Video
6-min walk from Exit E2, Mong Kok MTR Station
continue reading
Telephone
60239939 (WhatsApp)
Opening Hours
Today
10:30 - 01:00
Mon - Sun
10:30 - 01:00
Above information is for reference only. Please check details with the restaurant.
今日嚟到旺角廣華街附近覓食，天氣熱所以食少少嘢就OK，呢間餐廳主打牛腩同埋不同牛嘅罕有部位，今次就揀咗牛脆骨同試一試佢嘅招牌雲吞😋餐牌上面有不同套餐，可以跟埋油菜同埋嘢飲都幾優惠！今次加咗少少錢換咗涼茶，啱晒呢啲咁熱嘅天氣飲啦😀🐮 牛脆骨河粉 牛脆骨熬得夠入味，唔會韌，啖啖有膠質感，軟硬適中都幾爽口，再配上滑溜彈牙嘅河粉，食落夠晒滋味，湯底係牛腩汁，夠晒潮州地道風味。🍤 自製鮮蝦雲吞河粉 雲吞皮薄得嚟有彈性，包住嘅大大粒原隻蝦肉，食落鮮甜爽口，豬肉餡細膩而唔油膩，調味帶出鮮味。滑溜嘅河粉吸收咗清甜嘅湯底，湯底用大地魚、蝦殼熬製，香氣自然又經典。🍤 炸蝦棗丸 外層炸得金黃香脆，蝦肉餡鮮甜帶彈牙口感，加入調味料令味道豐富，咬開軟熟中帶甜香，好惹味又開胃。🥬 腐乳通菜 通菜爽脆，加咗腐乳醬汁鹹香濃郁帶少少酒香。🥦 蠔油菜心 菜心煮得啱啱好，淋上濃稠嘅蠔油提鮮，簡單得嚟又健康。☕ 五花茶 傳統五花茶有甘草、桂花等中藥材料，味道甜中帶花香，清新解膩幫助消化。☕ 羅漢果茶 羅漢果茶天然清甜且帶淡淡果香，潤喉又滋潤，係潤肺解渴嘅好選擇。
continue reading
喺旺角收工，想簡單食d野，路過見到間餐廳入面都好多人，再望一望食粉麵嘅，啱食！抱住人多都應該唔差嘅心態一試。見有個”招牌極罕有牛脆骨”，真係聞所未聞，就梗係要試下佢la⭐️牛脆骨河粉+22蚊轉套餐就包埋油菜或者魚皮、湯或者飲品，我就揀左生菜及凍檸茶牛脆骨食落爽脆，但係又唔硬，食落有d似食緊軟骨嘅感覺，好有驚喜，好香牛味，真係食過一次返唔到轉頭呀，太正la，另外要一讚，蔥同蒜分開上，好細心，同埋d蒜好香😋生菜雖然跟餐，但係都大大份，賣相都好靚，生菜食落好新鮮，仲要唔overcook,食落仲好爽口😋，係我鐘意嘅口感黎，好難得😍⭐️炸雲吞炸雲吞跟埋我最愛嘅甜酸醬，咬落脆卜卜，炸得夠亁身，食落有驚喜，入面有d豬肉，仲有大大隻蝦添，咬落好彈牙，好足料，大大粒😍店員嘅服務好好，已經好少見la,抵讚呀👍一個人食飯冇野做，最鐘意就係四圍望，見到有張poster寫住”下載會員app,積分當錢洗”，li間鋪頭值得再encore,下載埋先😍
continue reading
