津津食家

Open Now

Now Closed

老實講, 去之前都知呢間嘢評價麻麻。但作為老沙田友, 襯佢未被清拆前點都要嚟試吓佢同影低吓佢D出品, 當同佢作個記錄。嗰晚同個舊同學一齊去食,感覺又其實都OK喎。可能真係如好多人講同以前比係差咗,但個人認為都叫做食得吓。再加上大排檔近年買少見少,宜家唔去遲啲未必再有得去。當回味一吓都係值得嘅。

之前一直都有幫襯開，去火炭必定去津津食乳鴿，但最近呢兩年水準越來越差，只有乳鴿同雞粥可以食，其他蒸煮白灼既餸我就唔講啦，間間都差唔多，但落味粉越嚟越重手，食到口喝不停飲水豬大腸：都唔知翻炸過幾次，燶到hihi , 係燶，唔係脆呀又係好重味粉定係落左華鹽去整，成碟無人食一鍋雞粥：雞份量係比以前少左，但雞都keep得住嫩滑有雞味，但都係食到口喝波蘿生炒骨 ：又係唔知翻炸過幾多次既下等豬肉，啲肉硬到hihi, 出街食飯照牌菜必叫既餸都搞成咁，唔會再去啦你地唔信既可以去試吓

老公突然提議入沙田食雞粥，回憶總是美好的🥰N年之前同班朋友仔食過之後已經好耐未試過津津囉所以我都舉🦶贊成👍一行4人剛剛好唔洗分枱坐😙山長水遠過嚟緊係要食番以前嗰啲名物啦！雞粥呀丶乳鴿呀、豉油皇炒麵走唔甩啦其次有鼓椒炒蜆和蜆芥鯪魚球都係唔錯嘅選擇

我哋嗰日因為是星期五，所以早咗些少去搵食，驚好多人. 結果去咗火炭大排檔，錯揀咗津津，原來佢個店名冇改錯，真係津津冇味。可能因為我哋去得早，結果幫佢哋掃晒啲舊口食物。離晒大譜。啲硯勁唔新鮮，淡而無味，好濃的汁都不能蓋過啲冇味嘅蜆肉。嗰個古老肉，啲肉嚡口到冇人有，肯定係已經擺咗好耐。最離譜係問佢攞熱水因為晚上不能喝茶，佢一直都話喺度煲緊，話個煲係舊式煲要煲好耐，問咗兩三次都唔俾你，到走都沒有熱水喝，簡直係趕客。點解要寫咁差嘅食評，因為我返到屋企立刻肚痾！

津津煎蠔烙， 沒有最差只有更差，我今晚2021年10月21號食大約6點15分食，我地叫左7樣嘢食，只係得炸生腸同 豉油王炒麵算好食， 椒鹽鮮魷好好食， 整得唔錯，所以得一次冇下次

作為沙田友 如果冇食過津津同埋陳記 都唔可以話自己喺沙田大。只可惜陳記搬咗之後水準已經大不如前 而家津津都話就嚟要搬 童年嘅味道咁就冇晒。記得細個爸爸揸車上嚟嘅時候 我同細佬都好期待食乳鴿 而家帶個自己揸車同男朋友上嚟 都仍然係要搞番隻乳鴿嘆吓 水準依然咁好 皮脆肉嫩好多汁 跟住搞返煲雞粥同埋炒返個豉油王炒麵 諗起都流晒口水 如果再肚餓嘅話可以炒多碟蜆，或者炒個菜。呢啲先至係香港人食開嘅嘢嚟㗎嘛，希望津津個老闆搬咗之後都仲可以keep住個水準😊

