辣媽川湘私房菜

Open Now

Now Closed

聽元朗既朋友講呢間長期都好多人係出面排隊, 決定試一試去~睇下係咪咁巴閉!我地6點開始拎飛, 等到7點4先入得去坐~真係好多人係出面等呀~一入到即刻叫咗酸菜桂花魚 (推薦***)我地叫咗小辣湯底好濃郁~ 入面有粉絲 入曬d味~膠原脆豬手外脆內軟, 炸到唔會太過火~ 岩岩好~食落去勁多骨膠原~~美顏呀!!鐵板魷魚鬚越食越辣既魷魚鬚~好入味，又有咬口~好彈牙~鐵板水晶粉好有鑊氣, 同夠味~小小辣!酸菜爆炒肥腸肥腸外脆內軟, 好彈牙~ 又夠味~好有鑊氣*唯一唔好既係服務比較差~ 可能太多人排隊關係~想趕人走咁~ 狂收走枱上既野, 明明未食完, 都俾佢一手收走咗!我知道我地差唔多時間要交還張枱!

超級差態度！食90分鐘準時趕客人走 不但止！家人去幫襯 食左沒耐就有職員過來 叫我屋企人一係依家加單 一係等半個鐘後再嗌！因為廚師要食半個鐘頭飯喎！我家人食左沒耐 果刻叫佢即時答加咩餸 佢地根本諗唔到住！咁點知我屋企人好心想比廚師食左飯先 到半個鐘後廚師食完飯了 剛嗌完餸 食左兩啖就過黎趕我屋企人走！而且d員工非常差態度 把臉貼近客人 不停催夠鐘！不停叫佢唔好貼塊臉過來 叫佢行開d 佢依然照做！呢d係咩行為？？同埋如果廚師食飯果半個鐘都要計落呢90分鐘度 事前就應該同客人講聲！最後搞到我屋企人未食完 食淨好多就要走！！呢間野既職員擺明玩野！又話老細唔係度！咁可以係邊投訴姐？老細唔係度 最大就係妳！即是投訴無門啦！妳地玩晒！正x店！！我家人唔會再黎幫襯妳地！！

今次嚟到辣媽試酸菜魚，係我食過有史以來係香港算係最正宗嘅酸菜魚，所以平時要去食嘅話就要早啲去排隊，今次我排左成個半鐘先入到去。嚟到當然係食最出名嘅酸菜魚啦，酸度同辣度都係成正比，魚係桂花魚，魚肉非常滑，仲要完全係冇骨嘅。好味到連酸菜同埋粉皮都全部食晒。

元朗近乎係我既飯堂國，因為餐廳種類多，遇著排隊人多就可以轉場去另一間兩黎好多都係地鋪，方便停車經過好多次但都無食，因為次次夜晚排隊點知!第一次下午經過，有位決定試下酸菜肥腸從來未食過咁有口感既酸菜，而且咸酸勁度好好所以隔個星期就再去食晚餐乾煸脆肥腸 如果飲啤酒，好好搭，腸再肥小小會更好剁椒魚頭生魚頭即蒸即食，新鮮芒果沙冰個人認為解辣岩曬，而且幾好飲整體認為有80分

放假同朋友嚟元朗買餸 咁之前就食過辣媽先～叫咗水煮魚餐 酸菜魚、特色豬手同埋泡椒炒田雞水煮魚調味夠 魚嘅質地都幾好、好食～因為份量三個人食下 所以咪平時唔食嘅芽菜同津白菜都食埋😜 跟住酸菜魚～酸菜魚反而覺得麻麻地 可能調味料蓋唔過魚嘅味道 但之前食過大盤嘅酸菜魚覺得幾好食 唔知關唔關個辣度事呢？朋友極力推介食豬手！嚟到熱辣辣 就食下先～ 外脆內軟 都好食嘅！有好多調味香料喺上面食咗兩舊泡椒炒田雞就覺得普普通通 如果啲田雞炸過再炒會再好食啲

我們四人幫今次也是在元朗吃辣. 原來元朗有幾間叫 '辣媽' 的, 但是是吃不同的菜. 這次去了這間 辣媽川湘私房菜, 他的 芥辣魚皮真的吃得好爽皮, 給我有點驚喜, 我本身平時蒸魚我是不吃魚皮的, 因怕肥, 但他們很愛吃,  既然點了那試下無防, 點知 芥辣味不是太重 (因有小朋友, 所以全部 BB 辣），但第一口也有些搶鼻，加埋紅椒，麻油，香辣， 加了些青瓜絲平衡一下， 恰到好處，正。 但 魚皮就不是太爽，因我是第一次吃這煮法， 可能那質感就是這樣的。這個小羊肉串， 跟平日吃的大羊肉串，有點不同， 大的有時會較干， 但這小羊肉串肉質幾嫩，辣辣地， 正。羊肉味就不太大。這個 蒜泥白肉涼麵 賣相幾特別， 醬汁也不同一般的 蒜泥白肉 那麼重蒜味， 不過有點鹹。這個一口脆皮豬手最好吃的， 值得肥死也要吃。可能是細隻小豬仔， 皮薄 肥羔（骨膠原）軟；平日西餐廳或燒味店吃的都是較大隻的， 皮 雖脆但有些厚的感覺，很邪惡，但這小豬手，吃兩隻都不為過。給他個讚。

