Coti (京瑞廣場2期)

Open Now

Now Closed

超愛吃all day breakfast 既我成日都周圍搵邊到有得食！我又成日去石門，都唔覺有，點知原來真係有，終於比我搵到，只係平時我發現唔到！真係一定要同大家分享！因為佢既舖面似cafe shop,一直以為佢只係得咖啡賣，原來喺呢度係有嘢食㗎！all day breakfast-好特別！佢有成條哈密瓜！成個午餐都變得好健康！佢嘅麵包都好出色，加埋牛油好夠味， 同埋好有誠意佢有焗過㗎！沙律菜都好新鮮，成個餐好豐富，因為佢有買雞扒，我相信男仔都會夠飽！番茄醬蝦肉意粉-番茄醬好足夠， 加上蝦肉都有唔少！整體好唔錯， 坐得都好舒服！但係成間舖頭位置唔多，可能要等位！

跟男友齊齊放假，上次行過石門發覺都幾多野食，今次就比我地發現咗呢間商場內的小cafe。cafe是自助形式，食物要自己拎，食完也要自己放返係櫃面。All Day Breakfast呢樣野間間舖都會有少少唔同，而coti就屬於清新系，除咗唔少得的沙律菜外，仲有擺得靚靚既蜜瓜，香甜多汁；炒蛋份量多，上層留有豐富蛋汁，下層成形但仲係滑蛋；板燒雞扒外脆內嫩，簡單調味已經好好味；食完成份餐後，飽之餘卻不膩。價錢只係$74.-仲好相宜添烤慢煮豬肋排飯-外表望落無乜汁，但豬肋排原來勁Juicy!! 甜甜酸酸的BBQ醬烤豬肋排十分開胃，醃到連骨都入哂味，忍唔住啜多兩啖條骨，而且容易咬開❤完全唔覺得靭!!綿花糖朱古力-朱古力泡上浮著細細粒既綿花糖，賣相一流。可能我無乜點搞溶d 綿花糖，飲落唔會好甜，啱哂我。天然蜂巢咖啡-一杯奶，一杯齋啡用量杯裝著，另有一小片蜂巢代替砂糖加入咖啡內。又健康，又可以打卡。

石門站都幾多嘢食，京瑞廣場好多值得一試嘅餐廳，呢間性價比好高，lunch set最貴都係88，已經包埋嘢飲☺️環境舒服，不過唔係好大間，去到已經得番bar枱坐。忌廉汁煙三文魚意粉卡邦尼嘅汁，不過唔係配煙肉，而係煙三文魚😊賣相好靚，唔舍得整散塊三文魚，汁都幾濃，撈埋啲三文魚，味道啱啱好，幾好味😋烤慢煮豬肋排沙律沙律酸酸地好開胃，仲有藜麥，好健康👍🏻豬肋排煮得好冧好入味，比之前食過另一間好味，份量都唔細，可以切5條，唔錯。Tiramisu coffee最正係呢杯咖啡，係其他分店飲過幾次都未厭🤣不過套餐要加錢轉，但係比起原價飲都係抵嘅。上面一層朱古力粉，中間係好滑好厚嘅cream，下面係咖啡，大大啖飲就可以飲到三種口感，好正😍mocha呢杯咖啡就唔洗加錢，朋友話ok呀，有朱古力味又唔會太甜。如果平時hea吓食啲嘢，呢間真心抵嘅，不過地方唔大，人多就唔好意思坐咁耐🤣之後食得太飽去咗城門河散步，咁又半日啦😌

🍽✨COTI忌廉汁煙三文魚意粉全日早餐舊公司以前也是都會過下嚟training嘅, 有咗地鐵之後真係好方便呢個商場裏面都好多嘢玩好多嘢食勝在夠平夠親民貼地有間水ok嘅西餐廳, 商場裏面約咗同事食lunch 嚟到呢間咖啡店 裝修簡約咖啡好有水準 我點咗個蜂蜜咖啡 係有真嘅蜂蜜蜂巢嘅 甜甜地好健康 我朋友點咗個棉花糖熱朱古力上面有溶化咗嘅棉花糖好煙韌奶泡好厚 嘢食都好有驚喜判埋咖啡一樓呢度個全日早餐 都好唔錯有新鮮蜜瓜 雞扒同埋 沙律菜 另外仲點咗一個 忌廉汁煙三文魚意粉三文魚份量多 味道都ok 食完嘢可以行埋附近商場又近 車站好方便 如果週末有時間我會嚟飲咖啡坐一個下午. #COTI #COFFEETIME #西式餐廳 #沙田 #觀塘 #咖啡 #必食之選💥餐廳資料餐廳：Coti地址：沙田石門安群街1號京瑞廣場2期2樓228A號舖Openrice：https://bit.ly/2T4vZ7E

