樂意點心

Open Now

Now Closed

每次經過漢口道都見到勁多人排隊.我好好奇, 究竟有幾好食先可以令到有咁多人排隊呢？今次我叫咗個絕配套餐再加咗個點心.依度嘅茶都幾多選擇.有傳統嘅香片、普洱、菊花.排咗咁耐就梗係試吓啲特別嘢啦.我揀咗荔枝玫瑰茶.另外嘅白桃烏龍都幾多人揀.荔枝玫瑰茶飲落幾舒服, 有淡淡嘅荔枝味.啲點心好快就上枱.碧綠叉燒腸粉 (HK$28)個皮唔會好厚, 味道正常.都幾多叉燒.絕配套餐 （HK$68): 鮮蝦花甲粉絲湯 (+HK$10)都幾多材料㗎.不過我就覺得個湯味道偏淡, 同埋啲蜆好似洗得唔係好乾淨.籠仔土魷肉餅飯呢個肉餅飯份量都幾多.味道都OK嘅.係個肉餅有啲散.奶皇包 （+HK10)個奶皇包係有流心㗎, 好好食.蟹籽燒賣 (HK$19)味道正正常常, 同普通燒賣差唔多.依度嘅點心係幾抵食嘅.除咗個湯, 其他點心味道都係唔錯.依間餐廳都幾多韓國人幫襯, 有冇人話到俾我點解呢？

麻辣牛柏葉 牛柏葉爽脆口感好. 調味有花椒、辣椒油及蒜香，少少辣度, 惹味 !荔枝蝦球創意港式點心， 結合蝦仁的鮮甜與荔枝的清甜果香， 蝦球外層香脆，口感外脆內嫩。 籠仔蒜蓉龍蝦配帶子粉絲底龍蝦以蒜蓉蒸煮，保留海鮮的鮮甜，搭配吸滿湯汁的粉絲及鮮嫩的帶子，蒜香濃郁且口感豐富配粉絲食一流。 椰子燉烏雞椰香濃郁但不掩蓋烏雞的鮮味，椰子水的清甜與烏雞的濃郁，燉煮後湯汁清潤且營養豐富 適合養生愛好者香茜炸粉果外皮炸得金黃酥脆，內餡飽滿且香茜分量適中，令人驚喜的小點。香茜牛肉腸滑溜腸粉， 嫩滑牛肉好食。 薄荷青檸梳打清新飲品，以薄荷葉的清涼、青檸的酸爽與蘇打水，適合解膩或搭配重口味菜品。

今日同朋友去咗「樂竟點心」試吓佢哋個招牌絕配套餐，$68一位（另加一）可以自選一款主食、一款燉湯、加10元追加一款小食同飲品，認真抵食！即刻同大家分享下食後感。頭盤：雲腿雞腳燉鮑魚湯一上枱已經聞到好香濃嘅火腿同雞湯味！湯料十足，真係有隻迷你鮑魚喺裡面，仲有軟糯嘅雞腳，飲落好醇厚，冇味精感，暖胃又滋潤，絕對係誠意之作。以套餐湯品來講，質素超乎預期！主食：龍仔豉汁帶子飯 + 臘腸(另加10元）用傳統缽仔蒸飯，豉汁香濃完全滲入飯粒之中。帶子雖然唔算巨型，但係份量都算多，口感軟嫩，鮮味十足。加分位在於追加嘅臘腸，油香滿溢，同豉汁帶子飯係絕配！撈勻一齊食，真係忍唔住一口接一口。香茜炸粉果外皮炸得金黃香脆，入面餡料豐富，芫茜味突出，鍾意香口野嘅朋友必點！點心拼盤（自選加配）今次豁出去試咗幾款點心，款款都有驚喜！蘆筍蝦餃蝦餃皮薄透亮，蝦肉爽彈鮮甜，加入蘆筍更加添一份清新口感，減低膩感，好有心思！三色小籠包分別係原味、蟹粉同黑松露口味。皮薄湯汁豐盈，最驚喜係黑松露味，香而不搶，高級感即刻出晒嚟。荔枝蝦球造型滿分！真係做成荔枝咁樣，外層脆米口感有趣，蝦膠彈牙，點埋醬汁酸酸甜甜，好開胃。香茜牛肉腸腸粉滑溜

