甜牙牙煮意

Open Now

Now Closed

本身諗住去對面食糖水，但對面話冇位凈係得大台 ，之後叫我們過來對面分店食 ，我地過左黎叫左個芒果酸奶冰 ，味道非常差 ，還有一個窩夫還好 ，但waiter 態度非常惡劣 ，我地一直三番四次想要杯水 ，第一次waiter 般聽不到 ，第二次話繁忙時段唔比水 ，第三次我地見到隔離台有 ，以為有 ，但佢又話要叫西餐先有 ，但明明佢地啱啱先坐低就比水 依家啲水咁貴咩 ，話繁忙時段啲waiter 凈係掛住吹水 講真都只係要杯水啫 又唔係要D咩， 係對面糖水鋪都會比啦

約好朋友到旺角相聚，選擇了「Cookery Sweet Tooth」食西餐🍽️。又想食正餐又想食甜品，這裡係一個不錯之選👍。進入餐廳內的裝修簡約得嚟花了點心思，用上攝影補光燈，店舖燈光份外柔和感覺好舒服😌。原來這裡有很多優惠，WhatsApp訂座有85折，學生/角色扮演，正價-10元，下次嚟食記得要訂座😍。餐牌上的食物種類有很多款式任君選擇，有扒類(雞、羊、牛和豬)，海鮮（花蛤、蝦和魚)，小食，酥皮餅及主打甜品😍。最後我哋選了比較特別的酥皮餅、意粉、和窩夫😍。～松露腩肉酥皮餅🍕酥皮加上腩肉第一次食，酥皮香脆鬆化，蕃茄剛好減低了腩肉的膩，配合得不錯，還有少許的松露味。雖然我哋兩個都吃晒，但是這個份量可以三人享用😋。~白酒花蛤意粉🍝可以選擇長意粉，圓意粉和扁意粉。我哋點了扁意粉，這個花蛤意粉用蒜蒜和洋蔥炒加香草和白酒，意粉幾入味，花蛤清甜果然如餐牌所說，清、香甜的特色😋。酥皮餅和意粉，我哋加了40蚊轉做套餐，有湯、飲品和甜品。今日是日餐湯係栗米忌廉湯，這個粟米是將粟米與忌廉湯一起攪拌打碎，所以食落有口感，有粟米衣碎，幾特別😋。飲品我哋叫了兩杯花茶不用另外加錢，一杯刺梨檸檬玫瑰花茶，一杯黑枸杞

甜牙牙煮意（旺角）朋友食過話呢間唔錯 睇過下餐牌都幾吸引 今次同朋友一齊黎食個dinner🥳🐓檸檬烤雞（半隻）餐廳選用新鮮三黃雞 食落烤雞雞皮夠香脆 內裡雞肉夠嫩滑 加上檸檬汁酸酸地好開胃 配菜西蘭花同紅蘿蔔都好好食😋🍝腩肉卡邦尼上面灑上芝士碎 意粉彈牙又掛汁 整體都幾好食🐂蒜片安格斯牛立方食落牛味濃郁 同朋友都覺得好好食😆入口軟淋唔會韌，仲有啲炸蒜片夾埋一齊食更惹味🍬榴槤鬆餅同朋友都好中意食榴槤 見到呢個已經好想食 有榴槤蓉、雲呢拿雪糕，Pancake入口鬆軟 絕對值得一試餐廳仲提我地下次黎食用WhatsApp 6024 9426 訂座仲有85折！幾抵食😆

