Video
3-min walk from Exit B2, Prince Edward MTR Station
continue reading
Telephone
23926100
Introduction
本店主要提供雞煲 (大中小辣) , 火煱 , 打邊爐, 特色小食, 脆皮牛腩 ,口水雞,麻辣豬耳,麻辣牛展,北京小黃瓜,香脆墨魚丸
continue reading
Opening Hours
Today
17:30 - 02:00
Mon - Sun
17:30 - 02:00
Above information is for reference only. Please check details with the restaurant.
Offers
Video
Photos
日本帶子辣雞鍋（小）
+1.2K
+37
Recommended Dishes
-
脆皮牛腩
-
麻辣墨魚鬚
-
酥炸桶蠔
-
手切極品肥牛 (大)
-
尖椒皮蛋+10
講起食雞煲都分了有好幾級別，其一係價錢差別等如係食材質素，其二係配搭方面都好重要，加埋出色醬汁烹調先至可以食到美味雞煲，今次都唔例外又去品嚐至愛雞煲店舖位置係花園街亞南雞煲，睇個名就知道係專食雞煲嘅專門店，係餐單上面已有十多個款口味選擇，必定有一款啱心水，我哋叫了呢款日本帶子雞煲(細煲）$318除了招牌美食，仲有多款餐前小食提供，點了兩款食住先，第一款麻辣墨魚鬚$65，入口已感受麻香味幾刺激，墨魚酥肉質爽滑口感十足襯埋天地一號蘋果醋解解辣味又繼續食至於第二款酥炸桶蠔（每隻$48），最小要order兩隻起先至有有食，一人最小都食到兩隻，尤其我呢D蠔痴啱晒胃口，而且份量都有咁上下大件金黃鬆脆嘅炸漿包住肥美飽滿桶蠔，咬一啖已食到爆汁嘅蠔肉鮮甜十足，真係首選必點小食，一邊食一邊等終於輪到主菜雞煲始滚起已經聞到醬汁散發出濃郁香味係時候慢慢品嚐一下當然吸精地方之一，有剌身級嘅日本帶子，連埋花甲提升整個煲味道，帶子肉質爽彈囗感一流再食件雞肉掛滿晒汁食落更惹味花甲肉一樣咁出鮮，連埋其他配料一齊食會更滋味更濃，不知不覺地咁享受一餐豐盛滋味雞煲。
continue reading
又到放假食好西系列！呢晚同朋友去食雞煲大滾特滾開心一晚。我哋呢晚再去太子嘅亞南雞煲開餐！貪佢呢度夠熱鬧嘢食又唔錯。鬼死咁熱整杯鮮製菠蘿冰飲吓先！大大杯汽水入面全部都係新鮮嘅菠蘿粒，飲住佢食雞煲真係襯到絕。餐前小食尖椒皮蛋鍾意就一定愛C佢！味道香香辣辣咁真係好有個性。麻辣墨魚鬚都好好味切片嘅墨魚酥食落去好有咬口，用咗麻辣醬撈食落有魔性嘅味道。蝦多士嚟到嘅時候香噴噴好鬼吸引！食落去好乾爽一啲都唔油加埋彈牙嘅蝦膠真係好鮮味，呢個時候真係要飲番杯啤酒先得。香口嘢仲有呢個油炸鬼釀墨魚滑！我就鍾意放落湯吸晒味食得特別過癮。椒鹽鮮鮑魚都係呢度嘅招牌菜！炸漿好薄身鮑魚夠新鮮，咁樣既整法食落特別惹味。仲有我最鍾意食嘅王牌脆炸牛坑腩，香口牛坑腩食落鬆化肉味香濃正呀喂。酥炸桶蠔都好夠件頭！炸蠔咬落去外面卜卜脆入面新鮮軟綿，鍾意蠔嘅朋友食得好鬼開心囉。呢個時候我哋叫嘅兩個雞煲都上枱喇！先嘆冬瓜花膠瑤柱花甲雞煲！大大煲入面有新鮮雞、花甲同埋養顏嘅花膠，大家都唔客氣先飲碗香甜靚湯，然後食埋新鮮彈牙嘅靚鮮雞再慢慢打邊爐。跟住仲有一個花膠雞煲！大家好好叫咗小辣嚟就我，包滿香辣醬嘅雞食落去雖然真係有啲辣不過就好鬼惹味，呢個啱晒鍾意食辣嘅老婆大人。食完雞煲之後我哋就繼續打邊爐！先嚟碟安格斯牛小排嘆吓，牛小排雪花靚到不得了睇見都流口水，食落肉質香滑牛味香濃質素好唔錯。我梗係會照顧唔食牛嘅老婆大人啦！所以叫咗呢個極品黑豚肉過去嘆，呢個豚肉比平時出面食嗰啲厚切少少，灼熟咗之後咬口比較豐富肉味仲好香濃唔錯喎。呢度嘅野生竹笙係必食嘅火鍋配料！大大條又爽又滑吸晒啲雞湯味真係好鬼正斗。然後我哋仲嗌咗蝦滑拼墨魚滑、蘿蔔片同埋鳳城水餃，食完之後真係飽到上心口勁飽呀。
continue reading
