天外天

這個Tea Set最吸引我之處是加入了中式原素，因平常的三文治或蛋派已有點令人厭悶，改以廣東點心，即時令整個下午茶充滿朝氣首先上場是以中式點心為主，千絲鳳尾蝦外層是法國麵包絲，切得幼細，炸得金黃，賣相特別，外脆而肉質爽口彈牙，非常到位。鳳梨鵝肝酥很有創意，酥皮亦有水準，鳳梨的清香可以中和鵝肝的油膩，咬落帶有豐富的葡汁香味，令人回味。蜂巢脆芋角同樣是不覺油膩，餡料加入雞肉及蘑菇，外層又香脆。松露南瓜餃外層是用南瓜搓的皮，有著蔬菜的甜味，很清新的香味，素食者一定喜歡。點心過後，便是最愛的甜品架出場，上層是七款甜點，而下層是玫瑰煙鴨胸蝴蝶夾，鴨胸肥瘦適中，散發淡淡的鴨肉香氣，配上幾絲京蔥，用辛勁來調和鴨臊，不錯。士多啤梨欖油忌廉卷入口很鬆軟，半剖開的草莓帶來了清香及微酸的味道。栗子法式焦糖燉蛋又是一道中西合璧甜品，用上中式茶杯作盛器，表面焦糖薄而脆，甜而不膩，份量少少的，恰到好處。而桂花荔枝啫喱用上兩種同是清香的材料，竟然不會互相搶味，荔枝的出現，還可以清清味蕾。一直都對天外天的點心有信心，而事實上又真的在新意與味覺之間拿捏得準，就算是中式點心，部份都令人有驚喜，值得一試。

五一勞動節，平時做野禁操勞，緊係要補常一下。黎到天外天，由於位處尖東，周圍大廈不高，餐廳視線開揚，天外天名字改得頗合適。吃中餐總有些前菜，多是一些hea野，但天外天的滿不錯，兩道前菜都不俗，突別喜歡合桃，香味突出。先來燒味拼盤，點了燒肉叉燒，雙豬。先食叉燒，半肥瘦不在話下，肉質淋滑肉香四溢。燒肉也見出色，坊間多以方粒燒肉主導，天外天的是厚身的，久久沒有嚐過，更顯出美味，厚切令中間肉汁得以保留，表層香脆，內肉汁豐。去骨既鮑汁豬仔腳，一絕。啖啖肉，只有小小骨，炆得夠淋夠入味，鮑汁味道出色，滑身鮑汁雲吞薑蔥撈麵，雲吞一口一粒，皮夠堅韌，唔會一夾就散，加上薑蔥鮑汁撈埋一齊食，正晶瑩鮮蝦餃，用上原隻蝦再配上蝦膠同荀，味道質感都上乘時菜牛肉球，偏小，幸好牛肉質數好，但我還是喜歡配上腐皮

今天來到天外天用膳，雖然天色不算很好，但確有居高臨下之感。餐具齊備觀海境置酸菜: 蜜糖合桃很脆很甜，好味; 另一款辣豆干粒很惹味，很特別。义燒腸粉: 皮薄餡足，义燒味濃，皮夠滑。XO煎腸粉: XO醬很惹味，腸粉夠滑，煎得香口，推介之選。义燒包: 包皮軟滑，但包多過义燒很多，略不夠味。牛肉球: 質感過實，肉味不濃，一般。炸魷魚鬚: 炸粉厚身，不夠脆，扣分。沙薑雞腳: 濃濃的沙薑味，雞腳淰滑，膠質重，好味。素鵝: 上枱時只是微溫，影响了整體味道。素鵝伴有酸汁和酸蘿白，有別平日沾醋的，算是特別。欖菜蒸餃: 皮做得不錯，薄不秥口，餡料清淡卻豐富。南瓜粟米瑤柱粥: 綿滑，滿滿的南瓜香甜，吃時有粟米和瑤柱，增加了口感和鮮味。鮑魚荔蓉酥: 鮑魚不是重點，反之荔蓉很好，重芋香而且幼滑，做得鬆化。干炒牛河: 說是安格斯牛，但牛味一般，而且火喉不足，不夠香和過油了點。

