神燈海鮮酒家 (18廣場)

Open Now

Now Closed

老爺奶奶湊黃豆咁辛苦🤗 生日更係帶佢地食好野啦😌佢地鍾意食中菜同海鮮 所以揀左神燈海鮮酒家🙌🏻 糯米炒糕蟹 隻蟹大過隻手板🖐🏻酒樓用砂鍋上菜🍲打開嗰陣蟹膏嘅香味衝出黎 食之前再兜一兜 滋味十足😋薑蔥龍蝦銀絲煲侍應上菜嗰陣咋咋聲💥粉絲唔痴底 食落仲爽口彈牙添🤩黑松露燒鵝一擺上枱已經聞到好香黑松露 外皮爽脆鵝肉嫩滑多汁配埋黑松露燒鵝醬 將味道提升到另一個層次🆙依比利亞豬叉燒西班牙依比利亞黑毛豬 幼年放養野外進食天然牧草、磨菇、堅果等作飼料使用油脂分布均勻的部位去製作叉燒焦香嘅外層配上嫩滑嘅内層 呢種配搭簡直令人食唔停口😋😋

最近去咗位於佐敦的神燈海鮮酒家總店，聽聞佢入選咗2023大眾點評推介榜單，實在想試一下！一踏入酒家，首先見到嘅係一個現代又溫馨嘅環境，燈光柔和，中式設計，感覺好舒服，真係適合朋友聚餐或者家庭聚會。首先上枱嘅係伊比利亞豬叉燒，佢色澤光澤，油脂分佈得好均勻，肉質好嫩，入面嘅肉汁一流，帶有淡淡嘅甜味令人回味無窮。接住上嚟嘅係黑松露燒鵝1/4燒鵝皮革薄脆，黑色外表咬下去有一種酥脆嘅聲音，肉質則係鬆軟又多汁。黑松露嘅香氣完美襯托出鵝肉嘅味道，食唔停口。糯米炒膏蟹（鍋上）一上桌香氣撲鼻而來，蟹肉鮮甜，糯米煮得剛剛好，口感滑潤。每一口都有蟹肉嘅鮮味，配上糯米嘅香氣，真係好滿足。鍋上嘅熱氣令整道菜都保持住溫度，慢慢食落更添美味。薑蔥龍蝦銀絲鍋（鍋上）一打開鍋蓋，香味立刻湧出嚟！龍蝦肉質鮮嫩，啖啖肉，搭配薑蔥的香氣，簡直係絕配。粉絲吸收咗湯汁，口感滑溜咸香，味道更上一層樓。每一口都有海鮮的鮮美。最後，見到有$5起嘅抵食甜品，Order咗牛奶布甸、桂花糕同埋楊枝甘露。牛奶布甸滑滑的，入口即化，有練奶香味，甜而不膩；桂花糕則清香撲鼻，又有椰香，口感Q彈；楊枝甘露更係消暑必備，椰汁嘅香甜同埋芒果嘅酸甜完美融合

點心味道不錯,服務非常好 （非常難得），還有現在做緊特價，非常值得一試。鳳爪非常入味，但菠蘿叉燒包比較少餡。點心紙所有東西都有七折。衹是抬與抬之間比較近，衛生間衛生非常普通。

粵菜就食得多，手工粵菜就相當少見。今次就朋友去咗佐敦總店食，裝飾都幾古色古香。神燈手工啤 $58難得見到有自家出嘅手工啤，就想試下。手工啤主要有檸檬皮、松針同莉花，感覺溫和飲落有淡淡清香。 帽子戲法 (六款選三） $178滷水掌翼: 非常入味, 而且好滑!五香金錢牛𦟌: 質感濕潤，食落牛味出，五香味幾香但唔會太搶fo香汁鴨舌: 感覺幾鮮，比平時食到嘅滑身同爽口啲椒鹽烏賊裙邊 $108冇諗到烏賊裙邊都幾大舊，食落爽口彈牙，椒鹽+辣味幾惹味，加上他他醬更開胃。糯米炒膏蟹 $568/隻蟹蓋已經算多蟹膏啦，但估唔到糯米飯入面仲有好多!!! 蟹肉鮮甜大舊，糯米飯軟硬適中，味道唔錯。薑蔥龍蝦銀絲煲 (1隻）$588龍蝦啖啖肉，份量又多。粉絲充滿油香，再吸收埋龍蝦嘅味，不得了。原本諗住海鮮係是日MVP，但冇諗過燒味都同樣出色!黑松露玻璃燒鵝 (1/4隻）$258燒鵝肥美，肉質嫩滑，食落黑松露味重。雖然係4分1隻，但食落都幾多。即燒伊比利亞叉燒皇 $248睇到會閃令令已經知靚，肥肉唔算好多，未到話半肥瘦，但瘦肉嘅肉質幾靚，肉味十足又易咬。

