樂園魚旦專家 (協和街)

Open Now

Now Closed

樂園魚旦專家🥢香港人食魚蛋粉真係由細食到大😋除左細蓉之外 我最鍾意就係食牛腩河啦😍觀塘協和街就有間港式魚蛋粉專門店😋隔離仲有新開嘅裕民坊YM2商場唔怕食完野無地方行😍店內環境乾淨 都坐得舒服😌 最緊要冷氣好夠😂 因為今日超熱🥵睇到menu佢地有限量發售崩沙牛腩😍唔係唔叫呀？！😂崩沙牛腩魚片頭河粉🥢 ($48+$7)一上枱見到D崩沙牛腩齊齊整整一字排開肥瘦分明 對眼已經發哂光🤩河粉夠哂大碗👍 崩沙腩咬落好腍香所謂崩沙腩即係牛肚皮兩邊個腩位食落爽軟而不硬☺️魚片頭都好厚身 唔會炸到好油食落好爽口彈牙👍 河粉最忌夾起碎濕濕 呢間做得幾好😋我就推介落埋辣椒油一齊食😍記得要撈埋D辣椒渣上黎😂蠔油菜心🥬 ($+10)加十蚊仲有多碟油菜 種類都幾多仲有通菜、生菜同白蘿蔔俾你揀🥢白灼過嘅菜心好甜 落埋蠔油好好味😋再加埋杯凍檸茶都係+$8我最愛嘅走甜☺️👍

今日同朋友想食牛腩麵，所以黎左樂園食下午茶😀朋友食崩沙牛腩拼韮菜餃米粉，我食崩沙牛腩拼鮮蝦雲吞粗麵。枱上有辣醬，我加左半匙羹，好香！提升左成碗麵既味道！推薦！👍🏻👍🏻崩沙牛腩無令我地失望！肉同脂肪係分開既，唔會食到成口油，但牛腩味好香、肉都好冧好易咬、唔會痴牙！👍🏻😋😋韮菜餃同鮮蝦雲吞都係大大粗，皮薄、足料👍🏻粗麵麵質亦不錯😀跟餐要左豆漿，係樽裝包裝既😀非常乾淨衛生👍🏻☺️

位於觀塘嘅呢間港式魚蛋粉專門店丸類香港製造，無添加防腐劑夠哂新鮮呀💕麵底有五款選擇，包括幼麵/粗麵/河粉/米線/米粉-🥢崩沙牛腩麵（$48）每日數量限定供應❣️崩沙牛腩即係橫膈膜附近嘅腩肉一碗約有6件，厚度適中牛味香濃，有入口即溶之感💯推介大家必試呀👍🏻🥢頂級墨丸麵（$33）墨丸有4大粒咬落口感幾爽，富鮮味😋不過唔夠彈牙喔！幼麵麵底份量都算多，無鹼水味又有嚼勁💕個人覺得落啲醋同辣椒油更加惹味呀！大部份飲品跟餐都係只需要+$8樽裝豆漿CP值最高呢😉

之前去開炮台山嗰邊都成日食樂園 😋😋貪佢抵食 夜晚可以做宵夜 今次一於試下觀塘呢間😋呢度鋪面比北角嗰間細少少 但人多啲😆環境夠光猛乾淨👍🏻崩沙牛腩拼墨丸河粉 $55湯底夠香 崩沙腩好腍 肥瘦相間 入口好順 好味道🐮墨丸一貫水準 食到到墨魚粒喺入面🐙🐙河粉份量都幾多 唔驚食唔飽👍🏻👍🏻牛腩拼雲吞麵 $40牛腩肉質比崩沙腩結實啲 大大舊 味道都唔錯👍🏻👍🏻雲吞都正常發揮😋幼麵反而有驚喜 口感彈牙 依家成日都係乜哥乜哥米線 耐冇食鹼水麵 轉下口味幾開心🤗油菜 $10（？次次去樂園我都會叫油菜 感覺食得健康啲嘛🤣 今次叫咗菜心 綠綠的 好新鮮 煮得啱啱好 菜葉腍 菜梗爽脆😋兩杯飲品夠冰爽 夏天食魚旦粉一定要叫啦🤣總括嚟講呢間係唔錯 質素有保證👍🏻👍🏻

觀塘呢個舊區重建中，估到仲有啲咁有懷舊風味嘅地方。呢度啲員工招呼周到，一入去已經即刻招呼我。我哋只係兩個人但佢都肯比卡位我好開心。望咗陣Menu，選擇真係好多，有丸類，牛類，甚至係豬手添。連好少有見到嘅崩沙腩，都有啊！不過最後都係揀咗佢嘅王牌牛三寶。原來除咗堂食之外，呢度都有火鍋配料賣，有機會可以試試。我同朋友都係揀左牛三寶，佢就揀咗湯麵，我就揀咗撈粗。嘢食好快就黎到，味道偏濃，啱晒重口味嘅我！而且份量都好足，每樣都至少有兩三舊大大嚿。除咗食麵之外，仲叫咗碟油菜。菜都幾多選擇㗎，有生菜，通菜，蘿蔔，芥蘭，仲有菜心添！唔使怕出街冇菜食。簡簡單單又一餐，係落雨天，食到咁有懷舊風味嘅野食，真係特別好feel!