上次試左晚餐，今次黎試中西合壁high tea。唔知係咪每個月都會轉款式，今次黎已經同上個月友人食既唔同晒。飲品種類方面就一樣冇變，依然係茶同咖啡。我揀左桂花烏龍茶，鳥龍茶中帶有清香桂花味，入口清清地。食物一黎到，不得不相機先食。因為真係做到好精緻，糯米蝦燒賣用蟹子做左一對超級迷你桔仔出來。聞到都好香，一路影相 ，真係會一路流口水。中式方面，比較喜歡雲腿芝士脆帶子，因為呢款點心既外型，一般茶樓比較少見。帶子本身冇乜味，但配左雲腿同芝士，味道相宜。鹵肉蒜茸多士估唔到鹵肉都可以配多士。呢個配搭真係好新奇。塊肉本身好肥，配一塊較乾同脆身既多士，感覺冇咁肥膩。西式方面各有千秋。一見到長柄士多啤梨就驚佢酸酸地。誰知士多啤梨本身甜甜地之餘，加埋已凝固的朱古力，造成一個外脆內軟，再加上由好甜到清甜既感覺。熱情果啫喱椰子忌廉杯。呢個賣相，哄到我地幾個女仔好歡喜。食落酸酸甜甜的，每一層都有特式，有唔同口感。上面有啫喱同脆脆，中間有一層蛋糕，底層有忌廉。朱古力香橙啫喱棒棒糖，外型好有趣。球形朱古力外型內，唔係有振振下果啲啫喱，而係煙靱的橙味啫喱狀物體。呢度食物種類比較多元化，唔會有太甜、好易飽、食唔晒既感

到餐廳一定要訂枱。如果walk in有可能無位子，服務很好 。是跟朋友吃飯談天的好地方。最好吃的是紅蟳米糕。很新鮮。那個蟹超級新鮮。羔也很多。那些飯加上羔一起吃。太喜歡了。。連小吃羔的我。也停不了口，~蝦餅麻麻。味道普通。不值那個價錢。不吃也可。

近來經常落雨，難得的好天氣。本來訂位時還未CONFIRM 窗口位，好彩最後都有位。呢個靚景，一絕呢！侍應服務親切，樂意介紹菜單。我地點左2人SET DINNER 再加一個招牌菜：安格斯腩片前菜(每人一份)呢三樣已經成功啓動我既食慾。估唔到外表普普通通，但放左入口，可以咁香口。黑豚肉义燒，唔肥唔瘦，口感JUICY有彈性。燒腩仔放涼了，仲係咁香脆。黑松露茶燻蛋好正，凍凍地又香香地咁，正！安格斯腩片外脆肉嫩。表面有少少煎香的味道，內裏有厚厚的腩片質感。必食呢! 以為2人餐，片皮鴨得幾塊仔。誰知，成隻鴨放係我地隔離俾人片。本來想忍口唔食咁多，但啲鴨片冇乜肥膏同肥油，燒到又脆又香，配埋青瓜同蔥又冇咁油膩，結果食晒同埋感覺好FULL。有個帶子茄茸湯感覺好FRESH，菜搞成茸，帶子細砌，可以為今餐做個中場休息。黎到炒飯同牛柳粒已經唔係太食得落，只係食左一兩粒牛柳粒，其他要打包。甜品係另一個胃，所以食晒！本來佢地冇呢啲甜品，但我話可否幫我安排一下。最後竟然冇取消我地本身的甜品之餘，再另外送上呢個甜品俾我地。真係好貼心呢! 呢個CUPCAKE為今餐再加一份浪漫。謝謝悉心侍應的安排！

