Video
6-min walk from Exit A2, Sham Shui Po MTR Station
continue reading
Telephone
27021713
Opening Hours
Today
10:00 - 18:00
Mon - Sun
10:00 - 18:00
Public Holiday
10:00 - 18:00
Public Holiday Eve
10:00 - 18:00
Above information is for reference only. Please check details with the restaurant.
About Reward Scheme
喺深水埗人頭湧湧嘅街頭，估唔到有條清靜嘅橫街坐得舒服又chill ge cafe - Loop Kulture.由深水埗地鐵站A2出口行2分鐘就到，喺正甘比社企餐廳隔離，位置夠隱世但又唔難搵。餐廳走工業風裝修，水泥牆配木枱，型格得黎坐得舒服，職員仲好有禮貌，感覺輕鬆！自家製產品係賣點，有個corner有自家制聯乘Barbour 嘅產品，仲有折扣優惠。嘢食同甜品選擇多到，價錢平均$100左右，咖啡仲要相宜，性價比高到喊，深水埗搵食新蒲點！❣️✨🍝 冬陰功蝦長通粉 呢款通粉好有驚喜！長通粉煮得彈牙，冬陰功湯底酸辣開胃，夠晒正宗泰國味，仲有大隻鮮蝦點綴，咬落彈口鮮甜，湯汁濃郁得黎唔會太嗆，食完暖胃又過癮，啱晒鍾意微辣嘢嘅朋友！🦐🌶️🍮 Tiramisu Tiramisu係甜品界嘅經典，忌廉幼滑濃郁，咖啡味香而不苦，底層蛋糕濕潤入味，食落好似溶喺口度，甜度啱啱好，悠閒食落一流，幸福感即刻爆棚！☕💖🥤 肉桂維也納凍 飲品揀咗肉桂維也納凍，清涼解渴又有新意！肉桂香氣撲鼻，配上濃濃奶泡同冰咖啡，飲落甜中帶點香料味，層次豐富又唔膩，夏天飲呢杯真係爽到飛起，推爆！❄️🍂Loop Kulture喺深水埗嘈雜中帶嚟一片chill，環境型格舒服，嘢食甜品自家製夠用心，冬陰功通粉夠味、Tiramisu濃滑、肉桂維也納凍清新，性價比高到爆！職員有禮，坐得舒服，係個悠閒食飯影相嘅好地方，值得一試！👍😋下次要再試其他甜品
continue reading
食過幾次，食物頗有水準，但選擇不多，而且沒有什麼變化，食多兩次便要重複了；但勝在開得早，對我們也頗為方便。叫了「經典卡邦尼長通粉」，食材包括有自家製蛋醬、煙腩肉、楓糖煙肉、巴馬臣芝士、長通粉，通粉不會過腍，煙肉香脆，芝士惹味；不過對大食的我來說，份量少啲。🤭「三文魚籽牛油果配法式千層薯」，外貌非常靚仔，味道也出色，食材有三文魚籽、牛油果、無花果、藍莓、菲達芝士、香炸自家製千層薯塔。黑咖啡味道香濃，苦澀中帶回甘，更有助於消化與脂肪分解。Loop Kulture地址: 深水埗鴨寮街90號地舖電話: 27021713
continue reading
一踏進呢間cafe 門口擺放了不同類型的植物，瞬間感覺遠離嘈雜的深水埗，心情都放鬆了下來～🥰聽店員講呢間cafe係英國戶外服飾品牌 Barbour 同香港咖啡店 Loop Kulture 合作開設嘅。地下果層擺放了一些Barbour 商品在旁邊，可以買。呢間cafe樓高兩層。上層搭左個帳篷🏕️，還有ukulele，感覺好chill～見cafe內寫住：顧客只要在café影相同埋hashtag #barbourcafe #adventurewithbarbour 再follow @Barbour_hongkong 及@loop.culture Instagram 即可獲取一個Barbour彩色LOGO限定襟章, 數量有限, 送完即止！我都即刻攞左一個襟章！❤️Cinnamon Viennese (H)熱玉桂維也納店員話上層是泡沫和cream～要將上層和下層拌勻後才喝。喝起來有玉桂香～🥰見餐牌有彼得包嗌，未試過，好奇係點嘅樣就嗌個黎試下～❤️White Clams In Homemade Pesto Sauce With Pita Bread自家製青醬白蜆配彼得包第一次食彼得包，幾得意。將青醬和白蜆放進彼得包內吃，更有口感～青醬份量足，塗在彼得包內吃味道清新😍。
continue reading
深水埗工業露營風Cafe ☕今日嚟到深水埗嘅Loop Kulture Cafe，呢度係同英國戶外品牌Barbour聯乘嘅期間限定店(至6月底)，園林露營風格加英倫元素，絕對係悠閒好去處！Cafe樓高兩層，設計係工業風水泥牆配木枱同綠色植物，仲有Barbour百年歷史牆，成個氛圍型格又自然。二樓走露營風。店內仲設Barbour產品專區，有Polo恤、狗狗系列同限量襟章，打卡仲可以換領彩色LOGO襟章！🥑三文魚籽牛油果法式千層薯（$98）：每日限量！牛油果蓉配無花果、藍莓、菲達芝士同爆脆三文魚籽，底層千層薯塔邊位焦香，口感層次超豐富🐟 🍰Tiramisu($68)忌廉幼滑咖啡味香，底層蛋糕濕潤，甜度剛好 ☕Loop($60)呢一款係椰子水加上Espresso，兩者混合已經可以一齊飲，如果想味道濃郁就可以加埋椰漿，另外本身都有椰子碎碎，飲嘅時候增加咗啲口感。而家參加「Adventure with Barbour」活動，上載造型仲有機會贏$3000購物禮券！（小貼士：想拎限量襟章記得hashtag #barbourcafe 打卡喔！）
continue reading
今日晏晝去咗深水埗一間咖啡室 Loop Kulture，裝修風格幾特別，環境又乾淨，坐得舒服，係個chill下嘅好地方。三文魚籽牛油果配法式千層薯 三文魚籽鮮味十足，加埋牛油果嘅滑溜口感，真係夾到出奇，好似海洋同大地嘅味道喺口入面融合咗咁。底下嘅法式千層薯就更加出色，外層脆卜卜，入面係綿密薯泥，每啖都好有層次。香炸單骨水牛雞翼配忌廉醬 呢款炸雞翼真係好香口，炸到金黃脆卜卜，肉質又嫩又多汁，咬落去真係超滿足。配埋個濃郁忌廉醬，滑得嚟又中和咗雞翼嘅微辣，啖啖肉、啖啖香，超正！總括嚟講，呢兩道菜色香味俱全，口感豐富又唔會太heavy，性價比都算唔錯，值得一試！**Loop Kulture（深水埗）** 地址：深水埗鴨寮街90號地舖
continue reading