Video
3-min walk from Exit D2, Sham Shui Po MTR Station
continue reading
Opening Hours
Today
12:00 - 01:30
Mon - Sun
12:00 - 01:30
Above information is for reference only. Please check details with the restaurant.
不明白為什麼深水埗有咁多間甜品店。呢間位於元州街，最近新開張嘅小店，主打糖水之外，仲有唔少滋補湯水、涼茶、飲品和小食，算係幾特別。我哋點咗喳咋同竹蔗馬蹄水，兩款都係$20。以呢個價錢嚟講，喳咋份量足夠，不過煮得唔火喉，豆類唔夠腍和未夠入味，略為失色。相反，竹蔗馬蹄水就用料十足，清甜解渴，飲落幾舒服。店內座位唔多，大概四五個，我們坐在門口一排高凳，坐得唔算舒服。不過如果外賣返屋企飲，都係個唔錯嘅選擇。
continue reading
第一眼俾呢個龜苓膏造型cute到咗，即刻點一個試試，藥味濃厚。店員態度幾好，鋪頭光猛乾淨唔會一陣味。選擇都幾多，幾好。鋪頭又喺馬路邊，容易揾到，不過停車就要行遠d。
continue reading
行完黃金商場，喺朋友介紹之下黎到近地鐵站D出口的「黃金美食」，一試其性價比高的糖水湯品小食店。店舖細小但可容納20人左右，甜品湯品價錢幾乎時光倒流數十年，竟然可以10幾蚊已經有一支。店家主打即日即煮糖水老火湯同小食，各自帶有不同功效，同時不含防腐劑保證新鮮，而且糖水小食多元化，幾乎太多不能盡錄。掃個大雪櫃裝滿不同款式甜品支裝，乾淨又衛生。每個人都數五至六款食品返屋企，睇嚟好多熟客街坊都幫襯。五花茶：五花茶不僅口感獨特仲清熱解毒，食完燒肉可以解毒。茶中含有一些多酚化合物,能夠抑制碳水化合物的吸收,從而有效控制血糖水平,對糖尿病患者很有益處。桃膠三寶：桃膠又名平民版雪燕。可以補充膠原蛋白，既可以提高免疫力，又能達到美容效果，好鐘意佢加入紅棗增加甜度，滋潤養顏。雞血藤牛大力：牛大力有清熱解毒、 舒筋活絡、 補虛潤肺之效，剛好撞瘀咗可以去瘀，仲可以孝敬老人家治風濕。咋喳：補氣祛濕、健脾、消暑利水，甜度適中，而且老少皆宜，有紅豆、綠豆、眉豆、紅腰豆、三角豆等，仲加入芋頭、西米、椰漿和淡奶。白果腐竹：好綿滑，質感一流，仲可以清熱。能清除燥熱，使身體舒暢，亦能延緩皮膚衰老，防止皮膚粗糙。馬蹄粉千層糕：煙煙韌韌，老人家都咬到，甜度夠曬，仲有馬啼香，十蚊一盒大特價。朋友喜歡老火湯，一次過叫晒三款咁就唔使揀。土茯苓牛大力五指毛桃：湯水都以健脾為主，因脾臟運作順暢才可提升排濕效力。 春日去濕食材眾多，如扁豆、牛大力、土茯苓、五指毛桃等，這些食材功效主要是健脾、行氣利濕，啱晒而家嘅天氣。北芪黨參紅棗圓肉：有補血養顏、增强免疫力、擴張血管、改善微循環及增强造血功能等作用，對於血氣不足嘅女士更加適合飲。西戟杜仲肉從蓉淫羊霍：男士壯陽補身好腰好神好男人可以靠佢，俗稱湯品版偉哥。總結：湯品十分足料 所有糖水湯品都是時光倒流價錢性價比超高 物有所值
continue reading
呢間小店好多選擇，糖水、糕點、湯水都有，有時會有啲新產品推出～楊枝甘露有新鮮果肉-芒果、新鮮西柚，口感豐富，鮮甜美味，酸甜開胃桃膠三寶最受女士歡迎的飲品，有養顏滋潤的功效。有啲甜水店處理桃膠不夠好，會有啲硬身，呢間就冇呢個問題，晶瑩剔透，重膠質。桂花糕好抵食，有兩層，上層係清香嘅桂花糕，下層係椰汁糕，層次豐富。火龍果糕鮮艷紫紅，每口都食到粒粒火龍果肉，營養價值高，食多都冇罪惡感。千層糕做緊大特價，$10元一大盒，煙韌軟糯老火湯土茯苓牛大力五指毛桃薏米-健脾祛濕，利水消腫北芪黨蔘紅棗杞子元肉-增强體質抗流感巴戟杜仲肉蓗蓉淫羊藿-補腎陽，強筋骨以上3款湯，做到進補調理的功效👍另外，岩晒懶煲湯的人，碗都不用洗。小燒賣、腸粉港式小食都有！呢間小店充滿香港地道特色～豐富多采。
continue reading
行深水埗想食中式糖水， 見呢間未試過而且價錢合理， 就試吓。 喜愛芝麻糊， 希望唔好中伏。 姐姐拿到來， 看看賣相唔錯， 吃下去， 掂， 已經想到下次會再來。 值得試吓！ 看到店舖是有心去做甜品的。
continue reading