堅信號上海生煎皇 (形點 II)

Open Now

Now Closed

上海生煎包✨一口爆湯的生煎包是賣點，菜飯也不錯！《外婆紅燒肉菜飯》$62外婆紅燒肉，很肥美，就像東坡肉一樣，厚厚的肥膏連著豬肉，紅燒肉亦相當入味。👍🏻👍🏻《生煎包》$20/2個顧名思義一口爆湯，真的很誇張，咬一口，湯飛濺到對面枱🤣真的要小心地吃！✨《蒜泥白肉》$38不算太辣，正正常常。店員姐姐會溫馨提示客人小心熱燙、趁熱食、慢慢吃，真的很窩心！💕總結：生煎包必吃！

其實佢既野食係還好既，雖然偏細份，都還可接受到，但員工態度麻麻，不太可接受。我點了一個擔擔麵套餐，入面有擔擔麵、小籠包，豆漿。有職員上菜，首先放低左小籠包同生煎包，我怕佢上多左生煎包俾我會俾人話，所以好心提佢：我冇叫生煎包的😅佢一句塞埋來，態度不友善甘講：我知！我都係放住係度先者！心諗都係好心提你，驚你俾多左我，唔需要好似話我多事甘囉。食物幾好食都冇用，基本禮貌都冇就係甘先啦👋🏼

下午茶第一次到堅順號，坐低就不停聽到侍應叫生煎包節🤣，手機落單超方便，小籠包4隻+生煎包，但全部細細隻，多汁但唔夠喉囉，口水雞菜飯實在太好味！推介👍👍👍，另加3隻餃子，都幾好味！😋

老媽子想食生煎包而佢又未食過堅信號，於是就帶佢黎試下。我地叫左：生煎包2隻、雞絲粉皮、上海粗炒、酸辣湯同凍熱豆漿各一。生煎包個底煎得夠脆，裏面湯汁好多，一咬即爆汁，請左我頭髮飲左啖湯😅在我黎講生煎包係好味嘅，但要求高嘅老媽子食完就話味道係OK，但食得出個包係包好左一段時間先攞去煎，我自己就食唔出😂(但我好明白而家真係好難有店可以做到即點即包即煎)身為配角嘅雞絲粉皮老媽子就盛讚粉皮唔會好厚夠爽口，不過麻醬就少左啲。上海粗炒都好食，麵條夠煙靭，唔算太油，可惜老媽子唔鍾意食回鍋肉粗炒，好想食回鍋肉😔最後個酸辣湯聞落去有陣輕微𤓓味😑雖然飲落去又冇咩問題。好在呢度嘅湯唔係好杰果隻，好怕飲到啲杰到爆嘅酸辣湯，如果味道可以再酸啲辣啲就好。

第一次食堅信號上海生煎皇。一間由前男歌手蕭潤邦(Oscar)與父 親一起合力打理既生煎包。以前名過於實，點知佢既生煎包真係有驚喜喎。是日叫左2個晚市套餐，分別係上海豬扒菜飯同紅燒肉菜飯，套餐包一杯綠茶，一小份前菜，仲可以加$10加購一款小食。上海豬扒菜飯套餐 +生煎包2件（$78）豬扒有1大塊切開左6件，好鬆化但略嫌太甜，我個人就覺得一般。菜飯好食，唔會好咸。生煎包好多驚喜呀！生煎包係薄皮既，肉香多汁，湯汁澄澈，油膩感不高，最重要係底部夠晒脆無漏汁，包頂仲有小量黑白芝麻及香葱增加香氣。好食。紅燒肉配菜飯+小籠包2件（$75）上菜個下有點兒嚇親，3大舊肥瘦均勻既五花肉🤩 入味，鬆軟，味道適中，最重要係一層一層既5花肉，肉質軟嫩、香甜但又不油膩。好食。而小籠包都唔錯，皮薄多汁，但對比起生煎包，我都係愛生煎包多d😛😛另外有兩款前菜分別係醬醃蘿蔔&麻辣海帶絲拼蓮藕片，食落開胃，都唔錯