朋友難得過嚟搵我食飯，見早早地11點幾就去試吓樂意點心，結果都要等第三張枱😂鳳爪排骨飯$68-呢個排骨飯唔使落豉油都已經好夠味，佢好香蒜蓉同埋芫荽蔥嘅味，排骨都幾瘦，完全好啱我食，鳳爪味道都好夠，值得食！鮮無花果雪耳沙參玉敦排骨湯-飯套餐既湯好飲！夠濃味 又夠熱 好正！飯套餐加$10有個點心 我地揀左馬拉糕 不過不失 份量都正常 幾好蟹柳棉花雞$28- 蟹柳得半舊太少 魚肚份量比想像中多 都好味 雞都幾滑 唔錯帶子菜苗餃$30- 味道正常 略嚴少貴 可以試一次燒賣$19-味道一般 入面既肉比較硬 可以不食蝦餃$19- 好食！ 蝦份量多 味道正 必食！

今日下午茶同朋友係尖沙咀Lee間飲茶食點心嘅小店,三點都咁多人，入去睇睇先，等左15分鐘先有位，果然冇入錯，先整個菊花茶好甘香又清甜，嘢食全部都滿意！1.Lee樽楊枝甘露超正！芒果香濃，柚子粒勁清新，西米QQ彈，甜得岩岩好，凍凍地飲完成個人都醒神～2.麻辣牛柏葉夠晒入味，口感爽脆彈牙，麻辣勁道十足，越食越上癮，正到冇朋友！3.龍仔蒜蓉海蝦飯，蝦肉彈牙鮮甜，蒜蓉香到痹，加埋臘腸趁飯絕配，一啖落去超滿足！4.椰子燉烏雞湯，椰香清甜夠潤，烏雞肉嫩，一啖落去暖心又舒服！5.越式迷惘炸兩腸，外皮煙韌，內裡香脆，帶點酸辣，新奇又好味，食完仲想再來！5.奶黃包鬆軟，餡料流心香甜，一啖滿足！6.蘿蔔絲酥外皮鬆脆，內餡鮮甜帶微辣，鹹甜平衡，一啖一個停唔到！

⭐️籠仔蒜蓉龍蝦飯 （$153）好大籠呀！超級熱辣辣，仲要好香蒜蓉味，原隻龍蝦🦞上，有用蒜蓉簡單調味，但係已經好足夠！肉質都OK既，唔會好霉，個飯本身就冇其他調味，要我哋自己落啲豉油落去撈勻食，本身以為會好單調，但點知簡簡單單嘅配搭又出奇地好食😂⭐️三色小籠包 （$35）賣相就好吸睛，因為有三隻色，佢哋分別係原味、川辣同埋黑松露，雖然都多汁嘅，但係三款口味嘅味道唔係好突出，普普通通🥹⭐️芝麻蝦多士 （$30）呢款有驚喜🤩炸得金黃香脆，表面鋪滿芝麻粒粒，就算放咗一陣咬落去都係卡卡聲！多士上面嘅蝦肉都幾多，鍾意可以點埋酸甜醬食，口感好豐富😍⭐️碧綠叉燒腸粉 （$28）Ummmm, 原來碧綠嘅意思係翠玉瓜（本人唔係好鍾意食翠玉瓜🤣）但撇除呢樣嘢佢個腸粉都算滑嘅，然後入面都多叉燒肉😛⭐️蟹籽燒賣 （$19）正常發揮🫶🏻⭐️奶黃流沙包 （$18）覺得呢個流沙包唔夠流心🥺少失望～⭐️蘆筍蝦餃 （$19）蝦餃算ok~ 蝦肉多既，如果蝦餃皮可以薄身少少就好啦～茶位 $10 / 位📍樂意點心 (尖沙咀)尖沙咀漢口道19-21號漢宜大廈地下C號舖#點心 #九龍美食 #尖沙咀美食 #尖東美食 #alwaysgugu #g

