18樓雞煲火鍋專門店

Open Now

Now Closed

「18樓雞煲火鍋」旺角店已食過多次，今次和朋友來到荃灣店，食物種類一樣咁多咁正。荃灣店鋪光猛又乾淨，電梯前等位的地方安排了座椅，很體貼，頓時加分。任飲任食火鍋有三款套餐，有不同的牛肉和海鮮，迎合不同人的口味。先來一鍋香噴噴的雞煲，雞肉嫩滑皮薄，味道調得好好，加熱一陣好快食得，怪不得那麼多人慕名而來食這雞煲。食完雞煲後，加上清湯就能打邊爐了，如果覺得油膩，可以叫服務員換一個全新的清湯煲都可以，清湯有辣有唔辣。自取食物非常多，丸類也有10幾款，還有腸仔、菇類和豆類。蔬菜一目了然，擺放整齊。另一方面，肥牛片、豚肉片、羊肉片、鮮蝦、花膠等等，用手機落完order 後，很快就送來，速度非常之快，欣賞，並且新鮮有質量。飲品種類超多選擇，最欣賞是有自家製的冬瓜茶和桂花烏龍茶，很多人飲。最後食杯雪糕，夠曬滿足。

打完風天氣突然轉涼，去食個雞煲暖下身。首先黎個招牌菜雞煲，下面有個電磁爐可調較熱度，雞肉件份量非常多，上面配上紫洋蔥及芫荽，唔駛再加調味料已經好入味，不愧為招牌菜。前後叫了兩份海中蝦，每份兩隻，海中蝦好新鮮又好食。又前後叫了兩份雪花肥牛，加入少許辣椒豉油份外好食，肥牛有牛肉味及𡁻口，所以encore。西班牙黑豚腩片肉質嫩滑新鮮，好味好食。白鱔片雖然細塊但好好食、兼有很高營養價值，對人體健康有幫助。這雞煲火鍋放題，凍飲除啤酒外是任飲的，配菜種類多，任食但不要浪費。最後仲食咗乳酪，好滿足。這間店地方寬敞，乾淨，服務員後生有禮，難怪很多人排隊等候入座。2百幾蚊任食2個鐘， 呢個價錢真係無可挑剔，會再黎。

今日約了朋友行街，晚飯時間，朋友都很喜歡打邊爐，任食打邊爐當然是首選，因為我們是食肉獸，就選擇有雞煲食和任食打邊爐，雙重享受。這裏最出名，就是佢地既秘制雞煲！上枱嘅時候，個雞煲真係香氣撲鼻，一啖雞肉入口，雞肉好嫩滑，而且好入味！加上少少洋蔥，醬汁真係好開胃！我想講啲雞真係好滑！又夠哂味，因為啲汁真係好好味，係雞煲的靈魂。食完雞煲，加了清湯就可以打邊爐，先點了肥牛，肥牛厚度剛剛好，肥瘦均勻，牛肉片再加上香濃嘅雞煲醬汁，非常惹味。細看火鍋配料就更加豐富，有雪花肥牛、豚肉片、羊肉片唔知揀咩不如全部叫晒喇！海鮮方面，有海中蝦、肥鵝腸，還有各式各樣丸類和餃子，樣樣都彈牙！食到最後當然要食一點生菜幫助減油膩。飲品有可樂，同埋鳥龍茶和各式各樣的飲料，很多選擇！想試多啲就要行多幾，最後梗係嚟個甜品時間啦！佢有雪糕，而且任食的！一邊食雪糕，可以食到自己好滿足！