朋友十分欣賞"天外天"的景觀，特別提早訂位，為我慶祝生日！面對維港的景色，居高臨下，品嘗我喜歡的白酒，實在是賞心樂事。朋友點了很多菜式，有黑松露茶燻蛋，南瓜蟹肉湯，黑松露海膽蛋白帶子，清蒸龍躉件等等。食物水準尚可，但不至於令人留下深刻印象。值得一提的是茶燻蛋，有濃濃的茶香。全晚最令我開心的，是”生日快樂壽包”。在中式食肆，吹蠟蠋吃壽包，中西合壁！

與家人一行六人晚膳。先說說訂位，亂！一星期前預訂，星期五晚的。後來再致電加人數一位，說沒有我的訂枱！😳幸好餐廳還未滿，再一次訂位。第二日接到確認電話，日子人數皆錯！電話的女士回：星期五沒有圓枱了。我問圓枱和長枱的分別是什麼？她回答：圓枱是圓的。。。還是算吧，再問也沒意思！同日再一次接到另一個確認電話！就當她們是見習，算！一到餐廳，景觀非常好，加上香港少有地沒有煙霞，對岸也看得清清楚楚。坐下來侍應們立即為我們鋪上餐巾，端上熱水和茶，熱情但有禮貌。餐廳經理為我們落單，耐心的等候我們看餐牌，並作介紹。我們來了黑松露熏蛋：松露香味沒有了，熏蛋只有咸味卻沒有煙熏味。杏汁豬肺湯。有厚厚的花膠在內，也有其他配料，材料十足。。。不是應該只有杏仁和豬肺的嗎？但味道還好果皮蒸星斑頭腩。這個絕對是錯誤！這怎會比流浮山三聖村的海鮮酒家好吃？薑汁炒芥蘭，油不多，薑味夠魚湯浸菜苖，味道好像真的是魚湯噃！但配料似乎多過菜炒黑毛豬腩肉。我吃不到是否黑毛豬，但少少辣味道剛好。肉蟹蒸糯米飯。膏很多，每啖飯都有膏！膽固醇不得不成為好朋友！但可惜飯太濕，糊糊的口感不太爽。鮮蝦雲呑撈麵。雲呑小小的，麵夠爽身，但梘水味略重。最後

We went to the Hotel Icon intending to have Western style afternoon tea down in the lobby, but given the queue went up to check out the Chinese version upstairs. We were really glad we did as Above and Beyond was a cosy well designed space, with great views over the harbour. The afternoon tea was top-notch - very tasty dim sum (especially the curried crab pastry and the little bao with peking duck) as well as sweet dishes (great lychee in jelly and also the creme brule).  All of the savour treat

好友係high tea 狂熱，所以個幾月前已經mark 定我地schedule，book 定呢度既下午茶餐喇!因為要三點先可以入，所以登記左之後就帶左我地去lounge戈度坐，夠鐘就有staff帶返我地入去餐廳坐。不過呢日太陽伯伯十分 "給力"，被安排坐喺落地玻璃傍邊既我地，即刻要求坐隔離卡位，侍應話要check下有無人request左先，好彩無人request，如果唔係就成餐都要曬太陽喇~安頓好哂之後就要揀飲咩喇~除咖啡同基本既茶之外，仲有玫瑰香片茶、薰衣草菊綠茶、桂花烏龍茶、人參烏龍茶、甜蜜回憶茶...甜蜜回憶茶? 咩黎架? 雖然侍應解釋左係咩，不過已經唔記得左入面有咩茶葉lu，只可以講係苦苦澀澀，唔同其他茶咁有香味，仲被朋友笑 "係咪你d回憶苦，所以d茶苦咋!" 無言...... 上完茶之後就有細細杯既湘蓮百合杏仁茶，質地比較稀，杏仁味突出，無平時既杏仁茶咁甜，較清淡，唔會飲完之後蓋過之後既食物味道。跟住好快就上中式點心，賣相非常精緻，蒸籠仔內有松露南瓜餃 & 甫魚燒賣皇 ，用上南瓜皮做既松露南瓜餃有好香既南瓜味，加埋裡面既什菌，味道清新，最啱喜愛食菇既我~甫魚燒賣皇 - 雖然用