相隔近一年後再去津津，發覺水準大不如前，十分失望，比較肯定大厨換人了！ 招牌乳鴿沒有鴿香味，得個鹹字！鴿皮欠脆而肉老。木耳浸白菜就完全淡味，湯少而無味。楊卅炒飯以往鑊氣足又大碟，現在就無乜鑊氣且份量少咗。最離譜就係個豉汁蒸鱔，不單止份量少，約有八片，但每片很細，用的是條很幼身小白鱔，所以鱔片以多片豆腐托底，以顯得大碟一点。最可恨是蒸出來的鳝片魚片勒到好似橡根，完全咬不開，魚肉又緊黏住魚皮部分，完全食唔到。我向收銀姐姐(似是老闆娘）投訴，佢試食一片，竟然話這樣叫爽口，是"最好食的鱔，外面的鱔是腍pat pat"。其一，我只聽過脆肉鯇才要爽口，但其二是她的鳝片是靱到咬唔開的。而她也跟住叫我不要吃了，收起那碟蒸鳝，但告訴我不是她的鱔片有問題，要收番我那碟鳝的一半價錢。 其實以往去過多次，不知道這食店的水平跌到咁低。其實如果她承認那碟鳝真有問題，反正也叫我不要再吃那碟餸，我們一定會幫襯叫多另外一、兩個餸。我好聲好氣同佢講鱔魚有問題，希望不要再賣給其他食客，對她的店譽也有映响。但卻得到這樣囂張不合理對待，太令人失望。講真因為喜歡吃蒸鱔，以往也在這食店叫過，而且都不知吃過多少間飯店的蒸鱔片，吃到今

聽朋友講火炭有間大排檔幾出名，所以特登相約同幾個朋友去食我哋一嚟就坐喺戶外，享受大排檔嘅風味因為我哋比較遲去，所以一坐低就即時落單呢度嘅乳鴿都幾出名，我哋嗌左四隻乳鴿開兩邊，上菜時乳鴿嘅香味已經撲鼻咬落去外脆內軟，肉厚鮮嫩，每啖都好重乳鴿油香，平時食開乳鴿我都會嗌淮鹽但今次我唔需要任何調味料，直接食都已經好好味椒鹽鮮油都係大排檔必食嘅餸炸到非常香口，食落唔會覺得好油膩沙拉骨普普通通，因為肥膏都偏多，食得多會有少少膩，不過share食同沾啲沙律醬食都幾開胃剁椒蒸魚雲既辣味足夠，但魚雲魚肉唔入味，食落有啲分離嘅感覺

大排檔係香港既特式風味之一🤓細個既時候屋企人都成日帶特去食飯，隨着社會發展，現在的大排檔亦不多了🥶火炭這個大排檔是爸爸媽媽拍拖時曾經多次幫襯食雞粥，今晚剛好全家人有空，爸爸媽媽想重溫當日既味道，便帶上我一起揸車去火炭😙 我們三人，點了一個大雞粥，一份芝士蝦伊麵，乳鴿，大排檔炒蜆等🤪 雞粥我覺得相對比較咸，芝士伊麵味道香濃，乳鴿肉質好食，炒蜆正常發揮😊 而爸爸媽媽都覺得以前既食物好食啲，不過能夠食個環境同重温當年已經足夠回味💪大雞粥😎芝士蝦伊麵😬

津津出名野食好食,今次特登係街市買左幾款海鮮去加工.我地無再叫其他食物, 呢到三款加費夾埋500蚊雖然台係設係路邊,係衛生都OK! 每張台都有紙巾水杯熱水餐具.仲會有手套提供,唔洗用手食,食到油林林....清蒸唔記得係老虎班定係沙巴龍躉仔. 2斤左右.好厚肉,開頭都好擔心佢會蒸得過老,但出到黎又幾好食!好嫩滑..略厭醬油偏油,但唔咸. 好吃~避風塘炒蟹買左斤半既蟹,炒得好好食, 扑碎左好入味又易食.仲有手套提供,唔怕食到好dirty如果再辣D更惹味.龍蝦意麵買左兩隻大澳龍 本身係叫左上湯伊麵底 但食食下先發現係芝士,唔係上湯但係味道好食呀 所以無理會到.龍蝦有炸過 好香口 個汁岩岩好又唔會太咸啤油要自己買去架,個到無. 旁邊有個商場有便利店可以買.

