點心到 (鴻星大廈)

Open Now

Now Closed

今日收工同個朋友去買波鞋，行咗勁多間都冇佢個size，佢就話不如食咗嘢先再去搵鞋，平時行開，間唔中都見到有人排隊，難得見今日可以直入，所以決定放「口」一試。蝦餃﹕咬下去蝦餃皮煙韌，饀有大大隻蝦，爽口。燒賣﹕味道不錯，有大大隻蝦👍🏻脆皮銀蘿腸粉﹕饀脆，如果再多少少芹菜就更喜歡，未試過放有芹菜的，好香好味😋。順帶一提，D豉油好味全晚最香﹕--籠仔金銀蒜海蝦飯，夠蒜好味，蝦又新鮮彈牙，我就係聞到隔離枱飯香先叫來試試。最有驚喜﹕沙薑汁燴鮮淮山一上台就聞到陣陣沙薑味，味道咸淡適中楊枝甘露﹕發揮正常。原本想試炭燒山楂鴨絲包，遲咗一步落單就售罄，下次可以試。👍🏻👍🏻👍🏻

而家要飲茶吾一定要上洒樓，可以去一些專賣點心嘅點心店。由早至晚都有點心供應。今日我就去左油麻地《點心到》，點心價格親民。✨《豉汁蒸鳳爪》$23醬汁比較濃味，落紅椒，有少少辣，啱哂重口味人士。✨️《黑蒜螺片燉肉排湯》$40火喉十足，湯內足料，飲完覺得很缓胃。✨️《榴槤雪媚娘》$35皮簿餡靚 ~ 外面薄薄嘅糕米粉包著大大堆榴槤和少少Cream, 味道超級正，有d甜品店都整5到咁好食。✨️《蝦餃》4粒 $32 整到兵兵波咁圓，粒粒包滿，蝦鮮肉嫩。✨️《燒賣》2粒 $16豬肉上有粒蝦，味道也皆。✨️《韭黃鮮蝦腸》$29腸粉包著全隻蝦肉，腸粉非常滑溜，蝦肉Q彈。✨️《香煎蘿白糕》$19份量都多，有5小件，煎到香口。

餐廳好熱鬧，但好彩平日既晚上我地黎到時間尚早所以唔洗點等位都可以入座! 點心整體既味道都較重口味，雖然即叫即蒸，但等餐既時間唔會好耐，而當中燒賣同蝦餃可以自選要2粒定4粒，夠哂貼心!!! 我地今次叫左豉汁蒸鳳爪❤ 份量十足，好入味蜜汁叉燒包❤ 包較細件，叉燒餡料咸咸甜甜籠仔金銀蒜海蝦飯❤飯較為干身，海蝦爽口，夾埋醬油撈飯，好飽肚蝦餃 (4粒)❤粒粒都漲卜卜，煙UN彈牙燒汁釀茄子❤燒汁惹味，釀茄子都大大件四寶滑雞扎❤食材都好大份，好抵食燒賣 (2粒)❤好爽口，唔會好油膩

今日去到油麻地點心到，試一試一盅兩件。餐廳環境坐得舒服，燈火通明。點心熱辣辣，令人食指大動。四寶滑雞扎大件夾抵食，入面仲有蟹柳。蝦餃（4粒）蝦肉大大粒，皮薄。燒賣（4粒）蝦肉大大粒，肉質爽口彈牙。籠仔鳳爪排骨飯個個入嚟都叫，大份足料。黑松露菜苗餃淡淡松露香，咬下去滿滿菜苗同蝦肉。金沙脆皮銀蘿腸蝦肉大粒，腸粉嫩滑。黑金流沙包流沙綿密，金包幾鬆軟。豉汁蒸鳳爪鳯爪蒸得入味軟熟。沙律明蝦角外衣脆口，蝦肉香甜。濃湯杞子浸時蔬新鮮翠綠上海小籠包多汁，肉餡香甜。沙參玉竹燉土雞湯（盅）濃郁，附有雞香。燒汁釀虎皮椒脆口，少少辣令人上癮想再添一口。