自從兩年前，特意來品嚐廣州白天鵝賓館的交流懷舊點心後，便每年都會訂位一試，以一間新派酒店，揉合了傳統的手藝，當然幻化出無限可能。以點心作為下午茶主角，的確別出心栽，當大家在下午滿佈陽光的日子，靠近窗邊的檯子，可以感受到暖暖的陽光在身上游走，在寧靜的背後，可以看到紅磡沿海的景色，透出了一絲悠閒的氣息。在好幾款茶中挑選了西湖龍井，而朋友則點了普洱及鐡觀音，也好，大家可以分靠一下。餐前先來一杯湘蓮百合杏仁茶，比起大班樓的會較淡雅，不太濃稠，喝起來很舒服，杏仁味在口腔內散出餘韻，可要慢慢品嚐。下午茶是$488兩位用，所以食物都是兩份上。首先上場是以中式點心為主，千絲鳳尾蝦外層是法國麵包絲，切得幼細，包裹得鬆緊適中，炸得金黃，而且油參瀝得清，賣相特別，外脆而肉質爽口彈牙，非常到位。很喜歡葡汁蟹肉酥，很飽滿的外觀，咬落帶有豐富的葡汁香味，令人回味。鳳梨鵝肝酥很有創意，酥皮亦有水準，鳳梨的清香可以中和鵝肝的油膩，很聰明的處理手法，只是鵝肝較少，味道不太突出。蜂巢脆芋角同樣是不覺油膩，餡料加入雞肉及蘑菇，令整個芋角的香味多了層次，外層又香脆，比起單純的芋角確實好得多。看來店方不甘於平淡，就連燒賣都要加

還記得年前曾經跟家人來過天外天飲茶, 是日就是第二次來到這家位處唯港薈的中菜廳, 為的是跟總管, Min姐以及文迪一同吃天外天下午茶. 其實對愛甜的我們來講, 吃下午茶是個必收科. 城中供應下午茶的地方委實不少, 在家有水準的店子享受一個慢活的下午, 才是辛勤工作的加油站.星期六的下午來到, 天氣不太好, 如果是好天氣的日子, 這個位置應該能夠看到很好的維港景致. 當然, 店子本身的裝修是相當不俗, 在這裡吃下午茶, 是相當舒適的. 由於店方接受訂座, 來天外天吃下午茶就不用一早去排隊, 感覺來得更加寫意.天外天下午茶 $488 /2位: 8分, 我們四個人, 就要兩客下午茶吧, 每兩位$488, 偏貴, 不過看看陣容, 款式是幾豐富的, 且看水準如何.湘蓮百合杏仁茶: 先來的是湘蓮百合杏仁茶, 以熱的糖水來暖暖胃, 不錯. 質感對辦, 不會太稀, 杏仁香亦幾突出, 是有水準的.千絲鳳尾蝦: 這款下午茶的鹹點都是中式的, 好處是熱辣辣, 跟平日吃開的英式下午茶相比, 我當然喜歡吃這些炸物勝於冷冰冰的三文治. 千絲鳳尾蝦炸得很香脆, 米絲脆卜卜的, 入面的鳳尾蝦份量十足, 蝦肉質感爽口,