相信如果鍾意食甜品嘅你，對旺角煙廠街嘅甜牙牙都唔會陌生，但原來喺佢對面開咗間甜牙牙煮意，除咗甜品之外，仲有西餐食添。而且通過whatsapp 訂座可享85折，一於試下先。 檸檬烤雞🍋🐔：即叫即製，大概都要等20分鐘。雞皮焗至金黃色，非常香脆，滲透陣陣檸檬香味，雞肉嫩滑多汁，配菜亦焗得夠稔。 漁人碼頭：客人可以自行選擇扁意粉、圓意粉同埋長通粉，有八爪魚粒、蝦同花蛤，海鮮汁滲落每一條意粉，味道鮮甜。 所有主菜都可以加$40升級做套餐，有湯或沙律、飲品同甜品，甜品有芒果酸奶或者焦糖布丁，如果唔要套餐甜品可以換menu入面其他甜品減$20。 我哋叫咗1個套餐，揀咗沙律，啲沙律菜同車厘茄都好新鮮鮮甜，配有果仁，加埋柚子醬汁酸酸甜甜，感覺更fresh。 餐茶方面揀咗個菊花枸杞決明子茶。 套餐甜品揀咗焦糖布丁，口感幼滑，蛋味濃郁。 甜品款式真係好多，有窩夫、刨冰、燉蛋、鬆餅、拿破崙等等，樣樣望落都咁吸引，真係有選擇困難症。最終，揀多咗個芒果拿破崙。成個外型都係月亮，感覺好夢幻，佢外層酥脆，入面夾著芒果粒、芒果醬、藍莓粒。伴碟有芒果雪糕、芒果粒、杏仁片、餅乾碎。

一直以來都想試甜牙牙啲甜品，無意之中發現原來仲有甜牙牙煮意，除咗有甜品之外仲有正餐食，啱晒我同埋老公心意。佢嘅主食同埋甜品都相當唔錯，仲要唔使加一，感覺上比較化算。青醬海鮮酥皮餅 $198用上九層塔制作嘅青醬，加上新鮮爽口大蝦，鮮味八爪魚粒，同埋芝士烤焗，酥皮餅非常酥脆，味道好好。食嘅時候再加上面頭清新的薄荷葉，感覺一啲都唔油膩。腩肉卡邦尼意粉$98用上自家製腩肉，肥美甘香。卡邦尼醬汁非常香濃，食到蛋黃嘅香味同埋奶油芝士嘅絲滑，加上一啲黑胡椒辣辣地嘅調味，意粉掛滿醬汁，有咬口又好味。芒果拿破侖 $88呢個芒果拿破崙好出色，拿破崙係好爽身脆口，一啲都唔會油膩，中間夾住嘅吉士醬唔會好甜，同埋用上大大粒藍莓、香甜芒果肉，感覺好清新。伴碟嘅芒果雪糕都好好味，撈埋而家嘅製忌廉同埋芒果肉一齊食咁多正。另外值得一提嘅係加$40可以upgrade做套餐，包咗湯或者沙律、餐飲同埋甜品。我哋就揀咗粟米湯，真材實料飲得出係blend爛啲粟米煮嘅，香甜濃郁。餐飲方面我哋就要咗玫瑰茶，除咗玫瑰花，裏面仲有一啲紅棗養生嘅配料。甜品方面我哋就upgrade咗做餐牌嘅甜品，可以減$20 㗎。

甜牙牙煮意 (旺角)旺角煙廠街33B號朗廷軒地舖高質西餐x甜品餐廳 最近小編去旺角行完街 見到menu上主食同甜品都勁吸引嘅餐廳 加上見餐廳環境都幾舒服幾有氣氛 就入咗去食，食完覺得好有驚喜！今次小編同朋友揀左以下：1. 檸檬烤雞 $158 2. 松露腩肉酥皮餅 $1883. 榴槤拿破崙 $884. 芒果西米露河粉 $46頭兩樣主食烤焗需時，但食過覺得絕對係誠意💯之作 烤雞外皮金黃酥脆 上枱非常靚仔 食起上黎肉質保持到剛好鮮嫩多汁。四方形酥皮餅 比普通pizza鬆酥可口 加上濃郁嘅松露同腩肉哩個黃金組合 真係令小編同朋友一啖接著一啖咁食停唔到口！食完主食 就到都係主打嘅甜品 榴槤拿破崙 非常打卡之餘 食物水準都好高 係榴槤控嘅朋友必試。最後小編仲叫多左個芒果西米露河粉作為當晚結尾嘅點綴 小編同朋友都覺得成餐好有驚喜 絕對會想黎多次 見餐廳都有d熟客 回頭率🈵🈵！📢📢📢食食下見到原來餐廳依家做緊WhatsApp 6024 9426 訂位會有85折優惠 想去食嘅朋友要記得啊！📢📢📢

