Beans the Rambler

Open Now

Now Closed

自從生日有送蛋糕優惠，前前後幫襯了好多次，服務都比較參差，今日真係不得不讚青衣城個服務Joey ，好似都係senior Ser, 11:30已經講明一陣1330會幫朋友慶祝生日，咁佢都好耐心係咪要俾驚喜，所以俾定名字佢.估吾到食晒野後，送上甜品一刻，令我都驚喜到，其實做顧客嘅好簡單，服務員做多少少🤏，我地係感受到，甘樣先會繼續回頭😍所以今日真的都吾嫌麻煩，亦都係我第一次寫食評，希望大家多多支持香港飲食業💪

侍應態度好好，推薦我入會，入會有優惠券，馬上做咗. 座位雅致，靠窗位景色開陽，還可以望到遠處的如心酒店，景觀舒服。叫了Carbonara及抹茶吐司下午茶，意粉有筋度，個汁好味，可惜忘記影相；抹茶吐司樣子精緻，黑色多士外脆內軟，內裏有少許麻糬，上面加上抹茶雪糕，口感非常豐富👍有驚喜👍生日月份免費送一件蛋糕，個擺盤好有心機。生日壽星非常滿意👍佢有午餐及下午茶餐，晚上是A la carte. 見佢角落位有一張六人枱，幾有包廂的感覺，希望下次朋友生日可以book呢張枱慶祝👍

我己經幾個月無去青衣城分店幫襯，因為上次的食物質素麻麻，今早經過見餐飯很少人，所以俾多次機會呢間餐廳，再試一次！但今次的體驗極之失望，今次叫了一份豆乳通粉、一份班尼廸蛋，兩份食物的溫度只係勉強和暖，而且通粉還黐埋一舊，好似未煮熟咁樣，比快餐店更差！除了食物質素差之外，服務態度也麻麻，幾個待應大大聲傾偈，叫左幾次都無反應，又扮作睇唔到，所以對呢間餐廳極之失望！記得上年經過，好多時都有人排隊，但今日眼見呢間餐廳只有兩至三成人幫襯，我終於明白點解會咁少人幫襯了！

☀️大大份嘅全日早餐☀️嚟到青衣城，又想去咖啡店同朋友坐低傾吓偈食吓嘢，可以去青衣城二期間Beans。雖然細間啲，但都唔需要等好耐 。我同個friend兩個人唔係太肚餓，咁我哋就叫咗一個豪華英式全日早餐$136再加多個焦糖番薯條小食($30)，呢個餐會包一杯飲品(美式咖啡/ 檸檬蜂蜜/ 黑糖薑母茶)。佢份all day Breakfast好大份，黑松露炒蛋俾咗好多黑松露，淡淡都可以食到黑松露嘅香味。煎嘅煙肉、豬肉腸、雜菌嘅油分啱啱好，唔會食到覺得好肥膩。佢可以配搭比高包或者窩夫，我就揀咗試吓個bagel，正常發揮，下次可以試埋Beans嘅窩夫。呢份焦糖番薯條，正！可以唔使點茄汁食都得，有番薯嘅甜味又有焦糖嘅甜，真係食唔停口🙊Joyfoodstop心動值:💓💓💓/5Beans the Rambler(香港)地址: 香港青衣青敬路31-33號青衣城2 2樓222號舖(港鐵青衣站F/ G/ A2 出口）電話: +852 26902222

今日諗住去邊度食生日餐，啱好嚟到青衣beans，樓面師傅們都服務好好，笑容滿面，仲有一個生日蛋糕送俾我哋，幫手影埋合照，服務太貼心！！下次都係會過嚟呢度食，強烈推薦呀❤️

和朋友一起吃飯，下午客人不是很多，可以直接入座，不用等位置。進店前店員會介紹不同的消毒搓手液，可以根據自己喜好選擇香味，為雙手清潔。入座時剛好趕在午餐餐單截前，點了蝦醬帶子意粉。帶子鮮嫩，配着蝦醬一起吃，味道意想不到的合拍，不過意粉有點overcook。因為我們都很餓，另外加點了甜品和黑松露醬薯條。剛炸好的薯條非常香脆，配着香濃的黑松露醬，令整體增加了層次感。甜品也很好吃，焦糖燉蛋很嫩滑，而且又不會很甜。