昨日跟朋友出了尖沙咀，路經這點心店，見不少食客入內，我們也進去試試。這店除了點心，也有不少其他款式的食物。見有一個「絕配套餐」竟有紅花蟹，而且價錢也很實惠。我們二人叫了這套餐，再加多三個小點，那就差不多了。絕配套餐（$68）- 花鵰蛋白臘腸蒸紅花蟹飯這紅花蟹原隻上，很大隻也很鮮味。加上花鵰蛋白臘腸一齊蒸，咸香與鮮味混合，十分美味。白飯是另上的。- 椰子燉烏雞湯這湯很滋潤，椰子與烏雞，再加上杞子等配料，味道香純。- 懷舊馬拉糕這套餐還有馬拉糕作為甜點，又飽肚又美味。荔枝蝦球 （$20）這個蝦球炸得外層香脆，蝦肉彈牙，內裏還有荔枝肉，真是色香味俱。青瓜蜆仔撈汁 （$23）這青瓜冷盤也有驚喜，蜆仔很鮮味，加上特製醬汁，令味道更加豐富有層次。蟹柳棉花雞（$28）這棉花雞很香滑，而且很入味。

難得星期一放假，做完嘢後就去咗樂意點心食個lunch，本身早一日就諗睇下食啲乜，最後揀咗呢間人氣唔錯嘅點心餐廳。店嘅面積唔大，一般只適合2-4人左右，座位嘅數目亦唔係多。雖然舖仔細細，但都好衛生企理；食物方面，點咗6樣嘢，其中《籠仔鳳爪排骨飯》同個湯係一個set嚟，各樣菜式均各有驚喜。首先係嚟個湯，我哋點咗《鮮無花果雪耳沙參玉竹燉排骨》，個名就好長，到底係咪真係咁巴閉呢？佢個湯飲落係有無花果嘅清甜味，淡淡沙參玉竹嘅輕藥材味，好有下火嘅感覺，而且真材實料，呢個湯出面飲至少都$4-50蚊，而且唔係清一色嘅例湯味，呢個湯真係絕讚。第二樣上菜嘅係呢個set嘅主角《籠仔鳳爪排骨飯》，見到呢個排骨飯忍唔住哇咗一聲，會唔會太大啊！一個人食我覺得會食唔哂。呢個蒸飯，有荷葉放响底，令到個飯蒸出嚟有荷葉嘅香氣，而且响上面加上蔥、蒜、莞茜同洋蔥，將佢地撈埋個飯一齊食，連同排骨同鳳爪嘅精華夾雜响一齊，各種嘅香氣一同爆發，一滴豉油都唔使落，味道亦十分足夠，$68蚊(連湯)就食到呢個我食過最好食嘅排骨飯，呢個係真正嘅平！靚！正！有人會覺得排骨飯上嘅青色東東好恐怖，但我不但可以接受，而且非常喜歡。個飯食到一半左右，

帶住屋企人食飯通常都係揀啲酒樓，但佢地成日都會試下啲新式點心店，今次就揀咗尖沙咀「樂意」☀️香茜牛肉腸粉 $28都算都幾滑㗎，而且塞滿哂牛肉係入面🙈🥥椰子燉烏雞呢個幾有驚喜喎😆一黎佢飲落都似足料燉 椰子味夠香二黎就係影咗相一段時間竟然keep到個溫度相信佢唔係煲完扮燉👍👍✨荔枝蝦球 $20呢個打咭得黎都食得🤣蝦味夠重 中間會有個茘枝 幾juicy!🦴絕配Set $123呢個set幾抵 仲要包埋個湯😛呢個價錢食到花蟹算物超所值🥰花蟹夠鮮甜！兩個人食剛剛好😗我就鐘意食肉餅 超好送飯呢！💫 三色小籠包 $35呢個比較普通🥲有少少太乾身！💡都食過同類型唔少點心店，呢間真心覺得可以一試，除咗座位比較少之外，價錢份量質素都成正比，同埋最重要佢大部分點心都兩件計，啱晒啲食唔多但又想試多啲款式嘅朋友仔😆❤️‍🩹💥樂意點心 (尖沙咀)尖沙咀漢口道19-21號漢宜大廈地下C號舖「地理位置方便」建議前往方法：尖沙咀地鐵站Exit H