石門其實有好多小店餐廳💓而且質素都唔錯!!我地有時候都會去石門逛逛，吃個Lunch🍽今次試了這間Coti有超多款飲品選擇！餐廳也有少量熟食、輕食、甜品提供不論午餐、hightea、晚飯都很適合呢🍽 蒲燒鰻魚飯鰻魚外層燒得焦脆，但保持魚肉嫩滑而且無骨，鰻魚汁的甜度剛好🍽卡邦尼意粉醬汁偏傑身蛋黃味重，意粉不會過淋口感極佳，煙肉加上意粉味道很match 🌹玫瑰花茶有淡淡的玫瑰花香氣，很解膩！玫瑰更可令人放鬆心情☕️Mocha：香濃的咖啡味，配上可可的甜味，這杯Mocha比例完美，令人一試難忘

終於飲到 Coti 的 Tiramisu Coffee 提拉米蘇咖啡，賣相超靚，一定要打卡。咖啡上面有Lady Finger, Mascarpone Cheese, Tiramisu, 最下面個層係Espresso，層次分明形成不同口感享受。🥰小朋友至愛棉花糖朱古力，佢話好好味！😋小朋友由細到大都好鍾意食 All Day Breakfast, 而呢度的亦值得強烈推介，因為真係賣相一流，食材豐富美味，價錢又ok。👍 裡面包括茄汁焗豆、腸仔、沙律、麵包+牛油、雞扒、煙三文魚、炒蛋、哈密瓜，真係超級豐富。另外再order了烤慢煮豬肋排飯，啖啖肉，肉質夠哂軟腍腍，非常yummy!呢間 Coti 係開放式，裝修簡約清新。

.石門❣️悠閑的cafe放假就會想搵個cafe靜下食下休息下😌 知道石門愈開愈多餐廳同埋都有好多高質cafe！今次就試下COTI先😚Lunch Set Menu🔸 蒲燒鰻魚飯 Grilled Eel with Rice $88係有蛋包飯感覺既鰻魚飯，蛋仲係半生熟🤤燒香既鰻魚加埋最緊要既鰻魚汁，食到停唔到口👍🏻🔸 全日早餐 All Day Breakfast $74炒蛋、茄汁豆、沙律、煙三文魚、烤雞扒、牛油多士、蜜瓜！無錯，係蜜瓜😽仲要切到好靚！不得不提係個炒蛋係仲有蛋汁嫁，my favorite 😍Lunch menu 可以加$24叫佢地既Signature Coffee，見到有Tiramisu Coffee😍🔸 提拉米蘇 Tiramisu Coffee +$24成個presentation真係同一杯Tiramisu 無分別！面頭係好rich既cream，個底係expresso👍🏻 我會因為哩杯咖啡而想去再幫襯🥳🔸 紅豆鮮奶 Red Beans Latte $42係紅豆冰既進化版😌用左牛奶成件事rich左仲要無咁甜👍🏻 紅豆又圓又大粒！正🤤餐廳係半開放式坐位，坐位唔多，大家想試就要比心機

放假同屋企人去石門按摩，嗰度都開咗好多按摩店，按完之後再同佢地食嘢，去咗一間Cafe店，座位唔係好多，好彩我哋去嗰陣都有位我哋叫咗鰻魚滑蛋飯同埋all day breakfast ,另外叫咗兩杯咖啡- 焦糖布焦咖啡☕️同Tiramisu coffee 滑蛋鰻魚飯份量都好大，鰻魚都算係大條，令我最驚喜嘅係鰻魚食落去冇骨，感覺都唔錯，因為小編最怕食鰻魚食到有骨，但呢個鰻魚飯係冇呢個感覺，而且佢個滑蛋都炒得好滑，兩個Max埋，好好食，而且價錢都好實惠，CP值都算高😜✌🏻另外，all day breakfast 有哈密瓜🍈配埋，令成果早餐都好豐富，個雞扒同炒蛋都好滑，仲有個煙三文魚配多士，正！食完之後已經好飽啦🤭最後飲埋杯咖啡，焦糖布焦咖啡有少少布丁味，但唔會大甜☕️另外一杯Tiramisu coffee ，依杯係Signature coffee ,底層係咖啡上面就真係有Tiramisu，呢個組合Max埋之後都真係好不錯，有少少似溶咗嘅雪糕係杯咖啡嗰度😂😂😂，味道都不錯P.S:溫馨小提示：cafe 座位唔係好多，我哋食緊嗰陣都有其他人等緊