今晚即興同同事食飯事關佢長期都處於肚餓嘅狀態😂😂😂我想食雞煲 佢想任飲任食打邊爐傾唔掂數😂😂😂Search下OpenRice附近有啲乜嘢餐廳可以滿足到我哋….🤤🤤🤤見18樓雞煲咁多好評又有雞煲又係任飲任食打邊爐 試試先📍18樓雞煲火鍋專門店 (荃灣)荃灣眾安街55號大鴻輝(荃灣)中心18樓套餐有ABC 三款A精選美國雪花肥牛B嚴選美國安格斯牛C極上澳洲和牛先揀套餐 再揀雞煲辣度今晚揀咗個套裝A 中辣嘅雞煲啲雞啖啖肉 又嫰又滑火鍋自助區啲指示牌好盞鬼醬油區熟食自助區好想讚下瑞士雞翼同鴨血 雞翼好入味而且肉嫰鴨血又夠惹味✨特級肥牛✨雪花肥牛✨海中蝦 ✨是日海鲜 (沙白)✨蟹爪肉棒✨鲜脆鯇骨腩 以上食物都係用QR code落order 食材新鮮尤其海蝦 爽口彈身瘋狂喪飲😂😂😂😂自製🍦第一次見餐廳有自助棉花糖機好新穎 好開心又有得食又有得玩下次我要帶屋企人嚟食

At 18樓雞煲火鍋專門店, indulge in their all-you-can-eat chicken hot pot at a reasonable price. The chicken is incredibly flavorful, well-marinated, and boasts a smooth texture. After savoring the chicken, dive into a diverse selection of hot pot ingredients, catering to all preferences. From fresh vegetables to premium meats and seafood, there's something for everyone. Personalize your meal and cook to your liking. Don't forget to save room for the enticing dessert options, offering a sweet finale to yo

行過樓下佢大廈見好大個海報廣告見到係台灣雞煲試一試星期五晚餐一入去前要揀食邊個餐個人覺得一係最貴一係最平先試到真實是否好味/性價比高與否最後決定今次個場門口唔係好通風比較焗就揀個基本餐來食（好怕食完一陣味出返嚟）可以叫指定款雪花肥牛/特級肥牛/牛腩/魚/豬/仲有啲豆腐個類/花款真係唔多一段嘢食收費當晚係：星期一至四 每位$198加10%星期五，六，日，假日及前歺每位$228加10%有自助吧 菜/台灣腸/丸/陳皮魚蛋/魚片頭/牛肚/栢葉/豬皮/魷魚呀咁😋-諗住食完雞煲再放湯打邊爐時都可以邊滾邊入味😋- 放入煲前豬皮本身處理得唔夠仲有好多毛未清 😔- 👍🏻菜係鮮甜既幾好味（但冇影相）👍🏻👍🏻- 仲有粉絲/喬麥麵/王子麵/出前一丁/烏冬（值得讚係全部獨立包裝全晚唯一覺得衛生位）又有熟食提供，今次只拿鹵水雞翼食都幾夠入味，可以一試.因個主角雞煲未到食住同拿定以上既食物準備定- 牛個啲真係冇特別都忘記影出嚟飲品係包任飲（除酒精飲品）但都算多選擇既燒仙草呢款唔錯 👍🏻仲有好多款冇影到啦 店舖自己沖既桂花烏龍茶就偏淡味喜歡淡味既先好試有自己調味既醬汁😎😎幾好👍🏻主角出場了拿到上台 個男仔用個夾橯一橯

朋友即興約我出荃灣食嘢,話落雨濕濕不如去食熱辣辣嘅雞煲,,帶佐我去呢間18樓食主打嘅雞煲😋呢度D雞煲肉質夠嫩唔會好大嚿肥羔雞皮,啖啖都係肉,,同其他食肆一大兜有雞頭雞尾之類沒用的位置完全唔同😅配上惹味雞煲醬唔會死咸又夠麻辣香,我哋2丁友都鍾意食芫荽,所以無走荽(雞煲個汁有大中小辣揀)小辣都唔算好辣,啱晒唔係好食得辣嘅朋友仔。簡直係誠意之作👍吃完主角雞煲...之後加湯就可以打邊爐啦> 仲有好多嘢排隊等入我肚仔😅出面仲有火鍋料自助區及熟食區,有瑞士雞翼,咖哩魚蛋,生炒骨及一啲炸物等...海鮮及肉類主要以QR Code 落單,其他火鍋料飲品同醬汁就自己出去搵攞,,其他配料都好出色水魷好爽口,肥油好香牛味, 最正係海蝦好大隻又夠彈牙,仲有牛柏葉,鵝腸,丸類勁多種類...菜亦有多款選擇!!飲品除左汽水烏龍茶外仲有啲降火嘅羅漢果,冬瓜菜,及樽裝夏枯草、竹蔗茅根水等等,任君選擇。而且上菜嘅速度都好快,一叫完已經即刻有得食唔使等👍另外有熱嘅飲品可照顧埋吾飲凍野既客人👍最後當然要去食”My肥佛”雪糕機自製嘅乳酪🍦啦😋環境方面,地方夠晒寬闊不會好迫迫夾夾,坐得好舒服,,如坐近窗邊位能俯瞰夜景都值回

