金飯館貳·零 肉餅·焗飯專門店

Open Now

Now Closed

本身都好愛食肉餅既我，發現旺角有間專食肉餅既餐廳，早幾日同家姐收工去左依度食晚飯除左肉餅之外，都有焗飯、炒飯同小食，我地叫個焗飯, 肉餅飯同小食一齊食瑞士雞翼睇色澤相當濃郁，食落一啲都無失望，煮得好入味，瑞士甜甜地，雞翼煮得夠冧，好食!金莎咸蛋黃肉餅飯面頭撒左炸蒜粒，配左日本蘭王蛋，拌勻蛋汁係飯中，再加甜醬酒同豬汁食好惹味，肉餅軟熟得黎仲帶少少肉汁，肉餅中間內藏鹹蛋黃，超邪惡！蜜桃鮮茄焗豬扒飯份量比想像中大份，超多茄汁，拌勻之後發現係香蔥炒飯底，炒飯味道幾出色，炒得乾身有鑊氣，豬扒入口軟熟，茄汁唔會過酸味道適中，依個份量絕對夠兩個人食

金飯館的牛頭角店因為爆多雞子而聞名，之前都同一個愛雞子嘅朋友去排過隊😆是晚經過見旺角見有分店，就入去試下。小店十分旺場，基本上無吉枱，一有人走就有人入黎食😆我地好彩坐到張卡位，都幾濶落㗎。⭐金莎鹹蛋黃肉餅飯自己揀左肉餅飯，賣相不錯。橙紅色的蘭王蛋好吸引，肉餅厚身，入面有整隻鹹蛋黃，蛋黃仲起沙添，好味👍⭐蜜桃鮮茄焗豬扒飯朋友揀左焗飯，上枱時勁熱小心唔好掂到個焗盤。豬扒厚切有兩大片，炒飯底香口，仲落左唔少芝士正呀😋⭐即炸三寶丸本想叫燒賣但賣哂，改左要份三寶丸啦，幾彈牙喎，個沙嗲醬香口👍⭐阿薩姆奶茶好多飲品都賣哂，最後叫左兩杯阿薩姆奶茶，茶香奶滑微甜，幾啱口味👍食肉餅飯有抽獎活動，可惜無中😂係完食感謝。仲有呢個新出品火焰肉餅飯都想試下㗎，不過是晚賣哂。其他呢…肉餅飯、焗飯、小食、刈包同飲品都好多售罄，嘩嘩，八點幾就無咩揀了，仲不停有食客入場，認真犀利👍

🔹️位於旺角 ‘’金飯館 貳.零 肉餅. 焗飯‘’ 主打肉餅和焗飯🥘 店內設有多坐位, 服務貼心👩‍💼👩‍💼價錢相宜💰食物優質👍🔸️蓮藕梅香咸魚肉餅飯🐟🍛以爽甜蓮藕和梅香咸魚加碎肉打成肉餅, 味道鹹香鮮甜, 肉質鬆軟, 十分均勻, 加上蘭王蛋, 味道富有層次感, 還可以加豬油和豉油撈飯, 好惹味😋🔸️芝士焗沙嗲牛肉配蘭王蛋飯🧀🐮🍲以拉絲芝士配香辣惹味沙嗲牛肉, 大大片牛肉, 夠腍身容易入口, 焗飯香口, 配上蘭王蛋, 十分開胃Yummy👍🔸️X記瑞士雞翼🐔大大隻雞翼肉質鮮嫩幼滑配上瑞士汁, 十分入味🤤

總店係牛頭角嘅金飯館，旺角呢間分店就專食肉餅同焗飯嘅餐廳，有一款好特別嘅食物，我覺得非常之好食，就係呢個沙爹牛肉蛋炒腸粉。用蛋煎好腸粉墊底上面再加上濃濃嘅沙嗲牛肉。腸粉被蛋漿包著，散發著蛋嘅香氣，外皮微脆入面軟淋。沙嗲牛肉汁混和咗腸粉。一齊食有種沙嗲牛河嘅感覺，但係充滿蛋香。唔夠飽就就多碗黑松露墨魚肉餅飯。肉餅即叫即煎，混合咗墨魚肉同翠玉瓜絲，香脆彈牙多汁。加埋隻燶邊蘭王蛋，加上少少豬油同特調鼓油，滿足感爆滿。

