阿閒泰 (世貿中心)

Open Now

Now Closed

喺世貿中心4樓吃得世貿中心嘅餐廳環境當然係好好，而且有單邊嘅維港海景當然有海景就價錢就會比較高少少呢度嘅泰國菜，總括而言，我覺得味道係中上絕對同價錢成正比不過係唯獨是嘢飲嘅口味比較奇怪普遍都麻麻地但係嘢食就普遍都幾好食無論係生蝦，拼盤鹹蛋黃類嘅嘢食全部都好好食炒粉麵飯就正正常常甜品今次就冇試呢度係坐得舒適，冇限住催趕離開香茅蝶豆花茶香茅豬肉米紙卷泰式生蝦刺身脆皮豬頸肉泰式鹹蛋黃金薯條阿閒泰幸運炭燒拼盤街頭大蝦炒金邊粉

位於銅鑼灣世貿中心的「阿閒泰」 係一間Fusion 泰國菜🇹🇭 環境舒適優雅 可以飽覽維港景色😍✨泰式鹹蛋黃金單骨雞翼單骨雞翼沾滿邪惡鹹蛋黃醬 忍唔住一隻接一隻😝✨阿閒泰秘製滷豬手豬手滷得入味軟腍 配搭酸菜 大大減低膩感 糖心蛋香滑黏口 係我鍾意的口感❤️✨泰又話啦菠蘿雞肉炒糙米落單時候店員已告知菠蘿🍍變成牛肉串燒🍢牛肉串滿滿肉汁 唔柴口 👍🏿糙米飯𥚃夾著菠蘿🍍雞肉 肉鬆 口感非常豐富😋✨烤原個椰菜花配青咖喱一大棵椰菜花 用上青咖喱烤焗 頗有特色🌟椰菜花甜中帶辣勁 越辣越想食😛✨椰汁芒果黑糯米飯黑糯米飯口感黏糯 芒果鮮甜多汁 完美作結

泰國菜食得多，但精緻嘅泰國菜我哋就好少食。放工call咗黑熊先生做black uber接我去銅鑼灣，咁梗係要慰勞下黑熊先生，請佢舒舒服服食返餐啦！去到大約晚上8:00，店內差唔多坐滿8成😮好彩仲有1張枱比我哋。（上面張相係食到就嚟閂門先影😂）店內裝修清新簡樸，用上綠色植物點緻，燈光亦都設計得恰到好處，每碟餸放上枱影相都好靚😍🎉🐷香茅豬肉米紙卷，味道濃郁嘅香茅豬肉配上紫蘇葉和菠蘿，令味道變得清爽，提升食欲！🦐泰式生蝦刺身用雞美酒杯放入生蝦、蒜頭、辣椒和青醬，賣相夠曬好睇❤️仲有跟埋炸蝦頭添！🍖阿閒泰幸運炭烤拼盤好大一碟嘅燒烤，岩曬三心二意嘅我，唔洗諗可以一次過試曬！香茅雞肉串燒出色！🍲泰式醉貓肉碎炒新鮮手造卷粉，睇落平平無奇，卻驚為天人！夠鑊氣，卷粉彈牙，會食到停唔到口，必點推介👍👍☕️泰式鴛鴦，儀式感滿分嘅特飲，喜歡呢度有用心設計各款飲料。如果咖啡味再濃啲就完美啦！🥥椰青滑冰，不得了！成個椰青塞滿曬沙冰😨😨個樣好靚，而且大大杯好抵飲，呢幾日突然回暖，飲返杯「消暑」啱曬🤣🤣

泰國菜，主打新派𝐟𝐮𝐬𝐢𝐨𝐦泰國菜的 🇹🇭 阿閒泰𝐀𝐇𝐀𝐍 𝐓𝐇𝐀𝐈，也很值得一試呢～餐廳走優閒舒適💚，有大量綠色植物，又有兔仔做裝飾，打卡一流呀🤭! 食物選擇不算好多，但全部賣相都好吸引～☆ 炭烤豬肉串燒🐽$𝟓𝟑串燒價格便宜，有雞、豬、牛、魷魚☺️。豬肉甘甜，也不錯!!☆ 泰式單骨雞翼🍗$𝟕𝟑雞翼有𝟏𝟎條，感覺好抵食呀😍! 炸得香脆，蘸點辣汁更惹味!☆ 香草蒜蓉焗麵包條🥖$𝟓𝟖愛吃蒜蓉包的朋友仔，必試這個麵包條😋! 外酥內軟，滿滿的蒜香，不蘸咖喱醬也可以～☆ 炭烤雞扒濃湯船河🍜$𝟗𝟐船河除了牛河，還可以選雞河\^O^/。雞扒又大塊又多汁，雞皮焦香，雞肉軟腍，船河濃香入味，微辣微甜!☆ 椰汁芒果糯米飯🥭$𝟕𝟖最後多飽都要吃芒果糯米飯😙，如果糯米飯是熱的應該更美味呀～