今晚又喺「無飯」夫妻日，所以，大家都唞唞出街食，嚟到油麻地嘅「點心到」，就晌地鐵站斜對面，貪佢位置方便。兩公婆揀點心專門店有個好處，就喺可以試到多啲嘢，唔似其他餐廳就可能喺佢一個晚餐、我一個晚餐。餐廳環境跟大多數點心專門店差唔多，都喺簡簡單單，但感覺都幾骨子，夠晒光猛企理。一來地點有優勢，二來無論本地人，還是遊客，都鍾意一盅兩件，所以，成晚大部分時間都喺九乘滿，一台客走又有一台客入嚟。枱上已放好餐具、洗碗兜、一大壺熱茶，自己招呼自己，茶位收$5位，無加一，比起去酒樓就划算好多。睇見張枱墊，原來晌旺角嘅「點心到 Mix•大排檔」都喺屬同一集團！一張點心紙底面兩版，就羅列晒所有點心款式，大部分會喺見慣見熟嘅款式，但都有啲店家推介嘅特色嘢，數數吓，原來都有成50款之多，睇落定價都算相宜，仲有燉湯、多款港式飲品、汽水。以二維碼落單又得，剔點心紙交俾店員又得，落單後佢哋會即時打張單俾你，咁就包無落錯或落漏。燒汁釀虎皮椒 $26兩件紅、兩件綠，我估都喺專登嘅，而且，裁走頭尾位，明顯喺花咗心思。中間所釀嘅鯪魚肉非常大嚿，但難得煎得啱啱好，表面焦脆，裡面唔會未熟，仲好彈牙，好有魚味。醬皇金錢肚 $28

點心到 (油麻地)油麻地彌敦道484號鴻星大廈地舖食物推介：籠仔金銀蒜海蝦飯 $44，蝦餃(4粒) $32，豉汁蒸鳯爪 $23，鮮竹牛肉球 $23，蜜汁叉燒腸 $27，燒賣(2粒) $16，鮮蝦腐皮卷 $29籠仔金銀蒜海蝦飯：有鮮美的海蝦，加上惹味香濃的金銀蒜，蝦味濃郁，香氣四溢，味道一流！😄😄😄蝦餃燒賣：蝦餃餡料鮮嫩多汁，燒賣口感細嫩味道鮮美，沾點辣椒油味道更佳！👍👍👍豉汁蒸鳯爪：醬汁濃郁滋味的，鳯爪口感軟嫩，蒸得香噴噴，食到唔停得口！😍😍😍鮮竹牛肉球：牛肉鮮美彈牙，既軟且滑，蒸得剛剛熟，點埋喼汁食，好味冇得頂！😋😋😋蜜汁叉燒腸：蜜汁叉燒肉質嫩滑，腸粉軟綿溜，加上甜豉油，啖啖香甜又滋味！❤️❤️❤️鮮蝦腐皮卷：腐皮表面炸至酥脆，內部蝦肉鮮美多汁，口感豐富，值得一試！👏🏻👏🏻👏🏻

而家想飲茶食點心 好少會去酒樓啦🫖好多新式點心店可以選擇 油麻地點心到係其中一間多元化又好食嘅🥢ꕥ 晶瑩鮮蝦餃ꕥ 原隻蝦燒賣各點兩件 多人就可以點四件😌兩款都好大隻飽滿 尤其是蝦餃嘅蝦肉真係滿滿 燒賣皮薄 滿足!ꕥ 沙律明蝦角超好食👍🏻炸到脆卜卜 入面都係滿滿蝦肉 口感豐富 點埋沙律醬仲正ꕥ 五香鹹水角熱辣辣上枱 入口唔會好油膩 豬肉饀調味啱啱好 夠醎香🐷ꕥ 上海小籠包皮都算薄 入面有好多湯汁 所以食時小心辣口🥟$22一籠都幾抵ꕥ 金沙脆皮銀籮腸其實係類似腸粉皮包住蝦春卷 不過比平時嘅春卷皮薄好多🍤食落去更脆口 ꕥ 籠仔金銀蒜香海蝦蒸飯職員會問咗要唔要豉油先再落 幾細心🫙平時多數食蒸雞飯 第一次食呢個 都好惹味 如果本身鐘意食蒜嘅真係必點 蝦因為已開邊 食落都好方便

點心到茶位每位$10 無加一係每次選擇佢既一大亮點，去完歐洲就係掛住中式食物。懷舊鵪鶉蛋燒賣 $28 而家唔多地方有依啲懷舊嘅鵪鶉蛋燒賣。因為好鍾意食鵪鶉蛋，次次見到都會想叫！今次就同樣鍾意食鵪鶉蛋嘅朋友一齊食😬 鵪鶉蛋蛋黃蒸到好軟綿綿，燒賣嘅肉係少許彈口😘蝦餃 $12兩個嚟飲茶係蝦餃燒賣有得兩粒咁叫，對2人同行好友好。蝦餃就係大蝦肉，都算係皮薄爽口靚餡！黑松露菜苗餃 $28因為佢有少少香菜，所以香口過蝦餃😘 