肉餅焗飯專門店果然名不虛傳，仲有幾款特色小食，同埋台灣直送原材料嘅手搖飲品，除咗做堂食飲品，亦可以外賣，手搖飲品喺附近幾大競爭，但呢度算抵飲芝士焗葡國雞飯 $78焗飯即叫即焗，需時製作，但都好值得。炒蛋蔥花炒飯底米粒圓潤，粒粒分明。葡汁同芝士完美混和，有薯仔、青椒、洋蔥等等，豐富左醬汁嘅口感，當然唔少得面頭焗到焦香嘅芝士😋蝦頭油肉餅飯 $68啖啖肉有埋蝦仁係入面嘅肉餅、大量櫻花蝦、燶邊煎蛋，簡直係完美配搭，蛋黃汁流到飯嘅底部，配合額外加嘅豬油豉油超正😆沙嗲牛肉蛋炒腸粉 $58一條條順滑嘅腸粉被炒蛋漿住，面頭再鋪上濃香嘅沙嗲牛肉片，將兩款經典香港食物結合👍🏻蜂蜜檸檬蘆薈 $26柳橙綠茶 $24所有飲品原材料都係由台灣直送，預設半糖少冰味道唔錯

✏️ 芝士焗肉醬飯配蘭王蛋濃郁的芝士搭配肉醬飯，再配上蘭王蛋，絕對是美食家的最愛，口感豐富，美味無比。💯‼️💯💯 ✏️黑松路墨魚肉餅飯墨魚肉餅搭配飯食，濃郁的墨魚風味與飯食相互輝映，絕對是獨特而美味的組合，值得一試。💯‼️💯💯💯✏️瑞士雞翼（5隻）瑞士風味的雞翼，烹調得宜，口感酥脆多汁，是讓人回味無窮的美味料理。✏️觀音珍奶少冰觀音珍珠奶茶口感豐富，奶茶的香濃配上Q彈的珍珠，清涼的少冰口感更加清爽宜人，是絕佳的下午茶選擇。💯‼️💯‼️💯✏️ 椰芒奶茶椰子和芒果的組合擁有獨特的風味，加上香濃的奶茶底，清涼又甜蜜，絕對是夏日的最佳解渴選擇。💯‼️💯‼️💯‼️舔舔脷指數：🌟🌟🌟🌟🌟/6環境指數: 🌟🌟🌟🌟/6服務指數：🌟🌟🌟🌟🌟/6性價比指數：🌟🌟🌟🌟🌟/6回頭指數：🌟🌟🌟🌟/6＜滿分🌟🌟🌟🌟🌟🌟>以上屬小編主觀（非專業）食評，所有意見只供參考

我約左好友去旺角行街，順道去位於旺角廣華街38號地舖的金飯館貳。零 肉餅焗飯專門店食晚飯。我點左蔥油香煎龍躉球炒飯$118，肉餅配蘭王蛋飯$56，小食是即炸三寶丸（豬肉丸、牛肉丸及章魚墨汁丸）配沙爹汁$26。蔥油香煎龍躉球炒飯炒飯粒粒分明又乾身，龍躉厚切，兩面都煎得金黃，魚肉條理分明，厚厚的魚皮帶有咬囗，十分新鮮，真心推介！肉餅配蘭王蛋飯肉餅幾厚身，煎得表面帶有少少脆焦香，口感香濃又彈牙。半熟蘭王蛋（太陽蛋模樣）放在飯面，頂頭鋪滿櫻花蝦，賣相不錯。店長話：加秘製豬油和鼓油，更加好味！即炸三寶丸配沙爹汁三寶是豬肉丸，牛肉丸及章魚墨汁丸，炸得外脆內腍，十分好味又好食。

好耐之前朋友話想食肉餅今次就陪佢嚟到廣華街食驚喜地星期日12點唔使排隊(•ૢ⚈͒⌄⚈͒•ૢ)✧ 黑松露墨魚肉餅 （$62）冇諗過肉餅咁爽口！當然都可能係因為用墨魚做底🐙Zoom in 俾大家睇下好粉嫩💕外層仲煎得脆脆地㗎黑松露醬亦好香但發現入面有菜玉瓜反而扣少少分🤏🏻另外枱面有豉油同豬油可以再自行加落個飯煎蘭王蛋啱啱好濃邊🍳蛋黃流哂落珍珠米度好正de su佢哋仲搞咗抽獎🍀食到碗底有機會中現金券/飲品～✧ 蜜桃鮮茄焗豬扒飯（$78）個飯底唔係炒底咁簡單而係炒飯底 係咸魚雞粒炒飯嗰種好有味嘅飯豬扒每嚿都好似咬到肥咁kekeke絕對唔係實dud dud嗰啲老肉火喉剛剛好！