餐廳：陳儀興牛什粉面地點：旺角煙廠街菜色：牛什粉麵餐牌：招牌之寶、潮州風味、招牌潮州粉麵、特色推薦、陳記小食、稀有重點推介等等。崩沙腩湯麵 $59我第一次食崩沙腩，真係好食到！又爽脆又淋，牛味又濃，令我忍唔住食嗮全部肥膏。一客有8件，份量好多！幼麵係完美彈牙口感，又有蛋香，加枱上紅醋一齊食簡直係人間美食。蔥花同鹹菜放匙羹。轉餐加$22,就包一碟菜或者炸魚皮同紫菜湯或者基本飲品。腐乳通菜 腐乳通菜 份量大概有大半碗，莖脆葉嫩，配適量腐乳又係超好食，平時自己係屋企唔會整。羅漢果茶 加$2基本飲品轉羅漢果茶加$2，係瓶裝，方便衛生，好濃羅漢果味，天然甜味。章魚金手指 $32章魚金手指係新野，一客兩條再一開二，即叫即炸熱辣辣，原來好似腸仔。食落外皮少脆內多汁，口感彈牙，見到章魚肉,墊有兩片新鮮生菜。另上甜酸醬可降溫。今餐最鍾意崩沙腩湯麵同腐乳通菜 。座位都乾淨，上菜快速。
continue reading
餐廳乾淨企理，牆上仲有啲好有香港特色嘅壁畫，影相打卡都幾啱！「陳儀興」呢個名除咗潮洲菜出晒名，連粉麵都一樣高質仲好有特色可以食到牛既罕有部位，真係要畀個👍🥢 牛脆骨幼麵 + 芥蘭 (腩汁) + 凍檸茶今次叫咗個牛脆骨幼麵，配上芥蘭同濃濃嘅腩汁，滿足感爆棚！牛脆骨係牛肋骨附近嘅軟骨，食落爽脆彈牙，咬下去有陣陣牛肉香，咁大個女第一次食！幾特別！菜有生菜/通菜/菜心同芥蘭揀，唔鐘意太咸，唔配蠔油，更愛配腩汁，芥蘭吸咗腩汁，幾好！加杯凍檸茶，就係至正港式配搭！原本仲想試牛沙瓜。牛沙瓜，係牛嘅第四個胃，係可遇不可求嘅罕有部位！可惜佢唔係日日有貨，食唔食到要撞運氣。今次我運氣麻麻，有啲失落。🥢 崩沙腩雖然無牛沙瓜，但崩沙腩係鎮店之寶，招牌必試！人多叫淨食，大家share正！肉質炆到軟腍入味，肥瘦比例啱啱好，咬落去牛既濃香四溢，單靠呢個已經救回失落牛沙瓜嘅遺憾感！🥢 炸魚條另外叫咗份炸魚條，咬落有淡淡嘅魚鮮味，份量啱啱好，係個簡單又滿足嘅小食。今次食到牛脆骨同崩沙腩已經好滿足，下次要再戰佢哋其他嘅罕有部位，衝住呢個目標再去旺角朝聖啦！🍜✨😆
continue reading
💬提到「陳儀興」,必然會想起其位於新蒲崗的潮洲菜館🧑🏻🍳原來依家仲開咗新副線, 🌟主打港式粉麵🐮仲有不少罕有的牛部位 e.g. 牛脆骨, 牛沙瓜喜愛牛/牛雜的朋友, 唔好錯過🤪~店內整潔明亮, 掛有🇭🇰香港特色的壁畫➕$22 轉套餐: 包油菜/魚皮+湯/飲品🔸招牌崩沙腩麵🐮 $59 6/10崩沙腩肥的比例佔多肉質軟腍入味🔸自製鮮蝦雲吞米粉 $38 5.5/10🦐鮮蝦雲吞有5大粒雲吞皮較厚, 肉餡都香甜juicy🥢米粉份量比幼麵多好多, 好大碗🫨🔸蠔油生菜🔸腐乳通菜🔸我要哂 $40 6/10♨️新鮮炸起, 每款炸物各一件: 炸魚皮｜炸雲吞 ｜炸魚條｜炸墨魚條｜炸章魚丸｜炸蝦棗丸🔸熱檸水🔸凍奶茶
continue reading