天外天

下午茶比較少去酒店食中菜，尤其是中式點心，今日咁啱係歷史博物館附近行街，就決定去呢度試下high tea。天外天位於Hotel Icon 28樓，因為係平日，人唔算太多，所以安排到窗口位置，居高臨下，可以望住個維港靚景享受美食。內裏裝修有別於一般中式酒樓，帶有一些西式餐廳的感覺，整體感覺幾舒服。叫左幾籠點心，腸粉，阿拉斯加長腳蟹餃和金箔松露龍蝦餃。腸粉十分細緻嫩滑，餡料豐富，美味十足。特色餃十分出色😍，皮薄餡足，最重要又唔會太大隻，十分適合淺嘗，同時間可以試多幾款😆，兩個餃的長腳蟹及蝦都好爽、好彈牙，咬落去有爽脆的聲音，亦好香蟹味和蝦味，賣相、口感、味道都很驚艷！

👦🏻生日想食中式野，帶左佢黎天外天食點心🍵一個月前預先喺網站book左位，並要求坐窗邊位💛但唔明點解唔會send返個confirmation email俾人，搞到要主動再打俾佢地confirm.好彩當日都真係俾到窗邊位我😍😆望住個海好正呀🫶🏻我地兩個人唔係好大食，叫左6個點心，加一人一個灌湯餃☺️.點心有：叉燒腸、鵝肝咸水角、鮮奶撻、響螺餃、燒賣、芋泥鴨酥😜.整體黎講，蒸既點心比較出色！好足料，燒賣同響螺餃既餡料都好彈牙🦐.至於炸既點心就一般d, 鵝肝咸水角係完全無鵝肝味，外皮都有少少痴牙🙈.灌湯餃唔係到到有得食😈梗係要試吓啦！餡料充足，但覺得唔夠多蟹肉😹.因為訂位果陣有講明係慶祝生日，仲送左兩個壽包俾我地添❤️

• 腐皮素卷 $98脆而不油，炸得剛剛好✨ 調味亦十分適中。推薦指數: 🌕🌕🌕🌕🌗🌑 (4.5/6)• 凍頂烏龍茶燻鴿 $228 天外天其中一道推薦菜，一上枱已聞到很香濃茶葉味，入口亦吃得出香茶味✨✨✨，鴿肉也沒有燻得過乾，做得很好。性價比高！！推薦指數: 🌕🌕🌕🌕🌕🌗 (5.5/6)• 無花果炒澳洲和牛粒 $398和牛粒有肉味，很軟諗，和無花果很配合，開胃且不油不膩✨個人很喜愛無花果的味道～推薦指數: 🌕🌕🌕🌕🌕🌑 (5/6)• 金銀蛋浸菠菜 $168味道正常，相比其他出色菜不過不失～推薦指數: 🌕🌕🌕🌕🌑 🌑 (4/6)• 香煎百花釀帶子 $338意外地份量多，而且帶子亦很大粒～～ 味道正常推薦指數: 🌕 🌕🌕🌕🌗🌑 (4.5/6)天外天坐落在尖東海旁28樓高層，餐廳有270度海景～ 環境闊落，服務不錯，食物質素亦穩定。性價比高✨✨！！如果來吃，記得訂坐時要求海景位置～～✨推薦指數: 🌕🌕🌕🌕🌗🌑 (4.5/6)

環境靚，對住維港海景，如果冇睇過幻彩泳香江的朋友可以預約窗邊欣賞景色。服務態度好，不過中途侍應唔小心倒瀉左叉燒汁落朋友身上，經理即刻提議免費乾洗，以及全單有85折。因為家人請客，所以唔知價錢，但都知略貴。食物質素都好味，但份量唔算太多，性價比偏低。但擺盤靚，得體。

💚 天外天📍 尖沙咀科學館道17號唯港薈28樓------------------------------1️⃣ 雲南珍菌煀鴿皇 $308推薦指數：👍🏻👍🏻👍🏻乳鴿烹調得不錯 鴿肉一咬即化 非常軟腍🥰 可惜太鹹 另外 配菜的花菇厚肉軟滑😆2️⃣ 豉油皇煎龍躉球 $248推薦指數：👍🏻👍🏻👍🏻龍躉片煎得香脆 魚肉結實 一絲絲的口感 不錯👍🏻豉油味香 惟太乾了 3️⃣ 蝦籽遼參炆豆腐 $338推薦指數：👍🏻👍🏻👍🏻👍🏻遼參和豆腐都滑捋捋 味道剛好😍 然後以蝦籽點綴 有畫龍點睛之效☺️4️⃣ 蒜香焗蟹蓋 $168推薦指數：👍🏻👍🏻👍🏻👍🏻蟹蓋內餡味道較淡 外皮焗得香脆😆5️⃣ 煎釀百花蟹鉗 $148推薦指數：👍🏻👍🏻蟹滑彈牙 但相當普通🙂6️⃣ 木瓜無花果燉法國鷓鴣 $238推薦指數：👍🏻👍🏻👍🏻👍🏻味道清甜 有木瓜和無花果的清香 亦有鷓鴣的肉味 三者配搭得宜🤩7️⃣ 羊肚菌竹笙燉菜膽 $138推薦指數：👍🏻👍🏻👍🏻素湯比較清淡 但羊肚菌的獨特香味為湯增添風味☺️8️⃣ 金銀蛋浸生菜推薦指數：👍🏻👍🏻漏單 等了一個鐘都未上的生菜🥬然後跟普通生菜沒有分別------------------------------服務態度一百分💯