社交平台燒鵝關注組的大熱討論神作「黑松露玻璃燒鵝」一直被譽為神燈海鮮酒家的黑鑽石，黑皮燒皮燒鵝，你吃過了嗎?🐟 前菜 - 椒鹽白飯魚炸得又香又脆，讓人愛不釋口。🐮 五香金錢牛𦟌 $98選用金錢展部位，肉質緊緻甘香，滷得入味。🦆 黑松露玻璃燒鵝 - 1/4隻 $238黑松露玻璃燒鵝，鵝身以秘製黑松露及醬汁醃製後風乾再燒製，賣相黑掹掹卻鵝香撲鼻。鵝肉肉質嫩滑，鵝皮香脆有香濃黑松露味。燒鵝可蘸上傳統酸梅醬或特調黑松露醬汁，每一口都洋溢豐腴鵝油，大愛。🦀 糯米炒膏蟹 $588入秋是食蟹的季節，大大煲的砂鍋膏蟹糯米飯上桌仍熱氣騰騰，香氣撲鼻。膏蟹爆多膏2肥美啖啖肉，糯米飯吸收了膏蟹鮮味，鍋底更帶飯焦，甘香可口。糯米飯份量相當慷慨，足4人份量。🦀 薑蔥龍蝦粉絲煲 $598另一款煲仔菜薑蔥龍蝦粉絲煲同樣大大煲，份量十足。龍蝦肉爽彈美味。粉絲吸收了龍蝦鮮味，乾身不鬆散，滋味無窮，大推 ! 🐷 即燒伊比利亞叉燒皇 $258半肥瘦的叉燒裹滿特調蜜汁，肉質軟腍，肥瘦均勻，充滿肉汁。🥬 蟹肉菠菜豆腐盒 $128炸得金黃香脆的玉子豆腐釀上蟹肉和菠菜，加上蛋白芡汁和蟹籽，增強小菜的層次感。🥛 甜品 - 北海道牛乳

早前到外地旅遊，一回港就想吃中菜🥹立即到社交平台不時看到有foodie推薦的神燈海鮮酒家，平日夜晚前往仍座無虛席。⁡▪️糯米炒膏蟹一上桌，熱辣辣、香噴噴🤤 膏蟹極多膏！糯米飯要趁熱吃，砂鍋熱，放久了飯粒易變硬。⁡▪️黑松露燒鵝💯💯💯💯💯味道有驚喜！燒鵝黑松露味恰到好處，不會過濃搶過肉味，成功做到錦上添花的作用👍🏻燒鵝外皮薄脆，中層帶有少許脂肪，入口油香豐富🤤⁡▪️蜜汁脆燒鱔外皮脆，蜜味濃，相對中規中矩。⁡▪️滷水豬生腸滷得入味，沒有異味，配上芥末甜醬，不錯👍🏻⁡▪️涼拌豬腳筋口感爽脆，味道帶少許麻味，配上底層的萵筍絲，開胃之選。😋⁡

