Coti the Bistro (五芳街)

Open Now

Now Closed

烤美國西冷10安士配燒汁加薯條 $198油脂適中而且分布均勻，軟嫩中帶有嚼勁，帶有油脂香，配燒汁好惹味，即炸薯條都好脆口。明太子三文魚籽貓耳朵粉 $108 質感彈牙，明太子醬都好濃，帶有明太子本身嘅微辣，仲有香煎帶子，十分嫩滑。炸魚手指薯條 $68係即叫即炸嘅小食，香脆可口，份量都多。嘢飲方面，蕎麥茶（無咖啡因）$30同茉莉茶$30，而家天氣凍凍地咁，飲番杯茶味咁香濃嘅熱飲，即刻成個人舒服晒，最緊要環境坐得又舒服。

好耐都冇嚟過五芳街工廠區食飯，又黎揾下哩間靚靚咖啡店先♥️♥️鰻魚蛋包飯，鰻魚蒲上整個蛋包飯，鰻魚汁調味剛剛好，我個人覺得配上蛋包飯係最好食嘅食法😻😻香煎豬扒扒配薯條，大大塊豬扒煎到外皮脆卜卜，食落去仲好有水份，熱辣辣出煙，好喜歡這暖度呢♥️炸魚手指薯條🍟香炸魚手指外層香脆，內裡嫩滑！食用時配以茄汁🥫係最好的食法喔♥️嗌左抹茶鮮奶同埋檸檬🍋梳打美式咖啡，今餐晚餐太滿足了♥️♥️

⭐️烤美國西冷10安士配燒汁配薯條牛扒熟度嗌咗medium，肉質嫩滑，肉汁滿溢。搭配嘅燒汁更加提升咗味道，真係好有層次感。薯條酥脆，夾埋一齊食，真係無得輸！⭐️明太子三文魚籽猫耳朵粉猫耳朵粉好有特色，耳朵粉食落 Q彈。明太子嘅鮮味加上三文魚籽嘅鹹香，味道好豐富⭐️酥炸單骨雞翼（5隻）呢啲雞翼外面炸到金黃，咬落去好脆，肉質又嫩。味道好惹味，啖啖都好享受，完全係聚會必點嘅小食。⭐️鮮忌廉朱古力（熱）濃郁嘅朱古力可可，搭配香滑嘅忌廉，飲落去簡直係一種享受。寒冷天氣飲呢杯，心情都會好好！⭐️提拉米蘇咖啡呢杯提拉米蘇咖啡層次分明，咖啡香味與奶酪嘅柔滑完美融合，飲落去唔膩。總括來講，成體餐廳嘅食物都幾有水準，上菜速度快，夠熱辣辣。無論主菜定甜品，都能夠感受到廚師嘅用心！

餐廳所在的工廠大廈在五芳街，但其實餐廳入口在彩虹道。近地鐵站的。烤美國西冷10安士配薯條薯條勁好食，新鮮做起，外脆內軟，完全停唔到口。牛扒我喜歡點鹽同黑胡椒食，不喜歡汁，但朋友喜歡，所以叫佢汁另上。鰻魚蛋包飯係原條饅魚，加埋滑蛋，很豐富，女仔一個人好難食得曬。雞扒藜麥沙律，係有原件雞扒，煎得很香，沙律是芝麻醬沙律。我飲了一個有汽檸檬咖啡，有一shoot 特濃咖啡，另外配有一杯檸檬梳打水。好refreshing。朋友的iced cappuccino 餐廳定價不貴，食物擺盆精緻，而且份量大，味道唔錯，性價比高。

#一間工廈餐廳如果係附近翻工既朋友可以試下不過門口有點難揾🤣介紹下今次食左咩先🔸烤美國西冷10安士配 ＋配薯條如果怕生又怕韌既朋友就吾係好適合嗌西冷牛因為我地嗌左7成熟都比較多血水同韌🥹不過薯條就吾錯既 夠哂脆🔸明太子三文魚籽猫耳朵粉食左甘多樣呢個比較出色啲🤓好少地方有貓耳朵粉嗌呢個配搭吾錯好creamy 多汁 like 🤙🏻🔸酥炸單骨雞翼 賣相不錯都有脆脆既感覺🔸抹茶鮮奶抹茶味一般但奶味會重少少吾算好甜。🔸棉花糖朱古力如果鐘意甜既朋友真係好岩飲朱古力奶加左棉花糖又濃又甜，賣相都幾靚不過飲完會飽左😂話說提下大家呢間餐廳夜晚8點都仲可以book 但8點半就準時關門我地甘岩book左8點 嗌得食物黎都得翻10分鐘食未食哂都冇得打包走🥹如果吾想甘趕既就要早少少去了#COTI #COTITHEBISTRO #西式 #咖啡店 #九龍灣 #新蒲崗#

