家上海 (奧海城三期)

Open Now

Now Closed

這間在奧運站的上海菜館，食物質素幾好今天和朋友兩個人，選擇了他們的中午套餐$298食物到枱面之後，感覺四個人吃也可以，10分超值套餐包括一個前菜（有四款傳統上海的小食）還可以選擇兩個主菜以及兩款飯或麵當中的兩條黃花魚，炸完之後一點都不油，100分滿分，而那個奶油津白，亦都好地道上海的感覺其他的東西也不錯，特別是那個炒飯，炒得很乾身，而且份量都好大，另外那個粗炒極都份量十足，味道濃郁再送上甜品，這個午餐簡直超值

又嚟呢度食嘢 （數數手指都唔知第幾次）實在太鐘意呢種戶外區域🥰 家上海一向食物唔錯 服務態度好 加上有免費泊車優惠 同埋最方便可以openrice 訂枱 可以選擇室外或室內 👏 次次埋單都送幾張100蚊coupon ..根本無限輪迴🤣 淮鹽溏心燻蛋（兩隻）雪菜黃魚春卷（ 六件） 金牌小籠包（六件 ）招牌十景揚州炒飯三層鹹肉炒萵筍絲 煙燻脆皮雞（半隻）

家上海雖然不算一家正宗上海菜，但这𥚃食物也算很不错今晚兩條女撐枱腳就没有叫太多食物：- 黄金蝦球🦐味道不错只是不夠热- 香煎小籠包🐷好掂，底脆多汁，同埋夠热強力推介！- 香煎豆腐還可以啦，豆腐好滑⋯⋯

前排夜晚一大一小食晚飯 入去嘅時候已經員工已經好敷衍。叫咗小籠包 兩個餸同飯。 小朋友唔飲茶想要杯水， 估唔到一問個女伙記竟然好串咁話 「暖水就冇啦 滾水就有！」之後就行咗去。 呢啲態度係咩事？！ 其後見到佢招呼自己的熟客仔就低聲下氣咁。

我剛一個人入去食！问服务员有什么好介绍，她説有炒饭、炒麵、点心你想食什么？我非常愕然！然后我自己点了一个汤羹及小炒，上菜那位同事问這菜否是我的（很操劳）！真是食到一肚气！

約了朋友午餐，需要在奧海城附近，希望選一間食材比較多元化，可以有多種選擇的餐廳。看了附近不少食評，最後選了這間。這間餐廳實在值得一讚！在香港已很少見這樣有質素的服務，坐下來便主動幫我們放在椅背上的衣服套上衫套，當有湯羹送來的時候，又會主動拿一隻新的碗來幫我們分湯羹，又會多次主動檢查茶壺有沒有足夠的水，之後又會主動來幫我們再次分湯羹。食物方面是多元化的，味道不錯，價錢合理，我們三個人吃到飽，埋單約$550。

收工後隨意搵些野食，點知踩大伏！小食蘿蔔皮醃得唔錯，口味偏甜，可惜唔係臺臺都有。小食唔錯，但開局即巔峰，總共叫左四個菜，九個字過去只有小籠包上台，前後問左幾位服務員，三催四請下，菜品先乒乒乓乓‘砸‘上台。先勿論餐廳是否漏單，如菜品係帶住無由頭怒氣、怨氣揼上台，就餐體驗已大打折扣。再說食物質素，小籠包肉散而無形，雖皮薄但不多汁，雲吞沙煲雞不但不鮮甜潤喉，食完只覺得味精味割喉，雞肉柴如樹皮而無雞味，店員分雞似拋屍無章法，雞皮散雞骨碎，雲吞亦未食先散，所謂色香味俱失。炸大排肉質幹，油味重，相信返炸溫度時間不適當。所謂色香味俱失。大排面從上台第一秒已經坨成量子糾纏態，難解難分，入碗前並沒有順理整齊妥當，炸大排肉質幹，油味重，猶如油炸樹皮，相信返炸溫度時間不適當。最後雪菜毛豆豆皮亦是味精過濃，食材本味盡失。並非在此價錢追求完美食物，但基本食物品質服務態度亦不能達到，大失所望。一言以概括，若就餐，請先準備大量耐性及水，若非如此，則口幹心渴。

一年活動快將完結，終於可以全部同事一齊坐埋食餐飯。係多人先至可以嗌多啲唔同嘅款式上海菜就係咁蝦人。嗌咗個拼盤，最鍾意食呢度啲熏魚，因為冇骨，另外烤麩亦都唔會太鹹，醉雞都好入味，另外個肴肉個啫喱層整得好好。今餐最鍾意佢隻雞，煙熏味好重，雞個底味亦都好出眾，相當有層次呢個超值得推介。另外個腌篤鮮個鹹肉唔會太鹹，亦都飲到個湯嘅鮮味。今次都有叫小籠包同生煎包，但係個牛肉餡餅更加出色，個牛肉餡滿滿嘅超多汁相當滿足。個上海粗炒都正常表現，但係個飯就稍微淡咗少少。反而我幾欣賞佢啲甜品唔會太甜，尤其個桂花糕亦都幾特別，佢原來係用年糕整嘅，呢餐飯坐房最低消費$3000 ，剛剛好好叫多的數，方便傾偈坐得舒服，食得開心