今晚嚟到YOHO搵野食見到堅信號有位就食呢間手機自己入個網站落單～叫個餐送前菜揀咗蓮藕估唔到咁好食好開胃呀！加$5要咗杯竹蔗茅根水正常擔擔麵好食加$10要兩個生煎包個女侍應唔知咩事粒聲唔出 喺我後面一夜攝兩個包入嚟仲掂到我件衫我件衫好污糟㗎 🥶🥶🥶🥶🥶🥶🥶唉😮‍💨可能佢地好忙啦但呢吓感覺真係好差有咩理由起人哋件衫袖嗰度攝入嚟㗎🤥🤥🤥🤥豬扒飯太太太肚餓了影得都有啲隨便因為好心急要開飯了個菜飯真係好好食 好香呀豬扒都唔差最驚喜係呢個醉雞翼都係加$10剪開一半好易食，好入味推薦（但都係太肚餓 影得有點隨便）埋單兩個人好似$146

返工前食個快飯，坐低到上菜唔駛10分鐘，岩曬趕時間既人！午餐可以揀前菜主菜飲品。我就揀左招牌生煎包，煎到一面脆卜卜。雖然個包比淨係做外賣既鋪頭細隻左，但依然係爆汁！而且感覺無咁油膩。豬排味道同叉燒差唔多，表面搽咗蜜糖~質地呢就比較硬難咬開啦。菜飯有陣豬油味，菜既份量唔多。加埋暖豆漿，簡單又舒服既一餐。

返工夜晚果餐叫外賣，見到堅信號有前菜有飲品加$10有生煎包就試下，我嗌咗堅信號豬扒湯麵、前菜要上海醬蘿蔔、茉香綠茶熱飲另加$10招牌生煎包(2隻)堅信號除咗生煎包出名，秘製豬扒都係佢地另一皇牌，調味方面係幾惹味，味道甜甜地，但肉質較韌扣分。湯麵湯底清淡，浸咗塊豬扒落湯底先有d味，麵質都係一般招牌生煎包外層脆卜卜，一咬就爆汁，肉質嫩滿，加醋食真係無得輸，堅信號生煎包真係好好食，不過其他食品就需要有待改善！

成日經過見到都排滿人，終於有機會試試。一開始先去拎飛，其實見前面都排左好多人，但都係等左大約廿幾分鐘左右，因為前面好多人都等唔到就走左一坐低就見到枱面貼左張recommend 嘅menu,於是叫左個灌湯小籠包、生煎包，同埋上海粗炒。生煎包同埋小籠包都爆汁，特別係生煎包，真係差啲噴埋啲汁出黎, 大家記得一定要襯熱食另外上海粗炒好入味，不過個人覺得如果可以無咁油就會好少少。餐廳環境有少少迫，但十分整潔，上菜速度快。整體黎講真係值得再去食。

前菜：上海醬蘿蔔 及 麻辣海帶絲拼蓮藕片蘿蔔幾爽口，酸酸地幾開胃。海帶爽、蓮藕片好脆，麻辣開胃、惹味。兩款前菜都唔錯，如果真係要揀一款，就麻辣惹味。灌湯小籠包(套餐追加$10兩粒)皮薄餡結實，湯汁夠熱， 一啖食又唔會好燙口，剛剛好，好味。堅信號生煎包(套餐追加$10兩個)皮脆，黑芝麻加分，好香口。肉汁好多，有爆汁效果，好食。(個人口味S: 小籠包:3.3/5；生煎包: 3.5/5)(個人口味E: 小籠包:3.5/5；生煎包: 3.8/5)堅信號豬扒菜飯($65)"友人"表示賣相唔及引。秘製唔知係咩醬，酸酸地，好似變壞既感覺。口感都麻麻地，食落好似叉燒咁，唔好食。菜飯暖暖地，都係唔夠熱。跟餐熱茉香綠茶唔錯。(個人口味E: 2.8/5)上海粗炒($59)  (套餐加$5升級可樂)睇餐牌既上海粗炒個色澤好靚好吸引，一上菜見到咁淡色已經有d失望。食落去仲要係唔夠熱，面頭既麵係涼， 最底層既麵係微暖，唔夠熱真係好扣分。 但係炒麵用既麻油好香，令人愈食愈想食(雖然唔夠熱)，如果熱辣辣就好啦。"友人"就覺得上海粗炒係成盤整好左，落單既時候先夾出泥。(個人口味S: 3/5)(個人口味E: 3.5/5)