燒汁釀虎皮椒 $26 虎皮椒切小件但好辣啊，小心🤣 鯪魚肉好飽滿，又辣又煎香好惹味！

豉椒蒸排骨 $25 排骨份量好多，好抵食！底下仲有一層芋頭，豬肉淡淡都係肉，而且軟腍腍唔會話好難咬開！不錯不錯！

卡通流心芋蓉包 $24 第一次食芋蓉包，你想像中冇咁甜，而且都幾軟綿！不過就冇黑流沙包咁流沙，可能始終芋頭比較密。
懷舊混醬腸粉 $25好好食！布拉腸粉必呀呀！多芝麻醬同甜醬配腸粉好Q口好飽滿，好飽肚！濃湯杞子浸時蔬 $22 匙羹造型 - 今期係菜芯，嫩既唔會老硬。

點心到主打新鮮出爐點心燉湯，茶芥每位$5同免加一，以較實惠既價錢食到酒樓級既點心質素，甚至有些創新點心提供。四寶滑雞扎有芋頭、魚肚和腐竹等，保持到懷舊既味道，經典點心之選。蝦餃鮮蝦肉十分飽滿，皮薄餡靚，拍得住酒樓既水準。燒賣豬肉饀料鮮味十足，蝦肉令整體味道更有層次感。籠仔鳳爪排骨飯份量相當多，我諗三至四人分享都足夠，米飯選用泰國金象米，飯粒乾身，粒粒分明，拌埋甜豉油和排骨可謂一絕。黑松露菜苗餃菜苗份量有誠意，睇落相當飽滿，黑松露和菜苗配搭意外有水準。金沙脆皮銀蘿腸口感十分豐富，外皮香脆似炸両，內裏有軟淋既蘿蔔，黑金流沙包黑色配合金包線條令外觀高級左，一咬開就流出熱滾滾既奶皇流心，奶香濃郁。豉汁蒸鳳爪鳳爪蒸得十分熟透，可輕易將鳳爪肉和骨頭分開，醬汁十分入味。沙律明蝦角香脆既外皮內有混入沙律醬既蝦肉，配搭蛋黃醬食用特別滋味。上海小籠包皮薄餡靚，內有湯汁，肉汁香濃。燒汁釀虎皮椒與一般用綠色椒不同，少見以紅椒釀入鯪魚肉，食落椒爽魚香。濃湯杞子浸時蔬菜心軟熟爽口，帶有淡淡濃湯既味道。沙參玉竹燉士雞湯足料燉湯，養肺清熱解毒，味道甘甜。

蝦餃 $16勁大粒，蝦肉爽口鮮甜又夠彈牙👍燒賣 $16一咬落去就已經爆汁，夠曬Juicy，而且仲有大大隻蝦仁響表面😋香煎蘿白糕 $22煎到兩邊金黃色，仲要厚切，配埋特製辣椒醬一齊食，真係好好食🤤鮮竹牛肉球 $23大大粒嘅牛肉球，口感嫩滑，當然要加埋喼汁食先至正😌豉椒蒸排骨 $25份量堅多，肉質鮮嫩，肥瘦均勻，又夠入味😉蜜汁叉燒腸 $27即製腸粉的確好滑溜，餡料豐富，叉燒煙韌多汁，加上甜豉油更提升腸粉嘅味道🤗黑松露菜苗餃 $28黑松露香味突出，配搭蝦肉同菜苗，用料講究又夠惹味😝籠仔香辣排骨飯 $37表面嘅排骨都幾多，米飯充滿住荷葉獨有嘅香氣，係有少少辣，但辣得過癮😋

便靚正點心，無論咩時段都有得食，就要來我最鍾意既點心專門店———點心到🥧呢度專門食點心，晚餐時間都係，所以鍾意飲茶既想夜晚飲飲茶，點心到絕對滿足到你😌點左好多點心，全部味道好👅出品佳，開心share 🤗1. 香茜牛肉腸 $27 腸粉皮超計滑2. 燒汁釀虎皮椒 $26 呢個煎得好香3. 欖仁榴槤酥 $30 好香榴槤味4. 鮑螺片滑雞粥 $28 碗粥都大大碗好足料5. 鮮竹牛肉球 $23 大大粒彈牙牛肉球6. 醬皇金錢肚 $28 呢個口感彈牙爽口7. 豐料糯米雞 $32 第一次食👍🏻超級多料足料8. 鮑汁鳳爪 $30 味道佳，我鍾意食，補充骨膠原另外茶位$5 位唔算貴，食咁多點心又可以嘆成晚，真係點心飲茶好去處🥰

