喜惶點心專門店

Open Now

Now Closed

難得同爺爺嫲嫲出旺角，就帶佢地去小店飲茶🫖，啱晒鍾意飲茶嘅佢地，佢地飲茶經驗豐富，都覺得呢間點心唔錯！其實我地4個人食咗12樣嘢，但係之前嘅唔記得影相，太餓了🤣。之前已經試過呢間，今次試下未試過嘅紙包骨，真係麻麻地，太乾，我地只係食咗一包only。其他點心就維持高水準，可以跟其他人推介咁食👍🏻。

喜歡食山竹牛肉、干蒸牛肉燒賣、牛肉腸粉、牛肉餅可以一試。幸尼今晚帶我捐窿捐罅走入女人街飲茶，一入到店來已傳來陣陣牛香，由太爺開賣肉檔到現在轉至點心，繼續將牛肉祖業發揚光大，故仔睇完試試有幾好味先。店內只有鐵觀音同普洱茶葉，$4 位抵飲不過略嫌水溫不夠熱。🥢山竹牛肉果然有牛肉香啊！鬆軟起筋有黏性，馬蹄粒不算多精華在於咬落有牛湯汁。😋🥢叉燒飽新式包造法皮都算鬆軟，但我比較喜歡舊式質感，餡料都比較乾身。🥢流沙奶黃飽金黃色咸蛋黃連同奶王做餡，入口奶香甜美。🥢灌湯餃餃皮薄晶瑩透亮，餡料豐富肥瘦絞肉恰好，高湯清甜滋味滿分。🥢蝦餃餃皮晶瑩軟熟，鮮蝦彈牙爽口鮮甜，而且豬肉分量都比較少食得有營。店內光猛潔淨座位算舒服，服務態度沒有要求還可以接受。

心血來潮想飲茶，就搵左依間「喜惶點心專門店」。2點去到以為啲人都食完lunch應該無咁多人，點知去到都見到有唔少人排隊，最後2個人排左大約半個鐘先入得。入到去啲位都幾逼，但算乾淨既。係等位既時候已經揀定左食咩，所以啲野食都好快黎到。見到例湯$6一碗咁抵，所以就叫左黎試下。果日既例湯係青紅蘿蔔豬骨湯，湯黎到睇落好足料，飲落的確無味精味，但略嫌有啲淡。依間點心專門店更加標榜係牛肉世家，所以點都要叫啲牛肉點心食，最後叫左「太陽蛋牛肉飯」同「乾蒸牛肉燒賣」。「太陽蛋牛肉飯」我地叫左飯焦底，離遠拎緊黎既時候已經聞到一陣飯焦味，過左一陣仲有一大陣燶味，食到最低啲飯已經燶曬，但牛肉係好食既。「乾蒸牛肉燒賣」既口感都唔錯，煙煙韌韌，牛味同芫荽味都幾香。另外不得不提既係「酥皮焗叉燒包」同「海苔煎蘿蔔糕」，「酥皮焗叉燒包」咬落去好鬆軟，個餡好多汁好多叉燒，食完好想叫多碟。第一次見有「海苔煎蘿蔔糕」好似幾特別咁就叫左，意想唔到紫菜同蘿蔔糕係咁夾，但係蘿蔔糕就有啲鬆散，一夾就散。整體黎講，點心黎講係唔錯，想食點心果時會再去。2個人食到勁飽都係$200有找😋個人評分（滿分為5）味道：😉😉😉😉環境：😉😉😉員工友善

牛肉餅夾包，牛肉餡食落好似牛肉球味度，加返青瓜片夾住食就無咁heavy。炸雲吞同腸粉都係鮮蝦餡，啲蝦好爽脆，應該真好新鮮。炸蜜瓜鮮奶就比較普通，個炸皮係好食既，係個蜜瓜奶太似維他盒裝蜜瓜奶果陣味…(我隻碗仔好多醬，委屈下讀者對眼啦)牛肉燒賣好似細粒版牛肉球咁，好食既，不過我本身麻麻牛肉球個配方。小龍包好正，我係小龍包痴，咬開左見住粒包流到咁多汁出黎果下已經狂加分。食埋粒包仔餡又好有肉味，正到爆。仲有個桂花糕，已經食到好飽，飽濟得制品嚐唔到味道…仲唔記得影相…食食下見到人地食個炸(煎？)粟米牛肉餅，粟米精既我諗住要試下，下次會再去喜惶。

