淥鼎記

Open Now

Now Closed

「今晚去邊度打邊爐？」在觀塘工廈林立的街道上，發現這間隱世高質火鍋店《淥鼎記》。作為火鍋控，今次試嘅「爵爺頂級手切牛海鮮套餐」絕對係驚喜之旅，無限時任食加上豪華食材，即刻同大家分享！主菜六選一中，我哋選了🥥「木瓜椰子雞」，呢個唔單止係主菜，仲可以當埋湯底！滾起時飄來陣陣椰香，湯底清甜得來帶微微木瓜香，半隻雞嘅份量十足，雞肉嫩滑得來有嚼勁，飲碗湯先打邊爐，暖胃又滋補。重頭戲：爵爺尊享三寶1️⃣ 豪華時令刺身打邊爐前先來個「豪華時令刺身」開胃！當日有厚切三文魚、鮮甜北寄貝、爽脆赤蝦，仲有象拔蚌，擺盤精緻新鮮度滿分。 2️⃣豪華海鮮拼盤有生蠔、鮑魚、海蝦、帶子及大蜆 3️⃣頂級手切牛拼盤油脂分布靚到發光！牛味濃郁得來帶微微甜。40+款火鍋配料都絕不馬虎，坊間少見嘅「魚鰾」竟然無限供應！口感似輕盈版花膠，吸湯能力一流；仲有我哋最愛嘅「雞子」，我哋兩個人喪食咗三轉😂

想同朋友開懷暢食👭🏻推介「淥鼎記」俾大家🤗.⚠️此餐廳收取10%服務費💰.爵爺套餐-無限時火鍋放題-頂級手切牛海鮮套餐🤴🏻(2位)，套餐$756💰.日本直送時令刺身🇯🇵套餐包含💰有赤蝦、帶子、北寄貝、象拔蚌、三文魚🐟.重慶雞煲🐓套餐包含💰雞肉大件嫩滑😋麻辣惹味🌶️加上香蒜🧄芹菜、蔥、洋蔥炒🧅香口入味👍🏻.錦繡前菜🧆套餐包含💰有涼拌雲耳同榴槤炸彈🖤.花膠美人鍋🍲套餐包含💰大大片花膠😍加上紅棗、杞子，十分清甜☺️.頂級手切牛拼盤🐄套餐包含💰脂肪比例平均❄️牛味濃郁，肉質嫰滑🤤.豪華海鮮拼盤✨套餐包含💰有鮑魚、生蠔🦪帶子、蝦、沙白🐚每款都新鮮鮮甜💯.肉類🥩套餐包含💰安格斯極佳級精修肥牛、安格斯牛板翼🐮.海鮮🌊套餐包含💰廣島蠔、沙白、蝦🦐.火鍋配料🥢套餐包含💰有滑類、響鈴、炸魚皮、麵類🍜蔬菜🥬🌽🎃餃類🥟水魷🦑丸類🍢鴨血🩸鵝腸🪿牛柏葉🐂芋絲、淮山、菇菌🍄‍🟫🍄.Haagen-Dazs(2位)🍨套餐包含💰.水果🍎套餐包含💰有菠蘿同西瓜🍍🍉.飲品🥤套餐包含💰有自家製水果茶🫖竹蔗茅根🎋酸梅湯🍑蜜香紅茶🍯汽水、涼茶飲品、茶飲🍵啤酒🍺果汁🥥🍏