上星期收工後就同哥嫂去左呢間神燈海鮮酒家一嘗罕有手工粵菜式🥢 當晚都幾多客，好旺場! 我地既晚餐就點左:.🦀膏蟹糯米飯膏蟹真係好多膏，糯米飯上都係滿滿的蟹膏!! 而且好大隻，將蟹膏同糯米飯一齊炒香，入哂味，而且一直維持滾熱辣，煲邊仲有飯焦，口感正!.🍲南非鮑魚啫啫雞原個砂鍋上有4大件南非鮑魚，鮑魚厚，肉質爽! 下面鋪滿雞肉，撈埋醬汁一齊炒，惹味!.🍖黑松露玻璃燒鵝黑色既燒鵝原來係黑松露玻璃燒鵝，一上枱就聞到濃濃的黑松露味! 燒鵝皮充滿光澤，皮脆肉軟，爆汁! 旁伴有兩款燒鵝醬汁，其中一款係加左黑松露! 雙重黑松露既享受!.🐍蜜汁脆燒鱔燒鱔上面搽滿一層蜜汁，所以好有光澤之餘味道充滿甜香！而且口感脆！.🥘金湯海皇豆腐呢個撈飯真係好夾! 用上唔同既海鮮同豆腐及南瓜湯一齊煮香，口感豐富! 而且一直維持滾熱，撈飯食真係暖哂!!.🥬上湯宣威火腿浸津白食左咁多邪惡又吸引既料理，真係需要蔬菜平衡返，揀左呢道上湯宣威火腿浸津白，賣相靚! 紹菜搭配鹹鮮的火腿，味道剛剛好!.🍮桂花椰汁糕配牛奶布丁最後店員送上甜品，每人一份桂花椰汁糕同一樽牛奶布丁，牛奶味香濃又滑! 清新哂味蕾了.我地係去佐敦呢間總店，而家神燈

😍佐敦罕有手工粵菜-神燈海鮮酒家總店😍🤪分享一下我嘅必點系列⭐️黑松露燒鵝 :燒鵝皮脆肉嫩，黑松露的加入更添一份奢華感和獨特的香氣，令人回味無窮。佢有一個黑松露嘅燒鵝醬非常特別，別處可吃不到。⭐️糯米炒糕蟹:蟹肉鮮甜，蟹膏多到滿瀉，糯米軟糯，亦有飯焦香，是一道充滿鑊氣的佳餚。⭐️南非鮑魚啫啫雞:南非鮑魚爽口彈牙，雞肉新鮮嫩滑，用砂鍋爆香非常美味。⭐️蜜汁脆燒鱔:** 鱔肉鮮嫩，蜜汁的甜味恰到好處，外皮香脆，口感豐富多層次。⭐️辣子雞:辣度適中，雞肉香辣可口，非常惹味，讓人忍不住一口接一口。⭐️黃金炸魚皮:炸得金黃酥脆，魚皮香而不膩，蛋黃香份外美味，是佐酒的絕佳小吃。追求品味高質美食嘅你必定要試試，味味都食出真功夫

朋友喺外國返嚟，知道佢地都好想食中菜。我即刻訂位同大家聚聚舊！掌翼 $88掌翼份量十足，鹵汁滲透每一寸，食落口感滑嫩，鹹香味十足。蜜汁脆燒鱔 $278燒得外脆內嫩，蜜汁既甜味與鱔既鮮香完美結合，令人無法抵擋，忍唔住不停食黑松露玻璃燒鵝$238玻璃燒鵝燒得香氣四溢，松露既獨特風味與肉質完美融合，食落肉嫩多汁好juicy 糯米炒膏蟹 $588份量十足既糯米炒膏蟹煲，一煲夠4-6人食，軟糯既糯米飯吸哂蟹汁、蟹膏及蟹肉既鮮香，讓每一口都充滿驚喜南非鮑魚啫啫雞 $538熱騰騰既南非鮑魚啫啫雞，一上枱已經聞到好香，鮑魚大隻口感彈牙，雞肉滑嫩，南非鮑魚啫啫雞簡值係perfect match。濃湯一級竹笙浸翡翠 $168當日無哂絲瓜，所以轉左菜芯。濃湯配上鮮嫩既菜芯，食落爽脆香甜。最後叫左甜品牛乳奶凍同椰汁桂花糕，好滿足。

