Video
2-min walk from Exit A1, North Point MTR Station
continue reading
Telephone
55051115
Payment Methods
Number of Seats
46
Other Info
Online Reservation
Phone Reservation
Reward Dining Points
10% Service Charge
Above information is for reference only. Please check details with the restaurant.
About Reward Scheme
趁假期過一田shopping北角匯有間價錢親民既法國菜餐廳有室內坐位及露天座位想望海有海景可以坐室外由於天氣熱要有冷氣所以我地選了室內坐位室內大雲石設計為主 餐枱座椅也很別緻整個用餐環境都很舒適 我哋揀咗兩個set dinner每個set有1個starter、1個main course、1杯餐茶另外可以加$58有個是日精選甜品餐包:餐包入口正宗法包口感配咗自家製嘅銀魚柳蛋黃醬味道濃郁點埋一齊食都好夾 提升左個包既層次 Starter://忌廉蘑菇湯//陣陣磨菇香 味道濃郁有好多片蘑菇 好香//法式鵝肝焦糖燉蛋配田園沙律(+$48)//呢個係有驚喜鵝肝醬嘅上面鋪咗一層焦糖燉蛋再搽在脆脆既多士上面法式燉蛋的柔滑質感與鵝肝的豐富油脂加上了甜蜜的焦糖入口既口感就是香甜柔滑 味覺豐富另外伴碟配上香草油醋汁的嫩葉沙律清新剛好平衡了口感呢個配搭係出色 未見過亦諗唔到 Main Course://菠菜, 雜菜長通粉配黑松露汁 $198//黑松露味突出 長通粉十分掛汁菠菜加雜菌剛好中和了黑松露味 口感不錯 //香烤肉眼扒配薯蓉及小甘筍 $398//五成熟 表面焦香 有陣陣的炭燒香氣肉色呈粉紅 咬落去嫩滑多汁而牛味濃郁薯蓉香滑柔軟 甘荀清甜
continue reading
朋友話要帶我高級餐廳「君子餐廳」食飯，即刻😍😍👀，馬上、立刻、即刻答應。餐廳有室內坐位及露天座位，由於想涼冷氣，所以選了室內坐位。服務員服務態度非常好👍🏻。套餐價錢比散叫較實惠，所以衡量過之後決定食套餐。銀魚柳蛋黃醬配法包🥖鬆軟法包配搭開胃蛋黃醬，醬汁微酸微甜法式白酒煮青口青口肉質好滑，肉帶有淡淡酒香味，海鮮味濃，海水味也濃所以有點咸忌廉蘑菇湯湯好杰，又好滑，淡淡蘑菇味焗法國鱸魚伴蜆肉忌廉汁 $328/set如果啲魚好滑既話，啲肉係淋既，但呢個鱸魚啲肉好硬好結實，但係就唔鞋，我覺得魚皮可以再煎脆啲。蜆肉好大粒，忌廉汁偏淡。香烤肉眼扒配薯蓉及小甘筍 $398/set非常香的炭燒味，尤其食牛扒的邊邊位果時，充滿整個口腔，牛肉味都好濃，肉質唔靭，如果加左芥末醬味覺好唔同，味道會豐富啲。熱咖啡☕️咖啡味比較淡，少少澀味凍檸檬茶🍋叫左少冰，佢真係好少好少冰，正👍🏻檸檬味濃
continue reading
