Jiang Nan by Crystal Jade

一坐低發覺自己係望住海景食飯估唔到食中菜都咁寫意凍檸檬蘆薈蕙米水 ＆ 凍桂圓雪梨茶甜度適中，兩款都係清潤路線，舒服易入口黃金蟹粉撈飯都可以話招牌菜蟹粉味帶甜香，混合飯食濃度唔算爆炸型，但個蟹鮮味會慢慢響你口腔入面滲出飯粒偏乾身，所以令蟹粉黏得比較平均，每一口都好和諧，果然係招牌菜，我十粒星推我超愛食麻婆豆腐，可以乾兩碗白飯而呢個有埋安格斯牛既直頭上左一個層次以為麻婆醬呢d濃味野都會遮哂所有，點知牛味係仲響度！豆腐超級嫩滑，好重要，我地因為呢碟野再叫多左個白飯黎送實在太好食了真係超級愛中菜，每一道都好想食勻呢道菜賣相已經好靚，點點桂花灑響排骨上面酸味雖然係主角有一d都唔刺鼻，係溫和帶甜既黑醋香，排骨香口，表面稍脆醬汁掛得實，肉質鬆化度非常足夠，整體甜酸平衡唔heavy，又係乾到一碗飯必須說，雞皮係重點！油淋後表皮帶脆，但又唔會乾身，一咬落去，脆脆的雞皮疊住嫩嫩雞肉，雞肉完全保留到水份，非常好吃！調味靠蔥油，蒜香，輕輕的咸度，完美呢間環境仲有超級舒服，有望海卡位，即使係其它位置都非常闊絡，適合一家大細，或三五知己黎開餐，可以叫多幾樣餸…Read More

首先想讚呢度啲職員，由帶位、落單、上菜到賣單每一個職員都好有禮貌桂花黑醋小排骨 $85呢個小排骨，個樣已經好骨子。黑醋汁掛得啱啱好，唔會太杰撻撻。一入口，嘩！酸甜度perfect balance！啲肉又夠腍，輕輕一啜就骨肉分離，送飯一流！👍麻婆安格斯牛肉豆腐 $138四川麻婆豆腐 x 西餐安格斯牛，估你唔到咁夾！🔥 佢個麻辣味唔係死辣嗰隻，係好有層次嘅香麻，食到你個嘴唇有啲跳跳下嘅感覺。啲安格斯牛柳粒又嫩又juicy，撈埋滑嘟嘟嘅豆腐,撈飯一流呀！油淋子雞 $168/半份食中菜點可以無雞！呢個油淋雞一上枱，塊皮金黃到反光✨夾起一舊，個皮真係「卜卜脆」！啲雞肉仲keep到好滑嫩，完全唔柴皮黃金蟹粉撈飯 $128全晚嘅重點🤩 睇住嗰碗金黃色、油潤潤嘅蟹粉，我個心已經開始溶化。成兜淋落啲飯度，撈勻佢！每一粒飯都俾濃郁嘅蟹膏蟹黃包住，嗰股霸道嘅鮮味喺口腔大爆炸！💥凍豆腐 $30食咁多重口味嘢，梗係要啲清泉。😌凍檸檬薏米水 $30呢杯嘢直頭係解膩神器！檸檬嘅清新加埋薏米水嘅微甜，清熱又解渴。「江南翡翠」真係俾到驚喜我！佢將傳統江南菜玩出新花樣，味道有水準之餘，賣相都好精緻。價錢唔算離地，幾個人share食，人均三百左右就捧住個肚走，CP值算唔錯。無論係同屋企人食飯，定係同朋友聚餐，呢度都係一個唔會失手嘅選擇！👌📍江南 ‧ 翡翠 (尖沙咀)🔎尖沙咀廣東道3-27號海港城港威商場3樓3328號舖…Read More