一個晚上，與多位友人再次來到這間位於太子花園街的中菜館，打邊爐，食雞煲，一樂也。先來點店家的招牌小吃：「尖椒皮蛋」、「麻辣墨魚鬚」、「皇牌脆炸牛坑腩」、「蝦多士」、「酥炸桶蠔」和「椒鹽鮮鮑魚」。「尖椒皮蛋」跟「麻辣墨魚鬚」一微辣，一小辣，辣得來不會太刺激，又能增進食欲，都是不錯的前菜小食。「皇牌脆炸牛坑腩」不愧是皇牌出品，外脆內軟，味道也好，正！「蝦多士」夠大件，「酥炸桶蠔」又夠大隻，香口美味，送酒一流。「椒鹽鮮鮑魚」雖然難免沒有西貢名店「六福」的出品那麼出色，可也有「六福」出品的八成水準，而價錢就便宜了一截，我覺得相當抵食。吃過小食，「花膠雞煲」和「冬瓜花膠瑤柱花甲雞煲」（大）分別送上。「花膠雞煲」要了小辣，辣度適中，十分入味，也十分開胃，而且雞件也多，加上軟滑的花膠，就更加好了。「冬瓜花膠瑤柱花甲雞煲」既有花甲，又有花膠，還有大量冬瓜和瑤柱，更用上了鮮雞，湯味很是清甜，讓我不禁一再添喝。值得一提的是因為用上了新鮮雞，所以整副新鮮雞雜，好像雞腎、雞膶、雞心等都藏在這雞煲裡面，讓我們就像尋寶一樣，把想吃的雞雜撈上享用，也不失為一種樂趣。食火鍋，當然少不得肥牛。這晚我們點了「安格斯牛小排」（大），另外還有「極品黑豚肉」（大）。兩者中，「極品黑豚肉」肉質挺好，不過兩者相比，就還是「安格斯牛小排」肉質更好，吃來也更美味。除了牛肉和豬肉，這晚我們還有「野生竹笙皇」、「鳳城水餃」、「手打雙拼滑」和「雜菜籃」等，這麼豐富的火鍋雞煲晚餐，讓我們一眾友人吃得飽飽的，才各自歸家，大滿足。
continue reading
想在太子區找一間夠味的雞煲火鍋店？不妨試試亞南雞煲。這間主打雞煲，而且款式非常多元化，還有湯雞煲系列。濃郁湯底加上豐富食材，無論晚餐或宵夜時段都很適合三五好友小聚。飲品首推大大杯冰涼的 菠蘿冰 (HKD 35) & 清新解喝的 凍檸檬茶 (HKD 35) 若你喜歡湯底濃郁又不失清甜的雞煲，就選 竹笙濃湯雞 (HKD 668/大煲)質感脆嫩的野生竹笙很大條，吸收了湯的精華後格外可口，還有膠原蛋白豐富的的花膠很爽滑彈牙。加上選用新鮮雞，肉質就更為嫩滑。而且湯入口香醇不膩，層次感豐富。除了雞煲主鍋之外，也選了一些火鍋配料。手切極品肥牛 (HKD 328/大) & 芝士牛丸 (HKD 58)切工整齊、油花分布細緻均勻的肥牛，入口軟嫩且牛肉的鮮味濃郁。燙口的牛丸內有鹹香的芝士，與彈牙的牛丸形成完美對比。點完肉類火鍋配料，也可以選擇能中和油膩感的 雜菜籃 (HKD 48)另外亦點了內餡飽滿扎實的 水餃 (HKD 58)還有以墨魚漿製成、外層包裹豆皮的 墨魚春卷 (HKD 42) 口感帶彈性。雞煲與火鍋配料以外，亞南雞煲的小食也非常有水準。麻辣魷魚鬚 (HKD 65) 口感爽彈不韌，辣度過癮，嗜辣的要選這個。蝦多士 (HKD 65) 炸得金黃酥脆的多士鋪上厚厚的蝦膠，再灑上芝麻，很滋味。外層酥脆，內裡極為軟嫩的 脆皮牛腩 (HKD 88) 肉味很濃。椒鹽鮑魚 (HKD 240/5隻) & 酥炸原裝桶蠔 (HKD 240/5隻)整隻鮑魚裹上薄脆外皮酥炸後顯得外脆內嫩，再灑上香口椒鹽，鹹香開胃。每顆蠔都很大隻飽滿，外層金黃香酥，蠔本身則仍然保留鮮嫩多汁。
continue reading
今晚，我和四位好友相約到阿南雞煲，之前已經食過，今次再試嚇新嘢，因為今次朋友唔食辣，所以揀咗花膠湯。麻辣墨魚鬚墨魚鬚的嚼勁十足，搭配上麻辣的調味，讓這道菜成為了今晚的焦點之一。椒鹽鮮鮑魚有獨特的椒鹽香氣，鮑魚肉質鮮甜，外層的椒鹽脆皮令每一口都充滿驚喜，搭配上喼汁，讓人忍不住一口接一口。酥炸桶蠔桶蠔外脆內嫩，鮮味在酥炸過後更顯突出，口感令人滿意。蝦多士香脆的多士上鋪滿了新鮮嘅蝦仁，口感層次分明，十分酥脆。皇牌脆炸牛坑腩外層的脆皮與內裡的牛肉互相配合，牛腩多汁鮮嫩。蟲草花野生竹笙花膠湯濃雞煲花膠湯的湯底濃郁，散發出一股誘人的香氣，湯中加入了新鮮的雞肉，肉質鮮嫩，與湯底的滋味相得益彰。蟲草花和竹笙的搭配令湯更加豐富，喝上一口，整個人都感到好滋潤。安格斯牛小排好靚嘅牛小排，雪花紋理好靚，肉質鮮嫩，輕輕一勺就食得。極級芝士牛丸芝士香味十足，牛丸的彈性和芝士的香濃相互融合，讓人食指大動鳳城水餃水餃的皮薄餡多，口感滑順，讓人感受到家的味道凍檸茶凍檸茶既能解膩，又帶來清新的口感，是今晚的完美收尾。阿南雞煲每一道菜品皆展現了廚師的用心，無論是口味還是擺盤都令人讚賞，讓我們期待下次再來光顧！
continue reading