平時出街都係食西餐韓國泰國日本野多 今日就想食返清d嘅粉麵~ 有時都會係樂園魚蛋買d丸返去打邊爐😋 不過堂食就真係第一次#招牌魚蛋麵 $29呢到最出名係魚蛋當然要叫碗魚蛋粉食下~ 入面就有魚蛋同魚片頭 睇鋪頭社交平台 page寫住係香港製造既 當然要支持一下!❤️呢到既魚蛋對比出面食既魚蛋更加爽口彈牙! 唔似加咗好多粉入去 份量亦都好大方 30蚊唔洗性價比好高~ 我地仲加左紫菜~ 令到個湯增添多左鮮味🤩#崩沙牛腩麵 $48見到係限量發售所以就叫左一碗黎試下~ 原來崩沙腩係牛橫膈膜附近嘅腩肉 食落口一啲都唔韌而且牛肉入口即溶😋 牛味亦好濃 崩沙腩份量亦都好大方! 有五六舊同埋都好大舊 幼麵煮得岩岩好咬落好彈牙👍🏻我地仲加咗個油菜同兩杯野飲檸樂同檸檬利賓納~另外呢到既侍應姐姐服務態度好好~可以再encore!

老公喜歡吃粉麵，今晚就一於約埋奶奶來港式粉麵店吧，之前吃過這間樂園，質素不錯，今天再來。崩沙牛腩配魚片頭我最喜歡吃崩沙腩，就是牛的橫膈膜，連着少量的肉，所以如此有咬口。老公也大讚，下次還想再試試其他牛的部位呢。奶奶見我哋大讚，她都點了崩沙腩配墨魚丸，墨魚丸有墨魚粒粒，有口感👍🏼😆金牌豬手配黃金片頭豬手炆的時間很足夠，啖啖肉又淡淡骨膠原，加上豬手大隻，吃得很滿足。黃金片頭算彈牙加厚切，不錯。野外油菜我點了通菜多醬，最啱我這個醬料怪。腐乳醬汁的香香辣辣，通菜新鮮，爽口。只需加$10便有一碟，都幾抵吃。凍奶茶凍奶茶大大杯，我這個奶茶控也覺得不錯👍🏼😇老公另外點了杯阿華田,正常水準發揮😝😊

欣賞佢嘅防禦措施做得好好！卡位同卡位之間嘅透明膠膜保護度高！呢個疫情時間，感覺到非常安全！ ！而且佢冇阻礙冷氣抵讚👍🏻👍🏻黎樂園必須點牛腩同埋金牌豬手今日就係為崩沙腩而黎的😍中間啲軟骨入口即溶個湯底本身已經好有牛味未落辣之前已經要飲幾啖個辣椒油都好夠辣味水餃亦都好吸引超級大粒 又夠鮮味入面嘅雲耳冬菇爽脆可口好新鮮如果黎開樂園，小妹推介崩沙腩同水餃🥟雙拼鮮炸魚皮$18用膠袋包住，很衛生侍應姐姐服務一流！超吸殷勤有別於一般茶記快食又食到好嘢👏🏽觀塘區美食推介list 又多一間

今日同呀爸呀媽落街食野，大家都想食下香港地道既魚旦粉食下，行行下，見到間店叫樂園魚旦專家。睇埋個餐牌，又平又抵食，入去試下先！🤣⋯⋯即刻有位，最怕等位既我，當然即刻入去食啦！牛腩米大大碗，牛腩食落彈牙，易入口⋯⋯配搭洋蔥，香噴噴！🤣秘制牛雜麵，份量十足⋯⋯牛雜食落易入口之外，口感十足！另外叫左一碗魚蛋，魚片米粉，兩者都十分彈呀，唔錯喎！最正既係，配搭茶餐廳既地道奶茶...食完係十分滿足！三人食- 埋單只係$111 真係平到笑，平均一碗麵加埋一杯飲品，都係三十幾蚊....平時真係要多d 黎食下先！我見到有魚皮呀，下次黎試下先⋯⋯餐牌上面仲有好多火鍋配料可以叫，不錯！香港地道魚旦粉，平，靚，正！