世貿原來都開咗阿閒泰，比起其他分店坐得更加舒服，環境更好，又有海景睇，店員嘅服務仲好好添叫咗2個set lunch，包前菜(泰式香葉肉碎蘑菇沙律)、主菜及一杯飲品炭燒牛肉醬油炒飯配煎蛋 ($138)燒牛肉厚身而且有肉味，炒飯唔會太乾身，加啲微酸微辣嘅醬汁非常開胃。煎蛋切開後流心，撈飯一流蟹肉煎帶子意大利麵咖喱汁 ($118)帶子肉厚，蟹肉份量多，意粉好掛汁，食到最尾一啖都仲有好多咖喱汁及蟹肉泰式生蝦刺身 ($35)蝦嘅半身係沾滿泰式醬汁，肉質彈牙鮮嫩香桃花茶好香嘅桃味不過唔甜嘅，好refreshing

今日妹妹生日，一家人和妹妹去了銅鑼湾世貿 上面4樓的一間叫阿閒泰餐廳，外面裹面都好有情調食物方面，叫咗幾道菜，都好有水準，味道好特別，和平常的，有D驚喜泰式生蝦刺身蝦頭炸得好正,蝦肉好鲜勿洞脆脆煎蠔餅好味，但蠔肉唔多泰又話啦菠蘿雞肉炒糙米飯，炭燒牛肉串燒因為冇乜菠蘿，所以味道一般般D肉有D難食，和硬阿閒泰虎蝦冬蔭功湯真係好辣， 如果冇食開辣野的朋友，最好唔好叫泰式椰汁雞湯好好味，好正，一定要叫呀!最後，我覺得食物ok，環境幾靓，服務都幾好，但價錢都是中上级，要生日，拍拖先可以去。

生日同家人食飯，找間靚得來唔太貴的餐廳，地方靚靚哋有少少高檔，一家六口剛好有張8人大枱俾我哋坐得舒舒服服，泰式生蝦超級好味，其他嘢都不過不失的好味，服務員有禮貌，對得起個價錢，下次要找地方同朋友食飯時會再去。

預約了12點, 我先早到了10分鐘，服務員請我入座 安排了海景位，她亦細心提供用餐時間90分鐘，是由 12點開始計，最後我們兩人 點了兩個Set Lunch 及兩個小食，直到 13：55 服務員才客氣提醒 我們可否先埋單。餐廳環境優雅，不嘈雜，服務員有禮細心，食物都好好。這近120分鐘的午餐 和朋友極之享受愉快，謝謝。

銅鑼灣世貿自大裝修後，引進很多新食肆；各國美食皆有選擇。今晚來了一間名氣頗勁的新派泰國菜餐廳。環境裝潢簡潔而帶有些雅趣，坐位寬敞舒適；還有個無敵遊艇會海景添！阿閑泰酸辣柚子沙律   $88大大件柚子啖啖肉，非常多汁十分開胃；加入花生和少許酸辣，令味道沒那麼單調。香芒紅菜頭米紙卷   $68這個米纸卷係健康選擇，雖然味道清淡；但顏色用盡心思，非常漂亮。虎蝦海鮮意大利麵    $128食材豐富採用大隻虎蝦，厚肉兼彈牙。青口雖然一般，但八爪魚鬆大條有嚼口。意粉夠爽口配合冬陰功醬汁令整個菜式味道提升不少，非常惹味。椰汁香芒黑糯米飯   $78賣相很靚當然第一時間要打卞啦！芒果清甜，黑糯米口感軟糯；暖暖的棷汁香味四溢，焦糖脆片帶來懷舊感覺和甜思思。總括這個甜點味道層次豐富，正！👍香茅班蘭茶  $42陣陣香茅幽香的班蘭茶可減輕餸菜的濃味和其他食肆少見到有供應，所以值得推介。

行開世貿發現有間泰式fusion餐廳，對於鍾情泰國菜的我當然會一試。門口仲有隻大bunny休閒地靜待你同佢打卡😂餐廳裝潢好清新自然，位置闊落舒適，而且靠窗邊進餐仲有海景欣賞😄打卡一流。🥗先來個炭燒牛肉配青芒果沙律，厚燒牛肉配上青芒果，感覺清爽可口。🥣冬蔭公湯又點少得，酸酸辣辣的湯底配上唔少的海鮮，鮮味十足，辣度又唔會好辣，不能吃辣的都可以一嘗。阿閒泰秘制滷豬手，豬手入晒味，軟霖，配上金黃流心蛋，令人食指大動。🥦原隻烤椰菜花配青咖喱，好大一隻椰菜花，清甜爽口多汁，再點上一份印度薄餅，點青咖喱食，味道真系好夾。🍮最後甜品點了楊枝甘露沙沙配自家製芒果雪條，酸酸甜甜果味濃郁，配埋條芒果雪條，十分滿足。