Bookmark咗呢間好耐，而且之前都已經嚟過，食物質素一向有水準，所以今次就帶朋友一齊嚟食下！餐廳嘅午市主打精緻點心和中式小菜，而佢哋嘅點心係新鮮手工製作，具有特色，而且老少咸宜，誠意推介！蟹籽龍皇燒賣是必吃的點心之一，一籠兩件大大粒，上面有好多蟹籽，非常脆甜，餡料有半肥瘦豬肉和蝦肉，好食！馬友肉片飯飯底係日本珍珠飯，每一口都充滿馬友魚肉鮮香，色香味俱全！酥炸魷魚鬚食入口酥香脆口，Q彈鮮美，非常滋味！黑松露赤螺三文魚酥有創意又非常精緻嘅點心，酥皮入口非常鬆化，嗎啖嘅黑松露香，仲有赤螺三文魚嘅配搭，多層次口感！酥皮鳳梨叉燒包叉燒包外層鬆脆，內裡鬆軟。蜜汁叉燒餡再配上菠蘿，味道酸甜又開胃！海苔芋絲糕酥脆又新鮮嘅海苔芋絲糕，芋泥結合海苔香氣，仲有超足料，啖啖芋頭肉！蟲草花叉燒腸粉養生嘅蟲草花叉燒腸粉，餡料豐富，肉質軟嫩，啖啖滿足。熊仔奶茶特別的造型展現在眼前，超有賣相嘅奶茶，而且香滑又好飲。

放題火鍋選擇好多，《淥鼎記》係吃過的眾多放題之中，remark是既美味又滿意！前菜小食一點都不嗎呼，豬手粒粒很好吃。接著送上的刺身拼盤，有大蝦、帆立貝等⋯都很新鮮！真的令人驚喜！第一道菜因為朋友不能吃辣，選擇了椰子雞鍋，第二個驚喜襲來！湯頭鮮甜到不得了，令嗜辣的我也吃得滋味！主角火鍋，都是以不辣為主，選擇了花膠美人鍋。隨餐的海鮮拼盤很豪氣，有鮑魚、帶子、海蝦、沙白、生蠔⋯全部都新鮮！味美！還有凍櫃內的各式蔬菜、丸類、水魷⋯選擇很是豐富！飲品也多！最後甜品以「哈更大師」作結！朋友相聚吃吃喝喝聊上一晚，真的很爽！下次聚會也會再來！

早兩日約咗老友見面，佢好鐘意飲茶，特意帶佢去呢間淥鼎記，之前我夜晚食過覺得有質素。呢到好特別，除左傳統中式點心，仲有唔少新穎點心可選擇，再犀利d係佢連壽司都有得食，而且食物係好味道，唔會話因為做多幾種系列就求求其。紙醉金迷蝦餃皇（2件）蝦餃中央畫上一道金色裝飾，望落真係升級左😅，餡料飽滿，蝦肉彈牙新建，皮薄又唔會蒸到過龍。太極黑糖馬拉糕貌相又係好靚，太極圖案夠晒吸睛，2個太極圖案可以分開食，都幾得意！馬拉糕口感鬆軟，整體唔會太甜，有傳統味道，好食。春風得意腸粉 紅色腸粉皮包住鮮蝦春卷，腸粉滑溜，唔會太厚，煙煙韌韌。春卷仍然保持香脆，蝦肉彈牙。鳳爪排骨飯排骨又滑又淋，豉香同蒜蓉混合剁碎後，香味好出。鳳爪入味，有咬口，配埋蒸飯一齊食，經典好滋味。蠔皇叉燒包又係經典點心之一，飽鬆軟，餡料好多，唔會太甜，蒸嘅時間岩岩好火候，讚。粟米沙律腐皮壽司，玉子壽司，牛油果鰻魚卷，全部都係我鐘意食嘅，份量好多，都幾大件，而且係同係日式餐廳食嘅一樣，有質素，正!呢到除左壽司仲有丼飯，又要酸菜魚，真係唔止食點心咁簡單。