今日約左朋友四個人食下午茶，叫左三個主食+1個凱撒沙律🥗，本身印象中Beans嘅Pizza🍕係好細件好似麵包咁切開四份，但係今次有驚喜～芝士Pizza配上開心果碎，味道層次豐富，而且有6件, size都唔細；珍珠元貝大澳蝦醬忌廉汁會沾麵，上到嚟發現根本就係烏冬，味道亦較淡，只有幾粒小帶子；仲有一個海鮮意大利飯不過不失。食晒三個主菜發現沙律都仲未上，原來係漏咗落單，但估唔到一個沙律都要等差唔多半個鐘，但沙律比主菜出色～

我和友人今天晚上到青衣城beans吃晚飯, 已經不是第一次光顧，但每一次都在一個舒適嘅環境享受美味食物。朋友離開的時候，不小心弄跌玻璃杯，當場的職員不但沒有黑面及責怪，還小心翼翼地安慰朋友說：「沒有事的！」這個溫暖的感覺留給我們很深刻的印象，香港的食肆如果每一間都能做到如此使人溫暖及有這麼好的服務，就好了！

中秋🥮放半日帶陳皮妹食青衣Beans，門口冇人但等位等咗5分鐘，入座三個人真係俾三張櫈，想🤔搵第四張櫈擺嘢都唔得👎。QR code落單，叫咗焦糖香蕉🍌早餐🥣窩夫🧇（炒蛋）$94，配凍美式咖啡☕️$0少冰加奶，加龍蝦🦞湯$44，加Mandarin Orange$30後上。另一個餐肉眼扒七成熟太陽🌞蛋蕃薯🍠條$168配凍美式咖啡☕️$0，加Tropical Paradise$30。Tropical Paradise上先，係一個外觀菠蘿🍍既cake，入面有菠蘿🍍蛋糕🍰同菠蘿🍍粒，唔錯👍🏻，陳皮妹食咗一半。之後上餐飲凍美式咖啡☕️，幾大杯，陳皮妹倒瀉🫗奶，咖啡☕️味適中啱我。牛扒🥩上先，我鐘意有d肥，有牛味，唔韌，蕃薯🍠條都炸得脆。龍蝦🦞湯分體上，料有蝦肉同蜆，侍應再喺我面前落湯，湯🥣夠濃，正👍🏻。All day breakfast等咗成半個鐘，要催個店員先有，點知最出名既bagel型waffle竟然係凍，失望🙍，但點蜜糖🍯同cream陳皮妹係咁食。最後上Mandarin Orange,係一個橙型既蛋糕🍰，外層橙味朱古力🍫，陳皮妹食哂，入面係橙味蛋糕🍰。食到皓飽。埋單滿$200用Citi減$40

今日同朋友去青衣城諗住搵嘢食，無意中見到呢間cafe，有聽過但係從未食過，就諗住試下。入去叫咗個黑松露軟殼蟹意粉同青蘋果蛋糕(Garden of Eden)，蛋糕略嫌有啲甜，但係形狀非常獨特。意粉好重黑松露味，軟殼蟹都好脆，值得一試。

平時去青衣多數睇show前去食下野，青衣城最方便，唔想食得太hea，就會搵cafe舒舒服服坐下，入面部分座位係靠窗，有日光嘅時候光線透入黎幾舒服，坐位正常闊落，幾開揚黃金蟹肉意大利粉擺盤幾岩打卡，有埋蟹蓋好似好足料咁圖見到啲汁都好足，而且見到幾多蟹肉嫁，蟹肉無腥味，溝埋個汁仲有份咸鮮味，唔會太咸，仲有啲菇做配菜，忌廉汁菇菇幾好味Banoffee Pie一件賣相幾靚嘅蛋糕，材料有朱古力杏仁撻、焦糖忌廉、香蕉，3樣配搭無可能唔好食吧蛋糕甜而不膩，下次會試埋其他蛋糕

