晶晶甜品

Open Now

Now Closed

初次到灣仔新店知道晶晶甜品搬咗去灣仔，專登嚟幫襯，雖然間舖6細左，但係環境乾淨整齊，多咗一份歐陸式設計，感覺都好舒服。今次食紅豆沙，首烏桑寄生蓮子茶。紅豆沙真材實料，紅豆好大粒起沙，有百合，唔算好甜，啱晒我口味。晶晶出名湯圓，所以加咗兩粒黑芝麻湯圓，都好流心同好好味😃首烏桑寄生蓮子茶，比起紅豆沙，偏甜左少少，喜歡好甜既就一定喜歡，有大粒嘅蓮子，仲要分量充足，雖然對我來講甜咗啲，但都覺好味，食完之後，成個人溫暖晒

讀書年代大時大節果陣，去完銅鑼灣或者維園玩，都會直落去天后晶晶食玫瑰露酒湯圓，因為好味，同可以當酒飲 😂上年9月因為業主逼遷，要同有28年歷史嘅晶晶講再見，我果個月係咁食玫瑰露湯圓，應該肥咗幾磅，但係值得嘅，因為怕之後無得食。而家佢喺灣仔重開，真係超開心，可以繼續輪流食奶黃丸子、薑汁奶冰、蛋白杏仁茶、玫瑰露湯圓！不過夜晚灣仔人流比起天后少，希望疫情中都可以撐得住啦！個湯圓比起之前喺天后果陣，落重咗酒，咬一小啖已經漏酒餡出嚟。至於個杏仁芝麻糊呢，係阿媽指明要買返屋企俾佢食，佢話好香，然後咕嚕咕嚕好快飲晒，我都嚟唔切試味😂

喺天后營業28年結業後，晶晶甜品終於喺灣仔重開啦！呢日食完晚餐決定嚟朝聖，糖水依然保持住高水準呢！🤗🥣 薑汁豆腐花 $26💯 評分：🌕🌕🌕🌑🌑 (3/5)💬 豆腐花口感嫩滑，薑汁香味幾濃郁，加上黃糖甜而不膩。😌🥣 玫瑰酒薑汁湯圓 $36💯 評分：🌕🌕🌕🌕🌕 (5/5)💬 五粒湯圓十分足料，內餡流心熱辣辣，咬開即刻散發出濃郁玫瑰酒香。😍🥣 薑湯黃金燉奶 $45💯 評分：🌕🌕🌕🌕🌑 (4/5)💬 燉奶入口即溶，上面鋪上薄薄一層燉蛋令味道更得昇華，浸住薑湯食暖入心。😋店員服務態度相當友善，出餐速度亦算快速。聽聞雪紋奶冰非常出名，有機會再嚟試吓其他甜品！😉

港島人應該對晶晶甜品不會陌生，自從天后店結業後，有著無名的失落感。知道店再次落户港島，仲係灣仔，已經急不及待係試業期間到訪，就連外賣單張仲未ready.裝潢簡約雖然係咁，仍撞見不少天后老街坊，邊食著名物：rose 酒心湯圓，再細數當年。再以為味道一樣的，薑汁夠味，湯圓煙韌。

附近新開甜品店，食完飯想食甜品，就試下呢間新甜品店啦!menu上見佢d選擇都好全面!中式既各種糊、豆腐花、蕃薯糖水、糖不甩、薑茶、湯圓、燉奶、涼粉，以至西式既西米露、冰、布甸，真係勁多選擇!今次叫左:1.黑芝麻布甸原來除左黑芝麻布甸，佢仲有埋少少黑芝麻糊一齊，豐富左個口感整體味道都唔錯2.雪紋奶冰一般刨冰，下次試下個奶茶奶冰先3. 薏米腐竹糖水d腐竹溶晒，好滑好濃略嫌少少甜jei總括來說，如果一大班朋友，呢度確係唔錯!勝在選擇夠多，可以滿足唔同人嘅要求!

天后結束後，停了一段時間。終於開番，仍然同天后時一樣咁正。地點在灣仔街市尾近大道東。又有甜品吃了👍👍👍！今次是桑寄生蓮子，完全可放心。茶香，蓮子軟霖，入口即化。👍