陳記魚蛋

Open Now

Now Closed

昨日行街經過，諗起呀so 介紹過話佢d 咖喱魚蛋超正。見價錢ok 咪試下囉，點知…1. 咖喱魚蛋 - d 肉梅的，有腥味。魚蛋唔熱，只係暖暖地2. 咖喱栢葉 - d 牛栢葉係林到好似去左酒樓食果d 薑蔥栢葉咁，好嚇人…3. 咖喱醬 - 名大於實，一般的街邊的咖喱魚蛋都好味過佢。呀so 你係得既，咁差既0野食你都可以話好味！

距做冬開飯前有些時間~想起n年前吃過這裡的魚蛋..粉好吃的..就專程去吃~~要了2串不辣的~~~看阿嬸把魚蛋浸在沙爹醬裡已經覺得會很惹味~~一吃~~醬汁的確香口~有點像平日吃泰式串燒的沙爹味~可是魚蛋很"實"....完全不彈牙~~所以它famous的不是魚蛋而是醬汁吧....這個是給醬汁的~~誰叫偶是醬汁怪是也~(笑)|2008-12-21|

看看上面幾個食評，統統都是看了電視節目推介才來惠顧，可知電視媒體的影響力多大！阿蘇出身富有人家，燒菜煮飯都是傭人做的工作，現在只是將過往看過和前人做過的菜重覆一遍於大家眼前吧！況且她亦有一班軍師教路，題材自是不用操心；不過，坊間平民百姓的小吃她絕對不多吃，所以大膽說她這方面一點也不專業！她有的只是名氣吧！雖則如此，這天來到深水埗區，與陳記相隔數條街，也不惜為吃而多費步伐，為的是要親身體會；不過，當魚蛋拿到手時，發覺怪怪的，咖喱魚蛋怎又多添一些沙嗲醬，是畫蛇添足不成？味道已是不倫不類，加上魚蛋應有的彈牙完全欠奉，肉質亦不鮮美，差差差！一般在街上的小吃店所吃到的魚蛋肉丸之類比這裡還不知好多幾倍！下次看電視真要懂得篩選了！

今日尊登去深水步 , 試下連阿so都大讚ga魚蛋 , 睇下佢有幾好食 , 要左一串小辣 , 大辣 。魚蛋好腥 , 入邊好實 , 入左好多粉落去 , 完全唔可以用彈牙黎形容 , d醬汁好似沙爹醬甘 , 好多花生粒 , 有一陣冬菇味, 自己屋企都可以做得好過佢 , d醬滴到好似落雨 , 成地都係 , 總之唔惦啦! 真係好想食魚蛋就唔好食佢喱d , 試其他小食店點都好過佢 , 真係唔好信阿so講得甘正 。

今日行過呢間店, 記得係睇電視見阿蘇介紹過, 話魚旦幾咁好食, 於是買串小辣魚旦試下. 個汁有少少辣, 都算幾香, 但係魚旦就好唔掂! 魚旦好硬冇彈性, 魚肉"實的的", 非常之唔好食. 好多賣魚旦o既都好過佢, 唔通因為阿蘇介紹過, 出名之後就差左? 定係俾阿蘇食果串魚旦係特製o既?! 總之, 揾笨一次過, 冇下次!!!

最近睇電視見到呀蘇介紹哩間野既魚旦好味,成日會路經此處,但就一次都未幫襯!! 見呀蘇特登介,心諗都唔會差得去邊啩,咁早幾日行開個頭就同男朋友幫襯下佢d魚旦,食之前帶點希期望,點知...一食之下,係變左非常失望囉, d 咖哩汁係甜的, 我又唔覺得佢d汁好味wor,唔通特別就係佢個汁係甜???定係佢d咖哩汁係一舊舊呢?? 夠景好食在那? 真係令人摸不著頭腦, 我買完個時仲見到好多人排隊買緊添, 以往經過都未見過咁多人的, $5 6粒魚旦仔....真係衰d講句, 自己整都好食過佢! 行前幾步去 m 記食杯雪糕都起碼唔會有失望既感覺 !

最近忙到不可開交，有成個week 無寫過食評。途經呢度，已聞其店很久，於是買了串魚旦同牛柏葉。魚旦比正常的實魚旦仔還要實；反而牛柏葉就好正，爽口唔韌，亦沒有化學味道。個醬幾出色，惹味香辣。

睇咗蘇X黃, 講到好正, 行開高登去試試醬汁普通, 還可以魚旦霉霉地 食咗三次都肚痛, 是否巧合? (兩次舊舖, 一次新舖)唔會再幫襯 傳媒D嘢信唔過, 會否做媒 ? 天曉得

一般街邊小食店，不論食物質素同醬汁都完全欠缺誠意，但是還是有些例外的。深水埗的這間小店，其獨特之處就是用來配魚蛋的醬汁。加入了一點行氣活血的藥材成份、令人回味的醬汁和香味，以及不下於五種材料混合而成。由不辣至大辣任君選擇，總會有一種適合自己的喜好。雖然魚蛋只是一般貨色，但總比那些"鬆泡泡"質感的魚蛋來得實淨和有口感。另外，這裡的腸仔價錢也是"平通街"，一串$2連一粒魚蛋，一次過可滿意三個願望(醬汁、魚蛋和腸仔)，絕對是這裡的王牌之一。當然也因為醬汁的出色，魚蛋和其他材料都淪為大配角了。

而家開左分店, 我覺得分店重正.最好食係魚蛋同腸仔.個汁真係好好食, 第二到搵唔到.

個汁好味, 不過千祈唔好自行去"忽"佢D汁, 佢會鬧人的.

蘇絲黃推介呢度D魚蛋串, 話醬汁頂瓜瓜.要了小辣, 醬真的幾香, 有香草/料味, 不太辣.醬汁一點也不吝嗇啊!

我都係睇完啊蘇個節目去試一試,D魚旦唔得,個汁十分普通,只不過加入大量不同嘅配料,攪到個汁杰撻撻. 我一定唔會再去!

睇過阿蘇係有線到介紹過這裡的咖喱汁係最好食,今日就路經此地去試吓...有魚蛋,牛栢葉及魷魚(咖喱汁就唔辣+少少辣),共$15元結果魚蛋都唔係好彈牙,仲有少少霉咁...牛栢葉都ok,好淋易咬...魷魚爽口,但完全無味...最重要就係個咖喱汁,唔係咁惹味..仲有些少苦味添..最重要係好重味精..食完勁飲左好多水..係太子花園街間津津仲好食,日日都好多人排隊買魚蛋食...

睇有線電視某個節目，話呢間舖既魚旦十分正斗。在深水埗生活了廿幾年既我，時常路經此地，但一次都未幫襯過呢度既魚旦，自覺有點丟臉。於是星期六放工，專程走去會一會佢。平日人影都唔見多隻既舖，今日竟然排晒長龍，傳煤效應認真勵害。其實已經食了lunch，唔太肚餓，所以只要了兩串魚旦，小辣。一啖咬落去，唔覺有咩咁特別喎！當然也不是差。再點多D電視主持人大讚既秘制醬汁，醬汁確係幾濃，味道算幾好，但也不是其講到咁巴閉。記得早排在黃大仙鐵皮舖頭既魚旦，味道更好，醬汁更野味。