✨新蒲崗COTI the Bistro門口細細，但內裏好有驚喜，裏面有幾個打卡位，lunch menu價錢合理。***** ***** ***** ***** ***** 烤美國豬鞍芥末汁配薯條🐽🍟上檯份量好大，豬鞍入口軟腍腍，同芥末汁好配，薯條外脆內軟，超級好味。雞扒蛋包飯🐔蛋包飯有沙律作伴碟，賣相好靚，雞扒有兩大塊，入口都軟腍腍。雞扒藜麥沙律🥗中央有溫泉蛋的藜麥沙律，沙律菜夠新鮮，沙律汁有芝麻味帶微微酸，使人相當開胃，我們一口接一口食唔停。咖啡屬於超級享受級別，上枱非常驚喜，賣相高貴。天然蜂巢咖啡☕️蜂蜜、奶泡同咖啡分開上，由自己調校味道，好玩、滑溜又好味。有氣檸檬咖啡🥃同上，檸檬梳打同咖啡分開上，由自己調教味道，入口清新。總括來說，這餐廳CP值很高，價錢非常合理，食物有驚喜，咖啡更甚，必定會再來訪。

美國西冷10安士配燒汁配薯條肉質鮮嫩，燒汁味道濃郁，配上香脆薯條😆🫶🏻真係一個好嘅搭配！肉汁流出來，啖啖都好滿足🩷煙三文魚藜麥 煙三文魚味道香濃，搭配健康嘅藜麥，口感清新😍辣蕃茄蟹肉意粉 呢道意粉味道好豐富，辣味適中，蟹肉新鮮，食落去有海鮮嘅鮮甜味😍意粉嘅口感又滑，真係唔錯😊抹茶鮮奶 呢杯飲品清新又爽口，抹茶味道唔會太濃，配合鮮奶嘅香滑😎👍🏻係一個好嘅消暑飲品！棉花糖朱古力 呢個甜品真係好吸引，朱古力味道濃郁，加上棉花糖，口感好有趣，食完心情都好好！🤩🔥整體來講，呢幾道菜都好有水準，味道各有特色，值得一試！👏🏻

近排經常去新蒲崗覓食，見到工業區呢間餐廳裝潢典雅，氣氛輕鬆，評分都好高，所以就入黎試下。 煙三文魚藜麥沙律估唔到禁大碟，份量十足，沙律清新可口，煙三文魚風味與藜麥香氣相得益彰，搭配新鮮蔬菜，同芝麻醬汁，整體口感豐富開胃美式西冷牛排（10安士）配燒汁西冷牛排叫左5成熟，牛排熟度恰到好處，內裡保持著嫩滑多汁。燒汁風味濃郁，完美提升牛肉既鮮味，並且不會掩蓋肉本身風味。配菜方面仲配上大量香口薯條同沙律菜，好豐富。 明太子三文魚子帶子貓耳朵粉有2粒半生熟帶子，食落鮮甜，明太子同三文魚子鹹香相互交融，食落驚喜。貓耳朵粉口感煙un,非常掛汁，夠哂creamy, 明太子迷必試。

餐廳位於新蒲崗工業大廈地面，神秘的入口塗上藍色油漆。內部地方挺大，能放置很多餐桌，能夠容納多人聚餐，感覺是很香港的西式咖啡店feel。Main烤美國西冷10安士配燒汁 $198沒有多筋，肉質易入口咀嚼。配有沙律菜和薯條，兩人吃份量適合。Pasta & Rice明太子三文魚籽貓耳朵粉 $108有兩粒香煎帶子，咸咸的三文魚籽配煙韌貓耳朵粉剛好。Snack & Salad酥炸單骨雞翼 $78有5隻，炸得酥脆酥脆，單骨果然係食得方便啲。鮮忌廉朱古力 $42凍飲和熱飲都是有一大陀鮮忌廉，奶味很濃郁。

