Hà Nội 越南菜今天在尖沙咀重慶大廈地庫河內越南菜用膳，嘗試咗一次美好的味覺之旅。*河內特色綜合河粉*這碗香氣四溢的綜合河粉是今日的第一道菜，份量好大，個湯底鮮甜牛骨嘅味道十足，生牛肉嫩滑，牛腩片軟嫩不膩，厚薄適中，牛味濃，扎肉彈牙，雞絲滑，香葉卷的加入為整碗湯粉增添了獨特的風味，肉卷上面用香葉包裹着，令人有齒頰生香的感覺。*越式炸蝦餅*每款粉麪飯都可以追加一款小食，看到餐牌上的炸蝦餅好靚，就叫咗一客，蝦餅外脆內嫩，蝦味十足，而且Q彈😋。*西貢法包拼盤*配料豐富，包皮香脆，有扎肉、青瓜、肉醬，把酸蘿蔔夾入個包內能提鮮，清新開胃；那兩根越式腸仔，咬落去肉味香濃，成個拼盤好有越南風味。*椰漿芒果糯米飯*椰漿、黑糯米飯配上鮮甜的芒果，絕對是驚喜！椰漿味十足，調教得好出色，夠濃郁，黑糯米有咬口，讓人回味無窮。即使不是芒果的季節，但係呢個芒果的質素也讓我驚喜，又新鮮又甜，實在值得一試。*越南滴漏咖啡*咖啡味道都算係濃郁芳香，容易入口，咖啡杯外型好靚，玻璃夠厚可以保暖，甜奶係分開上，唔飲甜嘢嗰啲客人都冇問題，幫襯任何粉麪飯用$18就可以追加👍。整體來講，河內越南菜不僅提供了多元化的出品，還有職員良好的服務態度，絕對值得再次光臨及試吓其他的菜式。…Read More