  心血來潮想食雞煲打邊爐，跟住就同朋友book 左夜晚荃灣18樓食雞煲，好好彩即日book都book到~~套餐有三種選擇，我地選左B餐，好似多d野食咁~一入到去好快就有雞煲食啦~ 呢個係 4人份量既雞煲，雞煲味道幾香同惹味，肉質嫩口啖啖肉，洋蔥好正。冇記錯refill 1 次 要加$48~~食完雞煲勁開胃啊!!!呢到環境都算寬敞，抽風幾好。就算兩個人坐都好闊落~一入黎打邊爐區，食物分類都幾多，擺放位置整潔，連菜都幾多選擇下~湯底比較推介麻辣，清湯會比較清，麻辣只係小小辣，味道都係比較清淡。一坐返埋位緊係叫10碟安格斯牛頸脊先啦!!!雖然佢黎好少，但d牛都幾高質，切得幾薄同嫩口，油脂味道唔重~梅頭肉都ok，最推介係佢既海中蝦蝦蝦蝦!!真係又新鮮又大隻又彈牙，超有鮮味，一隻蝦=2包紙巾咁長呀!!我地不斷咁Encore，真係好好好味呀!!!而扇貝都大粒，味道都ok，應該係雪藏。蠔就可能未解凍，腥味較重，呢個唔太推介!食埋個出前一丁就夠晒飽啦~最後到甜品時間，今日係朱古力同乳酪雪糕，幾好~星期六日+$10再加一10% ，埋單每人294.8，呢個價錢，都幾多野食野，性價比都較高!總括而言，我覺

半夜見幾抵食，又有八百幾人推介就過嚟！點知我真係大失所望今日嚟到叫咗B餐（有三款牛任食）-首先招牌個雞煲完全唔掂啲醬好「張住」過口個味又教得唔好食吾知食緊咩加$48先有得再食仲叫乜鬼任食不過咁難食我完全唔想加錢！-跟住的牛中規中矩出餐又慢吞吞叫咗啲海鮮又吾比唔捨得比又喺度開放題成餐飯食到我谷鬼氣嘢飲種類好少佢自己整嗰啲茶更加係屎水我整得一定好過佢😭😭-環境：食食吓個員工喺隔離掃地🧹真係唔方唔食晒佢的塵攞嘢食嗰陣差啲成個線到落地😀

夏天冇咩胃口，點知食雞煲愈食愈開胃。 首先入到嚟直去18樓，所以佢先叫18樓雞煲。裝修以舊式香港街市為主題，菜及飲品區叫妹仔菜欄，廚房位標為德記牛肉檔，最搞笑係隔離叫東方水電五金，十分有創意有3款套餐供選擇，今次揀左最基本嘅套餐A,已經包雪花肥牛、特級肥牛，仲有豬肉類、雞肉類、海鮮類、丸類、蔬菜類揀，好多選擇嚟到姐姐即刻幫手煮好個雞煲，一嚟先食左個雞煲先，蔥蒜辣椒芫荽等配料充足，炒到個雞煲好香，雞肉新鮮夠滑，吸收哂醬汁嘅精華，食左第一舊已經停唔到口。食哂d雞就加湯打邊爐，肥牛唔錯，但食最靚嘅牛嘅話要揀返套餐C脆鯇片、白膳片都新鮮，墨魚丸高質有咬口，食得辣嘅朋友一定要點山根，吸哂湯嘅精華3邊都有凍櫃裝滿野飲，仲有解膩嘅茶

同老公提前慶祝父親節，老公最鍾意任食打邊爐，所以近近地就黎左18樓星期六大約7點黎到唔洗等位✌🏻好好彩，過多15分鐘見出面排滿晒人叫左最平$218既餐叫左個bb辣既雞煲，阿女一齊食都接受到