因為都隔咗一段時間未食過BEANS, 所以經過就排咗一陣隊食下。我哋3個人叫咗3樣野食, 第一個必叫係黑松露軟穀蟹意大利粉, 第二個我哋叫咗個新款-紅酒燉牛面頰意大利飯, 第三個就叫咗個開心果蜂蜜味PIZZA, 再加咗1個以優惠價好似$30 既黑松露醬薯條 同每款加咗$30 有1個MINI CAKE, 我就叫咗2個 CAKE SHARE......本人自己鐘意食黑松露醬既關係, 所以我覺得配飯,意粉都好MATCH, 不過都要視乎廚師調個味道得唔得,LEE道菜加咗好多菇類, 同埋有個少量既軟穀蟹炸物, 食落唔會咁"滯"。咁啱個日我見到隔離枱有1對母女都叫咗2碟 LEE 款意粉各自享用,  就知佢幾咁受歡迎。LEE 款意大利飯有少少番茄酸酸地既味再加上佢落咗少少辣粉 - "酸酸辣辣"咁食落有D驚喜,因為感覺上又唔會好飽驚食唔晒, 不過都係最好同人SHARE 可以一齊試更多野食。紅酒燉牛面頰 - 肉既質地佢炆到好"琳", 但又唔覺得有紅酒味, 相對成個味道都有6-7分......而開心果蜂蜜味PIZZA, 因為冇影到相所以POST 唔到俾大家睇到, 正正常常冇咩特別, 我覺得係甜甜地既味再灑

成日覺得青衣都無野好食, 咁岩經過青衣要食D野想搵間舒服D既CAFÉ坐下好似都係得呢間咋~ 平日既LUNCH又估唔到都幾多人喎LUNCHSET選擇唔算多, 有包指定飲品, 嗌左杯啡就加$10 ,可以接受的~手撕豬肉漢堡包賣相吸引, 份量都唔少嫁, 最得意係有成塊生紫洋蔥比你另外食因為一般都係夾埋落個包到嘛 , 食完個口臭足成日呀!!跟沙律菜都新鮮既, 好過跟薯條嘛, 健康人生最特別係薯蓉,佢比平時個種薯蓉更軟滑,同食落好香奶味, 有驚喜的杯啡有拉花算幾有誠意丫~因為$10 咋嘛 不過啡味唔算濃的, 偏淡口

是時候公開個人私心最喜愛的Café！「Beans」在香港現時有9間分店，西式食品加入Fusion元素，而且出品水準極高！價錢合理之餘，選擇什多，食物質素又高，周不時亦會推出新品，經常幫襯都不會悶！🍴黑松露軟殼蟹意大利粉 Soft-Shell Crab Spaghetti in Truffle Cream Sauce ($132)超香超濃郁的黑松露！軟殼蟹鮮炸酥香，但要趁脆快點食！🍴烤原條八爪魚鬚蟹膏意大利飯 Crab Paste Risotto with Grilled Madako Tentacle ($168)因為是整條八爪魚鬚，口感確實有點過韌，需要用比較鋒利的刀才能切開！若切成小粒先食口感其實是可以的，但不想「用力」的話就不建議點啊！味道而言是十分入味！🍴焦糖蕃薯條 Caramel Sweet Potato Fries (+$30)基本上每次都會點的Side Dish！焦糖加上蕃薯的雙重甜味，邪惡又滿足！🍴焦糖單骨雞翼 Caramel Single Bone Chicken Wings ($62)外脆內嫩，甜甜的味道令人食不停口！

難得一天有自己的假期，今天瞓到自然醒後，梗係要去揾間 cafe chill 下啦!見到有新menu 推出，就打開來看看，見到有不同款式配搭的圓碌碌牛角包，就想試試! 我揀咗個煙三文魚Benedict牛角包，size份量不太大，好香牛油味；配埋個羽衣甘藍藜麥沙律，同杯熱嘅美式咖啡，簡直是健康加美味的絕配! 食完正餐當然要加個千層酥甜品先夠圓滿啦! 千層酥依然好有水準，夠酥脆，cream與餅干一齊食又不太甜，好幸福呀!