龍糖坊

Open Now

Now Closed

銅鑼灣 📌 龍糖坊 傳統手工糖水 應時而食好味道老闆請食飯，成班柴娃娃喺銅鑼灣食完飯走人，遠望見到呢間糖水店唔少人等外賣，原來最近新開左甜品店， 第 2日，我搵埋同我一樣咁為食的同事，放工靜雞雞來自私食😝原來係出名點心精緻美味的龍點心旗下新開甜品副線，Well... 突然間已經諗好下要屈老闆請我地龍點心飲茶 😆 講返今次自私食嘅甜品先。💚 馥綠開心果露 $68 開心果近年成為甜品、蛋糕、糖水 & 朱古力的寵兒，成為製作原材料。一見到有開心果露我已經心心眼，一上枱陣陣開心果獨有嘅香味，味道可口，質地濃稠似糊狀，開心果控必選💚❤️ 傳統四拼 • 一盤大滿足一盤大滿足，一次個滿足曬 4個願望 💕一set 有齊十年陳皮蓮子紅豆沙、招牌蛋白杏仁茶、古法香濃芝麻糊同養生核桃糊。🔴十年陳皮蓮子紅豆沙口感 细腻順滑，帶陳皮清香，與蓮子香味融合。 ⚪ 招牌蛋白杏仁茶不愧店內Signature ，口感香滑，滿滿杏仁香氣，人氣之選 😎⚫古法香濃芝麻糊 芝麻糊是我國傳統美食，古法製作更富醇香味道，口感濃稠綿密，滿口香濃芝麻香味而甜度適中。🟤 養生核桃糊口感與芝麻糊一樣濃稠綿密而甜度適中，整碗充滿合桃香味，口感豐

上星期五晚去完跑馬地跑完步，出番銅鑼灣食餃子，已經9點半，路過看到有間新新地嘅甜品舖門外大排長龍，感覺好有中環歌賦街那家甜品舖的影子。今日放工見有少少凍凍地但又唔係好想食粉麵飯，就行去試下依間甜品舖嘅熱糖水。每每去新嘅甜品舖如果有售賣中式糖水，我都鍾意試下佢地嘅糖水，因為做得糖水舖，基本嘅芝麻糊或紅豆沙做得好先會再光顧。依家店以手機掃碼自助落單揀咗一盤大滿足（$58），有齊我鍾意嘅幾款糖水，一次可以試勻晒仲可以加唔同配料，不過今次試四味，肯定已經好飽肚，所以有機會嘅話留待下回吧！落完單，看左看右見旁坐的女士好似食緊外賣（有三個外賣小盒，一個放白飯、一個返綠色菜同一個放肉），唔知係咪員工用膳中呢？！一個木盤放咗四個小盅，視覺上色澤得嘅！聞落味道都幾香嘅。逐一試嘅時間⋯先試蛋白杏仁茶，杏仁味唔會似杏霜味，南北杏香味剛好，我幾鍾意。第二款就係試合桃糊，有合桃香，唔會水汪汪，稀杰度調教得好好，又唔會出現漿糊膠效果第三款試就係紅豆沙，紅豆煲到起晒沙，勁like唔會出現豆皮和水粒粒片片情況，而且有淡淡陳皮香；不過就食見唔到蓮子⋯⋯⋯⋯最後就係芝麻糊啦⋯上次去咗曾經在西環多年依家在天后重開嘅「O」記

很多人也知道吃甜品會令人心情開朗，細佬就特別喜歡甜食物的人，最近銅鑼灣開了一間很有人氣的新甜品店，每次經過都看見人山人海，不論情侶或是一家人都喜歡點選一些特色的甜品，所以趁細佬考完試就帶他去試一試。店舖的裝修以龍為主，相當有特色，甜品方面亦非常精緻及有多款選擇。今次我和弟弟就選擇了三款特別喜愛的甜品嘗試:🌟芝麻湯圓娟姍奶燉椰皇細佬最喜歡口感煙靭的湯圓，芝麻的香味濃郁，配上香濃的椰皇燉奶，配搭非常合襯，味道香甜美味。🌟芋圓芒果仙草奶凍這個奶凍，簡直是人氣之選，我見每台也有點選這個芒果仙草奶凍，顏色方面非常吸引，芒果有香又甜，芋圓口感一流，仙草的感覺又清新，奶凍又香滑，打卡亦一流。🌟馥綠開心果露在眾多果仁之中，開心果是我們一家最喜歡的果仁。以往合桃糊和杏仁露就吃得比較多，開心果露是第一次。味道香濃之餘，口感亦夠幼滑，加上小小的開心果碎，令層次感更加分明。