「我要替月亮🌙懲罰你！」，一見到拿破侖咁靚好surprise!而且酥皮好似紙咁薄咁脆😍，想獨食唔share 😝。士多啤梨拿破侖有士多啤梨雪糕、藍莓醬同忌廉等，味道好夾。🍴白酒花蛤篇意粉 : 白酒汁好清爽，因為冇加cream，所以冇油膩感覺。花蛤雖然唔大但花蛤鮮味同白酒女夾，配上彈牙篇意粉一流。🍴鳳梨烤豬排骨：豬肉加開胃bbq汁好味，配菜種類豐富，有粟米、蕃茄、薯仔粒等等。🌼小黃菊水果伯爵茶：食完甜品想飲杯熱茶，充滿清新花味又唔澀。味道 : 🔅🔅🔅🔅新鮮：🔅🔅🔅分量：🔅🔅🔅衛生：🔅🔅🔅🔅速度：🔅🔅🔅（5🔅為滿分）

甜牙牙咁出名，呢間甜牙牙煮意唔單止有甜品，仲有主食添，價錢合理，依家24小時前 book位，滿足一D條件仲有85折！從外觀看起來就讓人感受到它的都係舒適同chill嘅路線，溫馨舒適的氛圍都令人坐得好舒服。前菜係粟米忌廉湯，濃郁滑順的湯底中夾雜著甜甜的粟米粒，讓人回味無窮。另外雞中翼都係非常值得推薦，外皮酥脆，內裡多汁，搭配上店家特製的醬汁，絕對是一道不能錯過的美味。另外腩肉卡邦尼扁意粉都非常有驚喜。扁意粉Q彈有嚼勁，搭配上豐富多汁的腩肉和奶油醬汁，口感絕佳。最有特色嘅係海鮮酥餅批薩，出面好少見，別出心裁，在酥皮批底上鋪滿新鮮海鮮和香料，再放入烤箱中烤至金黃香脆。每一口都散發出海洋風味。芒果河粉有港式風味得黎又好特別，河粉由芒果奶凍造成，柔滑細緻的河粉配上新鮮芒果，再加西米露同爆珠脆脆，清爽可口。最後推薦火焰雪山作為結尾。這道甜點以冰淇淋和水果拼盤為主打，在端上桌時會點火表演加以提升氣氛。吃完這道火焰雪山後絕對會留下深刻印象。

👧🏻😋👅🍽✨甜品同主菜一樣掂☺️-甜牙牙煮意🇭🇰 旺角煙廠街33B號朗廷軒地舖 🇭🇰-🦷 餐廳宗旨係主食同甜品一樣重要, 所以兩樣野都好高質; 而家晚市 WhatsApp訂位可享正餐85折好抵😍🦷 13年甜品餐廳仲全日供應甜品, 等大家隨時甜牙牙😁-🥥 椰子心太軟 $68💯蛋糕殼比較挺身, 一切開流出瀑布咁既椰子漿, 稠度適中, 係𢳂得起又夠流心既程度💯配上杏仁片, 雪糕, 鮮果同忌廉超豐富-🫕 白酒奶油花蛤 $178✨花甲細細隻而鮮甜冇沙, 用白酒奶油汁煮到蔬菜好腍, 個汁濃香又有洋蔥清甜, 當湯飲都好ok!-🥗 🫖 升級套餐 $40💯套餐有湯/沙律+飲品+指定甜品, 亦可叫其他甜品抵扣$20💯個跟餐沙律比想像中大份, 沙律菜好新鮮, 油醋酸酸地好開胃; 飲品可揀花茶, 揀左黑枸杞桑葚玫瑰茶酸酸地消滯又養顏-🍫 🧇 朱古力窩夫PARTY $128✨超大份窩夫share食, 每一格上面都有雪糕/鮮忌廉, 再加埋oreo, 朱古力脆脆, 杏仁碎, 真係好似開party咁豐富-🥭 芒果西米露河粉 $46💯估唔到呢啲特色甜品都有, 河粉好多時候都係椰汁味, 呢度用埋芒果汁整河粉, 又滑又香甜