我為了小時候的紙包骨而來，終極好失望。除了張紙，入面同 origanal 紙包骨完全兩件事，佢係炸排骨粒 本應該是一大件用一張紙包的，佢又乾又咸，不好味！炸蜜瓜鮮奶 正常 ok 好味魚肚雞 OK, 但偏咸...三文魚青瓜春捲，不好味 味唔甲灌湯餃，湯奇怪地係甜...鳳瓜咸到食完一件想停整體去返酒樓飲茶好好多，因為2人食左250， 坐得又唔係舒服， 水準又唔及酒樓咁穩定 價錢又唔係特別平 ！無下次，因為得炸密瓜鮮奶一樣野食ok， 仲有拎嚟兩隻碗有隻洗唔乾淨，我 沖完熱水都仲要用tissue 抹

🫖女人街飲啖茶食個包🫖推介指數❤️❤️❤️❤️🤍忙裏偷閒，得閒當然要同朋友見下面吹下水啦，食完仲可以行街四圍hea下，經過幾番熱烈討論約會地區旺角係我哋最終嘅選擇。之後响民主機制票選中日台菜式… 經過一輪黑箱作業下，點心大獲全勝😂😂 #未試過想試下都好正常啫女人街真係愈開愈多食肆，食點心都係第一次。小店位於地舖，由兆萬中心行過去都係3分鐘左右。吹一餐水，食咗兩轉，食咗午市同下午茶😂😂以受歡迎程度排列：🥢竹炭熔岩奶皇包HKD24✨包包新鮮軟熟，奶皇流沙且甜度剛好🥢荷葉黑椒牛仔骨飯HKD48✨蒸飯熟成度剛好帶清香荷葉味，黑椒牛仔骨味道濃食落唔韌，但就肥咗啲😂🥢粟米煎牛餅HKD25✨牛肉餅外層脆卜卜又卜卜脆🥢蟹肉菜苗燒賣HKD29✨餡料爆滿，口感爽口彈牙，菜苗新鮮🥢晶瑩鮮蝦餃HKd32✨一籠有四粒，食落皮薄，餡料蝦同豬肉都夠份量🥢金翅瑤柱灌湯餃HKD38✨一向比較貴嘅功夫點心，湯底鮮甜，灌湯餃皮薄，餡料豬肉味冬菇味突出🥢鮮肉灌湯小籠包HKD29✨外觀同口感都似蒸急凍小籠包🥲傾傾下，食到下午茶時段，好抵食喎！有下午茶點心拼盤、蒸飯套餐同點心套餐。不過已經飽飽地，食多少少🤏先～🫖下午茶點心套餐HKD37

自己在旺角看完一圈模型後🤖就找一下補充體力的地方，沿著通菜街兩邊行走發掘食店。隨著疫情的發酵，旅客人數大減，令女人街不少街邊檔都停業了，換來卻是後面食店增加了生存空間🏘因為從前招牌都一直被排檔遮擋，現在撥開雲霧見青天，吸引多了本地覓食客人。 .今天最後選擇了這家良心點心鋪💛打正旗號為牛肉世家，點心出品有正宗港式風味。點菜是用傳統點心剔紙，最特別的是有兩款拼盤🍱蒸心拼盤全是蒸製點心，一個人的浪漫則包括6款蒸點和2款煎炸點，最適合我這種單身為食人士。 .一個人的浪漫🕺$56 拼盤包羅萬有，相當滿足，包含了鮮蝦餃、蟹肉菜苗燒賣、紫芋糕、竹炭熔岩奶黃包、蜜汁叉燒包、芥末沙汁三文魚春卷、鮮蝦腐皮卷和小籠包，其中記憶點最深刻的是燒賣🤩因為像菜苗餃的口感配上強肉帶點鮮味，另外還有新版沙律海鮮卷，酸甜辣味恰到好處。 🍡擂沙湯丸 $25吃完一堆咸點，來一份甜點回一回神，外皮的花生碎粒很香脆，芝麻內餡香氣四溢。 .🍮桂花糕店員服務態度很好，因為點餐後希望我調動位置讓更多客人光顧，調動後主動送上甜點桂花糕以作賠禮。味道正常，帶有清新花香，質感爽口。

在yOutube生活泰導視頻，台主忛哥，忛嫂在試食呢間食店時，有不愉快經歷，我曾經對他們透露不會光顧此店，但兩位主持深明大義，對我呢個牛魔王說，佢地在此食店不快遭遇，是該店待應，待客態度與食物質素無關，若你是牛魔王應要到此店一嚐牛肉食品，難得兩位台主大人有大量，以德報怨，我揾食肥華在7月12日，到此店踩場睇下佢係吾係持材傲物，店細都欺客，當日我和靚媽17：15下午茶時段到達此店，店内巳有八成入座律，果然有吾休做嘅氣勢，在門口測完體温後，一位男仕(可能係老細)就客氣安排，我倆入座另有兩位女侍應殷勤地為我倆開茶及落單點食物，因此店餐枱面積偏細，我倆衹點了，一客煎旦牛肉飯連粟米牛肉餅下午茶餐，另加山竹牛肉，乾蒸牛肉燒賣，牛肉腸粉，燒汁牛肉蝴蝶餅各一份，另如一碗佛手瓜㷛排骨例湯，正如忛哥，忛嫂所講此店牛肉出品真係得嘅，每樣牛之食品都有B+至A分数，個燒汁蝴蝶餅更是A+出品，若此店能保持當日食物水準質素及待客態度，應屬一間值得向無牛不歡嘅網友推薦的食店

