Bubble Tree (成業工業大廈)

Open Now

Now Closed

介紹返一間觀塘工廈性價比cafe 俾大家，以前觀塘返工happy friday 成日幫襯，人均$100就可以食到高質素美食。日本飛驒牛漢堡滑蛋蓋鐵板拌飯 $80柔軟肉質的飛驒牛肉漢堡扒,搭配流心滑蛋和香濃醬汁的鐵板拌飯,層次豐富,口感多樣,既有漢堡排的濃郁,又有珍珠米的飽滿,堪稱經典。雜肉配巴馬風乾火腿伴香辣蕃茄汁意粉 $59雜肉配上咸香濃郁的巴馬風乾火腿,浸染在酸甜微辣的蕃茄汁中,入口層次豐富,意粉🍝熟度剛好，滋味迷人,令人胃口大開。吞拿魚沙律牛油果牛角酥 $36鮮嫩的吞拿魚碎與豐醇濃郁的牛油果醬,搭配酥脆可口的牛角酥,清新爽口,口感多變,堪稱完美組合。

觀塘大大份西餐，配搭百變又可加底，一定食完棒住肚離開!!每個主菜都可以選擇加湯﹑沙律﹑飲品及甜品，十分有彈性可以選擇自己所需!!🦸‍♂️- 蟹籽．蘆筍．煙三文魚拌香蒜橄欖油意粉 HK$65 🍣🦀🍝健康又充滿口感!!煙三文魚擺盤玫瑰花形狀超可愛，微微油脂香氣充滿煙燻香氣。加入大量蟹籽添加爽脆口感。香蒜橄欖油味道清香唔過咸，有需要可添加調味料。- 吉列海老滑蛋蓋鐵板拌飯 HK$89 🍳🦐🍛- 新鮮白菌配雞肉拌忌廉汁意粉 HK$62 🍄🐣🍝

一路都有幫襯開，但發現最近食物質素有所下降13/6 兩口子去食晚餐，Bubble Tree 一如既往都係咁旺場咁就嗌咗個蟹籽露筍煙三文魚蒜香橄欖油意粉同埋本驒漢堡蛋包飯。先講一講個意粉，一如以往都係咁好味意粉蒜香味重，配合橄欖油及煙三文魚簡直一流然後漢堡蛋包飯，漢堡扒無咗以前果種好juicy嘅感覺變咗粒無汁嘅牛肉乾，另外個汁相比以前咸咗好多，食到最尾都食唔落。唔知道係咪太繁忙還是轉咗廚師，希望食得返以往水準嘅Bubble Tree

因為觀塘實在太多選擇但係講真好食價錢平嘅餐廳就唔係好多所以喺openrice都搵咗好耐呢間餐廳人氣都幾高去到餐廳地方唔係話好大七點鐘已經坐滿曬好彩訂咗位之後都一路食都仲好多人喺出面等緊位呢間餐廳係自助形式落單俾錢選擇非常之多而且價錢非常相宜今次揀咗部三文魚蛋包飯沙律同埋意大利飯味道真係非常唔錯唯一真係唔係咁好嘅就係比較嘈如果想靜靜地傾計就比較難總括而言呢間餐廳都係非常值得推薦

位於觀塘工廈的西餐廳,以性價比見稱。首先蜜糖芥末雞扒意大利軟包,雞扒外酥內嫩,鮮嫩多汁,搭配上香甜可口的蜜糖以及微辣的芥末醬,相得益彰。意大利軟包更是為整道菜餚增添了豐富的口感層次,為用餐帶來全新的體驗。煙三文魚雞蛋沙律牛角包三文治,三文魚的鮮美與雞蛋沙律的清爽相得益彰,而以鬆軟可口的牛角包作為載體,將各種美味的元素完美融合在一起。每一口都能感受到三文魚的鮮嫩,雞蛋沙律的清爽感,以及牛角包的柔軟香甜。最後,雪糕窩夫外酥內軟,搭配上香滑順口的雪糕,刚剛好的甜味,絕對是不可錯過的美味選擇。抹茶鮮奶和蕃薯鮮奶也都別具特色,前者清新自然,後者鮮甜濃郁,各有其獨特魅力。

觀塘$240/3人晚餐，人均$60包main,餐湯同凍飲。位置就喺觀塘成業工業大廈，餐點係用QR落單，有自助區自取餐具同水。我地叫左3個餐，大家都食到勁飽勁滿足。熟成牛扒漢堡滑蛋蓋鐵板拌飯漢堡扒用熟成牛，牛味好濃，而最頂灑滿充滿鹹香嘅芝士碎，飯上用滑蛋蓋滿，半生熟好滑好香，飯再沾上底部嘅話本燒汁真係超級加分。送餐湯南瓜湯或紫薯湯同凍飲一杯，揀左凍檸檬茶。雞扒法蘭克福腸滑蛋蓋鐵板拌飯雞扒超超超級大塊，仲有超巨型嘅腸，一樣係有芝士碎同半生熟蛋嘅加持，食飯時記得沾埋去式燒汁丫，$68絕對相當抵食！同樣係送餐湯南瓜湯或紫薯湯同凍飲。我就加$12想試下佢地嘅蘋果汁，果然好飲。餐湯向揀左兩款，我就鍾意飲紫薯湯多啲。吉列豬扒漢堡炸到咗香脆嘅吉列豬扒，食落厚切大啖肉，漢堡太巨形一口咬唔晒😂。薯條粗身即叫即炸，份量唔少。最後食埋沙律菜消滯，呢間店店主好貼心。Bubble Tree 觀塘成業街19-21號成業工業大廈2樓27室