.甜品🍮永遠都係女人嘅第二個胃🤪當然我都一樣🤭好鍾意食甜品嘅，我最近知道銅鑼灣開咗一間主打中式糖水的港式甜品舖🤩呢間糖水舖提供多種糖水選擇，環境舒適且價格合理👍🏻榴槤腸粉口感很滑順，但榴槤果肉的份量稍嫌不足，但濃郁的榴槤香氣好滿足🤩桃膠娟姍奶燉椰皇椰皇的甜度恰到好處，桃膠的清爽感與奶香相得益彰，整體口感豐富且層次分明‼️📍龍糖坊 (銅鑼灣)銅鑼灣波斯富街24-30號寶漢大廈地下A號舖

位於銅鑼灣廣場去SOGO十字路口波斯富街，應該係新開嘅甜品舖，當日排隊排咗一陣，門口裝修幾靚餐牌好有特色用人手畫，佢有啲甜品選擇好適合有選擇困難症嘅人，一set四款每足晒口味我叫咗芝麻湯圓娟姍奶燉椰皇，芝麻味濃嗰日都有啲凍，暖笠笠啱晒另外朋友叫咗榴槤河粉，佢話好creamy, 河粉夠滑，成件事係夾嘅最後就叫咗一碗大滿足（熱）（椰奶|芋圓|桃膠|蓮子|仙草|西米|香芋|紅豆）一碗有晒咁多嘢我覺得佢係台灣芋圓+後現代喳喳 混合版食完就真係飽飽，啱啱好

同朋友食完晚飯再下場食糖水揀咗呢間新開嘅《龍糖坊》原來佢係龍點心旗下嘅糖水舖咁一定有保證✨✨ღ芒果河粉 $58ღ河粉好滑嫩加埋香甜嘅芒果🥭超正呀！佢仲有榴槤選擇鍾意食榴槤嘅都唔好錯過呀～ღ 大滿足盲盒$58ღ一次過試到4款糖水🤩啱晒有選擇困難症嘅人🤭睇下我抽中咩先😀有十年陳皮紅豆莎楊枝甘露、腐竹薏米運子蛋❤️仲有招牌蛋白杏仁茶，款款都咁好味🤤我仲追加埋紅豆🫘同芒果🥭真係一次過滿足晒呀😌

龍糖坊 📍銅鑼灣波斯富街24-30號地下A舖話說銅鑼灣街頭總是人來人往，想搵個地方靜靜地歎一歎甜品真係唔容易。最近發現咗一間新開糖水舖——龍糖坊，位於波斯富街一角，環境舒適低調，啱晒想放鬆一下嘅你同我。佢哋嘅餐單雖然唔算多，但勝在夠有心思，甜品同小食都帶點創意，味道仲要意外地搭！一入座，店員推介咗招牌「馥綠開心果露」，一試即刻明白點解係人氣之選。開心果嘅濃香好實在，入口順滑，完全唔會覺得膩。跟住試咗「榴蓮腸粉」，腸粉皮薄而煙韌，包住濃郁嘅榴蓮餡，甜中帶點微鹹，係意想不到嘅和諧。最後壓軸係「開心果提拉米蘇」，咖啡味係cover哂開心果嘅味，係一件綠左嘅正常tiramisu 🤣龍糖坊嘅環境簡約有格調，繁忙時間最多食半個鐘。價錢方面都算合理，唔係貴到離譜，性價比OK。◇◇◇◇◇◇◇◇◇