同老媽子的浪漫，出咗糧請佢食法國餐😉「君子餐廳」設計用上金屬元素和大理石，暖黃色的燈光，顯出低調奢華感，落地玻璃出邊是個大陽台outdoor位，望向北角碼頭對出的海景夜景，感覺舒適自在。Set Dinner ✨餐包外表香脆，內裏煙煙韌韌正宗法包口感，配上自家製的銀魚柳蛋黃醬，十分滋味。✨忌廉蘑菇湯，香滑濃郁，食到粒粒蘑菇，好有口感。✨鵝肝焦糖燉蛋配時令鮮蔬 +HK$48這道招牌菜令人有驚喜，法式燉蛋的柔滑質地承載著鵝肝的豐腴，表層甜蜜焦糖脆殼封住雙醇香。入口香甜柔滑，另外配搭香草油醋汁的嫩葉沙拉，清新酸度恰如其分地平衡了濃鬱滋味，追加價差都物超所值👍✨焗法國鱸魚伴蜆肉忌廉汁$328魚肉的質感嫩滑，焗製的火候剛好，外皮微焦，內裡保持著鮮美的肉質，蜆肉鮮甜但略為細隻，底部鋪有香滑的薯蓉，搭配翠玉瓜和西蘭花，讓整道菜色彩繽紛，口感豐富。✨波士頓龍蝦扁意粉伴龍蝦汁$398龍蝦份量超多，肉質鮮嫩結實，扁意粉口感Q彈，每條都掛滿龍蝦醬汁，每一口都令人回味。最後，來杯冰凍檸檬茶，清新的酸甜味道為這頓美食畫上了圓滿的句號。
continue reading
最近有朋友去完北角匯試咗間法國米芝蓮介一星嘅西餐廳話好正🤤，今日同老公嚟開北角就去試試先。 餐廳以大雲石裝修，低調高貴，令人可以喺舒適嘅環境下用餐。店內設有室內和露天座位，露天座位可以飽覽維港景色，不過可惜當日露天位已經滿座。 我哋揀咗兩個set dinner，每個set有1個starter、1個main course、1杯餐茶☕️，另外可以加$58有個是日精選甜品🍰。 餐包配咗自家製嘅銀魚柳蛋黃醬，點埋一齊食都好夾。 頭盤方面揀咗法式白酒煮青口，青口係法國新鮮藍青口，口感柔軟，配合洋葱同蒜蓉嘅香味，份外鮮甜，湯底吸收晒青口同洋葱嘅鮮味，味道更為提升，連平時唔係特別鍾意食青口嘅老公都讚不絕口！ 忌廉磨菇湯：職員即場將湯壺倒落碗，感覺更高級。忌廉湯味道香濃，陣陣磨菇香。 香烤肉眼扒配薯蓉及小甘筍：叫咗七成熟，表面焦香，肉味香濃有炭燒味，咬落去嫩滑多汁，薯蓉非常香滑，入口柔軟。 慢煮西班牙豬鞍配洋蔥及薯蓉：豬鞍表面煎香，咬落去有微焦嘅感覺，肉質非常嫩滑。薯蓉好香好滑，食落好似泡沫咁。
continue reading
海景何價？喺北角匯，有間西餐廳叫Briketenia，最近改名為Brikete Bistro，主打偏親民嘅法國菜。餐廳有海景，更可以坐室外，而室內嘅環境都唔錯。今晚食嘅set dinner，包括頭盤主菜都有多款選擇，最平$258就得，性價比高。當然亦可以叫矜貴嘅日本A5和牛，則要$638。要注意餐廳會定期更新款式同優惠。銀魚柳蛋黃醬麵包呢個唔係普通麵包，銀魚柳蛋黃醬除咗提供蛋黃味，最重要係佢嘅酸度，令麵包好食好多。法式白酒煮青口青口大隻鮮甜，最重要係唔腥，醬汁除咗白酒其實有一定嘅蒜蓉味，好惹味。法式鵝肝焦糖燉蛋配田園沙律(+$48)喺鵝肝醬嘅上面鋪咗一層焦糖燉蛋，呢個係有功架嘅菜式，襯脆脆嘅多士，相當滋味。香煎海鱸魚伴蜆肉忌廉汁 (set $388)海鱸魚有兩大塊，魚肉質感幼滑，新鮮，忌廉汁亦係主角之一。另外佢有薯蓉墊底，唔驚食唔飽。蟹肉扁意粉配龍蝦汁 ($268)好多人唔知，襯蟹肉最好嘅意粉類別其實係扁意粉。我比較欣賞佢嘅龍蝦汁唔會特登做到好強，唔會冚過晒成道菜嘅味道。咖啡或茶嚟呢度對住個海景，配上呢度嘅柔和音樂。一晚，其實可以過得好快…
continue reading