濟州燒肉食堂

Open Now

Now Closed

臨近過年真係好忙，大大小小家務同執屋，無飯主婦又有籍口唔煮飯喇～ 今晚想食燒肉，於是黎到九龍灣濟州燒肉食堂。入座後，侍應即送上前菜，前菜有：小蕃茄、海帶、芽菜、泡菜同醃蘿蔔。而爐邊蛋同粟米芝士，就係無限添食。品味濟州響宴   $498套餐有豬肉、雞肉、牛肉仲有湯，真係啱晒樣樣都想試嘅人。花捲五花肉侍應先將一塊細鐵板放係圓形鐵板上，細鐵板係用黎專門燒花捲五花肉。一大片薄薄嘅五花肉，稍為煎下已經好甘香，食落肉嫰唔油膩。韓式豬肋骨豬肋骨用韓式醬汁醃過，味道偏甜。豬肋骨燒出黎油香十足。燒到外層焦香，食落卜卜脆，好香口。安格斯牛外群肉之前食過呢度嘅安格斯牛外裙肉，好好食。因為見套餐有呢款，即刻揀左呢個餐。外裙肉係牛肋骨下嘅腹部肌肉，食落有咬口而且牛肉味濃郁。蘋果梨汁雞肉雞肉用左梨汁醃制，醃得入味。雞肉味道甜甜地，肉質嫰滑，食得出有梨嘅香甜。壺漬大牛肋骨將牛肋骨放入裝滿秘制醬汁嘅陶土壺內醃製，帶出牛肋骨嘅甜味，有入口即溶感覺。薯仔排骨湯 每次去韓國旅行，薯仔排骨湯係必點菜色。排骨大大件，煮到超腍，入口輕輕一咬已經分開，湯底濃郁。冬天飲番碗，即刻暖晒。花蛤刀削麵  $110花蛤刀削麵好足料，花蛤份量

這次在德福廣場覓食，去了家在美食廣場的韓式餐廳，有燒肉和韓式料理選擇的。環境是黑色風格裝修，每一桌上也有通風設施，不用怕吃到一陣烤肉味🤭。入座時附送爐邊蛋和芝士粟米，跟燒肉一起吃挺香的。-荔枝梳打｜熱柚子蜜吃燒肉當然要點飲品來邊吃邊喝，這裡有多款飲品選擇，冷熱飲品或酒精飲品也有。荔枝梳打帶漸變層賣相，攪拌均勻味道較香。熱柚子蜜味道清新，2款飲品也是酸酸甜甜的味道。-究極黑毛豬盛宴套餐食物份量十足，有五款肉肉和主食一款，肉肉包括：濟洲黑毛豬梅花肉、大牛骨、和牛牛五花、牛小排及大蔥切牛舌。主食是二選一，分別有人蔘雞湯和海鮮煎蔥餅。我們點了人蔘雞湯，有半隻雞份量欵，煮湯過後肉質仍然嫰滑。雞湯味道鮮甜挺香雞味的，但不會感到油脂。.肉肉拼盤賣相吸引，色澤紅潤的賣燒相紋理分明。黑毛豬梅花肉味道香甜，肉質爽口帶點油脂和味。和牛牛五花有入口即化的質感，牛小排牛味重肉質鮮嫰。大牛骨是另上，份量十足外層用吉列方式煎香，啖啖肉吃起來味更香。-花蛤刀削麵 這個份量挺大份的，可以跟朋友分享來吃。把花蛤和青口擺放成花型，再放入其他配料挺香。花蛤味道鮮甜，青口大隻爽口。刀削都挺有啲感，湯汁咸咸甜甜的，吃起來感覺惹味

香港韓燒店雖多，但食物質素及服務都很參差，我們近年去到多間餐廳，最令我們印象深刻的就是這間位於德福廣場的濟州燒肉食堂，而近日天氣轉冷，燃起我們重來光顧的衝動🤗✏️位置（9/10）：位於德福Namco旁邊，自成一角，但交通方便✏️環境（9/10）：抽風良好，裝修格調，環境舒適✏️服務（9/10）：侍應非常主動，不停加爐邊蛋及幫忙換網，服務態度極好✏️食物（9/10）：用料比某連鎖店更好，爐邊蛋亦相當出色🌟嚐味濟州套餐 - $850在網上搜到便跟網民下同款套餐，性價比確實很高。未上菜前，侍應會上酸辣泡菜、爽脆芽菜及醃漬酸蘿蔔三款前菜，可無限添加；同時也會幫忙加同樣無限添加的爐邊芝士粟米及泡菜蛋，水準依然，爐的火力亦足，絕對可以食三轉以上🤣然後會上兩盤燒肉拼盤，第一盤有一級五花肉、濟州黑毛豬梅花肉、鰻魚及蘋果梨汁雞肉。一級五花肉油脂多而肉汁豐盈，入口甘香，不太油膩；濟州黑毛豬梅花肉肉質結實爽口，味道濃郁鮮甜；鰻魚香滑軟嫩滑，燒出來香氣撲鼻；蘋果梨汁雞肉口感幼滑，醬汁清甜🥰另外一盤是全牛的高質燒肉，包括和牛牛五花、牛胸肉及安格斯牛外裙肉。和牛牛五花霜降色澤均勻，肉質有彈性，香甜味美；牛胸肉肉質紅潤中帶

