西樹泡芙 (粉嶺站)

Open Now

Now Closed

💓北海道牛奶泡芙鬆脆嘅泡芙配上香滑嘅忌廉，加上彈彈吓嘅奶凍，雙重享受呀👏呢個係我每次都會買嘅其中一個選擇😆💓Oreo脆脆泡芙有冇人可以抗拒到Oreo脆脆呀？我就唔得啦～泡芙本身已經脆，再加上脆卜卜嘅Oreo，而且甜度啱啱好，邊度有得輸先😎小朋友嘅最愛💓濃朱古力布丁泡芙成個泡芙都充滿着濃濃嘅朱古力味🍫彈彈吓嘅朱古力布甸，仲好滑溜添😋口感豐富得嚟，朱古力味亦都越食越濃👅朱古力控表示滿足☺️

今日喺粉嶺火車站嘅西樹泡芙買左d泡芙返屋企做晚上甜品，店內泡芙款式多，而且賣相精美。我叫左白桃吉士泡芙、綠茶紅豆泡芙和北海道牛乳布丁泡芙，包裝精緻而且附送小冰袋，保持泡芙質量。白桃吉士泡芙： 外皮酥脆，顏色係淡淡粉色，非常可愛。帶有淡淡白桃香氣。白桃內餡甜度適中，唔會過甜。吉士內餡奶香味濃郁，搭配白桃非常協調，食落清爽，整個口感非常柔順，喺口中融化。綠茶紅豆泡芙： 綠茶內餡嘅茶香味濃郁，回味甘甜。紅豆甜度適中，而且顆粒飽滿。兩者搭配非常美味，口感豐富，可以感受到綠茶同紅豆嘅香味。北海道牛乳布丁泡芙：雪白嘅內餡非常誘人，北海道牛乳布丁奶香味濃郁，口感幼滑。軟熟忌廉搭配Q彈嘅布丁，連同外皮酥脆嘅泡芙一齊食，外脆內嫰。味道不甜，岩晒怕甜嘅人做甜品。總結： 西樹泡芙嘅泡芙外皮酥脆，甜度適中唔膩口，口味非常多可以滿足唔同人嘅需求。而價格合理，性價比高，店員亦好友善，唔錯。

港鐵沿線有多間西樹泡芺 想食既時候可以隨時買到黎食🤤所以媽媽成日都會買西樹泡芺😍 大愛呀😙😙放工時聞到陣香味～ 好啦給媽媽驚喜先🔸芒果乳酪 $32酥脆牛油味香既泡芺夾住creamy既芒果乳酪好夾呀而且芒果一啲都唔酸 唔會切到細細粒 所以食落去有口感🔸士多啤梨乳酪 $31每一次我都會食呢個😆 士多啤梨🍓好紅噹噹又甜🔸白桃乳酪 $29白桃果肉大大粒 清甜又多汁❤️係節日期間會推出一些充有節日氣氛款式嘅泡芙好有心意又得意～

原來粉嶺都有西樹泡芙，之前一直好鍾意食。因為一直冇經過太耐冇食今次想嚟回味返。見到地鐵站有，拎返屋企都係5分鐘路程👍🏻👍🏻👍🏻👍🏻於是我就買咗三個，北海道牛奶，士多啤梨乳酪，朱古力三重奏。北海道牛奶，香軟幼滑，外層較脆👍🏻 士多啤梨乳酪充滿清甜士多啤梨香味，女仔應該會幾鐘意食😍 朱古力三重奏好有層次感，滿口濃濃朱古力香味🍫 朱古力呢個個皮有點淋不過都唔影響味道😍 買反去做飯後甜品真係都幾唔錯架😋

每次經過西樹泡芙必買🍓士多啤梨乳酪🍓外酥內滑嘅雙重口感確實超好食❤️❤️好開心呀粉嶺終於開咗西樹泡芙而家隨時都可以食到👑士多啤梨乳酪 $31超甜嘅士多啤梨配埋酸酸哋嘅乳酪 真係好夾✨✨令人回味無窮👑朱古力脆皮 $22今次第一次試朱古力脆皮🍫朱古力味濃郁，加埋入面嘅好滑cream😻😻好滋味西樹泡芙真係好方便好多地鐵站都有🧁隨時都可以食到 仲有好多唔同嘅優惠我見佢🎄聖誕都仲有好多唔同嘅款式 嚟緊又可以試下

