐！食物質素普通，不算特別。當日叫左3樣食物及2杯飲品：（1）松露香燒帶子配天使麵-$138松露汁幾香，不算好濃味，帶子煎得好味（2）香燒牛小排蘑菇汁配飯-$138蘑菇汁沒什麼特別，味道不明顯，牛小排令人失望，原來只是3片牛肉薄片（3）焦糖香蕉pancake -$128Pancake比想像中差，沒有蛋香，亦不算特別鬆軟，焦糖味接近沒有，感覺上只有大量cream及香蕉放在一塊pancake上面（4）維也納咖啡 -$48味道不錯，但亦不算特別香濃總括然而，食物質素一般，甜品或許選錯了，感覺也不算特別好味，整體性價比較低。

最近我造訪了一間專門提供蟹粉料理的餐廳。餐廳主打的瘋狂蟹粉烏冬絕對是必點之選!鮮甜多汁的蟹肉與彈牙的烏冬麵完美融合,口感十分豐富。店內還提供了不同食法去配合蟹粉烏冬等配料,為整道菜添加了不少層次感。另外店內提供多種風味的pancake,實在讓人難以抉擇。最終我選購了兩個pancake,其中一個是我最愛的草莓口味。不同於一般甜膩的甜點,這家pancake恰到好處的甜度,令人回味無窮。總的來說,這次用餐體驗堪稱不錯。除了價錢稍貴之外，非常適合喜歡食蟹的foodie

不可一不可再！叫咗個呢度個個都大推嘅和牛pancake漢堡, 超級普通，和牛無牛味，係咁易夾d生菜同夾塊惠康都可以買到嘅薯餅⋯個pancake 皮好似舊煎蛋糕咁⋯唔鬆軟，咁就$168 到底當中有幾多比左KOL賣廣告？叫咗個薯條 好垃圾 乾爭爭 無味 麥當勞比佢好食 又$68到重點！甜品！ 粟子pancake = 同去東海堂買嘅粟子生日蛋糕係無分別架！呢間嘢d pancake 唔好食，整到成個海綿蛋糕咁⋯仲有個女店員叫左3次佢都唔斟水俾我哋🙃點解呢？

餐廳行日式木系小店, 俾人感覺好舒服, 而且有好多猫猫既元素, 相信店主都係愛猫之人。除左佢地既招牌班戟, 呢度仲有輕食系列, 夜晚係可以係到一條龍, 由主食到甜品, 同朋友傾到盡興而歸。.輕食系列餐湯, 主菜, 麥茶/抹茶餐湯係濃既味噌湯, 裡面有牛肉同蘿蔔, 蘿蔔好甜。椰香咖哩雞 $118椰香味好濃, 雞件同配料都幾足夠, 雞件都好大舊, 味道都唔會太辣。.松露香煎帶子$1383大粒帶子煎香左放係最面頭, 意粉本身用白汁煮, 仲有松露碎係香口。意粉本身既質感唔會太硬。.伯爵茶無花果班戟$148佢唔係好似平時見到既pancake 咁有2層, 呢個得一層。班戟本身都幾SOFT, 上面既CREAM 係用伯爵茶整, 所以好香茶味, 令到CREAM 本身冇咁膩, 仲有好多無花果係旁邊, 整體是不錯的。.提拉米蘇咖啡$48未飲過, 咖啡底係MOCHA, 面頭有手指餅俾人浸住食。欣賞佢地就算有餅仔係咖啡面頭, 都好用心拉花, 令我更加享受杯飲品。.抹茶富士山 $56抹茶本身應該係加左糖打到佢好厚身, 抹茶味道濃, 都唔會太甜,再溝埋牛奶飲好夾。

朋友生日，食完晚飯，意猶未盡，再去食個甜品完結，搵到一間好靚pancake dessert,去試下。8點左右，有位坐下，因為仲好飽，order左2個pancake,不過店員話有最低消費，人頭$100，唯有叫3個唔share食，好快pancake到齊，我地有同店員講朋友生日，佢都好sweet幫我地放個生日牌，3個甜品，我本人唔食太甜，所以覺得奶凍最啱我，其餘2個都不太差，打咭唔錯，pancake價錢唔太平，平均$140左右1個，如果食埋飯，應該差唔多人均$500左右，當日入座大約6-7成，店員應該彈性d處理最低消費，回頭客應該會更多。