每次經過尖沙咀都見到有人排隊，原來價錢真係好抵食，而且份量夠大，係附近唔少打工仔嘅飯堂，同時都吸引好多遊客。餐廳雖然唔算大，但環境舒服，服務都好有效率！.🌟荔枝玫瑰茶同一般茶樓唔同，呢度除咗傳統茶葉，仲有白桃烏龍同荔枝玫瑰茶。飲落有淡淡荔枝味，之後會留低玫瑰香，茶底清爽唔澀，鍾意花茶嘅朋友應該會鍾意。.🌟芝麻蝦多士香港經典飲茶點心，炸到金黃香脆。多士面頭鋪滿芝麻，咬落"咔咔"聲，入面嘅蝦膠彈牙鮮味，口感豐富。點埋酸辣醬食，可以平衡返啲油膩感。.🌟麻辣牛柏葉牛柏葉切得厚薄適中，食落爽脆有嚼勁。麻辣香味好出，花椒嘅麻同辣椒嘅辣層次分明，愈食愈上癮。辣度唔算好高，整體味道好濃郁。.🌟籠仔蒜蓉海蝦飯呢籠蒜蓉海蝦飯熱辣辣上枱，蝦肉新鮮爽彈，面頭鋪滿蒜蓉，蒸到香噴噴。啲飯吸晒蝦汁嘅精華，粒粒都入味，最正係墊底嘅荷葉，帶出淡淡清香，份量仲要好足。.🌟碧綠叉燒腸粉賣相夠清新，腸粉皮薄滑溜，包住半肥瘦嘅叉燒，仲加咗啲翠綠蔬菜碎，食落多咗份爽脆口感。豉油甜鹹適中，腸粉質地薄得嚟又唔易穿。.🌟蟹籽燒賣燒賣係飲茶必點！咬落去豬肉餡紮實彈牙，混埋蝦仁嘅鮮甜，蟹籽喺口入面爆開，點埋辣油食就perfect啦！.🌟玫

🔹️今日到Bookmark已久位於尖沙咀 “樂意點心” 飲茶🫖 店內舒適衛生☘️ 播放Hiphot歌曲,🎶 簡直是潮嘆點心🧆 食物新鮮高質😋 服務稱心🙎‍♀️🙍‍♀️ 價錢親民💰🔸️菊花🌻🫖菊花清新淡雅、茶味略帶甘甜🌻🔸️蟹柳棉花雞🍲雞肉嫩滑、蟹柳鮮甜、冬菇鮮香、滑嘟嘟魚肚完全吸收了汁料和食材精華, 分外惹味🤤🔸️龍蝦餃🦐🥟以色澤金黃、煙煙韌韌的外皮, 餡料以綿密爽彈龍蝦肉, 味道甜美👍🔸️原隻鮮蝦腸粉🦐🫔腸粉皮晶瑩剔透、口感軟滑, 以原隻彈口鮮蝦, 味道鮮甜, 還是菜心伴隨😍🔸️茘枝蝦球🦐🍒以茘枝造型炸蝦球, 像真度高, 外皮酥脆、蝦肉彈牙、口感充實😋🔸️籠仔蒜蓉龍蝦配帶子伊麵🦞🍝以原汁原味籠仔蒸 ~ 龍蝦 (半隻)肉質厚肉彈牙, 味道鮮甜, 加上滿滿蒜蓉, 更能帶出鮮味,帶子幼滑可口, 伊麵吸收了龍蝦的精華, 大滿足呀🥰🔸️飲品🍹薄荷青檸梳打~ 味道酸酸甜甜、清新解渴🧊

尖沙咀行街行到有啲餓，屋企人話想飲茶。就揀左附近嘅 樂意點心 點了幾道點心，246元2個人有埋龍蝦食抵到爛。😍🐔蟹柳棉花雞 雞肉夠晒嫩的，配上蟹柳，魚肚朔晒啲汁勁入味。原隻鮮蝦腸粉🦐腸粉皮很滑，裡面的蝦肉Q彈新鮮，配上甜豉油，是港式點心的經典😋荔枝蝦球 這個我覺得很特別！🦐蝦球做到荔枝甘嘅樣，鮮美蝦肉勁大粒好彈牙，啖啖肉香茜炸粉果 粉果炸得脆脆的，內餡有好多蝦肉，芫荽味勁香。🥠重頭戲是 🦞籠仔蒜蓉龍蝦，這個分量看起來蠻大的，下面還配了蒜蓉粉絲底，吸飽了龍蝦的鮮味和蒜蓉的香氣，味道很濃郁，龍蝦肉質勁飽滿，超正🤩我點了杯玫瑰拿鐵咖啡 喝起來有淡淡的玫瑰🌹香氣，搭配咖啡☕️的醇厚，不會太甜，有啲玫瑰香啫喱，幾特別好好飲。😋下次有機會會再來試試其他的點心。🥢