之前同屋企人嚟開年，酒店中菜廳嘅員工服務好好，殷勤有禮，餐廳都受歡迎，一早book但海景位都full晒，不過佢其他位都坐得好舒服，裝修佈置都好靚我哋4個人點咗黑松露茶薰蛋、魚湯浸豆苗、鱔、鳳梨咕嚕肉、大蔥爆羊肉同安格斯牛肉炒河所有食材本身質素都高，所以樣樣嘢都好好食黑松露茶薰蛋 - 好多黑松露，薰味好香魚湯浸豆苗 - 魚湯好濃好足料鱔 - 厚實好咬鳳梨咕嚕肉 - 汁嘅甜酸度啱啱好，愈食愈開胃，但個皮就唔夠脆大蔥爆羊肉 - 汁好夠濃好香，羊肉本身好好食安格斯牛肉炒河 - 牛肉淋身，個河粉唔會太油茶就開咗凍頂烏龍，個人就鍾意濃啲，茶包大個啲會好啲，餐前小菜係琥珀合桃，再多少少糖脆啲會再好食啲整體服務同食物質素都好滿意

今年農曆新年🎊年初三赤口🤣我哋選擇咗去hotel Icon頂層28樓天外天❤️居高臨下環境服務態度一流👍🏻最後有財神出現有驚喜🎉🎉當然要拍照留念🤩 ~鮑魚撈起🥰💵💵 🔺職員每加一個醬汁都會有一句好意頭說話👍🏻 ～節節上升👍🏻 🔺豆苗扒蟹柳，清清地好味😋 ～炒帶子 🔺其實有個好有意頭嘅名稱🎉 🔺但我已經忘記咗🤣總括嚟講，係值得一試嘅酒店中餐👍🏻

13 Dec 22 和家人，一行三人到天外天飲茶，餐廳很受歡迎，要預早落booking，環境和服務都一流。菠蘿叉燒包夠特別，好睇又好食。蝦餃製作精美，而且很鮮味，值得推介。脆脆腸粉，兩個口感，也是必食之選。阿拉斯加長腳蟹餃，造型和賣相都囉滿分，並非間間餐廳可以食到，下次再來一定要試下。茶熏乳鴿，不過不失。遇正生日，部長更細意安排壽包，非常驚喜，整體感覺十分良好，坐得舒服，環境和食具都衛生，會介紹朋友到訪。

Very decent place for special occasion celebration.Food quality was high and services were welcoming and accommodating.The combinations for the set dinner was good. Every dishes were nicely done, both presentation and taste.things to improve: -main dish shall come after we finished the appetizer-the wrap for the duck is not hot enough even though there's steam to try to keep it warm

估唔到今年連hotel icon既中菜廳天外天都有join seafood love sake呀！即刻衝左去食🥲 套餐$388元，包括金湯芙蓉星斑件 同 開運貓純米。佢地今次用左魚作主要食材，搭配以雞肉、豬肉及鴨肉等食材熬製的上湯，去帶出魚肉既鮮甜，好味👍 至於純米清酒我比佢既外型吸引左，係好得意既開運招財貓，超級無敵可愛同好意頭，飲落有果香！同魚鮮味好夾！除此之外，佢地仲有自家製既nuts，甜甜地，次次都食到唔停口。天外天算係我食過會想encore既餐廳。

終於等到SEAFOOD LOVES SAKE既活動，海鮮同清酒都係我致愛。今次黎到Hotel Icon staycation，順便黎酒店既中菜館天外天食飯，咁岩遇著我想參加個清酒活動，真係完美計劃。Hotel Icon酒店服務我一直好滿意，住過幾次，今次食飯主菜係金湯芙蓉星斑件配開運貓純米。經理介紹係用東星斑黎煮，而上湯用左雞肉、豬肉及鴨肉等食材熬製，雖然聽落係普通食材，但廚師令到啲魚肉既鮮甜味完全發揮左出黎。經左火入式殺菌後急速冷卻既清酒，再帶蜜瓜同小黃瓜香氣，為魚肉提鮮。普通食材配上特別煮法同清酒，有另一番味道。