個人嚟講，專登係幾鍾意食韓國菜，除咗韓燒，其他韓國菜都鍾意㗎 ！呢間專食燒肉，當然都有其他韓國菜，所以就同朋友試咗呢間！我自己覺得佢嘅品味濟州饗宴都幾啱口味， $500食到幾款肉，仲有湯配飯！我自己覺得佢嘅花卷五花肉同埋蘋果梨汁雞肉幾好食，雞肉唔會調味太重，而且保持到雞肉嘅嫩滑！另外我哋自己叫咗個素菜石鍋飯，我自己特別欣賞呢一個！食完燒肉比較重口味，食返個素菜石鍋飯，淡口味嘅，又有飯焦，我自己覺得啱啱好！

呢排真係好忙，做到好攰‼️身心俱疲，梗係要食餐好嘅醫治吓受傷嘅心靈啦！今次殺到九龍灣德福廣場嘅濟州燒肉食堂，一於食到飽到瀉！先嚟講花卷五花肉，呢個一放上烤爐，油花滋滋聲響，好似一場迷你音樂會咁。食落口，脆卜卜又唔會太油膩，正到痹！韓式豬肋骨醬料入味，一咬落去，肉骨分離，好似幫牙齒做按摩咁。安格斯牛外群肉烤至金黃，入口即溶，成個口腔都被牛肉香包圍。壺漬大牛肋骨，大大舊，咬落去肉質緊實，再蘸上特製醬料，簡直無得輸！蘋果梨汁雞肉，雞肉吸收晒果汁甜味，嫩到好似豆腐咁薯仔排骨湯料超足，湯頭濃郁，薯仔綿綿嘅，暖笠笠。素菜石頭鍋飯，鍋巴香噴噴，同蔬菜配埋一齊食，好健康。泡菜豬肉刀削麵，麵條煙韌，泡菜酸辣夠味。飲品方面，青檸梳打超解膩，韓國紅棗茶暖粒粒，超適合冬天。

好耐都未食過韓國烤肉！！好掛住佢哋嘅芝士粟米同埋爐邊蛋🧀🍳今日就嚟到位於九龍灣嘅濟州燒肉食堂，試吓佢哋嘅燒肉🤤🤤我哋一共叫咗五款肉類，包括花捲五花肉🐷、韓式豬肋骨🐽、安格斯牛外群肉🐮、壺漬大牛肋骨🐂、蘋果梨汁雞肉🐔，大部份都已經係調好味，直接燒完點少少醬汁就食得！ 其中蘋果梨汁雞肉好得意，但有少少甜甜地，雞肉質地嫩滑，有啲驚喜！燒肉油膩嘅話，不妨嗌返一籃生菜🥬，即刻冇晒油膩感！另外我哋仲嗌咗個薯仔排骨湯🥔，呢個湯係我全餐飯最鍾意嘅，味道非常豐富，會令人忍唔住一啖接一啖，入面嚿薯仔仲吸晒呢個排骨湯嘅精華，勁好味！另外我哋都嗌咗兩個主食，分別係素菜石頭鍋飯🍚 同埋 花蛤刀削麵🐚， 最有驚喜嘅係花蛤刀削麵入面嘅花蛤，非常大粒肉質好飽滿，啖啖鮮味！飲品方面，我哋就嗌咗濟州特飲🍓 同埋 柑橘梳打🍊，濟州特飲嘅士多啤梨味好濃郁，仲有士多啤梨凍乾喺入面添！