最近,一星期大約有2天會出街食晚餐多左#夜繽紛 咁係旺角一帶發現有唔少餐廳其實都要排隊,無想像中咁少人幫朋友買野,約係附近交收順便吃飯3個人簡單食少少野搵個地方坐一下今次去左呢間叫點心到,幾個月前都食過,朋友都想試就去左,3人坐卡位,唔算好迫點心如下蝦餃牛肚牛肉球 ,皮蛋肉絲粥,叉燒腸,另收茶費埋單每人60左右,不貴,上菜又夠快先評雞飯,虫草花雞,雞肉嫩,飯帶荷香!腸粉,叉燒餡夠多,皮身夠彈,晶瑩剔透唔厚粉,出色蝦餃皇,蝦肉爽甜夠大隻牛肉球,夠彈牙牛肚,切得大件,濃香夠入味點心飲茶,呢度唔錯,人多可以試多幾款,個粥都夠棉滑,係料唔多#點心到 #香港美食 #旺角美食 #港式飲茶 #香港飲茶 #香港好去處 #夜繽紛 #多拉A夢 

媽咪好中意食呢間點心專門店啲籠仔飯。我都中意，因為性價比極高而且唔收加一，茶位都只係$5一位，點心即點即蒸有質素。👉🏻籠仔鳳爪排骨飯每次都叫一籠兩個人分享。排骨同鳳爪份量都好多，夠晒送飯，啲飯係金鳳米有咬口。而且佢只係$37，抵到爛。👉🏻五香鹹水角新鮮炸起真係熱辣辣出晒煙，甜甜地煙靭糯米外皮包住香菇肉碎，外脆內軟好好食。👉🏻蜆蚧綾魚球👉🏻豉汁蒸鳳爪👉🏻醬皇金錢肚👉🏻薑蔥牛柏葉👉🏻韭黃鮮蝦腸

食極吾厭嘅懷舊點心，店內裝飾完全吾老土，點心又好有水準，所以今次再去幫襯油麻地美食📍點心到📍叫左金針雲耳蒸雞飯，雞肉彈牙入味，金針雲耳夠香，自家製豉油味香甜好味😋黑金流沙包，蛋黃味好重，包軟身，包住足料金黃流沙，好正👍🏻牛肉球大大粒又夠淋，真材實料。蝦餃皮薄蝦爽，熱辣辣出品好好食；鵪鶉蛋燒賣嘅鮮肉餡好滑，配上鵪鶉蛋好夾🥰蝦腸係即拉腸粉，包上韭黃和大大隻鮮蝦，最重要嘅係腸粉好滑溜！而釀虎皮椒煎得啱啱好 ，醬汁濃滑，吾太辣，值得試下！呢度坐得舒服又濶落，茗茶及點心質素都吾錯，經過會再嚟食✨

🔸原隻鮮蝦餃 4粒 / $34蝦餃大大粒，饀肉都豐滿，有飽滿嘅鮮蝦仁，咬落爽口美味😚所以食粵式點心一定要食蝦餃。 味道：8/10性價比：7/10🔸 香煎蘿蔔糕   $ 22煎糕有5件，食落蘿蔔多粉少，食到有好香嘅臘肉味，糕點煎得件件金黃香口，火喉剛好。味道：7/10性價比：7/10🔸 薑蔥牛柏葉   $ 28一盅滿滿嘅蒸牛柏葉，柏葉整得好乾淨， 份量充足， 底下墊咗啲蘿蔔，好食到連湯都飲埋。味道：7/10性價比：7/10🔸 醬黃金錢肚   $28金錢肚嘅脹味就真係幾足 係甜味嘅 有啲嚼口。味道：7/10性價比：7/10🔸 豉椒蒸排骨  $25放咗好多肉排，冇肉曬腥味，豆豉味濃重鹹鹹地，底下放香芋伴碟。味道：7/10性價比：7/10🔸 豉汁蒸鳳爪  $23鳳爪嘅豉汁就唔係多，但醬味夠濃，鳳爪好軟爛香甜。味道：7/10性價比：7/10▪️