滿樂潮州 (東薈城名店倉)

Open Now

Now Closed

呀仔又去左爺爺嫲嫲屋企🏠玩, 我地又可以過一個輕鬆平靜的週末, 揀左黎東涌食飯行街 (其實我地都唔太好shopping🛍, 都係食完飯散下步, 反而鍾意行超市, 東涌TASTE不錯, 好大間, 行得最耐)。上網搵左呢間評價不錯, 可以網上訂座同早少少開(OPENRICE最早可以訂11點, 不過當日我地大概11:05到達時, 已經有差不多6, 7組客人食緊, 再睇返佢地既開店時間, 原來係10:30am)。滿樂潮州店舖面積好大, 樓底又高, 店員安排左一張接近落地玻璃既四人圓枱比我地, 自然採光充足再加上枱與枱之後距離寬闊, 讓人有一種好似置身於外國, 自由自在, 無拘無束的感覺。我地點左芋茸香酥鴨同滷水骨香鴨片例牌。芋茸香酥鴨 - 第一層蜂巢脆卜卜, 第二層芋泥鬆軟綿密, 入口即化, 最尾就是鴨肉, 滿樂潮州的做法是將鴨肉切碎混入芋泥中, 老公不太滿意, 覺得鴨肉太少了, 還是楓林小館做得比較出色, 都啱既, 楓林小館荔茸香酥鴨用料和味道都同時兼顧到。不過如果問我突然有一日又掛住芋茸香酥鴨, 想食既話會幫襯邊間, 我會揀滿樂潮州。因為第一, 兩間同樣都做得好好味。第二, 我係因為想食芋

最近很多商店減價，放假就入去東涌行街，突然好想食潮州菜，竟然在東薈城名店倉地下有一間很大的潮州菜館叫滿樂潮州。服務員非常細心有禮，給我們信封可以放口罩，很方便。餐廳亦有足夠空間分隔食客的距離。在家洗豬肚非常麻煩，所以叫了鹹菜豬肚湯，胡椒味重，豬肚沒有醒味，而且非常爽口。清湯蘿蔔筋牛腩煲 ，蘿蔔清甜，牛筋腩又入味，牛味濃。叫了細份的韭菜豬紅，但也很大碗，豬紅沒有腥味，韭菜爽嫩，正宗的潮州菜。食潮州菜一定要叫鮮蠔仔泡粥，蠔仔、肉碎、魚乾，令個粥非常夠味。

琴日同屋企人去東涌outlet買野 買完之後佢地話想食中菜我地見呢間滿樂潮州好似環境好似唔錯咁就入左黎一入到去見到店員就放低左d花生比我地食住先 d花生好大粒好好味!!咁我地就叫左一個店員推介既椒鹽九肚魚同埋牛腩煲椒鹽九肚魚相當炸同爽口 最緊要d骨好細條可以食埋 真係超正另外個牛腩煲雖然係清湯 但係都清淡得黎好好味特別一提佢地既白飯係比其他酒樓好食 d飯香係離遠都聞到!!最後我地全家都食得好滿足 有機會一定會再黎食!!

今日去了東涌shopping ，行到累當然想找個坐得舒服的地方食飯，原來東涌有間滿樂潮州店鋪很大，可以慢慢食。服務員首先送上小食，酸梅花生及鹹酸菜，酸酸甜甜，很開胃，又可以止住肚餓先。椒鹽九肚魚（例）$98 ，香口鬆脆，外脆內軟，新鮮炸出來特別好食。鹹菜豬肚湯$168，胡椒味濃，非常暖累，豬肚彈牙，鹹菜爽口，裏面還有很多瘦肉。清湯蘿蔔筋牛腩煲（例）$128 ，牛腩夠林，牛筋又彈牙，膠質又豐富，份量又多，清湯一點也不油膩。鮮蠔仔泡粥$78，有好多蠔仔，加入肉碎及魚乾，味道十足。

好多年都冇入過去東涌行街，同媽咪入去行一行，發現入面多咗好多新店新嘢食，見到一間滿樂潮州，媽咪俾佢門口掛住大大隻滷水鵝吸引住，一於入去試吓！裝修光猛，座位非常闊落，空間感十足！這裏主打潮州菜，潮州打冷必點滷水鵝，鵝片大大塊，份量十足，配上彈牙魷魚片和入味滷豆腐，滷得入味，我地最愛沾酸汁同吃！蒜香梅汁蒸鱔片，這道菜非常開胃，能配上兩碗白飯，滑滑鱔片配上開胃梅汁，非常清新！紅棗烏豆豬尾煲，這個煲很少地方有得食，豬尾入口即溶，烏豆香甜入味。甜品有鴛鴦水晶包，水晶包外皮香軟透薄，內涵細滑甜度適中，大愛！