同屋企人間唔中都會嚟呢度飲茶，覺得佢哋做點心比大部份酒樓都好食，而且服務態度點參方式等等都比較多啲好啲！魚肚鴨腳扎 🦆🐟這道菜結合了魚肚的鮮美和鴨腳的豐富口感。魚肚滑嫩，吸收了湯汁的鮮香，鴨腳則富有嚼勁，增添了層次感。整體味道清新潮州蒸粉果（4件） 🍤🥟皮薄餡多，裡面包裹著鮮蝦和豬肉的餡料，口感鮮嫩。粉果蒸製後透明透亮，點啲辣油超級正五年陳皮牛肉球（3球） 🍖🌿芫荽味突出，帶有獨特的香氣和微微的苦味。內部鮮嫩多汁，咬下去時肉汁四溢，口感十分滿足芋絲百花腐皮卷 🥔🌸外層裹著嫩滑的腐皮，口感輕盈。每一口都能感受到芋絲的綿密與腐皮的柔韌，搭配一些清淡的醬汁，炸得唔油鳳爪排骨飯 🍚🍖這道鳳爪排骨飯的鳳爪軟嫩入味，排骨則香氣四溢。米飯吸收了肉汁，味道鮮香，加上秘製豉油，非常好味芝麻肉鬆米網腸 🍚🌰裡面包裹著香濃的芝麻肉鬆，口感豐富。肉鬆的香味與米腸的Q彈相得益彰，讓每一口都充滿了驚喜。非常特別。I

淥鼎記 第一次光顧此店在2021年, 當年的 $338,  事隔四年, $378 (未計加一). 四年間也來過多次, 服務友善, 環境乾淨, 飲品選擇多, 食物的新鮮程度也一直保持.唯獨是開胃前菜的款式愈來愈遜色了, 由地道特式幾小碟, 變了麻辣魚旦. 而食物擺盤依舊細心, 好看, 早期擺盤的器皿氣勢磅礡, 龍頭鳳尾…各樣, 打咭一絶, 時間洗禮這些氣勢磅礡的器皿早已遠去.  先吃主菜, 然後剌身, 再上火鍋海鮮配料及手切牛, 其後就自已掃碼點火鍋配料(40多款), 大堂也有蔬菜雜丸出前一丁各樣任君選擇. 今晚Farewell 王子離巢, 朋友多, 好開飯, 點了三個主菜 成隻雞上, 新鮮大隻, 椰子略嫌不夠香.  藤椒不夠辣,不出味, 魚新鮮嫩滑, 當然自己要好好把握火候,看準時間起筷. 還有一個 魚片滑, 酸菜不酸. 整體三道主菜也不錯, 就是差少少少味道. 隨之而上, 豪華時令刺身, 牡丹蝦, 帶子, 象拔蚌, 三文魚, 新鮮. 再來豪華海鮮拼盤, 有鮑魚, 生蠔, 扇背, 生蝦, 蜆, 配上自選火鍋湯底, 揀了, 湯底愈滾愈香, 有兩三舊豬筒骨, 同事吃得津津有味. 還點了

平日7點幾上到去見到坐爆咁濟，非常之旺場，我地人多餐廳安排左角落頭大圓枱，坐得好舒服，醬料同飲品選擇好多，有水果茶就岩哂我，但可惜拎左一壺之後夜小小餐廳都冇再fill喇😞主食我地揀左椰子雞煲同酸菜魚椰子雞好清甜，可以一試酸菜魚魚肉都唔錯，唔會有腥味，但配料闊寬粉就有一陣怪味冇諗過刺身都有咁多種類，以放題黎講質素同新鮮度都幾好之後就係打邊爐時間，想大讚下個手切肥牛夠高質，份量都唔小，正！海鮮種類都多，但生蠔同扇貝要剝左殼先剝會乾淨d所以食得比較呢hea😆

只要係平日一至五，時間2:00pm -4:00pm, 長者都有$2 茶錢，同行的朋友都一樣係$2 ， 真心抵啊！三人或以上可以係open rice訂位，我今日去到2:30pm已經有十幾人等緊位啦，所以建議都係book位比較好。而點心價格由$19.8至$38不等，而且仲有炒飯+點心的set $98, 我最中意陳皮牛肉球$19.8，同埋黑松露三文魚生酥$29.8，不過腸粉就麻麻，最後仲有全單9折，3位埋單$189咋，抵食！