今日特登揸車去咗火炭好出名嘅地道大排檔食晚餐。於是，想OpenRice睇吓有啲咩值得推薦食吓，所以就帶咗佢嘅乳鴿，雞粥，同埋我嘅最愛椒鹽鮮魷。首先，講吓佢嘅乳鴿，好少地方嘅乳鴿可以令到個乳鴿嘅味道滲到入去啲肉入邊，而且肉嘅質地亦都一啲都唔鞋，加埋龍龍嘅乳鴿香味，呢碟乳鴿簡直攞滿分。再者，講吓佢嘅雞粥，粥底有濃濃嘅雞味再配合埋佢嘅雞件可以話係又食又拎，加上粥底10分夠料。食到有啖啖的飯粒係入邊令到口感更加豐富。最後，就梗係主角椒鹽鮮魷啦，魷魚食得出係好新鮮嘅魷魚而唔係啲冷藏冰凍，擺咗好耐嘅魷魚，再加埋椒鹽味，可以話係10分野味。因為呢碟椒鹽鮮魷我食咗三碗白飯，哈哈！

沙田百貨公司大減價，去完掃貨就梗係要食餐好。於是去咗好耐冇去嘅火炭大排檔，一去到發現疫情無阻大家去嘆雞粥。我哋三個人，唔敢叫太多野，所以叫咗一個雞粥、豉油王炒麵（好似早餐哈哈）同埋一個椒鹽茄子炒墨魚咀。雞粥一如既往嘅好食又好白香，啲雞好滑，雖然連埋雞皮，但係都唔會好油。佢個豉油王炒麵就炒得好乾身，連埋佢個辣醬食，唔錯唔錯！椒鹽茄子炒墨魚咀我就第一次食，又炒得幾好食喎！啲茄子唔會油淋淋，開頭以為冇咩墨魚咀，點知越搵越多，正！

喜歡火炭嘅大排檔，雖然交通無咁方便，但勝在自成一角，無咁多人。叫咗一碗沙田雞粥，粥底好綿，不過雞同粥似乎溝唔埋。乳鴿勝在叫一隻都得。皮炸得好脆好香口，味道亦恰到好處，推介。椒鹽白飯魚一樣係咁好味，食煎炸嘢始終係大排檔優勝。蟹肉扒西蘭花。碟頭好大，味道亦唔錯，只係西蘭花有啲咸。豆腐班腩煲，份量非常夠，而且都係好味嘅。不過呢間食肆係無酒牌，只有汽水供應。真漢子如果要大杯酒大塊肉就要自己行幾步去附近嘅便利店買。餐廳會按要求提供酒桶及冰。

1/5每一道食物都有參差，只能給一分。招牌雞粥先上，粥底質地還可以，味道清一點，雞件很有雞味，肉質也好，但兩者的味道完全沒有混在一起，雞是雞，粥是粥。炒蜆有點不精神，豉椒味道也不好。乳鴿皮不脆，肉不嫩，還有點乾。炸墨魚咀，粉漿也濕濕的，不脆。炸魚也太咸了，肉質還過得去。(Google translate)Every food is uneven and can only be given one point. The signature chicken porridge is served first. The texture of the porridge is good, and the taste is clear. The chicken pieces are very chicken and the meat is good, but the taste of the two is not mixed at all. Chicken is chicken and porridge is porridge. Stir-fried clams is a bit unhealth

鍾意食大排檔~但買少見少吃E餐係3月份, 未有限聚令...每個餸都5錯同好大碟,椒鹽墨魚咀送酒一流炒蜆夠味雞粥差D味椒鹽豆腐都好味叫咗5樣嘢, 仲送咗碟豉油王炒麵...真係食到飽飽