今日去咗貝澳摸蜆，晚上順便喺東涌搵嘢食，東薈城普遍食嘢都比較貴，今次去咗一間價格合理嘅潮州菜館-滿樂潮州！主打各式各樣潮州菜，幾十蚊就有交易！先來一個方魚肉碎粥，鹹香嘅方魚加上湯飯，加上少少胡椒粉，味道非常地道！滷水鵝拼魷魚，鵝片滷得入味，魷魚片爽口彈牙！蒜香梅汁蒸鱔片，，鱔片蒸得入味，入口即溶，而且仲唔會食到骨，抵讚！鴛鴦水晶包，晶凝通透嘅皮加上奶黃和流沙餡，非常邪惡嘅飯後甜品！人均消費百多元，坐得舒服，服務周到，很難得了！

職員態度差，安排混亂。預訂了位置。等左45mins先入到坐。多過4個人就迫你所有人安心出行。唔用就係咁放散台入，多個4個就唔洗入。 以後唔會食，永遠blacklist !

趁着天氣晴朗，剛剛放假同朋友一同到東涌行山。原定三四點回程在東涌下午茶，由於天氣太炎熱，選擇下午稍遲的時間出發，所以回程時已是黃昏六點。急不及待找個地方醫肚子，發現在東薈城一間食潮州菜的菜館。毫不猶豫便選擇了這間滿樂潮州。位置不難找，飯店的座位非常寬闊，由於疫情關係每枱只可以坐四人，所以枱與枱之間很寬闊。店員的服務態度非常良好，為我們送上鹹菜小食。話梅花生，酸酸甜甜零舍醒胃。我們急不及待點了數款潮州你食。點了一款小食韭菜豬紅 -豬紅濕潤可口 富有水份 ,輕盈幼滑, 韭菜味新鮮濃郁配上紅辣椒出奇地清新不辣， 一道簡單菜色已包含了地方特色配料，增加了不同層次的.清湯蘿蔔跟牛腩煲例牌 - 牛腩肉腍入味，肉香四溢，為了凸顯食材鮮味，烹調手法保持簡單，每一口都濃郁鮮味洋溢於口中，牛筋軟腍又不失煙韌。最後點的鮮蠔仔泡粥 - 新鮮的蠔仔配粒粒香濃肉碎及柴魚乾，還有香菜，風味濃厚，令人一食難忘！

很久沒有到東涌，由於朋友給了我一張名店的優惠券。所以約了朋友一同前往購物，瘋狂購物後已經是晚飯時間，同朋友上網搜索了一會兒發現東薈城商場那裏有一間潮州菜式的飯店。到步後店員很有禮貌地招呼帶領我們進入安排我們坐了一處相當寬闊的座位。看看餐牌，有很多本潮州美食。店員也遞上特色小食，話梅花生，酸酸甜甜非常醒來。我們選擇了椒鹽九肚魚，做得外皮脆內軟，魚肉嫩滑，香軟鬆綿.鹹菜豬肚湯 - 鹹菜幽香清膩 豬肚清鮮甜美 還有濃厚的胡椒味、香菜，另這道簡單菜色已包含了地方特色配料也有不同層次的口感。當然也不能不點的鮮蠔仔泡粥 - 新鮮的蠔仔配合靈魂配料的粒粒香濃肉碎及柴魚乾，風味濃厚，令人難以抗拒。

環境衛生還可以，但食物質素已經下降不少，沒有驚喜，沒有新鮮感！其實一直支持很多年，但每次都是失望而回。因現在商場內實在太多食府競爭，如果再這樣的話，可能好快會消失這個商場⋯⋯

很少到東涌吃晚飯 ，但今次朋友極力推介，所以專誠到這間潮州菜館一試。甫入座，即感到環境非常不錯，座位寬敞 ，枱與枱之間沒有擠迫的感覺。我們先叫了一個胡椒鹹菜豬肚湯暖暖胃。很久沒有喝這湯了，兒時的感覺立即湧現。 胡椒味濃，豬肚彈牙，很有口感。接著當然要試試這裏馳名的潮州菜式。首先來個韭菜豬紅，醬汁味道濃郁，豬紅入味， 沒有叫人失望，真是正宗的潮州菜。 接下來當然要試一試蠔仔粥，看見粒粒蠔仔數量不少，雖然比較細隻，但勝在鮮味十足，加上肉碎，肯定不會令你失望。全晚令我最難忘的是椒鹽九肚魚，雖然它不是潮州名菜，但廚師實在煮得非常美味、出色，外脆內軟，皮薄鬆脆，九肚魚肉質嫩滑，叫人一試難忘。最後還叫了一個清湯蘿蔔牛筋腩煲。 這個味道較為清淡，與豬紅剛相反，一個清淡，一個濃味，很好的配搭。 蘿蔔清甜，牛筋腩亦很入味。總的來說，若要試潮州菜式，這間食店可以考慮呢!