“爵爺 無限378”包有錦繡前菜 2款，豪華時令刺身，香辣烤魚 （四揀一），然後有花膠美人鍋（六揀一）又包有頂级手切牛肉，豪華海鲜盤，金牌手打丸 ，食物豐富之極已經差唔多嗌嘢食已經好飽。睇到呢度都已經好開心啦，係唔係呢。仲有啲座位好寬敞呀，坐得好舒服。是日錦繡前菜係酥炸排骨同埋青瓜，青瓜係開胃菜，排骨就係喺主菜上檯前食吓嘢咁，幾唔錯。豪華刺身有五樣嘢，佢哋係帶子，赤蝦，吞拿魚，北寄貝，最驚喜係第五樣---象拔蚌，平時比較少見，好絲滑彈牙，亦都好大件👍食完大大條烤魚之後就來到打邊爐時間，豪華海鮮盤亦係好大份，有生蠔，元貝，鮑魚，大蝦和沙白，真心豐富，睇到都開心，唔够皮嘅話，之後都可以encore 蝦，生蠔同埋沙白。飲品都有2個櫃，選擇多多，而且啲青菜都用保鮮紙包住，够衛生，一定要畀like，同埋個個staff都笑容滿面，服務好好勤換碟，再畀多一個👍

這間是中式餐廳中的隱世日本美食！❤️🫶🏻⭐️這是一間中式餐廳，但是今日突然想食日式嘢，所以喺度叫日式嘢。對於一間主打中式餐廳來說這類的日式食物CP值算高！⭐️⭐️⭐️⭐️我先用中式的步行法，介紹這間餐廳。一進去，餐廳環境及擺設也很得體，第一杯來到的飲料，冰鎮奶茶，味道濃郁，茶味重，第一啖飲完茶味，後有濃郁嘅奶味。三文魚刺身，鮮味唔腥又滑口，非常厚身新鮮的。芝士玉子燒，是暖笠笠芝士很厚身，可能些少補充，芝士不夠熱（中間那塊芝士完全未溶的），個人覺得吃不夠軟身的芝士，吃落有些很滯的感覺，但是芝士下的玉子味道也很香。整體來說，不知道是玉子的汁有不夠還是芝士不夠溶，只是吃了兩口就有些滯。再之後到的是花枝丸蟹籽，非常足料。最後試了鰻魚飯，鰻魚少許黐牙，配上暖笠笠的飯，食落有些少滯口，是足料粥味的，但是不是最正宗的日式味道。以上大部份美食都非常新鮮好吃，只是個人比較挑剔，但是以這間主打中式地方來，付出和壽司郎差不多的價錢，在這個環境有私人房間、有這個質素的美食，性價比算高，如果大家去飲茶又突然間想食啲日本嘢也可以參考吓這篇文章。

之前都同大家介紹過淥鼎記嘅火鍋放題抵食又高質，不過一路以嚟個小菜都係食開佢哋嘅酸菜魚，今次嚟食試咗佢哋嘅雞煲，原來都好唔錯，要同大家分享吓😋今次嚟嘅觀塘店俾嘅前菜都好唔同，係個四宮格，賣相非常精緻，入面分別係烤腸、豆、酸辣鳳爪、豬手。唔單止賣相掂，味道都一樣得，等緊嘢食嘅時候食啱晒👍🏻雞煲一嚟到就好大兜，雞件都大大件，好多肉，唔似出面嗰啲好多骨冇乜肉食👍🏻炒熟之後雞肉都好入味，調味惹味得來又唔會太鹹，一嚿接一嚿咁食😍火鍋方面我哋揀咗蕃茄湯，但估唔到呢度嘅蕃茄湯係加咗芫荽嘅🥲作為唔食芫荽人士就趁佢未滾嘅時候就將佢撈咗出嚟啦😂唔食芫荽嘅話就注意。撇除芫荽嚟講，就咁睇呢個湯底顏色都睇得出蕃茄味道濃郁，味道清甜，食完雞煲唔想食咁漏，叫呢個就一流。我仲忍唔住喺落嘢食之前飲咗一碗湯😬而火鍋配料方面同之前介紹過嘅都差唔多，可以喺出面自己拎。而肉類可以自己scan QR code落單，豬、牛、羊、雞、蝦丸等等都有齊晒，另外仲有幾款海鮮eg.蠔、魚。自己最欣賞佢哋嘅係呢度嘅肉唔似出面啲火鍋放題咁切到超級薄，每塊肉都有返咁上下厚度，而且肉嘅質素有保證👍🏻每次嚟最鍾意嘅都係佢哋嘅安格斯同埋羊肉😋😋最後，嘢飲