位於銅鑼灣嘅新糖水店《龍糖坊》，屬於龍點心旗下新品牌，糖水/甜品選擇多，以後飯後想食糖水又多一個選擇✨大滿足盲盒樣樣都想食，唯有交比店家決定🤣呢set就有十年陳皮蓮子紅豆沙、招牌蛋白杏仁茶、腐竹薏米蓮子糖水和桑寄生蓮子茶每款都份量適中，甜度恰好，當中最喜歡係紅豆沙，啖啖陳皮香味，亦煮得出起沙口感✨桃膠娟姍奶燉椰皇椰皇內除咗燉奶，還有滿滿嘅桃膠，燉奶夠香滑，桃膠口感煙韌，另加了仙草和雪燕，大滿足😚

甜蜜蜜龍塘坊……出開銅鑼灣花卉展食完個lunch仲未夠喉，想食埋甜品咁啱經過見到有間新開張嘅糖水舖龍塘坊裝修幾別緻清新跟住入去試吓先，食左咗三個甜品當中我最鍾意1）雪燕娟山奶燉椰皇幼滑嘅牛奶配上清甜嘅椰皇啫喱加上滋陰嘅雪燕唔係太甜，啱晒又貪靚減肥中嘅我2）榴槤涼粉味如甜香奶油的榴槤配上滑嘟嘟嘅椰汁涼粉簡直豐富咗我味蕾3）一碗大滿足有齊晒我鍾意食仙草芋圓桃膠滿足晒我貪心胃

銅鑼灣新開嘅糖水甜品店，除咗傳統糖水，仲有新派中式甜品、滋補椰皇系列、手工芋圓系列、巴斯克芝士蛋糕，仲有小食、晏晝仲有午餐供應😍舖頭設計新舊交替最鐘意佢大多數甜品都有張甜品卡，印有鬼馬得意語句，睇到都會心微笑🤍雪燕娟姍奶燉椰皇一向鐘意食椰皇燉蛋白，另加咗$10追加埋桃膠補一補，雪燕桃膠一直話有美顏作用，味道不甜不膩，蛋白滑溜，啱晒女士食用💛榴蓮河粉 $68先生鐘意榴蓮，河粉其實係椰奶製成，仲有椰奶一同食用，口感賣相特別，榴蓮都好正🚩龍糖坊 (銅鑼灣) @lungtongfong 📍銅鑼灣波斯富街24-30號寶漢大廈地下A號舖

今日就同朋友去左銅鑼灣龍糖坊呢間新開既糖水店, 小店主打養生糖水, 包括中式, 西式等多款甜品選擇一碗大滿足份量十足, 有齊唔同既配料, 包括蓮子, 紅豆, 西米, 桃膠, 香芋等, 仙草嫩滑, 芋圓口感煙靭, 撈埋椰香味濃郁嘅椰奶,每一啖都食到唔同配料鮮芒楊枝甘露面頭有大量嘅柚子同芒果肉, 質地濃稠, 清甜既芒果味中帶點微微的酸, 非常清新開胃開心果提拉米蘇質地濕潤幼滑, 每啖除咗有咖啡香味之外，仲帶淡淡嘅開心果香味, 層次豐富

《新開特色甜品屋🥰》———————————————-#龍糖坊 🍮-呢間位於銅鑼灣龍點心樓下嘅糖水舖，新開張新品牌，甜品種類都好有創意，而且性價比十足🌷-🤩大滿足盲盒未到糖水舖樣樣都想食，心思思想試晒全部，小店好有創意提供咗呢個盲盒嘅選擇，由餐廳幫你揀四款糖水🤣 我哋呢個set有齊紅豆沙、杏仁茶、燉蛋白同蓮子糖水🥰特別推介紅豆沙，陳皮香好突出，質地夠哂沙～-🥛 白玉娟姍雙皮奶最近有啲凍啱晒食暖笠笠嘅甜品，先叫咗呢碗鮮奶燉蛋，熱辣辣上枱，雙皮奶十分滑嫩，奶香突出☺️-🥭 芒果河粉芒果味道鮮甜，而且大大嚿，河粉一條條吉超級滑溜，而且有淡淡嘅椰香，同芒果一齊食好夾，又唔會太甜👍🏻-⭐價錢參考：大滿足盲盒：$58白玉娟姍雙皮奶：$38芒果河粉：$58🍌抵deal 指數：7/10