今日去左尖沙咀樂意點心食下午茶，佢有好多點心選擇同埋有卡位坐好舒服， 下午茶緊係最啱飲返杯普洱！蟹籽燒賣咬落去餡靚，肉汁澎湃，內餡通常有豬肉、蝦仁，鮮香彈牙，蟹籽帶少少鹹鮮味，咬開好飽滿！ 薄荷青檸梳打飲落即時清新，青檸酸香、薄荷帶涼意，梳打水氣泡感強，入口爽快，酸酸甜甜又解渴，夏天飲一流，仲可以解膩。荔枝蝦球入口爽彈，蝦肉新鮮甜美，外層薄脆，配上荔枝果肉，帶天然果香同微微酸甜，兩種鮮甜味道融合，口感層次豐富，咬落去有驚喜，好開胃！🦐籠仔蒜蓉龍蝦配帶子飯(半隻)改粉絲底， 龍蝦肉鮮嫩彈牙，蒜蓉香濃不膩，帶子滑溜鮮甜，粉絲吸晒龍蝦汁同蒜蓉精華！

〖 樂意點心 🔥 尖沙咀 〗人氣極高龍蝦伊麵點心餐廳🤩樂意點心將港式傳統與創意完美結合 🍤 從經典燒賣到創意小籠包🥟每款都精心製作令人垂涎三尺😍難怪成日都滿座大排長龍！🔥 【籠仔蒜蓉原隻龍蝦伊麵 - 8/10】嘩！龍蝦伊麵一上枱😍蒜蓉香氣撲鼻簡直係味蕾嘅盛宴！🦐 龍蝦肉質彈嫩鮮甜伊麵吸滿濃郁醬汁口感滑溜又彈牙份量仲好足👍🏻 每一啖都充滿幸福感！ 【三色小籠包 - 6/10】三色小籠包真是一個視覺同味覺嘅雙重享受！🌈 原味、川辣同松露三款川辣味微辣過癮🌶️咬落鮮香四溢！松露味郁香濃溢連原味都好juicy！ 【蟹籽燒賣 - 7/10】蟹籽燒賣粒粒超大鮮味十足入口非常彈牙！🦀 蟹籽嘅鮮味同豬肉餡料完美配搭配少少豉油仲提味！每一粒都食得出用心絕對係點心控必點之選！✨ 【沙律蟹柳春卷 - 6/10】春卷外皮炸得金黃香脆沙律醬清新開胃蟹柳嫩滑可口！🥗 配搭點心食一流！😉 ========================== 😋 好味指數: 7/10
📸 打卡指數: 7/10
🤑 抵食指數: 6/10 ========================== 📍 樂意點心 (尖沙咀)
尖沙咀漢口道

今日出咗尖沙咀想食個點心。 經過呢間漢口道， 見到佢有點心食，於是就入咗去喇。 佢嘅店鋪唔算大，但座位都算舒適。我哋點咗一壺菊花茶，有好香菊花味。另外叫咗幾個點心：原隻鮮蝦腸粉鮮蝦大大隻， 好爽口，一啲都冇揸流攤荔枝蝦球好特別，佢製成成粒荔枝咁， 外皮係脆嘅，咬落啖啖蝦肉。口感非常好，係一道好精緻嘅點心。蒜蓉龍蝦配帶子伊麵半隻龍蝦有成隻碗咁大，加上有幾粒帶子同埋伊麵。食落啖啖海鮮。想唔到點心鋪都有咁正嘅龍蝦食。青瓜蜆仔撈汁蜆仔上面佈滿辣椒蒜蓉，非常惹味，而且蜆肉都幾大粒。埋單每人100蚊鬆啲，有海鮮又有點心食， 性價比超高。