前幾日去新蒲崗啲工廠大廈拎野，就順手喺附近食埋飯，見到呢間望落靚靚仔仔就試下佢。烤美國豬鞍配芥末汁($168)豬鞍肉質幾嫩，唔會好un，烤都保留到裏面嘅肉汁，而且就算唔加醬汁都唔錯，薯條都炸得酥脆。鰻魚蛋包飯($125)我鍾意佢個蛋好滑，鰻魚一望就覺得佢靚仔，而且飯係日式粒粒分明嗰種。 一啖食晒三樣野，口感同味道都好有層次。酥炸單骨雞翼($78)單骨雞翼真係好貼心！唔需要食到要lur骨好麻煩。menu話酥炸係無錯的，外皮的確係炸到卜卜脆，但入面依然有好多肉汁。提拉米蘇咖啡($48)我本身麻麻地咖啡，因為唔鍾意苦，呢杯上層係tiramisu，下面係咖啡，單飲咖啡就真係唔係好杯茶，但上面tiramisu就無得頂，兩者撈埋令到質地更加順滑，亦都中和左咖啡嘅苦澀。棉花糖朱古力($42)呢杯一睇就係甜！都的確佢達到我對佢嘅期望，朱古力裏面帶有淡淡嘅棉花糖味道。= Coti the Bistro // 新蒲崗五芳街31-33號永顯工廠大廈地下C號舖 // 35759983 =

今日晚餐時段打完波，行經新蒲崗看見一個小小且不顯眼的門口， 竟然是一間西式餐廳，和朋友走入去坐低， 叫左一個小食和兩個餐。小食：酥炸單骨雞翼，熱辣辣新鮮炸起非要酥脆，單骨十分方便進食$78主食：烤美國西冷10安士配薯條$198，薯條厚切，好香脆，牛扒叫左7成熟，下次可試吓5成熟，相信更好味。主食：辣蕃茄蟹肉意粉$108， 蕃茄仔多，茄醬煮得夠濃，十分開胃， 撈埋蟹肉同辣椒粉，讓人食到不能停手。兩杯抺茶latte：一凍一熱,本人還是較喜歡熱飲。

門面裝修緊（？） 同以前唔同左樣，一開始以為係第2間餐廳。餐廳好闊落，晚市時間人流唔多西冷配燒汁牛扒薄身，不過唔會煎到乾身，保留到肉汁，食落似7成熟左右明太子三文魚籽貓耳朵睇番原本無帶子～ 咁諗番算有驚喜！ 食得出放左好多明太子🤣 整體正常發揮，唔算好有驚艷雞扒藜麥沙律雞扒原塊上～好正😆 沙律醬略為多左少少，如果分開醬汁比客人自己加可以會好少少棉花糖朱古力增肥之選😂🤣🤣🤣 朱古力味濃，唔似出面既少少粉溝勁多水整體不過不失，可以一試😉 見到餐廳佈置，應該可以比人包場慶生的～

好耐冇約朋友出街，趁近排開始得閒，所以即刻同朋友一齊見見面。朋友喺鑽石山返工，揀咗佢成日去既餐廳食。我地點咗烤美國西冷10安士配燒汁、鰻魚蛋包飯、酥炸單骨雞翼，另外飲抹茶鮮奶同鮮忌廉朱古力。自己最鍾意食雞翼，炸野即炸即食最好味，雞翼上枱既時候熱辣辣，影完相都仲好香。雖然係單骨雞翼，但外脆內juicy，再加埋胡椒落去，食落更惹味。鰻魚蛋包飯份量豐富，鰻魚大大條而且肉質柔軟，風味十足，好啱送飯。美國西冷肉味香濃，肉質同脂肪比例均勻，配上香脆金黃既薯條，兩個人share啱啱好。抹茶鮮奶唔會太苦，而忌廉朱古力飲落順滑，兩者都唔錯。

新蒲崗工廈西餐Coti the Bistro 🍴餐廳係工廈的地下，唔想食茶餐廳，呢到都係一個好選擇！主食要左豬鞍，都幾大塊，肉質都幾嫩唔會好乾柴，面頭搭配特製的芥末汁，幾惹味！旁邊仲有沙律、粗薯條🍟 明太子三文魚籽貓耳朵粉質感Q彈，明太子醬都幾creamy，帶有明太子本身的微辣😋仲有香煎帶子，十分嫩滑。小食要左好香口的洋蔥圈🧅呢到飲品都有好多選擇，咖啡都好多款☕️我就要咗有氣檸檬咖啡，咖啡同清新嘅檸檬好match！朋友就要咗棉花糖泡泡咖啡，味道香甜，想試新口味嘅朋友可以試下😎🔸烤美國豬鞍芥末汁配薯條🔸明太子三文魚籽貓耳朵粉🔸洋蔥圈配他他汁🔸有汽檸檬咖啡🔸棉花糖泡泡咖啡📍#CotitheBistro (#新蒲崗美食)#新蒲崗 五芳街31-33號永顯工廠大廈地下C號舖

服務態度極之差，要求幾次攞清水服務員用點頭方法叫你去自己斟，差差差，已經第二次幫襯，感覺非常差，既然食物/環境都還可以，就以此條件能在今市道低迷下，仍能有生存空間是值得表揚，奈何敗在服務素質，甚為老闆不值，希望此評論可喚起正視迴響