今晚終於約佐幾個舊同事出街聚聚，去旺角試佐呢間新開嘅潮州菜餐廳。朋友之前同我講過，話呢間抵食又舒服，座位設計好有氣氛，於是我同幾個兄弟一於試吓。入到去，環境真係唔錯，裝修現代又唔失傳統feel，仲有個開放式廚房，睇到廚房師傅忙緊，感覺好親切。。我哋一坐低就叫咗例牌嘅滷水鵝，$138一碟，份量真係驚喜到我！待應放低碟時，我仲忍唔住問咗一句：「呢個係例牌份量？」因為實在太誇張，除咗鵝肉，仲有豆腐同花生，味道滷得入味，鵝皮Q彈，肉質軟滑，花生同豆腐吸咗滷水汁，食落去好滿足。之後我哋再叫咗一碟椒鹽九肚魚，$138，上面灑滿咗炸蒜，香氣一出嚟即刻勾起食慾，魚肉新鮮又脆口，椒鹽調味唔太鹹，配上蒜香真係一流。。主食方面，我哋點咗砂鍋蠔仔粥，$88一窩，熱辣辣嘅砂鍋一上枱，蒸汽同香氣即刻撲鼻，蠔仔新鮮，粥底濃滑，仲有啲芫荽同蒜粒提味，暖胃又唔膩口。食到一半，我同朋友講，呢間真係抵讚，份量同味道都夠晒水準。環境方面，間餐廳有冷氣同吊扇，感覺涼快又舒適，枱同椅設計都好有心思，坐低真係放鬆咗好多。。整體嚟講，呢間餐廳食物質素同環境都令我地滿意。朋友講得啱，呢間潮州菜真係值得一試。食完之後，我哋仲坐咗一陣吹水，時間過得好快。同埋呢刻我先發現原來餐廳優惠食滿$300可以加$8多一碟雜錦拼盤或者韭菜豬紅，但係我哋已經太飽，唯有下次同家人一齊再嚟，試吓其他菜式。…Read More
蝦棗8條，金黃色，外脆內彈又鮮味，不過佢只提供麻油作蘸醬，唔通係傳統！？小炒皇出色，足料
韮菜花非常多，仲有蝦仁同魷魚，正常發揮得好好味魚香茄子煲真正熱辣辣，上枱仲咋咋聲嘅煲仔菜
有好多舖都只係當煲仔係裝飾，呢度真係熱氣費騰，而且茄子淋兼入味，鹹魚味唔太嗆，唯一係偏油膩