年初二同親戚一齊嚟到「淥鼎記」食無限時火鍋放題，食得好開心！餐廳門面好有氣派，中式裝潢襯上大紅燈籠同金字招牌，充滿住濃濃嘅新年氣氛。呢度嘅放題每位$378，價錢唔算平，但食物種類同質素都幾吸引。主菜方面，我哋揀咗藤椒烤魚同木瓜椰子雞。藤椒烤魚外皮烤得香脆，魚肉嫩滑又入味，藤椒嘅麻香好過癮。木瓜椰子雞就更唔使講，個湯清甜滋潤，木瓜同椰子嘅香味完美融合，而且越煲越入味，我都飲咗好幾碗。套餐仲包括頂級手切牛拼盤、豪華海鮮拼盤同豪華時令刺身，牛肉紋理清晰，入口軟嫩；海鮮拼盤有齊生蠔、鮑魚等，新鮮度十足；刺身色彩繽紛，口感細膩。每人仲有一杯Haagen - Dazs雪糕！出面有40多款火鍋配料任攞，雖然話有40幾款，但我就略嫌選擇唔算多。總嘅嚟講，呢度食物質素唔錯，大家都食到好飽，今次聚餐開心又圓滿，以後有機會都會再嚟。

早幾星期先至同鄰居夜晚打完邊爐，估唔到屋企人話飲茶又揀咗呢一間。整好一個機會試埋佢個茶市。一入到嚟都幾驚訝，竟然全場爆滿，仲有客晏晝都嗌雞煲同埋水煮魚。不過呢啲夜晚打邊爐都有得食，今日就主力試點心。落單到到點心嚟嘅時間都唔算長，先上咗個豬手粒，呢個好入味又醒胃。雖然等到嘅時間唔長，但係值得讚就有啲點心真係熱辣辣，比起出邊好多酒樓嚟講，依度真係做得相當出色，夠熱呢樣嘢已經加好多分。整體上所有鹹點都好食。不過個花膠鮮竹卷就得一塊花膠仔，俾我手快食咗。如果每條鮮竹卷跟返一塊仔咁就好似好分啲。另外佢都有刺身，不過屋企人唔食生嘢，所以就冇叫啦。不過就嗌咗兩杯嘢飲，我就飲咗個恐龍蛋，好濃好好飲。嗰粒恐龍冰，都好有朱古力味。唔知係咪濃得滯，之後食啲甜品就覺得唔算太甜。不過整體嚟講，係值得encore嘅。

可能因為假期關係沒有下午茶，沒有折扣下三個人都食咗$520，雖然$520但係唔算食得好飽、價錢唔算平，味道係可以既，覺得最好食係三文魚酥，腸粉亦做得好出色，腸粉皮係超薄。酸菜魚都好食，但唔係好夠熱度，蝦餃都算好食整出嚟熱辣辣好好味，蒸土魷味道好，不過份量都唔多，蒸粉果雖然細細粒，不過味道好好。成餐最差係茶水，個熱水壺既水係唔夠熱，佢又係用茶包，所以係完全沖唔到茶未出嚟，咁叫咗杯熱奶茶，味道可以，又唔係好夠熱度，另外熊仔冰凍奶茶就好飲既。