👈🏻濟州燒肉食堂品味濟州響宴 $498花卷五花肉切成薄片嘅五花肉油脂分佈均勻😘口感鮮嫩多汁肥而不膩韓式豬肋骨經過特別醃製嘅韓式豬肋骨帶有濃郁嘅韓式甜辣風味❤️肉質軟嫩 咬落去滿口香氣安格斯牛外裙肉高品質嘅安格斯牛肉燒完肉汁鎖得恰到好處口感嫩滑🤓壺漬大牛肋骨大推壺漬大牛肋骨肉質軟嫩入味 💕入口有溶化嘅感覺令人回味蘋果梨汁雞肉雞肉用蘋果梨汁醃製帶有淡淡嘅果香甜味肉質鮮嫩多汁風味清新🤫薯仔排骨湯馬鈴薯煮到非常軟糯排骨燉得入味又夠淋骨肉輕易分離溫暖又滿足😚特別適合搭配燒肉解膩泡菜豬肉刀削麵 $106將酸辣嘅泡菜同彈牙嘅五花腩搭配彈牙十足嘅刀削麵味道層次豐富🫶🏻非常開胃素菜石頭鍋飯 $98熱辣辣嘅石頭鍋飯素菜新鮮多樣🤪搭配香脆嘅飯焦素食者必叫之選生菜 $38荔枝梳打 $32柑橘梳打 $32兩款飲料清新怡人荔枝同柑橘嘅香氣突出冰涼解渴🥳Overall食評最高5粒🌟)📌好味程度：🌟🌟🌟🌟📌回頭度：🌟🌟🌟🌟📌環境：🌟🌟🌟🌟📌服務：🌟🌟🌟🌟餐廳名:濟州燒肉食堂 地點:九龍灣偉業街33號德福廣場2期5樓Foodeli 501B號舖⏰:11:30-22:00

朋友早兩日已在openrice訂位, 一去到入座相當流暢而且我們兩位, 預留了卡位給我們, 坐得非常舒適一到就提供左3款前菜 有芽菜 波菜及泡菜兩人份量前菜黎講 都算十分足料lunch set menu揀左薯仔排骨湯配白飯薯仔排骨湯好夠味 薯仔軟淋溶於湯 個人黎講十分喜歡而排骨有3大件 白飯都好大碗 $88滿意收貨 冇咩好挑剔

📍濟州燒肉食堂🗺️九龍灣德福廣場5樓501B⚡️品味濟州饗宴 $498見到呢個set有齊晒豬牛雞，仲有個薯仔排骨湯，幾吸引就叫左～ 裏面包括花卷五花肉、韓式豬肋骨、安格斯牛外群肉、壺漬大牛肋骨、蘋果梨汁雞肉🥩 全部肉類除左花卷五花肉都用醬汁醃過，味道甜甜地😋 其中我最鍾意嘅係韓式豬肋骨，燒到焦焦地仲好味🤤 另外仲有泡菜雞蛋同粟米芝士任添，正😍薯仔排骨湯都好飲，唔會好辣，排骨都大大件，煮到軟淋👍🏻⚡️生菜 $38生菜就係燒肉必點！用生菜包住豬肉加蒜片正🔥⚡️花蛤刀削麵 $110花蛤份量算多，而且大大隻，味道新鮮～⚡️素菜石頭鍋飯 $98石頭鍋飯食韓國嘢必點，甜辣醬自己落，食到後尾仲有飯焦😆⚡️梅子青檸梳打 $32⚡️柑橘梳打 $32梳打入面有大大舊青檸🍋‍🟩味道好出！👍🏻

大眾化嘅韓燒。雖然係喺food court入面，但係餐廳好 OK. 食過幾次, 佢啲肉係靚嘅, 而且份量都足夠. 服務都好好， 會主動問你有冇前菜要添。個泡菜好好食。估唔到佢連星期日都有午餐, 最平都係68, 扺。雖然對我嚟講遠咗少少，不過如果想食韓燒，佢係我首選。唯一扣分係d餐具唔係好乾淨，應該係人手洗，唔係用洗碗機。

揾餐廳既時候發現原來德福冇乜韓國餐廳，見到呢度除左有燒肉，仲有好多款韓式料理選擇。同出面好多韓國餐廳一樣，前菜無限任添，泡菜好食得黎唔會太辣，另外爐邊既泡菜蛋同粟米芝士都係可以再fill，好滿足。今次叫一款燒肉餐同兩款韓式料理。📎海鮮煎葱餅：海鮮足料，食到好多魷魚，個餅比較厚實，一定要趁熱食，掛住燒肉攤凍左即刻變到好硬。📎人參雞：半隻雞入面釀左糯米飯，比較平平無奇，一來食唔到人參味，二來個湯都冇話特別鮮。📎名物雪花五花肉奢華四品：四款分別係牛小排、牛舌、名物雪花五花肉同埋蘋果梨汁雞肉。牛小排油脂分布平均，有香濃既肉味。五花肉夠哂厚切，層次分明，肉質有彈性，肥而不膩。最有驚喜係伴碟既蘋果，原來燒蘋果係咁香，有少少焦糖味咁。整體黎講燒肉係幾高質，而家店員服務都好好，有幫手剪肉同燒肉，refill d前菜都好快，但韓式料理就比較一般，如果下次再去應該主要都係會叫燒肉餐。