去東涌探朋友又行下outlet,搵咗間潮州菜餐廳食晚餐，菜單都幾多菜式選擇，好多我都未試過，好快就揀好！滷水骨香鵝肉片配墨魚片食潮州嘢點可以唔食鵝片呢！我點了例牌的份量，鵝片入晒味，好濃烈的鵝油香味！不要沾任何的醬汁，食晒原始的味道已經一絕！鵝片上的係墨魚片，雖然無鵝片的味道咁濃郁，不過墨魚片都有滷水味好有咬口，估唔到幾好食！最底下的係滷到超入味的豆腐，豆腐保持內裡滑溜溜的, 我覺得鵝片絕對要食!紅棗烏豆豬尾煲 $108我好似未食過豬尾？平時餐廳都好少見到，最多都係牛尾，未試過味點下來食囉～估唔到豬尾好似迷你版豬手，原來豬尾中間係有骨的，師傅把豬尾切到一塊塊，炆過的豬尾外皮無晒油膩的口感，只有好多骨膠原！入口即耐，食落有淡淡的棗香味，相當唔錯！方魚肉碎粥 $78一碗粥的份量大約分到4個細碗，雖然睇落清清地，但係睇味道好清甜，入面有細細燈的方魚碎，增加口感，唔想又食飯，發現食都夠晒飽又好味！估唔到東涌商場入面都有間坐得舒舒服服，食物有質素的潮洲餐廳！

今天和家人到東涌Outlet購物，之後找食肆晚膳，在商場地下看見一家外觀吸引的潮州菜館，於是便入內一試。餐廳的地方寬敞，裝修雅緻，燈光明亮，給人一種舒適的感覺。我們點了幾個潮州小菜：“椒鹽九肚魚”,新鮮即炸，外皮脆口，魚肉特別嫩滑，非常可口。“咸菜豬肚湯”, 豬肚份量相當多，還有鹹菜和瘦肉，胡椒有少少辣，不過很香，很合我胃口。“清湯蘿蔔筋牛腩煲”, 牛筋腩炆得非常腍，而且牛肉味濃郁，蘿蔔清甜而入味。“韭菜豬紅”，胡椒及紅椒絲完全辟去豬紅的腥味，配上韭菜，非常爽口。“鮮蠔仔泡粥”,正宗潮州粥，粒粒飯的，份量足夠。蠔仔肥美味道鮮，還加上鹹香的柴魚粒，美味脆口。這裏的環境、服務、餸菜質素都非常好，價錢也算大眾化，是一個意外的驚喜。

今日約咗朋友去東涌行街，順便食埋晚飯先走。我哋揀咗一間潮州餐館，坐低冇耐就有兩碟小食開下胃，我地叫左⋯⋯半煎煮馬友魚: 好大條馬友，先煎就有香口嘅味道，再用上魚湯煮過，肉厚又鮮嫩，魚湯鮮甜，伴上白菜仔好健康潮州咸雞花生：咸雞有d似鹽焗雞，但冇咁咸，肉質鮮嫩，皮薄，少脂肪，底下花生非常脆口，餸粥一流蠔仔泡飯：超多蠔仔，而且大大粒，湯底鮮甜橙香排骨：大大件，啖啖肉，橙味濃，好開胃蓮子棗皇糕：紅棗味濃，中間夾住蓮子碎，有咬口

住東涌既朋友生左小朋友, 探完BB就去醫肚我地就去左東薈城睇下有咩食, 見到D間滿樂潮州勾起我地食潮州菜既慾望咁我地就入左去食入面都光猛, 枱同枱之間距離夠, 夠晒社交距離, 又岩吹下水冇幾耐就黎個兩個前菜, 甜甜地, 幾開胃鵝片+墨魚片D個係食潮州野必叫的, D滷水真係完完全全滲入鵝肉度, 唔只係流於得係皮度, 超級好味, D墨魚片彈牙, 好味蒜香梅汁蒸鱔片係夏天就最想食D酸酸甜甜既野, 職員就推薦左D個比我地, 食落唔單止個味逹到我地既要求, 個鱔片仲要係好彈牙, 好夾D隻汁, 職員推薦得好方魚肉碎粥咁主食我地就梗左D個方魚肉碎粥, 本身我想食蠔仔粥, 但友人原來唔食蠔仔, 咁醒目既職員就推薦D個, 食落其實就係蠔仔弼既冇蠔仔版, 方魚好香, 肉碎就增加左口感, 唔錯鴛鴦水晶包食飽梗係要食下甜品啦, 潮州既甜品都比較特別, 有D個水晶包, 個皮幾煙靭,  食落甜甜地, 幾好味, 口感幾好總結估唔到幾好味, 性價比幾好, 特別想推薦鵝片, D個必叫的!