好開心附近開咗間 西樹泡芙，終於可以買返屋企做下午茶😋～水果配乳酪一直都係我地最愛🫶🏼～～ 酸酸甜甜嘅乳酪 + 鬆脆泡芙 + 各類水果都真係好夾今日食咗［士多啤梨乳酪泡芙］🍓 ＆ ［芒果乳酪泡芙］🥭，各有不同嘅清新感覺。士多啤梨＆芒果肉都有多片，食完整個都唔會有濟嘅感覺😋。第一次食［濃朱古力布丁泡芙］🍫，個朱古力布丁真係好濃郁，仲會動 L 動 L😆；口感好幼滑。下層嘅朱古力泡芙有滿滿朱古力，好 creamy 好正😋！布丁上面仲有啲脆脆，成個濃朱古力布丁泡芙口感層次好豐富，朱古力控必試！

平時經過火車站 都聞到好香既泡芙味🤣今次終於忍唔到口啦 就買左幾粒反屋企食😍唔好睇呢間店鋪細細 放工既時候都大排長龍 方便又好食👍💓朱古力三重奏 💓 Oreo脆脆 💓抹茶紅豆朱古力三重奏入面有香濃既朱古力忌廉及吉士😘加上香口嘅果仁 大人同小朋友都會好鐘意🤣我至愛就系Oreo脆脆 以泡芙為外層 加入 Oreo 餅乾和忌廉 泡芙的外皮很酥脆 Oreo 很濃郁 忌廉的口感很輕盈 食完都唔會好膩❣️紅豆抹茶布丁結合了紅豆、抹茶和布丁 內層有濃郁的紅豆抹茶布丁內餡👍🏻口感綿密甘甜 紅豆的鮮甜和抹茶的苦甜味相當夾 層次豐富😍值得一提🙈大家要留意反🙈每個月嘅2號都係泡芙感謝日 會有唔同嘅優惠❣️啱啱12月嘅優惠就係買二送二 好抵食架🥰

樓下有間西樹泡芙真係好方便，可以成日買黎做下午茶，食極都唔厭。西樹泡芙口味配搭多元化，有朱古力、抹茶紅豆、芒果、北海道牛奶、白桃乳酪、士多啤梨乳酪、榛子、Oreo 脆脆等，款款都非常吸引。今次一次過買左3款味道。濃朱古力布甸底層泡芙外脆內軟，入面既朱古力Cream 好滑，勁濃朱古力味，而上面既布甸口感滑嘟嘟，每一口的朱古力風味都非常香濃醇厚。朱古力三重奏外皮酥脆，有滿滿滑溜溜的朱古力Cream ，朱古力味道非常濃郁，三重朱古力味覺享受，好邪惡。榛子Tiramisu 輕滑的Tiramisu Cream內餡帶岀陣陣榛子味道，加上手指餅乾，口感更豐富。

粉嶺呢間新開嘅西樹泡芙真係長期都好多人排隊，我今日都想湊下熱鬧，買咗三款嚟食下。白桃卡士白桃好新鮮，有三大舊，算係比得好慷慨！爽口鮮甜，同埋吉士一齊食。吉士打得好滑，軟棉棉好香濃。泡芙皮有小小微脆，唔會太硬，食到鬆軟嘅蛋香味。榛子Tiramisu賣相十分吸引，仲有一支小餅乾係旁邊，口感都幾豐富，又有吉士味道，又有脆口的餅乾條配搭。榛子味道濃厚，配埋tiramisu，甜度剛好，恰度好處。特濃朱古力布甸一見到佢深啡的朱古力布甸已經深深吸引住我，上面吱咗勁濃香嘅朱古力醬，連泡芙都係朱古力味道，對於朱古力fans嚟講真係抵擋唔到。講返布甸，好滑好香，唔會帶苦，一口布甸一口朱古力醬嘅配搭，成個人都被朱古力味道濃罩住，一大享受！