點樣食推介✨💛良心茶樓💛💛旺角黃店💛喜惶點心專門店 地址：旺角通菜街17號地下🍖竹炭熔岩奶皇包 $24 (7.5/10) 🌟好抵食🌟好似係我食過最平嘅奶皇包🤣，講真8蚊一個，又有流心效果，鹹蛋黃味唔算濃但味道都唔差，其實真係冇咩好挑剔，每次黎到喜惶都會叫奶皇包黎食👍🏻，不過食完個嘴會黑蚊蚊，大家最好照下塊鏡👻🍖是日老火湯 細碗 $6 (7.7/10) 🌟好抵食🌟我個日係章魚佛手瓜豬骨湯，想講先6蚊碗但店家不左兩舊大豬骨比我🤣，d湯渣好足料，章魚都食到幾舊，湯夠曬清甜！鹹度又啱啱好，細碗個湯嘅份量有平時兩個飯碗咁多，夠曬兩個人飲🤣，同埋真係冇落味精，飲完冇口渴嘅感覺！好推介大家嗌黎飲下！6蚊抵到爛🍖粟米煎牛餅 $25 (7.8/10)我個人覺得依款點心係最好食嘅一款！可能因為我勁鍾意食粟米嘅同時又係鹹甜combo控，首先咬落塊餅會咬到餅皮好脆嘅口感，然後再咬到嫩滑濃味嘅牛肉餡同粟米嘅鮮甜👍🏻，值得我無限encore🥸，不過依度d點心有個通病就係太油🍖鮮蝦腐皮卷 $27 (7.5/10)依個點心係我飲茶必叫嘅選項，男朋友都話好食👻，腐皮卷炸左之後脆到傻左，入面d蝦餡又夠爽脆👍🏻，無論係邊間

成日經過都見到有人喺出面排隊，今日下午茶時間嚟試一試，都好爆呀。兩人叫咗一個點心孖寶（$37），一個一個人的浪漫（$58）。見到隔離阿叔好熟手嗌咗碗大湯（$10）,見幾平又唔洗碗都嗌咗碗黎睇睇。孖寶之一係炸蜜瓜奶。外層酥脆但d密瓜味始終假假地，都係鮮奶好。呢個好有特色，90後冇聽過咩叫紙包骨，所以叫咗個嚟試下。拆紙呢個步驟都幾得意，入面係燒排骨，味道不錯但係肥太多同埋有啲靭。叫做試過下失傳嘅酒樓小食。八款點心，我覺得樣樣都至少中等，腐皮卷同紫芋糕最啱我口味，流沙包太甜。碗湯都有啲老黃瓜同豬骨，$10算抵飲。計埋茶錢埋單兩人$111,下次想試下啲飯同牛肉。不過要預座位比較迫夾同裝修簡陋。服務係茶餐廳級。

⭐️喜惶點心專門店⭐️📍:旺角通菜街17號地下⏰:10:00am-11:00pm💰:人均$50-$100⭕️: 現金、八達通、Alipay、信用卡👉🏻芥末沙汁三文魚春卷 💰29 👍🏻👍🏻推薦👉🏻粟米煎牛餅 💰25👉🏻原隻鮮蝦滑腸粉 💰28👉🏻乾蒸牛肉燒賣王 💰29👉🏻名將蒸美國鳳爪 💰22🌜仲有好多好普通嘅點心。。 就唔逐一講價錢啦。。不過鋪頭主張嘅都係點心 同平時酒樓都大同小異嘅🥺🌟舖頭作為一個牛肉世家，點心大部份都係用牛肉製造，都幾新奇得意🤤！個人比較鍾意食嗰個’芥末沙汁三文魚春卷’ 熱辣辣 好好味 春卷包住三文魚青瓜同沙律醬 味道好夾🤤想再叫多碟！！✨ ‘粟米煎牛餅’都好好食 入邊係好飽滿 好香嘅牛肉餡 好足料 ‘牛肉燒賣王’好特別 如果食咗呢個就唔好叫牛肉球👧🏻🍼覺得差唔多一樣味道 枱面隔離會有豆瓣醬👍🏻👍🏻呢個加分！點心全部都熱辣辣即整 所以等食物出既時間都比較耐🌟上網見到好多人推薦呢間 所以👧🏻🍼都去咗試 等位時間都比較耐 我哋中午一點左右到 店舖裏面已經坐滿晒人 等咗大約20分鐘左右先有得入 後面等位嘅都重有好多人 店舖入邊坐位比較窄 同埋冷氣都唔夠大 好熱🥵同埋有一樣野👧🏻