「神燈海鮮酒家」嘅海鮮真係無得頂💯.椒鹽瀨尿蝦🦐瀬尿蝦加上椒鹽🧂炸蒜🧄辣椒🌶️非常惹味😬.爆膏奶油蝦🍤大頭蝦蝦膏甘香🤤蝦肉鮮甜爽彈😙加上奶油煮🧈香氣十足👍🏻.沙薑焗海花螺🐚螺肉爽口鮮嫩😋沙薑汁幾夾🫚.金沙鬼馬百花釀油條🥢油炸鬼釀墨魚滑🦑外層金黃酥脆😆墨鮮滑彈牙😗加上鹹蛋黃醬炒🥚金沙香濃惹味😛.淮山貓耳泡翡翠🥬有小白菜、菇菌🍄‍🟫木耳🖤淮山、蘿蔔、芹菜🥦好清新😉.迷你炸饅頭(4件)🥯.白飯🍚.餐前小食🥕.茶水(3位)🫖

早幾晚與朋友在中菜餐廳，吃了幾款有深刻印象的小菜。前菜是炸白飯魚,脆卜卜的口感很吸引,配啤酒應該會更搭。蜜汁脆燒鱔外皮燒得恰到好處,甜鹹適中。灑上檸檬汁後,油膩感大大減低。黑松露玻璃燒鵝是今晚的亮點之一。最引人注目的是鵝皮呈現獨特的黑色,視覺上十分吸睛。皮薄而不膩,肉質嫩滑,黑松露香氣恰到好處,不會喧賓奪主。糯米炒膏蟹是另一驚喜。蟹膏豐富,蟹肉新鮮,搭配焦香四溢的糯米飯,口感層次豐富。南非鮑魚啫啫雞也不錯，鮑魚軟腍入味,雞肉嫩滑惹味。最後,餐廳贈送了桂花糕配牛奶布丁作為甜品,清香可口,為整頓晚餐畫上圓滿句號。整體而言,小菜保持了不錯的水準和鑊氣。難怪當晚座無虛席。

今天跟家人到訪主打優質海鮮及精緻粵菜的佐敦懷舊中菜館「神燈海鮮酒家」-🔹糯米炒膏蟹 $568以大砂鍋奉上，熱度及份量十足原個鮮色蟹蓋放在糯米飯上，原隻鮮蟹切成細件平均分佈，配合青綠芫荽，外觀得體蟹蓋內盡是緊緻而甘甜濃郁的蟹膏，齒頰留香；蟹肉爽彈鮮味糯米飯盡吸蟹膏及蟹肉精華，近鍋邊的米飯被烘成飯焦帶鬆脆口感及富焦香，米飯粒粒分明軟糯而不粘牙-🔹南非鮑魚啫啫雞 $538以砂鍋呈上，發出治癒的「啫啫」聲響，充滿鑊氣及熱度選用頂級南非鮑魚並已「𠝹」花，鮑魚爽滑鮮嫩，鮑魚味濃郁；啫啫雞肉厚爽滑帶啖啖雞香，鹹香適中，配上紫洋蔥及香蔥等更惹味-🔹蜜汁脆燒鱔 $278擺盤整齊，奉上解膩檸檬表層燒至「脆卜卜」充滿焦香，底部如薯片般口感；入口後油脂在口腔內慢慢滲出，跟蜜汁香融為一體，味道細長，鱔肉緊緻柔軟而細嫩-🔹黑松露玻璃燒鵝 1/4 隻 $238被「黑化」的燒鵝更覺特別；外皮薄而微脆帶不嗆喉的黑松露芳香，鵝肉紮實而肉香濃郁，脂肪比例適中，蘸上酸甜汁非常匹配-🔹石澳梅菜蒸菜心 $118菜心蒸煮時間拿捏準確，鮮嫩爽甜；吸收了清甜爽口的石澳梅菜精華令菜心更美味-🔹手拍青瓜 $68青瓜爽脆清新，加入鎮江醋、新