話明係18樓雞煲火鍋專門店，就梗係喺18樓㗎啦。位於荃灣大鴻輝的分店，終於有餐廳唔係九點就截單，營業時間到凌晨。同朋友9:30先黎到，餐廳仲係好熱鬧，而且仲有優惠價，order 左個套餐A。任食任飲，好抵食。先講下個雞煲，一上檯就可以食得，唔洗再等，雞件啖啖肉，味道係好惹味，芹菜同芫茜味好出，醬味非常多，唔會好乾，就算食完都夠每人另外拎定小小汁，陣間打邊爐再用嚟點汁食。加湯亦另外有分清湯同麻辣湯，唔會減少左湯底嘅麻辣味。火鍋配料種類夠多，肥牛有兩款，鐘意食肥啲或瘦啲嘅朋友都有得選擇。海鮮類夠哂新鮮大隻，啲蝦隻隻都大隻厚肉，眼仔係齊度，証明新鮮度好夠。傳統港式邊爐料都有齊哂。驚喜嘅係佢嘅響鈴係大響鈴個款，唔係細細卷個款，大響鈴先食到個口感。飲品方面就最鐘意佢個自家冷泡菜，打邊爐可以一路食一路幫助消化解滯。

返左一日工，收工時間同朋友周圍搵野食諗起太耐都冇食雞煲，又係旺角區選擇都好多，最後我地選擇左食呢間見到佢係任食價錢又親民，所以都冇話期待好好食點知有驚喜呀，雞煲好入味，而且雞又好新鮮另外牛肉豬肉海鮮丸類都可以任食而且每樣嘢都好新鮮湯可以自己加，野飲啊菜啊都係可以去自助區度拎醬料都可以自己去添加，都係自助區疫情後以前食開既都好似唔見曬，今次搵到間啱心水既，遲d一定會再來幫襯位置環境又坐得舒服，而且落order後來得又快

第一次黎，去到叫我揀A B C D餐，我一睇全部牛肉。本身唔食牛問佢有冇豬，佢話：「果啲係主打食物，其餘食物點餐紙果啲都有。」我睇左一眼，但我都係一定要揀ABCD餐，咁即係迫我食牛？我問多次但係我唔食牛喎，佢又以嘲諷嘅語氣講：「果啲係主打食物，其餘點餐紙果啲都有。」我身邊果位逐樣睇先睇到有豬肉係入面。er，咁你講句本身個餐包左豬肉咪得囉！！！！！！你做櫃枱，介紹清楚個餐單係你份入事ok？咁串去洗碗吧啦！

同朋友去荃灣完行街，之後去左18樓雞煲火鍋專門店！🎉💃餐廳環境好舒適，裝修整齊光猛，一入去已經聞到一股雞煲嘅味道👃。首先，我地叫咗個雞煲唔辣，上枱嘅時候，個雞煲香氣撲鼻😋，一啖入口，雞肉咁嫩滑，真係好入味！加上少少洋蔥，仲加咗啲芫茜，真係好開胃！🍗佢估唔到會有印尼蝦片🦐即刻試吓，脆卜卜，一路食雞煲一路食佢食完雞煲就梗係加湯打邊爐🍲呢度有上湯同麻辣湯，係自助形式火鍋配料就更加豐富喇🍲，有雪花肥牛、特級肥牛、梅頭豬肉、豚腩片、滑牛肉同五香牛腩，唔知揀咩好?不如全部叫晒喇! 海鮮方面，有脆鯇片、白鱔片、海中蝦、花膠同水魷，樣樣都新鮮彈牙！🐟🦐另外仲有好多丸類、蔬菜同埋豬皮、豬肚等等，種類多到暈！飲品唔可以錯過嗰杯自家製嘅冬瓜茶同埋桂花烏龍茶，清涼又解膩！唔啱都仲有可樂、OJ、石榴汁同埋烏龍茶等等選擇！唔同雪櫃有唔同飲品，想試多啲就要行多幾步喇🍹🥤最後，梗係嚟個甜品時間啦！佢有乳酪同朱古力味雪糕，仲可以兩溝！😍一邊食乳酪雪糕，一邊食朱古力雪糕，好享受！🍨💕