Lunch時間排長龍，收銀水吧廚房樓面加埋得2個人，員工做到黑晒面。問乜都無，自助形式你見到有就有，無就無。包括要張餐紙都唔洗旨意有。其實我唔會怪個員工，係唔明白現場都有6-7檯，lunch時間爆晒場都可以咁少人開工。仲有入座安排勁混亂，小朋友爭凳仔咁鬥快坐低，有位先好買嘢食嘢食普普通通但等勁耐，lunch時間僅有嘅一個鐘就浪費晒。座位極開陽，係商場中間，疫情期間除罩伐飯周圍啲人係咁行過，自求多福。咖啡種類係幾多，但咖啡味唔夠。一句講晒，嘥氣！

今日嚟石門換身份証，又搜羅下附近嘅餐廳...一上扶手電梯見到呢間Cafe, 一於試下。餐廳以開放式設計，衛生程度相當高。「All Day Breakfast 」最愛全日早餐，樣樣都有d...特別係呢度嘅炒蛋好好味，夠Juicy...配埋煙三文魚．Salad．香腸．雞扒，出乎意料...連好簡單嘅牛油多士都好好味。「蕃茄醬蝦肉意粉」原隻蝦肉爽口大大隻，即叫即製熱辣辣，每條意粉都充滿蕃茄醬汁。「Tiramisu Coffee」唔係每間Cafe都有呢款飲品，真係覺得在食緊Tiramisu一樣，好正呀「棉花糖朱古力」香濃朱古力+軟綿綿嘅棉花糖，係絕配嘅組合，暖笠笠...性價比好高，下次一定再嚟🤗

今日去開沙田石門辦証件，辦完証件都差唔多下午兩點，見今日放假有d時間，又未行過石門，就順便行吓兼睇吓有乜食店好食吃返餐先在商場內經過間食店聞到好香咖啡味俾佢吸引左埋去，睇餐牌見d食物都幾吸引，就即管坐低試吓好唔好食先，叫左兩個飯和兩杯飲品蒲燒鰻魚玉子燒飯：賣相一流，有唔同新鮮蔬菜伴碟，玉子燒入囗軟綿綿，鰻魚肥美甘香烤慢煮豬肋排飯：大大件豬肋排，咬落去軟腍腍，味道美味抹茶鮮奶：好香濃嘅抹茶味，加埋鮮奶入囗好香好滑，賣相和拉花好靚有汽檸檬咖啡：檸茶、檸水和檸樂都試過，檸啡真係未試過，係好有特式嘅咖啡，將咖啡撞入有汽檸檬汁，原來出來效果好正聞到好香咖啡味，入囗首先感覺到檸檬嘅清新和酸味，之後感覺到咖啡嘅香濃苦澀味，但兩樣夾埋一齊，個味道又好特別唔難飲估唔到又發現到一間味美嘅食店，佢哋嘅咖啡尤其出色

全日早餐🍳$74呢個all day嘅特別之處就係有蜜瓜🤣🤣切到超靚🤣超鍾意佢個蛋好滑身又炒得夠厚😀個麵包係唔係平時多士😇應該係特別發酵麵包啲friend🤣所以係偏硬身得來有口感😇沙律菜加左醋所以好Fresh😀只有70幾蚊有七樣嘢其實性價比算高莆燒鰻魚飯🐟$88其實佢都差唔多係原條鰻魚🤣因為佢切咗一半睇落去好似好短咁🤣🤣🤣鍾意食佢個珍珠米軟硬適中粒粒分明🍚同個鰻魚汁超級夾🤤估唔到個飯有d 沙律菜同埋蘿蔔😇中和返個飯既肥膩感Latte +$24拉花拉得好靚呀🤣係我最鍾意嘅心心☺️整體來講奶味道重😇咖啡底都唔算苦😊應該係算偏酸嘅感覺😃所以整體來講飲落去都好滑☺️好開心Tiramisu coffee +$28呢個咖啡真係超特別😊表面係係Tiramisu嘅cream☺️仲有個餅乾😝而個底呢應該係expresso嚟嘅😊本身係個底偏苦😊雖然都苦到回甘🤣🤣🤣同個cream一齊飲就中和返個苦澀味😉所以有兩個層次嘅口感-🚽(5🌟滿分)🌟🌟🌟🌟唔好睇佢似一個屋村商場😆雖然廁所都要行一段路先到🤣但係都幾多格數😇同埋意想不到地乾淨😌有消毒同時間🧻所以其實以平民商場來講算係幾好