阿閒泰嘅西泰fusion菜一向岀色，今日一試佢個新menu🤤🔸泰式香葉肉碎磨菇沙律 $88肉碎和磨菇的搭配恰到好處，味道小辣，夾住生菜，口感層次豐富。 🔸炭燒牛肉配青芒果沙律 $118牛肉經過炭燒，帶有微微的焦香味，牛味重，搭配上青芒果的酸甜辣味道，好清爽。 🔸泰式醉貓炒新鮮手造卷粉 $128手造卷粉唔係度度都有得食，難得呢度有。口感煙靭，上晒色，食落好惹味，而且一啲都唔辣，唔食得辣嘅最啱。🔸炭燒帶子冬蔭功湯 $108幼粉軟滑又掛湯，帶子有三粒，軟嫩入味，讓人回味。湯底濃郁，帶著微辣的香味，酸酸地好開胃。 🔸椰子沙沙配芒果雪條凍 $68賣相誘人，椰子沙沙的口感綿密，搭配芒果雪好夾呀。

位於世貿中心呢間新派泰菜餐廳，裝修風格現代感鋪面光鮮，色調柔和，精緻嘅用餐環境比人感覺好舒服，而且窗口位睇到避風塘海景同小遊艇碼頭景色炭燒牛肉濃汁牛丸船河呢碗泰式船粉，份量十足，配料都十分足，搭配炭燒牛肉都有好多片，牛丸一口爆汁，所以大家要注意⚠️配菜方面仲有芽菜同炸豬皮條豬紅，湯底味道非常濃郁，帶有少少辣味，粉Q彈口感岩好而且掛汁，整體非常豐富泰式三文魚牛油果他他泰式調味酸甜，三文魚牛油果🥑好夾，拌勻泰式牛油果醬後，味道好開胃🤤泰式生蝦刺身生蝦刺身配酸辣青汁，6隻喺精緻杯裏面，可以更加入味，蝦肉爽滑肉質亦彈牙，吃落好鮮香茅豬肉米紙卷米紙煙靭口感嫩滑，加上紫蘇葉同又酸又甜嘅菠蘿同埋蘿蔔，味道好有層次感椰青滑冰超級大杯整個棷青滿滿沙冰，椰青水mix椰奶沙冰好清爽又唔會太甜膩，賣相都好吸引，飲落味道帶淡淡的椰青水味！

世貿中心開咗好多間食肆，間間都想食，今日就是呢間泰國菜。濃汁冬陰功虎蝦海鮮燴糙米飯糙米嘅質感好好，冬陰功味濃烈，超多帶子，魷魚鬚彈牙，整體真係好滿意。芒果菜頭米子卷當蔬菜咁食，米卷好薄，所有材料都新鮮，味道很清！泰南紅咖喱慢煮牛肋條慢煮牛肋骨條真係好軟熟，牛味濃，配件紅咖喱的香同帶點辣，喜歡！冬陰功黑咖啡是得意的嘗試，㗎啡味香濃，但係好辣😅😅，如果食🉐️辣的應該冇問題。虎蝦冬陰功湯好好味，今晚真係冬陰功之夜，啲蝦係最抵讚，因為完全係新鮮蝦。餐廳漂亮坐得舒服，係同家人朋友聚餐的好地方。

世貿進駐咗好多餐廳，其中就有呢間人氣🔥新派泰國菜館。環境裝修走田園風，樓底多空間大，仲有無敵海景，店員都好nice ! 午市套餐人均百幾蚊，有主菜、飲品及泰式香葉肉碎磨菇沙律冬蔭公虎蝦意大利麵醬汁是重點！香濃稠密的醬汁，甜中帶辣，層次豐富，伴意粉食好好味！炭燒牛肉醬油炒飯牛肉軟嫩帶口感，有陣陣炭香，太陽蛋為炒飯添加色彩，亦增加香滑感基本飲品可選阿拉卡比即磨咖啡或泰式季節茶，加錢不妨試下～泰式鴛鴦冰支裝凍咖啡，加入咖啡冰及奶茶冰中，配上淡奶，份量可自己調配，整個過程好玩又香滑好飲

朋友推介的阿閒泰，主打泰式Fusion 菜，平日晚上都非常多人，幸好有提前book枱，仲安排到海景位置！食物款式由小食至甜品比想像中多，飲品亦有酒精或無酒精可供選擇。必點的泰式鴛鴦，奶茶冰粒配上熱奶，倒入凍咖啡將所有材料溶為一體，甜度適中，口感順滑！Citrus Delight 帶有豐富的citrus果香，頗醒胃！佐酒小食點了一份鹹蛋黃炸魚皮，魚皮夠薄兼鬆化酥脆，醬汁濃稠度令每塊魚皮都能夠沾上鹹蛋黃，鹹中又帶有微辣，極之惹味！半份海南雞無骨啖啖肉，雞味頗重，肉質夠嫩滑，皮爽肉香泰式醉貓炒新鮮手造卷粉， 由泰國空運直送，賣相相當精緻，手造卷粉口感軟中帶煙韌，放涼了質感會變硬。加上青檸汁更為惹味泰式街頭椰子雪糕椰子味非常濃郁，味道清香天然，甜而不膩。雪糕口感綿密，配上清甜粟米粒，口感層次豐富。整體食物味道不錯，環境舒適，價錢頗親民，值得推介！