吃厭西式高茶沒有？ 早前看見天外天剛剛推出了新的下午茶，中西合壁，賣相相當吸引。如果在12月前來享用，把下午茶食物拍下照片，並即時上載到Instagram，加上標籤hashtag #hoteliconhk 及 #aNbhightea，便可即時享有85折，確實超值。趁週未有空的時候，相約來品嚐一下。我們到達的時候尚早，店員主動帶我們來到這裡等候。環境方面，與別的餐館分別之處就是餐廳給客人的感覺地方非常寬敞，半部分是就放滿了梳化書架, 而且佈置得摩登之如亦覺悠閒寫意。酒吧區方面，擁有美不勝收的香島全景，是欣賞維港煙花及「幻彩詠香江」的最佳位置。除此之外，遠可以品嚐調酒師特別調配的雞尾酒。這個點心下午茶套餐主要由中西合壁Crossover；分別有七咸一甜的中式點心和七款西式甜點。首先，來個七款不同造型的迷你甜點(尾行：左至右；松露朱古力、士多啤梨欖油卷、茱莉花朱古力蛋糕)。先來個松露朱古力，外型是茶壺，入面放了一枝形狀似珍寶珠的物體，入口朱古力味比茱芽莉花弱，所以食的時候，淡淡散發出花香。士多啤梨欖油卷採用了橄欖油焗製而成，味道清新又不太甜。茱莉花朱古力蛋糕內加入了茉莉花茶粉, 聞起來都巳經

小妹早於Hotel Icon開張不久, 光顧過位於Lobby嘅餐廳, 食物同用膳嘅環境都唔錯. 而半年前, 家人為小妹慶生, 精挑細選下, 揀咗位於28樓嘅"天外天". 半年後, 我到精挑咗佢, 跟加國嘅朋友慶祝聖誕!自問去過不少可以望到維港嘅餐廳, 但位於28樓嘅天外天, 遠望維港兩岸, 卻覺得景色特別優美, 的確有一種置於天上看夜景嘅感覺, 心入面忍唔住講咗句: 嘩! 香港嘅夜景真係巧靚喎!!!  好! 自我淘醉完畢, 入番正題先! 餐廳提供嘅餐前小吃係"琥珀㭘桃", 㭘桃炸得好乾身好脆, 外層帶點甜, 食落口又唔會覺得好熱氣. 雖然唔算係開胃食品, 但勝在夠特別! 第一道菜係 "黑松露茶燻蛋". 小妹十分喜歡黑松露嘅味道, 但係對燻蛋就不大感興趣. 今次嘅燻蛋雖然唔係好品嘗到佢嘅茶味, 不過佢半液體狀嘅蛋黃, 蛋本身唔會太實, 整體上都唔錯.主食分別係 "四川蝦球", "紅酒醋黑毛豬咕嚕肉" 及 "炸子雞"."四川蝦球":小妹平日只係喜歡吃白灼蝦或者鮮蝦刺身, 因為覺得咁先可以食到蝦嘅鮮味. 但係呢道四川蝦球都俾左小妹一個驚喜! 蝦球本身都幾大隻, 入口彈牙, 非常新鮮, 而

老實說, 對於行為口味一向都非常粗獷豪邁的宅女來說, 與其要穿得美美的, 相約姊妹們去LOW TEA, 吃些細細件的蛋糕仔, 倒不如直接去吃碗麵還來得乾淨俐落. 不過最近得知位於尖東的那家天外天也有做下午茶餐, 心想天外天一向做的是中菜, 之前聽聞食物水準都十分不俗, 現在居然也來個CROSSOVER嗎? 聽得心癢癢的, 決定前去看看.這家天外天中菜廳位於尖東的唯港薈內, 風評一直不錯, 更曾於2012年獲旅遊雜誌CONDE NAST TRAVELER的名單中選出為全球最佳新餐廳之一, 所以食物水準方面又不會太擔心, 但倒想知道這次推出的中式下午茶到底是什麼模樣的呢?來到餐廳感覺地方非常寬敞, 佈置跟一般中菜廳完全是兩回事, 如果不說真的以為這裡是一家西式CAFE. 餐廳前半部就放滿了梳化書架, 佈置得富時代感之餘亦覺悠閒寫意, 而後半部就是一排排半梳化餐桌, 亦有一列四至六人圓枱透過落地玻璃面對著維港景色, 下午來到時正值陽光普照的時候, 陽光映射進餐廳內顯得格外光猛.不過最重要的當然是這次的下午茶食物了, 這個點心下午茶套餐其實剛於12月份才推出, 由這裡的中菜主廚特別創製出七咸一