石門愈來愈旺，多左高質餐廳，住附近既人都會入來，今次搵食搵到京瑞二期二樓既Coti, 一間開放式cafe, 有高枱有正常枱，開放式廚房一眼睇哂，估唔到食物打卡情度甚高😍😍真心色香味俱全食物menu 有8款選擇1款追加📌全日早餐🍽目測差唔多枱枱客都有叫全日早餐，確實顏值很高，一條切埋小粒既哈密瓜🍈真心給我surprise,擺盤精緻有心機，連塊包上要片薄牛油🧈都要加多條小香草🌿，真係好靚，食物有多無少，豬扒、炒滑蛋、另茄汁豆、沙律🥗菜、腸仔、煙三文魚，賣相靚真係會令人覺得好味啲架喎⋯⋯📌蒲燒鰻魚飯最欣賞三塊玉子燒，唔算厚，但每塊都燒過，鰻魚好厚肉，好足料，配菜唔少，個飯都好大，一定夠男士食飽午餐包一杯$39以內既飲品，或者可以加$24任叫drink meun 飲品☕️焦糖布甸🍮熱咖啡杯咖啡面既奶泡烘過，好有焦糖布甸🍮風味，杯咖啡好濃厚，賣相當然唔駛講🥛紅豆熱牛奶紅豆蓉在杯底，想甜就撈埋杯奶，想分開兩種味道先飲奶又得，加埋幾塊小玫瑰花，令杯奶味道提升呢間cafe 都幾自助，兩位店員有啲似over cook 裡面既玩家😅煮飯洗碗出菜都係佢地，所以食客們都好自動自覺自己拎返餐具去前台，等佢哋唔駛出

今次嚟到沙田石門嘅COTI估唔到呢間西餐廳，而家好多分店，今次就試吓佢嘅意粉主食。 店舖唔算好大，設計有啲文清風格，坐得都幾舒服，餐牌上有兩款意粉，一紅一白我哋都叫咗試吓。蕃茄醬蝦肉意粉番茄醬有蕃茄肉，味道酸酸甜甜唔錯，蝦肉都算多，都有啲海鮮嘅甜味。意粉煮得幾爽口，整體味道幾好。賣相都OK。卡邦尼意粉我最愛嘅白汁意粉，個汁幾有忌廉嘅香味，配上少少火腿同洋蔥，一個好味嘅意粉。加啲芝士粉味道更好。冰凍桃茶$36 ，都幾大杯，如果桃味重啲會更好。提拉米蘇咖啡幾特別嘅咖啡，本身已經有提拉米蘇嘅甜味，所以唔使落堂，入口幾幼滑唔錯。

第一次搭屯馬綫搵野食😆真的很興奮～呢個地方比較舊 一出站直情有一刻懷疑自己係咪仲係香港🤣估唔到呢個小商場入面 都有間唔錯既cafe😍舖頭大約得四、五張兩人桌 所以都大機會要等位～先落單比錢買野食 然後自助形式拎餐具同斟水🚰有d可惜 竟然all day breakfast 既材料唔齊～唯有試住d飯同意粉先啦😂1️⃣卡邦尼意粉＄72呢個意粉好creamy～💛 d煙肉非常之多！食晒d意粉都仲有煙肉剩🥓2️⃣蒲燒鰻魚飯 $88鰻魚好大舊好肥美🐟夠晒好味～配埋d汁送飯一流！仲有三舊長方形既蛋😆 instagrammable又抵食啊！3️⃣ Rose latte $38本身其實order熱既🤣想幫靚靚拉花影相呀！🌹但係凍既都唔錯～記得要用飲管搞一搞🤪 底部玫瑰花味好香🥰 撈埋一齊口感好好 亦都中和到咖啡既苦味 仲要都幾大杯 好襟飲😍有舊細細舊麵包仔送咖啡好可愛😍4️⃣ Brûlée cappucino $38呢杯係熱飲 面頭有焦糖烤過下😆有三粒咖啡豆係中間當裝飾～甜度適中😋焦糖層脆脆地好有口感👍🏻