車輪餅小姐

Open Now

Now Closed

之前有食過抹茶味覺得好濃好好食。所以至再返黎食，點知今次勁失望😞一共叫左三種味24榴連、流心阿華田麻薯、流心牛奶咖啡麻薯此是榴連車輪餅，個皮係普通雞蛋味，聞唔到榴連味🥲。要咬到好內至有榴連蓉。係有榴連絲既，係香既，不過整體來講唔夠開心同有d失落。D24榴連車輪餅 ，內面流心阿華田麻薯，拎上手個陣已經分開左一半🥲無合好到？係有阿華田味既，麻薯就覺得好似有啲太淋，無咩口感？可能即叫即整，熱辣辣？另外，咖啡個個，因為上咗兩個實在令我太失望所以都冇影到。.三個計埋都$4x.如果個皮都可以係有味就會比較好。🧐,夏天唔好係個到食，會熱死。。🥵最多拎外賣就即走

呢間車輪餅小姐都算出名，但可能我對佢太高期望，食落有啲失望。要咗一個伯爵茶麻糬味，$15。唔係即整嘅，比完錢就有，拎上手只係微暖。佢個外皮好厚，個邊有少少脆，但中間唔脆。伯爵茶味都重，但麻糬比較流質，鍾意食硬身煙韌嘅麻糬多啲。

住喺樓上好耐冇食，對上一次食已經係幾年前嘅事。今日下午茶時間有啲肚餓突然間諗起不如食車輪餅。就買咗個伯爵麻薯囗味，麻薯係幾有新意嘅，唔知係咪我揀錯口味覺得非常一般。

早排去完荔枝角公園，順便走去美孚名店車輪餅小姐買兩件餅食，我試嘅兩種口味係流心日本宇治抹茶同 oreo 朱古力金莎醬麻糬，首先要讚下個餅嘅外層，熱辣辣，有蛋香，唔錯👍。兩種口味我較喜歡後者，因為金莎醬好濃郁（雖然幾甜），麻糬 QQ 嘅口感都頗特別；至於宇治抹茶就略嫌太甜，茶味唔夠，抹茶獨有嘅回甘亦稍為欠奉啦😐。

車輪餅小姐聽講呢間車輪餅小姐喺美孚都幾出名，嗰日試左伯爵茶麻糬口味，食完有啲失望。車輪餅已經一早整好，只係reheat到微暖，外皮比較厚，入面嘅餡料亦唔多，味道普通。

超煙韌麻薯 多款口味車輪餅▫️車輪餅小姐▫️流心英式伯爵茶麻薯車輪餅($15)伯爵茶味好香濃💕甜度適中，而且又有好大舊麻薯，都好煙un，不過個餅就冇乜蛋香味，有啲普通，放涼左要焗返熱先會變脆～▫️地址：美孚美孚新邨吉利徑19 號50B7號舖。▫️為食指數:6(10分為最多)抵食指數: 7.5

🥰🥰🥰💋💋💋終於有機會嚟美孚幫襯車輪餅小姐❤️❤️❤️😍😍😍我細細個就聽過佢個名！！！！！果然名不虛傳，好好味😋絕對冇失望！價錢大約$12-$16一個🥳試咗兩個：1.金莎oreo麻糬車輪餅🍫（$12）2.芋泥車輪餅 （$12）必試金莎oreo麻糬車輪餅！多重口感，流心金莎朱古力醬，同時又有煙韌麻糬，層次豐富！朱古力控表示會回購🍫❤️但我個人唔太喜歡佢嘅芋泥，冇咩芋頭味，滿足唔到芋頭控！連相都冇影🥲但每人口味唔同，見到有食評大讚芋泥車輪餅嘅。總括而言，好中意麵粉類甜品一定唔可以錯過！😚

今日特登去美孚買車輪餅食,期望很久的紫薯車輪餅。誰知道要什麼沒有什麼。下午3點去買,每款只有一個2個相中男性服務員超級態度差。攞到返屋企點知個想像中與差到不得了, 泡打粉超級重。一出名就品質差啦。

一直想試呢間好耐，因為以車輪餅來講香港好似係佢最出名同歷史悠久😳可以係呢條街飲番杯茶星人+食返件車輪餅(我係甘😳)👓流心日本宇治抹茶 $12落單後幾分鐘就有，因為佢唔係即叫即整只係翻熱，所以口感其實爭啲，剩係得面頭暖但中間係凍😓個餅底少硬實乾身，偏蛋糕質感，唔夠軟熟香脆，可能因為凍咗掛。抹茶醬係好多，咬落爆汁，少許抹茶味但未稱得上好濃郁甘苦抹茶味。評分：6/10👓自家熬煮紅豆麻薯 $13麻薯都軟熟，都多紅豆，唔算太甜，不過都係果句因為凍咗唔夠新鮮熱辣辣所以不太大特別好食。評分：6/10