濟州燒肉食堂真係令人難以忘懷。兩個人叫咗個品味濟州盛宴，價錢唔貴份量啱啱好。韓式豬肋骨嚟到呢度就一定要試，入口即溶，肉質細嫩得嚟仲多汁。花卷五花肉亦都係一絕，肉味香濃，每一口都充滿驚喜。安格斯牛外裙肉，香氣撲鼻，味道層次分明，好有嚼勁，令人回味無窮。另外，壺漬大牛肋骨同蘋果梨汁雞肉真係一試難忘，牛肋骨嘅肉質鮮嫩多汁，完全吸收咗醃汁嘅味道。雞肉帶有淡淡嘅蘋果梨味，清新又唔膩。薯仔排骨湯，溫暖滋潤，好啱呢啲天氣飲。韓式素菜拌飯同韓式五花肉刀削麵更係唔可以錯過，配料豐富，味道平衡，令人食指大動。

行行吓有啲攰，所以入嚟試吓，今次叫咗「品味濟州饗宴」$498，包咗花卷五花肉、韓式豬肋骨、安格斯牛外群肉等等。💓五花肉用鐵板燒，配上韓式醬汁，包住生菜一齊食，味道超正！仲可以任添芝士粟米同泡菜雞蛋，真係好開心呀！😍另外，我仲試咗泡菜豬肉刀削麵，湯底味道濃郁，豬肉同泡菜一齊煮，真係大滿足！素菜石頭鍋飯亦好香，米飯煮得剛剛好，配上新鮮嘅蔬菜，唔會太膩喎😋飲品方面，青檸梳打同柑橘梳打都好清爽，完美解渴！正啊💓

呢餐超豐富嘅韓燒饗宴真係好唔錯😌無論係肉類定係湯麵，都非常豐富同美味。品味濟卅饗宴$498包括花卷五花肉呢款五花肉肥瘦均勻，燒到剛剛好，油脂滲出，咬落去每一口都滿口油香，令人食指大動。韓式豬肋骨豬肋骨肉質嫩滑，配上韓式醬汁，甜而不膩，充滿層次感，好難忍住唔多食幾塊。壺漬大牛肋骨大牛肋骨經過壺漬，燒到外脆內嫩，每口都充滿著濃郁嘅味道，好滿足。安格斯牛外群肉呢款安格斯牛外群肉堅實但不失嫩滑，燒到剛剛好，濃厚肉香絕對令人回味無窮。蘋果梨汁雞肉雞肉配上蘋果梨汁，酸甜交織，口感非常特別而且清新，一試難忘。薯仔排骨湯呢個湯濃郁，薯仔煮到軟腍，排骨肉質嫩滑，係非常暖胃嘅選擇。花蛤刀削麵$110刀削麵配上花蛤湯，湯底鮮甜，麵條彈牙，真係一流嘅配搭素菜石頭鍋飯$98石頭鍋飯熱辣辣，加上豐富嘅素菜，營養均衡，飯焦香脆，非常有層次感。

💡高cp值韓式燒肉呢幾日咁凍，最岩就係約埋朋友一齊食燒肉，暖下先，今次叫呢個套餐好抵食。🍖品味濟川饗宴 呢個套餐好豐富，有多種肉類。花卷五花肉脂肪與瘦肉相間，口感豐富。韓式豬肋骨醃製入味，肉質鮮嫩。安格斯牛外群肉牛味香濃。壺漬大牛肋骨肉質柔軟，味道濃郁。蘋果梨汁雞肉，利用水果醃製，雞肉帶有水果的清甜，口感獨特。🥔薯仔排骨湯 湯頭濃郁，味道鮮美。排骨都有幾舊，好咬口。🍜花蛤刀削麵 配上新鮮的花蛤，湯底清甜，口感滑順。🍜泡菜豬肉刀削麵 搭配泡菜和豬肉，帶有微辣的風味，酸辣可口。🍋青檸梳打，濟川特飲 兩杯飲品清爽可口，好解渴。