唯港薈既staycationbook左套房package另外再加500升級中菜海鮮餐不過減番賞你住就叫做打番個和天外天就位於酒店二十八樓頂樓係米芝蓮餐盤推介既中菜廳呢間天外天學左其他酒店米芝蓮西餐好似caprice同文華扒房咁整左個酒吧係入門位酒吧係下午三點至六點就會當成酒店行政酒廊黎用而酒廊六點後就會做番普通酒吧用途所以行政酒廊只有去到六點今晚侍應係帶我地轉身由後面走廊行入去偏廳呢個位一睇就知正正係我地club80房間既間隔頭頂兩盞海刺吊燈華麗感就無乜感覺就好似好易會比佢插中咁而我地張檯大概又係安排左係最靚景果個corner二人檯望住既係同我地房同一樣既景六月日長夜短就算七點幾個天都仲未黑晒仲可以見到千禧新世界頂樓泳池著緊燈一路望過去尖東大概就只有rosewood係比hotel icon高天外天中菜廳同君悅港灣壹號一樣只屬米芝蓮餐盤推薦餐廳慢慢地呢個餐盤推薦已經變得唔太重要無乜人理會而餐廳由黃子其黃師傅帶領網上無乜資料淨係見到官網寫話黃師傅曾經任職過W同半島酒店係19年正式上任行政總廚一位而呢一間天外天就咁望落餐廳係無乜傳統中菜味門口仲加左個西式酒吧可能想突顥番自己大學酒店想要創新既

星期四晚先打去book weekend lunch ~ 點知一book 就book到，決定同屋企人去試下飲茶叫咗例牌叉燒 (🌟🌟🌟)食得出同一班餐廳/普通酒店的不同，肉質勁淋，好軟但太淋 咬口一般，個面都無乜燒過的脆燶 比較其他出名嘅酒店中菜，真係失色左啲 諗唔到食咩 叫咗侍應推薦咗xo 醬炒腸粉🌟🌟🌟同樣，如果大家有食過強記煎腸粉就應該會對呢個有期望🤣 但煎既手勢就差得多了~叉燒酥 (🌟🌟🌟🌟🌟) 有驚喜。推薦！佢個酥皮食落去後，個口一啲都唔乾唔痴口。好鬆化本身都見多人叫都仍然好有驚喜！相對呢個鮑魚雞撻就比想像中失色啦 - 🌟🌟🌟我見好多人都有叫呢一個小食，但係覺得個鮑魚同曲奇底都唔係好夾，亦都唔係好食得出啲雞粒味同口感。我就唔會推薦啦反而呢個脆皮雞就好好味半隻佢個皮係好好脆好薄，啲肉都好肉味，完全唔洗點鹽同檸檬 ，就咁係最好食！🌟🌟🌟🌟🌟仲有一個長腳蟹餃🌟🌟🌟🌟發現其實佢係用料取勝。下次可能都係試dinner / 其他hotel中菜。或者我叫唔啱食物當然以酒店來講 hotel icon既中菜相對好實惠 仲有28樓的靚海景搭救

將會掛8號風球我才可以去Hotel Icon的天外天酒樓吃平日才有的午市套餐。兩款套餐都有點，各有千秋，我喜愛套餐B的原隻鮑魚雞粒撻，一見到大大隻的鮑魚就開心啦🤣蛋撻皮都好脆，美味👍 另外覺得非常有水準的點心是牛肝菌燒賣，肉和蝦材料非常新鮮，超讚😋另外，主廚推介套餐的金腿魚肚羮真材實料，熱騰騰的也很美味，小菜部份的金蒜銀絲蒸斑件及大千爆澳洲羊柳水準也高於一般水平，煙三文魚香提芙蓉炒飯也不錯，材料有煙三文魚、提子及蛋白，炒飯不油膩，粒粒分明，加了三文魚亦很香，推介👍

今日約了朋友食飯，由於朋友不愛好生冷的日本菜和西餐，所以我地決定食個傳統的中菜，經朋友介紹得知這間天外天的中菜廳無論環境和味道都相當不錯，於是便訂了兩位的晚餐。我們被安排坐落在海景窗邊的二人座位，對著香港的美麗夜景，十分賞心悅目。我們叫了一碗蟹肉豆苗羹，十分清淡，應該適合愛好清淡的朋友，例如我。另外叫了朋友喜愛的咕嚕肉和黑松露炒蝦球，咕嚕肉十分美味脆口，即便上菜之後良久，依家可以保持香脆的外殼，實屬難得。炒蝦球用料新鮮，加上黑松露的點綴，也是值得一試的佳餚。