📍銅鑼灣😍新開糖水店✨龍糖坊✨係龍點心旗下嘅新品牌，時尚裝潢配舒適環境，真係令人期待💛💛🔹沙薑蒸雞套餐沙薑蒸雞嘅雞肉鮮嫩多汁，味道香濃，配上沙薑嘅獨特香氣，特別滋味。素炒雲南小瓜清新可口，口感脆嫩，與雞肉搭配得非常好。雜糧飯健康又飽肚，係一個完美嘅主食選擇。是日糖水係合桃糊，入口滑順，合桃味濃厚。🔹一盤大滿足拼盤有齊蓮子紅豆沙、蛋白杏仁茶、芝麻糊同核桃露，每一樣都令我感受到唔同嘅驚喜！蓮子紅豆沙甜而不膩，豆沙滑口，蓮子嘅清香伴隨著紅豆嘅濃郁，口感層次分明。蛋白杏仁茶香氣撲鼻，杏仁味十足，飲落去有一種暖心嘅感覺。芝麻糊濃郁，芝麻味香，滑順得來仲有少少顆粒感。核桃露嘅核桃香氣濃郁。一盤大滿足真係一個超滿足嘅選擇。🔹黃金地瓜薯條地瓜薯條外脆內軟，金黃色澤吸引，咬落去香甜可口，地瓜嘅天然甜味真係一流，唔似一般薯條咁油膩。龍糖坊✨📍銅鑼灣波斯富街24-30號地下A舖

銅鑼灣同老best食完飯後，發覺開咗間新糖水店——龍塘坊😍😍見到有個「龍」字，就上網查吓啦，原來真係龍點心旗下的品牌，忍唔住入去試吓，有意外嘅驚喜。✨馥綠開心果露✨非常特別，且少見，不愧主打手工糖水。綠色開心果露非常奪目，超級上鏡。店家採用伊朗優質開心果，食落堅果香氣十足，齒頰留香。✨一盤大滿足✨我只是犯了天下女人都會犯的錯，就係心多多🤣🤣🤣呢個甜品絕對滿足到我❗️內有十年陳皮蓮子紅豆沙、古法香濃芝麻糊、招牌蛋白杏仁茶及養生合桃糊💜一次滿足你四個願望😍紅豆沙蓮子大粒、紅豆綿密，食落足料又綿滑。芝麻糊同合桃糊都非常掛羹，濃稠的程度剛剛好，不會水汪汪，香氣十足之餘，食落香濃好味。最令我難忘的是蛋白杏仁茶，杏仁味不會過重，但每一啖都有杏仁香。搭配雪燕及桃膠，養顏又好飲。甜品款式非常多，環境舒適，真的不錯。想睇更多介紹，馬上Follow我啦😁。#big_big_foodie #big_big_foodie食勻銅鑼灣 #big_big_foodie食勻香港

之前去過龍點心🥟覺得他們的食物很不錯，今日去了他旗下的新甜品店 - 龍糖坊試試 店的裝修以米色與綠色為主調，暖黃色的燈光給人一種放鬆休閒的感覺。店內有很多國風小飾物，包括Q版小龍🐉、麻雀造型的發財咕𠱸🀄食物方便點了3份甜品🥣熱的一碗大滿足 (棷奶、芋圓、桃膠、蓮子、仙草、西米、香芋、紅豆) 再加2粒芝麻湯圓☺️很大的一碗，材料很多烹煮時間剛好，材料口感不像其他糖水店乾硬。蜜紅豆很美味，蓮子非常香甜，芋圓Q軟，香芋份量多，芝麻湯圓的芝麻味濃。可以食得出他們都是用靚材料。👍🥛焦糖娟珊雙皮奶奶味很足，口感細滑，雙皮奶上加上一層🔥燒焦的香脆甜的焦糖，很有西班牙甜品風，非常焦香、甜滑🍰開心果提拉米蘇近期大熱的開心果味甜品，造型非常漂亮，提拉米蘇上加上粉紅色和風配飾和開心果碎，口感軟濃厚滑，味道偏甜，非常飽肚😁❤而且龍糖坊喜歡轉送正能量，每份甜品都會附上一張勵志卡，背面可以寫上文字儘訴負能量，再反轉望下勵志的文字，馬上覺得放鬆不少