蜜瓜炸鮮奶$27外酥裡嫩，現炸酥脆，淡淡的蜜瓜味和鮮奶的香氣。芥末沙汁三文魚炸春卷$29黃瓜搭配著三文魚，清爽可口，外皮酥脆，很有層次感。車仔混醬布拉腸$21醬料給的份量很足，腸粉是布拉腸的，很薄，酸酸甜甜的，很開胃。名醬蒸美國鳳爪$22鳳爪的肉很肉，也有韌度，份量也很夠。鮮肉灌湯小籠包$29湯汁還是熱騰騰的，相當有味道，一口一個，十分滿足。

隱藏在旺角女人街裡，有這一家點心店: 喜惶。惶恐惶恐，爲甚麽改这樣怪的名字，不得而知。我主要吃午餐，所以冇叫點心，只吃飯，湯與素菜。例湯，標明冇放味精，我估應該是吧。很淡，也看到很多猪骨。但現在青蘿白不是季節，很多榨。油菜是唐生菜。最不喜歡唐生菜，是冇味道冇香味的菜。不過，這是跟餐的，冇得揀。蒸飯是煎蛋牛肉餅飯。算不错。牛肉餅很厚，味道与鲜竹牛肉一樣。不過這個飯要等很久，超過 20 分鐘。似乎是現蒸的，米飯不錯。這裡價錢普通，不算貴。下午茶時段有特價。但旺角競争太勁，它也没有爆满，儘管座位不算多。

係旺角想飲茶，上網見呢間都幾多人推介就試試啦。店鋪入面坐得尚算舒適，員工態度都好友善。見到有大大個牌寫話原來呢間主打牛肉，稱為係牛肉世家🐄點心價錢算抵，不過全部鹹食嘅味道都偏鹹左啲🤭🔸粟米煎牛餅 (HK$25)店鋪最出名就係佢地嘅牛肉，今次特別啲無食牛肉球，試左呢款粟米煎牛餅。出面係炸皮配上入面嘅牛肉同粟米餡料，脆卜卜得黎入面牛肉都好多汁，算係咁多樣最好食架啦😂🔸竹炭熔岩奶黃包(HK$24)黑色嘅奶黃包好有型，上面仲有啲金粉裝飾下。內裡嘅奶黃係流心狀態，不過份量未去到熔岩咁勁嘅，而奶黃甜度適中。🔸蔥花炸兩腸粉 (HK$24)腸粉皮太淋身，一夾起就準備跌落黎，可能因為腸粉太濕令到油炸鬼都唔脆身啦😶🔸 XO醬炒蘿蔔糕 (HK$36)蘿蔔糕上仲有其他芽菜及配料，不過食落真係好鹹，鹹到要狂飲茶😲🔸蟹肉菜苗燒賣 (HK$29)燒賣都算大粒，咬落彈牙。🔸荷葉黑椒牛仔骨飯 (HK$48)蒸飯米粒超淋身，牛仔骨就不過不失，食落都係鹹左啲😶

今日約左媽咪飲早茶，問佢想飲茶樓定點心專門店，佢就話想食女人街入面一間黃嘅點心店。但我不嬲就對女人街嘅餐廳冇咩好感，感覺係得個平字，而且之前食過幾間伏嘅，不過見佢係黃店就試下啦。佢舖頭有两層，不過每層都唔係好多位，大約一層得5到6張桌，如果你係約一大班飲茶嘅話就可能會坐得逼少少。見佢menu寫自己係牛肉世家，靠賣牛肉起家，咁我哋梗係要叫啦。我哋叫左粟米煎牛餅同牛肉燒賣，佢两樣嘅餡料其實都係一樣，就係牛肉球嘅味，感覺就係炸左嘅牛肉球同有層皮嘅牛肉球。同埋佢芫荽味都幾出，搞到冚左啲牛肉味，有啲失望。而其他點心都係中規中矩，有餡料喺入面個啲點心都感覺有啲偷工減料，好似叉燒包同蝦腸咁，皮厚料薄，搞到食落有種空虛感。見有個叫芥末沙汁三文魚春卷幾得意就嗌左啦，點知個汁又淡，中間舊青瓜令佢個味更清，好似淨係食緊個炸皮咁。雖然個菜式設計得幾好，但味道真係有待改進。