最近同同事去咗觀塘成業工業大廈嘅Bubble Tree食晏。佢地嘅蟹籽、蘆筍、煙三文魚拌香蒜橄欖油意粉$65，蒜香濃郁，煙三文魚鹹香，蘆筍爽口，加埋蟹籽，口感層次好豐富。日本飛驒牛漢堡滑蛋蓋鐵板拌飯$89，飛驒牛嫩滑多汁，滑蛋香濃，飯底吸收咗鐵板嘅香氣，真係一流。加$6有一碗紫薯湯，湯底濃稠，紫薯味道自然甜美；另加$12嘅田園素菜沙律配牛油果，清新爽口，牛油果滑溜溜，素菜新鮮，口感豐富。甜品方面，只需加$48就有玉桂蘋果烤批配雪糕，玉桂香氣撲鼻，蘋果軟熟甜美，加埋雪糕，口感絕配。叫開野食只需半價就可以叫飲品，同事叫咗杯意式濃縮咖啡，咖啡香濃，同事話未試過咁濃郁的咖啡，真係好味，而我叫咗杯凍檸檬茶，清新解渴。Bubble Tree嘅餐點質素高，價錢合理，環境舒適，非常推薦大家試試！

價錢平，款式多，真係食得好滿足！🍅番茄甘筍湯清新爽口，好啱開胃。🎃南瓜湯好濃郁嘅南瓜味。🍚雞扒，法蘭克福腸滑蛋蓋鐵板拌飯加倍芝士熱辣辣，仲要$68有勁大塊雞扒同法蘭克福腸，加咗勁多芝士，啲芝士融化咗落去，真係好好味。🍝芝士焗肉醬意粉（不含牛肉）芝士嘅香味同意粉嘅醬汁真係好搭。🥗田園素菜沙律配牛油果超級超級超級大份，勁抵食！特別係配埋牛油果，味道更加豐富。☕️Ube（蕃薯）鮮奶淡淡紫薯嘅香味，奶味比較重，顏色好靚。🧁朱古力心太軟配雪糕朱古力心太軟軟綿綿，再配上雪糕，真係一絕！

估唔到第一次寫食評就係俾劣評。見好高評分就同班同事歌黎試下，首先服務員完全唔識野，攞野飲冇攞飲管問佢杯野有冇糖份佢話唔知就走左去。好啦到野食，第一次見到咁水的肉醬意粉完全冇味道，我同事的漢堡扒飯亦都係咁，件漢堡扒都煎窿晒。。。所以不會有下次！！

見咁多好評，lunch決定黎試下，唔試猶自可，一試永世難忘，從未見過咁多汁水嘅漢堡扒飯，一食塊漢堡味道幾出色，重口味而且塊扒條命都幾硬同香脆。服務質素方面更加唔使講，除了有人送餐外其他一切以自助形式，都幾有趣。呢一餐係第一間令我主動想為呢間餐廳寫食評。價錢唔係貴但絕對唔會再食

今次再住嚟到觀塘工廈尋嘢食，就搵到間西式餐廳Bubble Tree，裝修簡約，餐枱寬闊，設有自助水和餐具吧，放工時間好快滿座，可訂位，餐廳特色跟餐可以加湯，沙律，飲品和甜品，都係以實惠價，非常抵食南瓜湯我哋嗌咗pasta加配南瓜湯，南瓜湯煮得好香南瓜味，湯濃鬱，仲飲到有其他蔬菜配料，份量有一大碗 😜新鮮白菌配雞肉拌忌廉汁意粉雞肉白汁意粉煮得好香，白汁唔會煮得好乾，仲係好juicy，意粉軟硬適中，白雞肉好嫩滑但唔肥膩，成個意粉份量都好多，個碟好深，好夠飽 😚100%牛肉手打漢堡牛肉漢堡好大個，尤其是塊牛肉，厚過M記嘅安格斯牛肉好多，佢仲煎得剛剛好唔係全熟， 好重牛味好嫩滑， 芝士覆蓋成塊牛肉，流緊落嚟，好正，另外配有沙律和粗薯條，條條都好大條㗎 🤩Kara-age 炸雞另外我哋嗌咗個炸雞小食，炸雞粉薄，雞肉好juicy 和嫩滑，仲配有特製醬汁，好惹味，炸雞小食一樣有沙律跟 😆雪糕窩夫雪糕窩夫係後上，上的時候窩夫係熱的同埋好脆口，放上個雪糕，微微地融化，又脆口又軟熟，好有口感 ☺️