我同朋友嗌咗一個雞扒炒飯 佢其實睇上去係好好食嘅 佢係炒飯之後上面呢放咗幾塊煎嘅雞扒之後有啲配菜喺隔籬 但係我食嘅時候真係好鹹，我個friend都覺得好鹹 唔知係咪因為我哋口味比較淡 但係真係有啲頂唔順 咗兩杯嘢飲，一個係芒果多多綠茶 仲有一個係波霸奶茶 嗰個奶茶OK 但係嗰個芒果綠茶浸味好似藥水 唔好飲

有沒有人跟我一樣，出門很怕吃到不好吃，一塊結在一起不粒粒分明的飯咁就要黎呢間旺角既茶餐廳，餐廳主打肉餅和米飯，我地點了一個蜜桃焗豬扒飯和肉餅飯，發現他們用的飯不一樣，真的粒粒分明⭐焗豬扒飯酸酸甜甜的，用料很實在，用的飯是長形的泰國米，應該是考慮到焗飯有汁會濕，炒過的飯拌酸酸的番茄醬和豬排吃 ，喜歡鹹甜酸口的必點⭐我個人比較喜歡這個肉餅飯，什麼叫黃金傳說！肉餅子煎得外香里嫩，有混入一些香菇增加口感，米飯用的是珍珠米，🥚是半熟蘭王蛋， 肉餅蛋液戳開再挖一口飯一起吃下去，根本不可能不好吃 ⭐還有炸燒麥都幾有新意的 用一般茶餐廳的價格去吃用料實在的快餐，真係很不錯

🍴沙嗲牛肉炒腸粉沙嗲醬勁香濃，牛肉又嫩滑，配埋個用蛋底炒成嘅腸粉，撈埋一齊食，完全係街頭小食嘅典範！好耐都冇食過咁好食嘅牛肉同腸粉啦👏🏻🍴招牌蝦頭油炒飯叫得金飯碗，飯當然係主打啦！佢個招牌蝦頭油炒飯，落足料，蝦味十足，飯炒得夠乾身，食落去食到一粒粒飯，仲配埋櫻花蝦，賣相同味道都一流👍🏻👍🏻🍴香蔥龍躉片炒飯今期生產品，龍躉片炒飯，份量十足！龍躉厚切，仲有四片咁多，好抵食！ ！炒飯質素極高，同樣係粒粒分明，今次配香蔥，食落更加香，啱晒鍾意食香蔥芫荽類嘅朋友👍🏻👍🏻👍🏻🍴波霸珍珠奶茶飲品方面除咗有好多玻璃樽汽水，佢原來仲供應唔少台式飲品，隔離間金茶館都係屬於同一個老闆，而佢嘅波霸珍珠奶茶，珍珠夠煙靭，少甜啱啱好。食完咁多飯再飲埋杯嘢，卡路里係超標㗎啦，不過真係好正🤣真心估唔到喺旺角竟然有一間咁高質素嘅炒飯焗飯專門店，非常推介大家試吓🤗

金飯館貳·零 肉餅·焗飯專門店位於旺角廣華街，每次經過都可以看到人頭湧湧。這家餐廳到底有什麼魔力呢？讓我們一探究竟。首先，讓我們來談談他們的招牌菜黑松露墨魚肉餅飯。這道菜的賣相十分醒神，橙紅色的雞蛋搭配著厚厚的墨魚肉餅，讓人垂涎欲滴。墨魚肉餅鮮嫩多汁，搭配上黑松露的香氣，每一口都帶來了豐富的口感和獨特的風味。這道菜絕對是一個令人驚艷的選擇。另一道推薦的菜品是蜜桃鮮茄焗豬扒。這道菜的實力之展現在於它的材料新鮮，而且踏實。豬扒煎得剛剛好，外酥內嫩，搭配上蜜桃和鮮茄的酸甜滋味，讓每一口都充滿了美味的層次感。這道焗豬扒絕對能夠滿足您對美食的渴望。最後是咖喱炸燒賣。這道菜炸得很香脆，一口咬下去，外層酥脆，內裡鮮嫩多汁。最特別的是，您可以將燒賣沾上濃郁的咖喱汁，讓它更加滋味無窮。這道咖喱炸燒賣絕對是一個令人上癮的小吃，讓您無法停止吃下去。金飯館貳·零 肉餅·焗飯專門店的魅力在於他們獨特的菜品和出色的口味。無論是黑松露墨魚肉餅飯、蜜桃鮮茄焗豬扒還是咖喱炸燒賣，每一道菜都展現了他們的實力和創意。想要品嚐美味的肉餅和焗飯，金飯館貳·零 肉餅·焗飯專門店絕對是您的不二之選。