我們路經旺角煙廠街，有許多琳瑯滿目美食。看見一間 “甜牙牙煮意”，這個名字好吸引，便在門口看看，原來有西餐和多款甜品，剛巧黃昏時分，一於入去食。原來主菜+$40可升級套餐，包括湯或沙律+飲品+甜品。套餐甜品換菜品內其他甜品，可抵扣減$20。正。🍬新鮮沙律菜，配上杏仁、腰果和黑醋，一道唔錯開胃菜。🍬鳳梨烤豬肋骨$188份量十足，4大條粗壯豬肋骨肉質好juicy。配菜還有薯仔粒、半個熟洋蔥、蒜頭、粟米、菇菌乾，醬汁調味唔錯。🍬蒜片安格斯牛立方$108算大碟，多安格斯牛粒，煙煙靭靭有咬口，配上煎香金黃色蒜片，提升了牛肉味道，正。🍬黑枸杞桑椹玫瑰茶這款養生花茶具有養肝明目、補血安神，還有花青素，具有抗氧化供能。味道輕柔而微微甜，清新帶有一絲絲花香氣息。🍬榴槤鬆餅$82賣相好吸精，pancake鬆軟配上香滑忌廉，加上濃郁榴槤肉和雲呢拿雪糕，甜而不膩。環境舒適燈光柔和，還有大電視播放music video。原來用whatsapp 6024 9426 book位有85折，變相冇加一，正。香港食肆基本場都要加一。📌甜牙牙煮意旺角煙廠街33B朗廷軒地舖📌

呢度除咗主打甜品之外，鹹食都唔錯，有意粉同小菜，而且價錢又唔貴，值得一試！蒜蓉炒小魷魚 $78醬汁入味，一啲都唔乾柴。每一口都好滋味，令人唔覺唔覺就食晒一整盤。蒜片安格斯牛立方 $108牛肉嫩滑多汁，配上蒜片炒得岩岩好，唔會太辣，又唔會太膩。白酒花甲意粉 $108意粉彈牙，花甲新鮮又大隻，啲白酒味道唔會太濃，而且啲花甲都煮得啱啱好，一啲都冇硬身嘅感覺，粒粒都冇沙。芒果窩夫 $76窩夫外脆內軟，食落好鬆脆，再配上新鮮芒果，味道清新，甜中帶點酸。榴槤拿破崙 $88榴槤味道濃郁，酥皮鬆脆，一咬落去就可以感受到榴槤嘅香甜，而且呢款甜品唔會太甜膩，啲甜度啱啱好！而家透過WhatsApp前一日訂坐，仲有八五折。6024 9426

以前以為依間剩係得甜品，但原來有正餐食，仲要選擇好多！而且裝修仲好有格調坐得幾舒服好適合傾計首先試左檸檬烤雞($158)，個雞煮得岩岩好，好嫩滑個皮係脆脆地！檸檬汁酸酸地中和雞嘅油膩，開胃又好食仲試左個香煎檸檬三文魚($88)，健康又好食唔會好多油，煎完仲保持到好滑，魚肉鮮甜仲叫咗個蒜油炒小魷魚($78)，魷魚口感係爽口彈牙，帶濃郁嘅蒜香乜，幾惹味最後當然唔少得叫甜品，試咗芒果西米露河粉（ $46 ），河粉係好似一條條嘅芒果布甸，撈埋椰汁西米露、脆珠，口感同味道都好豐富今餐真係好滿足！