其實我好鍾意食上海野，見呢間外賣價錢唔貴就試吓叫外賣啦。雖然份量幾大兩個人買單大概都係$180左右但可惜味道就普普通通啦！今次叫左酸辣湯麵：微辣，幾開胃既，不錯招牌豬扒菜飯：菜飯好食，豬扒正正常常好大份，味道偏甜！小籠包：同真正出名好食小籠包嘅台灣連鎖餐廳俾真係俾唔上，皮太厚，肉唔夠鮮！雞絲粉皮：非常之可惜嘅餸，味道超淡好唔入味，感覺粉皮同醬汁係分開！ 可能今次冇嗌佢招牌嘅生煎包，希望下次會有機會真係試吓堂食會唔會有驚喜呢。

吃過深水埗分店，幾好吃，所以再去元朗分店支持，一去到坐在清潔地區，好似打扙咁，職員出錯，明白的見他們也忙，食物不熱，我叫齋豬排，原全不好吃，麻煩跟進下元朗分店！

返工前買午餐外賣，呢間上海菜未試過，去到門口排晒隊等位，店面是似美食廣場店，比較開放式，商場走道望晒食客食野午餐選擇都幾多，又配埋小食飲品，落單後店員話10分鐘後出菜，我逛一陣回店已包好，外賣包裝企理酸辣湯水餃（5隻/$46）睇個碗以為好大份量，打開見空間都係分隔佔據了，水餃同湯分開是不錯，湯只佔碗1/3，水餃皮唔夠彈，餡料飽滿，菜肉比例ok唔乾，湯料有點少，正常有嘅木耳絲、筍絲都有嘅，味道酸中有辣，整體ok(但份量有點不夠飽）同事食：招牌午餐6號：芝麻醬五彩冷麵+麻辣萵筍（跟餐小食）+茉香綠茶（$56）落單店員爽快，唔多說話！外賣都幾好，可以一試堂食（生煎包要堂食先好食）

👁‍🗨堅信號上海生煎皇 (形點) (元朗)📍元朗朗日路8號形點二期1樓A115a號舖----------------------今晚決定吃個簡單晚飯就選了堅信號， 晚飯時間，門前都人滿為患，外賣及堂食都在等候，等約15分鐘終於可以入座點菜紙有分單點或生煎皇特惠晚餐，我當然選抵食套餐好食度：✔️✔️✔️⚑ 生煎皇特惠晚餐2份➰ 堅信號豬扒菜飯 $65（主食1款）份量正常，帶骨豬扒肉質尚算軟嫩不乾硬，但調味較甜，有點古怪，而菜飯相對不錯，菜絲爽脆，白飯軟硬適中➰京蔥牛肉湯麵 $62 （主食1款）雖然眼看只有一小碟，但炒得惹味的京蔥及牛肉送麵一流，份量剛剛好，上海麵略過軟爛，沒有口感➰ 花雕醉雞翼（2隻）< 追加小食 +$10>酒味較淡，雞翼夠凍但不入味，肉質較硬實➰ 麻辣蓮藕片 < 追加小食 +$10>麻辣味十足，薄切蓮藕片夠爽脆，推薦👍🏻➰灌湯小龍包（2個）2份 *售罄改為 生煎包（2個）2份 < 隨餐附送 >招牌生煎包保持一貫水準，細細粒外皮煎得焦香，裡面肉汁十足，品嚐方法一定要跟足指示，否則就會爆汁燙傷嘴😂 ➰酸辣湯 < 轉配優惠 +

元朗呢間生煎包店成日都好多人咁，所以就同朋友黎試下，點知冇想像中咁好食，未必會 encore 再黎。今次黎食下午茶，假日黎人都幾多，都要排一陣隊，上海菜之中最中意食擔擔麵既我唔洗諗即卡揀左四川擔擔麵，唔知係咪好多人，上菜好慢，野飲係差唔多食哂先上，催左幾次先有杯野飲。下午茶份量唔多，食落去麵同湯感覺係完全分開，麵成舊餅咁， d 湯都有 d 淡。見佢出名招牌小籠包，當然就配左小籠包黎食，小籠包的確多汁，皮厚，一咬落去都真係要小心爆汁，肉唔多，又未去到真係好好食。朋友揀既古法扣豬手湯麵，不過不失啦。