平時餓起身係美孚遊蕩，冇咩頭緒食咩都會黎呢間碰碰運氣。因為佢啲車輪餅有時會賣哂售罄作為忠實粉絲，都試過唔少產品：車輪餅-流心奶黃：佢地既流心系列，真係好流心（最少我未試過唔流心），超多奶黃餡！奶皇包忠實粉絲必試！-流心綠茶：同樣，好流心，綠茶味超重，冇食過既話超推薦呢隻味，我覺得係咁多隻之中最好食！-流心好立克：同上，非常流心，亦係我好鐘意既味！-Oreo 金莎朱古力：都係好正，如果你好鐘意朱古力一定要試。印象中好似有其中一隻味唔太食得出（好似係金莎？）-伯爵茶麻糬：作為伯爵茶產品既超級會員，呢個伯爵茶好夠香，可惜唔係特別鍾意麻糬，因為好擠！-台式芋泥：超多芋泥，多到擠哂出黎。分左一半俾家母，開始仲話個樣咁細粒，結果食到一乾二淨。芋泥唔會太甜，好香同好多餡！其他：-芋圓糖水：有一晚路過老闆問我買唔買埋就收檔，買完覺得佢手工整得唔錯既，有咬口，而我都極愛芋圓！-千層蛋糕（宇治綠茶）：印象中係佢岩岩開賣個陣（反正有好長一段日子前）買過，見平過lxxx m 咁多，就買左件try try! 個味就有點怪怪地，唔係唔夠綠茶味而係個質感有啲怪。唔知依家會唔會好食左呢！好有人情味既小檔，成日都有好多

超邪惡要食就唔好諗咁多怕肥就唔好行過呢間舖😂😂😂試左好多味，今次試金莎oreo 麻糬一次滿足我3個願望，3樣都係我鍾意食金莎同oreo唔淨止得個味，係仲會有碎碎既口感中間既麻糬好煙韌，最好襯熱食啦但買到返屋企食，凍左少少都唔會硬仍然大滿足😋勁厚實勁多餡

-{黃店💛麻糬車輪餅即食版🥞}依間bookmark左幾年都未試倒嘅 終於食倒喇😍今次現場食左2款😙🤤伯爵茶🤤 ($15)現場食做到外脆內軟😍車輪餅淨聞同食外皮都好香蛋味☺️伯爵茶醬係稀少少嘅茶味都夠！麻糬有咬口但可以再煙靭多啲🥳👖褲評: 7.5/10🤤Oreo金莎朱古力麻糬🤤 ($12)原本諗住mit開影一次 點知金莎醬爆到成手都係😂有原塊oreo喺入面係淋嘅~依3樣野夾埋一樣又係唔會錯🤣濃味過伯爵茶好多🥰👖褲評: 8.3/10咁遠出到黎食都值😜所以買多左4個返屋企試😆遲啲出埋屋企版試多4個味 附上保存同翻熱方法🙊性價比: 8.5/10服務: 8/10環境: nil🚩車輪餅小姐🚩地址: 美孚美孚新邨吉利徑19號50B7號舖 #fuudjai #fuudjai黃店 #fuudjai小食 #fuudjai美孚 #fuudjai甜品

🥞台式芋蓉車輪餅（$12）：現場有現成餅賣，落單後翻熱。食落似香芋夾心蛋糕，香芋饀爆多！但作為甜品郤欠了甜味。食過台灣紅豆車輪餅還是返唔到轉頭。台灣車輪餅外脆中間軟糯，紅豆餡香甜，好想去台灣呀～～味道：🔅🔅新鮮：🔅🔅🔅分量：🔅🔅🔅衛生：🔅🔅🔅

係咪一睇就流哂口水🤤？係咪有種好幸福既感覺？呢位佳麗來自美孚車輪餅小姐佢係當日既8號佳麗《港式奶醬多麻糬》佢⋯真係好吸引💖💠麻糬好多，拉極都仲有💠似格仔餅既味道，粒粒花生醬有咬口，同埋甜甜奶醬混入成為餡料😋😋😋😋💠勁大件好抵食💠唔會好似係格仔餅咁熱氣又滴到周圍係，份量相當適合做下午茶🥰💠附近仲有間傳統麵包店賣自家製樽仔奶茶🥤$18 有糖/無糖版！揀無糖版就冇咁滯啦😍😍食完車輪餅再飲返樽，絕配！滿足！😜😜😜

經過美孚，見到成日要排隊嘅車輪餅小姐，剛好今日冇人排隊，決定試吓，我揀咗流心雲呢拿奶黃車輪餅，一到手即刻咬落口，外邊車輪餅餅皮夠厚夠鬆軟，入面嘅餡都好足料，趁熱食入面嘅奶黃重係又熱又棉，好重蛋味，有幸福嘅感覺。另外，試埋流心宇治抹茶🍵車輪餅，佢嘅蛋味都係好重，但係個抹茶反而好甜，有少少食緊綠茶啫喱嘅感覺，如果唔係好食得甜嘅朋友還是選其他款式好啲。價錢$12 一個，食完都好飽肚，鍾意食車輪餅嘅值得一試。