觀塘真係一個寶藏區，好似食極都仲有好多好餐廳未試過🤔 淨係成業工業大廈都有好多抵食嘅小店，今次去咗2樓嘅Bubble Tree🌳 。知道呢度正餐$60起，選擇好多，仲送餐湯𠻹，果然係打工仔食堂呀💁🏻‍♀️🍚 吉烈豬扒大啡菇滑蛋蓋鐵板拌飯 $68呢度最出名應該係滑蛋蓋飯🍳，見每一枱都嗌佢，一定夠晒飽肚，賣相都好澎湃，勁大份。我嗌咗豬扒配大啡菇，一脆一嫩咁幾夾✨，個大啡菇好Juicy幾好味👌🏻 飯入面撈咗少少紅麴米，健康啲，但都keep到飯質好軟綿。今次嗌咗少飯都仲係食唔晒🤫，呢個價錢lunch係抵嘅👍🏻🍝 蟹籽•蘆筍•煙三文魚拌香蒜橄欖油意粉 $65我都幾鍾意食煙三文魚嘅嘢🧡呢個意粉都整得幾靚，同埋感覺好健康。主要都係靠個香蒜吊起個味🧄，質感有少少似係炒麵，偏向乾身，但係都好夠味嘅，幾香口，不過不失啦👌🏻🥣 送餐湯南瓜湯/紫薯湯餐湯都有兩款揀，估唔到個紫薯湯又OK喎💜個味道係似番薯糖水，好有口感，會食到好多纖維，不過係幾好飲嘅。🍫 朱古力心太軟配雪糕 +$32🍰 紐約芝士蛋糕配雪糕 +$32嚟呢度食嘢，可以唔使就住嗌，梗係要追加甜品啦！心太軟係幾甜，不過明知佢咁爆甜都係會想嗌嚟試吓🤣想睇

見到食評幾好 同女朋友試下叫左一個漢堡扒加一個意粉等左9個字上得一塊漢堡扒 咸到喊 直接咬到啲未溶嘅鹽 一粒粒咁 咸到標眼水 最尾換過都仲係食到一粒粒嘅鹽 而個意粉等左成個鐘都冇到食左兩淡走左 意粉都仲係未到 搞唔掂 利申以前食過幾次都冇咁誇張 😨 之前都叫價錢ok大件抵食

72蚊食到All Day Breakfast價錢親民，觀塘隱世Cafe官塘地鐵站步行約7分鐘可達坐落於官塘工廈區內的Bubble Tree就簡直係蒼海遺珠。打開餐牌以為價錢未Update，幾十蚊可以食到晚市，叫埋野飲人均都可以$100有找！今時今日的香港真係睇見都心郁郁。環境：地方尚算闊落，接待30人都可以。有自助餐具吧，方便同朋友分享美食！南瓜湯/紫薯湯跟餐只要+6就飲到啦，相當抵。味道都算Ok$89 吉列海老天滑蛋拌飯（跟湯及飲品）蝦的份量係6隻，唔洗再就住嚟食，炸蝦外脆內嫩，配紅米飯，減輕油膩感。相當吸引$72 All day breakfast 平時都過百的ADB 係BubbleTree 只要$72蚊就食到，重可以自由加配料，岩晒鍾意夜晚食早餐的人。$128 雙重牛肉大啡菇流心蛋漢堡（配薯條及沙律）轉洋蔥圈+$8份量有啲大，一個人可能食唔晒，兩個人食再加小食岩岩好。如果想漢堡Juicy啲記得襯熱食，落單時可以要求即叫即上。對肉質有要求的話推薦飛驒牛漢堡。甜品跟餐只要+$32就可以叫到Cheese Cake/窩夫/心太軟/Brownie等其中一款甜品，推薦雪糕窩夫，窩夫係即叫即造

來到觀塘同閨蜜尋找到一家隱世好食店:BubbleTree，價錢親民，味道令人回味！韓式辣汁海鮮意粉搭配煙三文魚肥美的大蝦、軟嫩的魷魚、意粉與韓式辣汁融為一體，海鮮鮮甜多汁的口感,與辣味形成了絕妙的對比。另一個亮點就在於煙三文魚卷成一朵花朵，軟滑的油脂感和獨特的煙燻香,其鮮美滋味在唇齒間徘徊，之後是辣汁的香辣,令人難忘的味蕾體驗！新鮮雜菌配黑松露忌廉汁意大利飯各種新鮮雜菌散發出誘人的原始香氣,濃郁醇厚的黑松露忌廉汁淋在飽滿結實的意大利飯上混合,每一粒飯都柔軟Q彈併且飽含著菇類的鮮香和黑松露的惹味香氣，簡直就是極致的味蕾體驗！朱古力心太軟配雪糕薄脆的朱古力外殼如黑色杯外殼，內部黑色濃郁的朱古力流心绵密柔滑,上邊有奶油為朱古力流心增添了甜蜜，入口後朱古力的濃烈香甜瞬間在味蕾蔓延！另一個白朱古力做成的杯殼，中間裝一個冰涼綿密的雪糕入口即化！雪糕窩夫香脆酥軟的窩夫，上面是柔滑綿密的雪糕,雪糕的冰涼清新與窩夫的溫熱香醇融為一體,令人食指大動！