觀塘工廈平時就去得多，今次去離觀塘地鐵站遠少少嘅地方-協和街。呢條街係好近裕民坊，都有好多好好食嘅美食。成日都特登走去搵美食，今次就想食啲清淡啲嘅嘢，行過一間專食魚蛋粉嘅餐廳，就想入去試吓。餐廳基本上同出邊普通魚蛋粉舖其實都冇乜太大分別，有唔同種類嘅粉面同飯俾你揀。但係最特別嘅係佢竟然有火鍋食添！由於天氣太熱，所以今次就冇試到佢嘅火鍋，我只係嗌咗魚蛋粉嗰啲姐。樂園四寶丸（ $42 ）：四寶丸包括魚蛋魚片頭豬肉丸同雲吞，呢四寶都好大件，而且都幾甜幾好食崩沙牛腩魚片頭雙拼（ $58 ）：崩沙腩每日都係限量供應，我覺得佢軟硬度啱啱好，而且有連住少少脂肪，所以食落口唔會太乾同鞋。我最鍾意嘅就係佢塊魚片頭，真係超大塊。不過我略嫌佢個湯底唔夠甜，我再甜啲成碗粉就超好食啦。基本叫任何粉面類都可以加$10要個菜最後我最想讚嘅係佢辣椒油，真係好香好好食，佢用咗大量嘅炸蒜去整呢個辣椒油，撈左落魚蛋粉就有好香嘅蒜味。

魚蛋粉麵店，大家樂，大快活更有一間係左梗，食得都因為快靚正同「平」🤣快食快走。。有時想食清清地/病病地都食碗魚蛋粉加碟油菜😗但 個重點一定要落少少 辣椒油。我本人認為辣椒油係食麵嘅靈魂😉樂園魚蛋粉食開好多年 佢嘅辣椒油好獨特自己爆 好香帶少少少麻味我買外賣都必跟辣椒油仲有佢崩沙牛腩河正，好香牛味，又林，肥瘦剛好，我一定配河粉，滑dodo 😋加碗蠔油菜，飲麻杯鮮檸茶真係香港人，快人用餐😚簡單而又滿足一歺。

觀塘區除了工廠大廈一大食肆林立，在民生區的附近也有很多美食， 樂園魚蛋專家就是其中一家。裝修外貌看似平凡，但其招牌菜色味道非同凡響， 這就是今次所食的招牌魚蛋和頂級墨魚丸。兩者彈牙可口，軟滑口感上乘，分別是滿滿的魚香和墨魚香味，大概是真材實料的體現。店舖提供生料選購，可以把這份滋味帶回家細嚐。我選擇了粗麵，另外還可以選河粉、幼麵、米粉或米線。 粗麵質感恰到好處， 軟硬適中，可惜麵底偏細，若有需要建議加底。飲品有多款選擇，這是豆漿，甜度偏低，適合我個人喜好。每枱均擺放消毒搓手液，更方便清潔雙手，確保衛生。

午餐用外賣app試下呢間開咗冇耐嘅麵店，首先已經提醒要多些辣椒油，但最後完全沒有，平時買魚蛋粉麵唔洗問都至少比一細盒/包啦👎 叫咗牛筋拼魚蛋撈麵，因為唔想食湯粉麵如果唔分湯會浸到淋曬。牛筋正常，麵都可以，但係魚蛋加九蚊雙拼竟然得兩粒仔，睇落以為大粒其實係一片咁嘅形狀，有魚味唔係算彈牙味道可以接受(因為自己本身喜歡食淋d口感，太彈嘅感覺反而好似唔知加咗d乜咁) 但賣$4.5一粒份量係少得可憐🥺 標題寫10% off好優惠咁但實際係取巧囉⋯

今日買完送經過見到有間新開既魚蛋粉，話做左50年魚蛋就同呀爸入去試試佢啦，點知真心正😆店員推薦左魚蛋同墨丸比我地，我地就要左個淨魚蛋同墨丸面，個魚蛋好大粒，重魚味，魚片厚身又彈牙，墨丸爽口夠香，加埋d辣椒醬真係一流😆😆😆聽隔離台講依間就係之前係旺角波鞋街個間樂園！呀爸話佢都食過，依家食返就係個個味😍鋪頭做野既人好有禮貌，會同d客傾下計好friendly，佢地話魚蛋個d都係係香港製造，呀爸表示：依家無幾可嫁啦🤦🏼‍♀️不過地方就細左d，有少少逼逼地啦，可以接受既，為左食好野🤷🏼‍♀️下次仲想試下佢個脆炸魚骨皮，聽講得佢地先有😍諗起都流口水🤤

今日去開觀塘，路過見幾光亮，企理，就入左去試，本身哥哥介紹魚旦好出名，我都打算食魚旦河，但見有崩沙腩Wo ，咪双併🤤。有驚喜，魚旦好大粒lo ，啲崩沙腩好香，正。仲見好多人食魚皮，聽倒好似好脆感😆不過我怕食唔晒無叫。下次會再試。😋😋