喺尖沙咀想食精緻啲嘅江浙菜，「江南 ‧ 翡翠」絕對係個好選擇！今次重點試咗兩道招牌菜，真係食到舔舔脷，非常值得推介！首先必食嘅，絕對係 「油爆蝦」 。上枱已經聞到陣陣焦香，啲蝦 size 適中，爆得均勻。最正係個殼，炸到 脆卜卜，完全可以連殼食，慳功夫之餘，口感一流！咬落「索索」聲，好過癮。蝦肉依然保持到爽彈鮮甜，個醬汁係靈魂所在，鹹甜度調得剛剛好，濃郁得嚟唔會死鹹，掛滿喺每隻蝦上面，真係 惹味到停唔到口，送酒送飯都係絕配！另一道驚喜之作係 「油淋子雞」 。佢同一般白切雞好唔同，雞皮經過熱油淋過，變到 超級脆身，好似一層薄薄嘅玻璃紙咁，但下面嘅雞肉卻異常嫩滑，一啲都唔「鞋」。師傅對油溫嘅控制簡直一絕！食嘅時候點少少旁邊嘅蔥油醬，蔥嘅清香同雞油嘅豐腴結合，將成道菜嘅鮮味提升到另一個層次，雞味非常突出。呢兩道菜充分展現咗江浙菜講究火候同醬汁功力嘅精髓。如果你嚟「江南 ‧ 翡翠」唔知點咩，由呢碟 「油爆蝦」 同 「油淋子雞」 開始就一定冇錯～…Read More

江南菜以濃油醬醋知名，油與醋的奇妙組合演變成美味的菜式，尤其配上肉；這夜在海港城的「江南‧翡翠」，菜式的鹹甜酸度掌握得剛好，價錢公道，環境舒適，值得推薦。坐窗邊更有維港碼頭夜景。鳳梨板肉 $158板肉肥瘦參半，調味豐富，鬆軟無比，一口肉一口鮮菠蘿的組合，激活味蕾又可以減膩，非常合拍，我很喜歡。桂花黑醋小排骨 $85再來一個豬肉，調味出色，酸甜合道，小排骨有筋有肉，口感非常好，越食越開胃。油淋子雞(半) $168有意外驚喜，賣相漂亮，色澤亮麗，香氣撲鼻。雞皮脆如薄紙，雞肉嫩滑，調味剛好，稍嫌青蔥粒是生的，炒一炒會比較好食，但就不夠好看了。熱桂圓雪梨茶 $28*2最後飲一杯桂園雪梨茶，非常清潤，可代作甜品之角色。 #江南翡翠 #尖沙咀 #滬菜 #上海菜…Read More

上星期五晚同朋友去尖沙咀海港城行完街，決定食餐好嘅！佢嘅環境真係好舒服，窗邊位仲望到海景飲品揀咗熱桂圓雪梨茶同熱檸檬薏米水桂圓雪梨茶 * 呢杯茶好滋潤，有淡淡桂圓肉同雪梨嘅清甜，飲完即刻覺得暖笠笠，係一個舒服嘅開場檸檬薏米水 * 比較清爽，微酸帶有薏米香，食濃味菜式時飲，幾解膩。🌟必點滬式招牌菜推介！桂花黑醋小排骨 - $85 必試推介！💯呢個排骨真係做得好有水準！佢唔單止炸得酥脆，個黑醋汁調味非常平衡，甜酸度拿捏得好好，完全唔會死甜或過酸。最特別係有桂花嘅香味滲入去，食落帶有清幽嘅花香，將排骨嘅油膩感中和咗麻婆安格斯牛肉豆腐- $138 夠麻夠香！🌶️麻婆豆腐係我哋嘅心水菜式。佢用咗安格斯牛肉粒，令到豆腐唔只得鮮辣味，仲多咗份肉嘅香氣。個汁夠晒濃郁，麻香突出，辣度適中，豆腐非常滑溜，一夾就散，真係好適合配飯！將牛肉粒、豆腐同汁一齊撈飯食，真係好惹味！油淋淋子雞 (半隻) - $168 皮脆肉嫩！🐔賣相好吸引，雞皮炸到好乾身金黃。雞肉食得出肉質嫩滑，唔會嚡口，而且份量十足。佢嘅油淋汁係清鮮嗰種，配上蔥花香，食落唔會太重負擔，皮脆肉嫩做得好標準。黃金蟹粉撈飯 (每位) - $128 鮮味爆燈！👑蟹粉份量非常慷慨。蟹粉撈飯，食嘅就係佢嘅鮮甜濃郁！將蟹肉蟹黃同米飯徹底撈勻，每一粒米都沾滿晒蟹油精華，入口充滿海鮮嘅鮮味同蟹黃嘅甘香…Read More