🐔檸檬烤雞半隻 $158（跟套餐$40配意式陳醋沙律🥗配菊花枸杞決明子茶）沙律作為前菜份量剛剛好 而且啲菜夠新鮮仲有埋蒜茸 黑胡桃碎 初搾橄欖油提鮮最緊要有埋小蕃茄/腰果/合桃令成個沙律都保持酸酸甜甜 非常開胃🤤菊花枸杞決明子茶🍵味道輕柔而清新帶有一絲花香草本氣息唔會過於突出或濃烈 呈現出一種淡雅風味加入枸杞嘅甜味能夠平衡茶嘅苦澀感令整個茶飲更加順滑易於入口👌🏻👌🏻至於檸檬烤雞🍋 餐廳選用優質三黃雞兩日前預先用檸檬汁/香草🌿醃制2日以上雞味香濃 而且烤焗時間剛剛好40分鐘唔好見佢有啲血 但其實啱啱好熟曬既保留到個肉汁 又可以食到軟滑雞肉🍗而且有埋西蘭花🥦/胡蘿蔔🥕等伴碟唔會覺得油膩 仲係啖啖肉🥰🐚白酒花蛤長通粉 $108 （跟套餐$40配餐湯配黑枸杞桑葚玫瑰茶）今日是日餐湯係胡蘿蔔🥕忌廉濃湯🍲濃湯味道濃郁又充滿奶香天然甜味更加突出忌廉賦予湯品豐潤濃郁口感令湯嘅質地變得濃稠又細滑作為一道開胃湯品潤下真係品錯🫶🏻新鮮花蛤配埋酒味濃郁嘅澳洲甜白酒🍶加埋蕃茜葉/黑胡椒/蒜🧄/洋蔥🧅花蛤都有10隻左右 粒粒都有肉食冇沙不過個汁略為少咗 可能配長通粉🤔🐷蒜香烤腩肉片 $88蒜香烤腩肉片口感非常優秀

💗 原來呢間甜牙牙除咗甜品仲有主菜食! 入到去幾有情調，仲整咗個大電視播K-Pop歌😆 💗 首先叫咗個小食，醬烤魷魚一夜干 $68初頭有啲驚魷魚會韌，但係食落完全冇韌嘅感覺👍🏼 加埋啲辣汁，點埋一齊食。幾惹味🥰💗 主菜我哋嗌咗兩個Pasta~ Pasta既類型有三款選擇，分別係: 圓意粉/扁意粉/長通粉。💗 蝦汁大蝦長通粉 $128啲蝦剝晒殼，唔使自己拆👍🏼 蝦汁幾濃，食落幾好食☺️💗 腩肉卡邦尼圓意粉 $68意粉面上面加咗好多芝士😍 腩肉有啲天然嘅油脂感，加埋忌廉芝士汁，兩者都幾夾👍🏼💗 埋單先發現原來有得加$40轉做套餐😂 轉左套餐就可以有湯/沙律，飲品，同埋甜品。好似都幾抵，如果大家去食記得留意吓轉唔轉做套餐😎 同埋都係埋單先發現好似原來好似唔使加一🤔 💗 椰子流心心太軟 🥥 $68不嬲都係心太軟嘅擁躉，除咗朱古力，甜牙牙仲有抹茶同埋椰子口味選擇😍 咁梗係揀個特別啲😁 今次揀椰子心太軟，流心程度一流👍🏼 配埋椰絲, 杏仁片, cream, 生果同雪糕，食落都幾滿足☺️

又到食飯時候，今次去了一間沒有加一服務費的餐廳。裡面還有大電視在播歌，一邊食晚餐，一邊聽音樂。Cookery Sweet Tooth 地方都算大，坐得舒服。人均消費$225。 汁煮飽魚配牛油杏飽菇 $198加$40升級有湯、飲品、甜品飽魚肥美飽滿，肉質彈牙可口，鮮味丶惹味。底部有一些杏飽菇，吸收了汁煮飽魚的醬汁，加有微微牛油香，爽脆口感，美味的喔。餐湯是粟米湯，奶黄色的濃湯，每口都飲到粟米蓉，感覺健康。凍檸茶的糖漿分開倒，甜度可以自己調節。甜品焦糖布丁幼滑質感，蛋香味濃，入口即溶化，不一會兒整個已經食完，哈哈。蝦汁大蝦$128一樣每個餐加$40升級有湯、飲品、甜品扁意粉有蝦汁調配，味道鮮甜可口。麵條彈性可口，有咬口。大蝦在旁點綴，賣相美美的。甜品加$34 再升級做大杯裝的芒果龍珠脆脆酸奶。酸奶濃稠，微酸微甜，健康滋味，芒果鮮甜多汁，新鮮美味，龍珠和脆脆粒，增添口感。飲品的菊花杞子決明子茶材料足，菊花杞子味濃，茶隔放滿菊花杞子決明子，健康養生。