牛頭角嘅金飯館去過幾次， 佢嘅椒鹽豬扒飯真係令人一試難忘，原來佢喺旺角有分店，呢間主打肉餅同焗飯🥳🥳🔥🔥♥️♥️奧爾良雞軟骨肉餅飯🐷🐥 $62奧爾良味我會理解做燒烤味，肉餅厚切，煎得十分香口，雞軟骨有口感，令肉餅層次變得豐富，唔係單純啖啖肉，奧爾良香料嘅香辛味令整體變得惹味，蘭王蛋蛋味濃郁，招牌橙黃色蛋黃令人食慾大增🤩🤩😊😊😁😁蜜桃鮮茄焗豬扒飯🐷 $78炒飯乾身夠香，金飯館炒飯係出名嘅，炒得好係一個基本嚟，配上非常juicy嘅嘅鮮茄汁同嫩滑厚身豬扒，食落比快餐店嘅焗豬扒飯開心得多，炒飯同焗飯做得相當好，難怪作招牌主打🤩🤩😋😋🥳🥳即炸魚肉燒賣配沙爹汁🐟 $15驚喜之作， 燒賣皮炸得香脆，靈魂沙爹汁香濃惹味，唔知關注組有無提及過呢♥️♥️⭐⭐🥰🥰金飯館貳·零肉餅·焗飯專門店地址：旺角廣華街38號地舖電話：6303 7373#mongkok#mongkokfood#mongkokrestaurant#hongkongfood#金飯館貳#金飯館#旺角#旺角餐廳#旺角美食#煎肉餅#焗飯#港式焗飯#雞軟骨肉餅#奧爾良#蘭王蛋#日本蘭王#焗豬扒飯#招牌炒飯#炸燒賣#沙爹汁#魚肉燒賣#燒賣關注組

之前晚市食過招牌肉餅飯、蝦頭油炒飯同沙嗲腸粉已經被佢嘅味道同份量驚艷到🤤個炒飯大碟到擔心餐廳會蝕錢🤣之後都一直心心念念佢嘅沙嗲腸粉最近發現原來下午茶有沙嗲牛肉麵！於是今日就專程喺下午茶時間過嚟幫襯😋沙嗲湯底可以揀通粉、米粉同公仔麵配菜可以揀牛肉、豬扒同雞扒全部都配蘭王雞蛋🍳我就叫咗沙嗲牛肉麵果然唔會令人失望 因為湯底好濃郁好香🤤絕對同其他舖頭嘅沙嗲牛冇得比隻燶邊蘭王雞蛋好食就不在話下牛肉腍身易入口 公仔麵底就算掛住傾偈食耐咗都唔會發脹👍🏼最鍾意呢度有珍珠奶茶飲🧋茶底的味道、珍珠的口感都贏過好多台式飲品舖根本係比肉餅耽誤咗嘅珍珠奶茶舖😂而且佢仲係外賣杯🥤咁上唔怕一餐飯飲唔晒會嘥咗喺呢度可以一次過滿足晒飲珍珠奶茶同食沙嗲牛嘅兩個願望🔮

又係一間好多人排隊既餐廳，做完GYM 近油麻地附近食野，見到咁多人，不自覺又跟住排隊試下，入去坐低本身係想食蜜桃鮮茄焗豬扒飯，點知賣曬！！！！餐牌試寫"粒粒皆辛苦 食好野就係要等", 都等左10分鐘先有野食。奥爾良雞軟骨肉餅飯 $62配左日本既蘭王蛋，品牌更標榜可以放心生吃，一般用作拌飯，煎太陽蛋，煎到半熟，可以更安心食用。雞軟骨肉餅我都係第一次食，雞軟骨好大粒，要用力咀嚼，非常爽脆，蘭王蛋拌飯超級香蛋汁，不錯不錯👍😀芝士焗葡國豬扒飯 $78一入口即有香濃嘅芝士味，新鮮出爐，豬扒熟度剛好，炒飯底飯粒分明，葡國汁不辣，豬扒以外有少量配菜，減少油膩感。🫶🏻🫶🏻😊炸燒賣 (配沙嗲汁）沙嗲汁味道唔算太濃，但炸燒賣炸得好熱好脹，味道幾好。焗飯嘅價錢算中等，質素比起大型連鎖快餐店更好，值得一試👍👍