已經去過好多次嘅 佐敦神燈海鮮酒家💡我真係呢間酒家嘅忠實fans，成日都會同屋企人/朋友嚟食，去嘅次數多到唔記得🤣呢度有幾樣招牌菜係必吃：🔸糯米炒膏蟹 $588膏蟹嘅鮮甜同糯米嘅香糯互相結合，口感豐富有層次。如果你鍾意食蟹同糯米飯，糯米炒膏蟹絕對值得一試。🔸黑松露玻璃燒鵝 $238鵝肉經過精心醃製，外皮酥脆，肉質鮮嫩多汁。加入黑松露，為呢道菜增添左獨特嘅土壤香氣同濃郁風味，食每一口都充滿驚喜😋🔸南非鮑魚啫啫雞（4位） $498啫啫煲嘅火候掌握得當，令雞肉可以保持多汁嘅口感，而且鮑魚好煙靭鮮甜，好惹味🤤🔸蜜汁脆燒鱔 $278鱔魚嘅肉質細膩，配埋蜜汁嘅甜味，形成甜中帶鹹嘅完美平衡！蜜汁嘅醬香為鱔魚增添左層次感😊 燒鱔外脆內嫩，好好味！🔸濃湯一級竹笙浸翡翠 $168濃湯非常鮮香，竹笙吸晒濃湯嘅精華好正👍🏼🔸手搖溏心皮蛋 $68溏心好綿密，配上紫姜，係出色嘅小食🤤快啲約埋朋友屋企人嚟食啦！大推❤️‍🔥

邊個話要食中菜一定要北上？隔咗一排又嚟佐敦呢間茶樓食個飯，會回頭皆因佢地水準依然好高，樓面服務態度好好既然入秋，蟹就一定係走唔甩，呢煲膏蟹炒糯米，真係嚿嚿蟹膏喺糯米之中蟹又多膏又好肉，糯米炒得香，飯焦勁脆卜卜蜜汁脆鱔唔講唔知，仲以為係鰻魚，啲鱔肉比鰻魚更豐厚，肉質則較爽朗，外皮燒得好香脆，唧檸檬汁食更提味食燒鵝唔使上深圳，更唔使去深井，咁黑嘅燒鵝只應神燈有，唔係燒燶咗，而係黑松露味嘅皮膚咬落啖啖黑松露香，點醬食更有雙松體驗雞煲有好多種，但同鮑魚叮噹馬頭，咁多咁大，又真係唔係度度有南非鮑魚一煲都有好多隻，隻隻都半隻手掌咁大，雞肉煲得好香嫩，不失主角光環咁靚嘅牛𦟌真係好少見，排得靚切得又靚，筋嘅花紋好均勻，原來點醋食係咁開胃，啱晒呢類冷盤配搭菜心嘅食法有好多種，好土炮咁配搭石澳梅菜，蒸到梅味入晒落菜心，咁特別嘅組合，北上一定食唔到啦樓面姐姐好好人，會不停睇住我地壺玄米綠茶使唔使加水，憑茶色深淺已經知道壺茶有冇水前菜係糖炒合桃，仲有啲白芝麻，真係會追住食到最後仲有牛奶布甸同桂花椰汁糕送，一甜兩味，幾飽都要食，好滿足

難得假期點，所以訂台食午餐慶祝生日。－心想食小菜，但中午亦有點心選項，所以就點了四款點心，同時叫了3個餸。點心質素合格喇，調味重了一點及餃子皮粒粒粘住，所以夾起嚟已經皮餡分離。主菜點了黃鱔飯，份量大，醬油味重，略嫌濕咗少少，未有砂鍋飯的焦香，焗耐D可能口感會好一點。魚膓蒸蛋已賣少見少，所以特別點了，上桌時脹蛋漿卜卜，也算是有內涵的一度菜，但末有如傅統做法一樣，蛋內加上油炸鬼。飯腳則認為唔夠味，我就覺得OK！最後一味砵酒桶𧐢，不能不讚𧐢件真的很大，差不多有半隻手掌大，惹味好送飯。全餐最遺憾係冇黑松露燒鵝，－心諗住嚟試，點知佢話冇，要訂，又或者要半隻鵝，即刻燒，等一粒鐘！無言！只嘆燈神冇出現，願望末達成！