這間連鎖日式泡芙店有多間分店，遍佈港九新界，隨時隨地都可食到美味泡芙，所以平時返屋企路過都會買來食下。泡芙外皮酥脆，配上入邊軟綿綿的忌廉，令人回味無窮，而且有多款口味選擇，真的令人花多眼亂。.🍓士多啤梨乳酪🥭芒果乳酪乳酪吉士，配上酸酸甜甜的芒果和士多啤梨，味道好夾，加上生果新鮮又大粒，感覺清新又美味。.🍫朱古力三重奏朱古力控一定愛上，入面香濃惹味的朱古力忌廉和醬汁，加上可口的朱古力脆脆，是不敗的配搭。

放工行過火車站，有啲口痕，見到西樹泡芙新出咗呢兩款撻，就買來試吓，我同屋企人都覺得兩款味都好甜，食一件真係盡，要飲好多水，下次都係買返泡芙算呢間啲泡芙真係好好味！

今日約左朋友食飯，經過粉嶺火車站見到西樹泡芙，比店內琳琅滿目嘅泡芙種類所吸引住，於是買左3個，陣間可以與朋友分享。在林立嘅泡芙中，可以揀93蚊任選經典5個口味，包括原味、士多啤梨脆皮、朱古力、特濃吉士及濃朱古力曲奇等等。想揀d特別嘅口味，亦有好多可以揀，綠茶紅豆布丁、北海道牛乳、柑橘乳酪，超多味道。最後我揀左三個唔同口味嘅泡芙，分別係白桃吉士泡芙、朱古力三重奏泡芙同士多啤梨乳酪泡芙｡ 白桃吉士泡芙：當我一啖咬落去時，即刻感受到甜蜜嘅白桃味道喺口腔中散發開。泡芙酥皮香脆，外層覆蓋住一層層厚肉嘅白桃，內裏包住絲滑嘅吉士cream餡料。白桃嘅清新同吉士cream嘅濃郁香味融合，帶比我味蕾無比嘅享受｡ 朱古力三重奏泡芙：對於鍾意食朱古力嘅人黎講，呢個泡芙嘅賣相簡直衝擊視野，令人流曬口水。外觀上，泡芙表面灑滿了細膩嘅可可粉，微微苦味令整個口味層次更加豐富。三重奏融合左三種唔同風味嘅朱古力，包括苦味朱古力、牛奶朱古力同白巧克力，配埋杏仁粒。每一口都能感受到濃醇嘅朱古力香氣同柔滑嘅奶油口感。係朱古力愛好者天堂，令人陶醉其中｡ 士多啤梨乳酪泡芙：泡芙包住新鮮嘅士多啤梨，色彩誘人，充滿水果清新氣息。酥皮

📍西樹泡芙 - 粉嶺西樹泡芙真係由學生時期已經陪伴成長嘅甜品😋以為考試壓力大就一定要買返個泡芙獎勵自己🤤絕對係泡芙嘅忠粉嚟㗎👍🏻最近得知原來粉嶺站都開咗間分店😳收工梗係要去朝聖一下啦😝🍓士多啤梨乳酪 $31士多啤梨乳酪最受歡迎🍓收工去到竟然得返2個😆新鮮士多啤梨配泡芙真係好夾👍🏻酸甜酸甜食落一啲都唔膩🤤飯後食呢個就啱晒🥭芒果乳酪 $32芒果食落好鮮甜☺️而且同乳酪有好好嘅化學作用😳配上口感柔軟嘅泡芙食完真係返尋味❤️🍫朱古力三重奏 $29鐘意食朱古力嘅老公仔揀左呢款三重奏🍫朱古力Mosse同朱古力醬加上脆卜卜嘅榛子😋食落口感好豐富而且個泡芙皮都好有心咁做埋朱古力皮😆不愧為三重奏！咁多年嚟味道不變仍然好好味😋而家都可以食返學生時代嘅情懷真係好難得呀❤️下次收工再試埋其他新口味先👍🏻📍西樹泡芙粉嶺港鐵粉嶺站1號舖