同舊同學去完西九野餐，本來想落尖沙咀輕食。但行到去九龍站又費事行落尖沙咀，索性搭一個站去奧海城睇吓有咩食。啲同學話好耐冇食過上海嘢，又大肚婆又唔食得生嘢，咁就揀咗嚟食呢一間。其實過幾日之後公司搞慶功宴都係嚟呢度食，咁就當試一試佢啲菜式任何退步到。啱啱好入完座，已經全場爆滿，真係好好彩。因為剛剛野餐完，都唔係食得落好多嘢，所以都係嗌咗幾款嘢食就算。蒜泥白肉，重蒜超過癮，醬汁估佢唔到竟然係唔辣，調得都唔錯。個萵筍絲都好爽甜。小籠包個湯汁就比較淡咗少少，反而個生煎包熱辣辣勁多汁又煎得夠香。蘿蔔酥，裏邊啲絲包得滿滿，都處理得好好，淨係食到蘿蔔嘅甜味冇苦澀味。個鱔糊相對嚟講就濃味咗少少，帶鹹同埋份量比較偏少。不過啱啱野餐完，就覺得剛剛好。過幾日同大老闆再嚟食都係有信心保證。事次用餐為自費。

💁🏼‍♀️老闆娘探索新美食 香港站 #6家上海呢間上海菜應該大家都有聽過每間分店都排晒隊 因為有佢一定水準今次好彩喺OpenRice Book定 所以假期唔使等位 就直接入座老上海套餐淮揚五福拼盤 🤤 海蜇頭醉雞非常好食濃湯砂鍋餛飩雞 😳 雲吞好足料瑤柱賽螃蟹 🦀 👍🏼👍🏼👍🏼黃金蝦球 🦐 最少都有10隻 好濃郁松鼠桂魚 🤤 大大條 最鍾意冇骨嘅魚鍋塌豆腐 😳 外層的脆皮有點像油炸鬼上海煙燻脆皮雞 😀 味道稍為淡要點醬汁濃雞汁蘿蔔 🥲 賣晒，所以轉咗萵筍絲招牌十景揚州炒飯 🥹 飽到要打包仲未食金牌小籠包 ❤️ 豐富湯汁豆沙鍋餅 ⭐️ 傳統甜品 6位用$1,488 另外+1 同茶界份量多食唔晒，最後打包咗三盒🫶🏻📍 家上海訂座電話: 2869 2228香港九龍大角咀海泓道1號奧海城三期地下G19-21號舖仲有好多分店😘

今日要賀朋友成功上車😅在她新居樓下的奧海城商場食飯慶祝💕揀咗食上海菜「家·上海」🔹蟹黃大湯包 $42巨型小籠包 🦀 入面有蟹粉 🤤同朋友一人一隻，入面的精華用飲管飲🤤好香唔腥〰️ 推介🙌🏻必試！🔹脆煎灌湯小籠包 $58用鐵板上，keep到溫度之餘！個底煎到又香又脆😋🔹鐵板蔥爆羊肉 $138本身鐘意食羊！這份好香，個醬汁好濃味好多葱用來撈飯食一流😋🔹醉乳鴿好喜歡這個😌肉質一點都唔榎口！陣陣酒味亦不會太濃❗️好清淡🔹松鼠桂魚 $208正正常常，平時食開嘅口味！個醬汁甜甜地送飯好開胃😀🔹黑豆腐花 $68原筒上，不錯的甜品！

係附近睇戲想食上海野見到環境好好 食物質素都唔錯心試左幾款小籠包照舊優秀表現酸辣湯夠酸！岩曬重酸人士水晶肴肉 高湯配搭 個口感好得意又好食食埋擔擔麵好飽好飽心情靚靚睇戲

放lunch 試吓上海野 ，2:30出面貼左下午茶 但星期六係無既 。坐喺左侍應問飲咩茶，揀左人參烏龍，咁左小籠包同埋黃魚麵 。食物味道正常，吾算好好食 ，第一次見魚肉切粒上 ，覺得用返魚片會好啲 。最好飲係壺茶埋單差唔多$170

今日喺奧運同同事搵吓有乜嘢好食，又唔想食得咁差，所以呢就搵咗呢間家上海食吓一啲上海菜啦。咁我哋呢就嗌咗個招牌嘅聚乳鴿，食落呢都幾香有淡淡嘅酒味，再加上啲乳鴿肉呢，又唔會太柴都算係幾好食啦。另外用嗌咗小籠包，啲皮都算薄，不過有啲貴咁，不過算啦，話晒喺奧海城入邊。 總括嚟講下次如果冇乜選擇都會再食嘅！

 生日飯又來了，每次同呢班朋友食飯，都要諗諗有冇素菜，今次選了這裡還是可以的。因為要就返大家方便, 所以轉戰去奧海城。呢度的裝潢以簡約現代風格為主，搭配一點點傳統上海元素，讓人一入門就會感受到濃厚的上海文化氣息。餐廳主打上海菜，其中小籠包同生煎包係必試嘅招牌菜。小籠包的皮薄餡多汁，一口咬下，滿口都有肉香同湯汁，今次病病地，所以無叫生煎包，希望下次有機會就試吓。個人好鍾意食百頁毛豆，其實點都會覺得好食，因為鍾意除咗呢兩道經典菜式之外，仲有好多款地道上海小食＆家常菜，例如紅燒獅子頭、糖醋排骨、炒年糕、包雙方等等，今次叫左宋嫂魚羹，四喜烤麩，椒鹽小黃魚，全部都唔錯嘅。服務方面，工作人員態度親切，服務都幾周到，地方就唔算係打卡餐廳，但都OK整潔啦，餐廳價格亦係合理的。