鴻輝記

現在賣中式傳統糖水的店鋪可說是賣少見少，而在荃灣的老字號「大良鴻輝記」向來在區內都頗有名氣。今天路過美孚，意外見到其分店「鴻輝記」，不過，這一家一看便知是外賣店，但大家興之所致，一於買個糖水在門外立食！大大個餐牌就貼在鋪前玻璃，一目了然，選擇不少，而傳統及新派款式各佔一半。此外，亦有一試夏日限定及推介款式，如無心水的，可以不妨考慮這些。說到傳統就不得不提「桑寄生蓮子蛋茶」（$26），這糖水很有食療之效，味道清甜滋潤，入口又很舒服。店家有招牌三寶，「核桃糊」（$25）是其一，當然亦不能錯過。這核桃糊可熱食或凍食，所以，四季皆宜，喝一口，核桃味濃郁，口感綿滑，又有補腦、潤腸之效，是十分有益之選。新派選擇中，「芒果西米露」（$33）是很討人歡心的，椰奶底糖水很香甜，粒粒西米添加了爽口口感，而看照片也見，有非常多芒果粒，味道超香甜，好喝。在推介中有一款新品「桂花柚香涼粉」($35)，店主說是美孚店限定，好奇一試。幾道糖水中，以這個賣相最亮麗，味道很特別，因為加了忌廉，倒下桂花糖漿，又有啲脆脆米，而下面不單有涼粉，更有點椰果，令口感更加豐富。買滿$150，更有免費送貨服務，一家4、5口的，或朋友相聚，這個數不難達到，可惜只是美孚新邨街坊的限定。老字號即是老字號，能屹立至今自有一定實力。在地朋友說這區賣糖水或甜品的店家不多，相信「鴻輝記」可有一番作為。…Read More

荃灣大良鴻輝記喺美孚開咗分店，好近美孚車站，超方便，出咗地鐵就即刻到。呢間係老字號糖水舖，款式多，港式糖水應有盡有，涼粉西米露都有，分店細細，只限外賣。每款價錢二三十蚊，價格親民，性價比高，平靚正。招牌芝麻糊，濃郁滑順，芝麻香氣撲鼻，甜度剛好。桑寄生蓮子蛋茶，呢個係養生款，只有熱食，桑寄生清熱解毒，蓮子養心安神，粒蛋好入味，飲落去滋潤，又唔會太膩，岩晒而家嘅天氣。涼粉西米露，涼粉滑溜溜，份量夠大。…Read More

今日中午我哋喺美孚叫咗鴻輝記糖水外賣，真係甜入心！首先試咗「桑寄生蓮子蛋茶」，藥材味濃郁，蓮子煲得夠腍，雞蛋滑溜唔過火，飲完成個人都暖晒。跟住係「腐竹糖水」，豆味香濃，腐竹煲到溶晒入糖水，口感綿滑，唔會太甜，啱晒唔鍾意膩嘅人。「木瓜燉雪耳糖水」就清潤得嚟又有層次，雪耳爽口，木瓜甜而不膩，好啱秋冬滋潤。最後「黃金蕃薯糖水」真係驚喜，蕃薯香甜綿密，糖水帶少少薑味，飲落暖胃又有飽足感。整體嚟講，糖水款式多元，味道有驚喜，包裝乾淨企理，外賣都保持到質素，係一間值得推介嘅地道糖水舖！…Read More

今日轉車經過美孚：見到對面馬路吉利俓有間叫鴻輝記嘅糖水舖，今晚上女友屋企晚飯；天氣凉買幾個糖水試下。我哋叫咗桑寄生蓮子蛋茶，藥材味香濃，蓮子煲得夠腍，蛋又滑又入味，飲完成個人都暖晒。芝麻糊就香滑濃郁，芝麻味夠晒突出，唔會太甜，啱晒老人家。海帶綠豆沙：海帶清新，綠豆煲到起沙，口感一流。仲有黃金蕃薯糖水，蕃薯甜到漏，煲得啱啱好，糖水香甜但唔膩。鴻輝記糖水真係有水準，傳統貨式；價錢平；用料足；大大碗都係2x蚊；超抵。…Read More

💥 必食指數 🍴🍴🍴🍴🍴（5🍴為最高） 大良鴻輝記呢張甜品單真係滿足到甜品胃！芒果西米露椰香濃郁，芒果肉甜潤；鮮果涼粉（哈密瓜+花奶）清潤又帶果香；杏仁糊配涼粉綿密順滑，甜度剛好；楊枝甘露柚肉爽脆、芒果香夠曬突出，四款甜品各有風味，食完清爽唔滯 🥰 鋪頭主打傳統廣式糖水，出品夠晒地道古早味，紙仔單據仲有舊香港feel，無論係堂食歎住吹水，定係打包返屋企慢慢嘆都一樣正！呢餐甜品甜而不膩，鍾意傳統糖水嘅朋友一定要試！ 📍 鴻輝記（大良甜品老字號，香港多分店） hkfoodie #foodie #廣式糖水 #大良甜品 #鴻輝記 #楊枝甘露 #杏仁糊 #鮮果涼粉 #香港甜品 #古早味 #食咗未…Read More