鐘意食酸菜魚試了兩間酸菜魚都不行，周圍打聽香港邊度有好食的酸菜魚，朋友都推介去元朗，元朗就元朗啦，好食就幾遠都要去試下，結果一星期就去了兩次，好食、好好食。第一次中午去，點酸菜魚 + 口水魚，因為午餐，就試埋套餐，點了田雞套餐，這個套餐就不行，只有幾粒田雞肉。口水魚亦沒酸菜魚好食，但也不差於是好快就再去食晚餐，怕排隊等位，5點到只能先取票，要等到5點半才可入坐，今次點酸菜魚 + 一口羊串 + 鐵板尢魚鬚，嘆住冰凍啤酒，真係滿足，‼

搬新址後，想幫襯多時，但因門前次次都好多人排隊放假，識逢復活節假期，六點半特登架車一早前去，等了四十五分鐘，成功攞到枱，重係卡位添。先講翻食物，叫了一個例牌水煮魚，好大碟，水準保持，跟以前一樣，好多桂花魚，好滑。新餐廳餐牌好多新菜式，還叫了個魚皮小食，好好味，我老婆愛吃土豆絲，叫了一碟，好好味。總括新址，座位環境舒適好多，食物又多了好多選擇，加入多款特飲，值得一讚。會繼續再去幫襯……

第一次在辣媽度食嘢🌟味道我覺得ok🌟衛生真係一般般前面張台有個小朋友整到好污糟然後侍應用抹布抹完台然後抹張凳全程沒有用消毒設備🌟店面算大，間距比較寬，都比較多人幫襯

已經幫襯過幾間分店，試真啲先黎分享下！店鋪裝修簡單，座位與座位之間空間足，坐得舒服，唔會好迫！食物方面保持傳統湘川風味，我喜歡食小辣，唔會辣到胃唔舒服，又享受到又麻又辣嘅滋味！我食左水煮魚飯，麻麻辣辣 剛剛好，唔會太咸。最驚喜係魚片夠嫩夠彈，最緊要無乜骨！飲品配檸茶，解辣又消滯！元朗區好多分店，總有一間響左近。太方便，下次去試下其他食物再分享！

本身中意食辣同川菜，聽朋友介紹元朗呢間川菜嘅酸菜魚好味，所以特登入黎試下😋閒日嘅2點鐘唔洗等位，不過都坐滿左9成，見住侍應執枱俾我哋，但因為佢只係用用過嘅抹布抹走枱面上嘅食物殘渣，冇再用清潔劑，所以枱面都覺得好油膩，感覺唔係咁衛生，送來嘅水我都唔敢飲，因為明顯個杯係未洗乾淨，有污糟野，即刻印象都大打折扣👎🏻食物方面，叫左川北涼粉（中辣）、酸菜魚套餐（大辣）、香辣鍋（中辣）我平時食譚仔係食中辣程度，叫左個中辣嘅川北涼粉都覺得好辣，食得有啲辛苦，反而其他兩道菜嘅辣度無問題，係涼粉比較重手😅酸菜魚係套餐嘅關係，所以唔係有好多塊魚肉，不過好在係食唔到一條魚骨，口感好滑，香辣鍋裏面有田雞、香菜、薯仔、魷魚、蝦，裏面最好食嘅竟然係薯仔，好入味。整體食物質素來講都算唔錯，如果可以改善到衛生問題就更加好，始終疫情期間大家都想安心進食。

7/8点的時候最多人排隊啦裝修：入到去，有點像內地海底撈/火鍋店的感覺座位都幾寬，坐得都幾舒適我們點了：1.酸菜魚（小辣）店員推薦小辣，如果要bb辣，就只剩酸味了，魚肉很嫩滑，酸菜也好食，個底還有米粉，入味2.辣子雞（小辣）本來想要bb辣，店員推薦小辣，真的超辣啊建議不太能吃辣的，還是要bb辣夠了，不然太辣吃不出味道3.擔擔麵（29💰）推薦一端上來，就要趁熱即刻撈下佢啦，好好食，不過份量比較小4.蒜泥白肉什麼麵一時忘記了白肉裡夾了青瓜，令蒜泥味中帶點爽口，還有4卷麵因為太辣，我們一人叫了兩杯野飲，不要點那個芒果冰沙，不好喝，就是很廉價的味道，建議可以點薄荷咸檸7解辣

與同事午餐 叫了四份午餐海南雞飯 回鍋肉 手撕雞撈面 酸菜魚飯晚上三個同事都疴嘔一個同事脫水吊鹽水晚上疴嘔十次脫水叫救護車送院兩個同事睇醫生 嚴重腸胃炎亦通知食環接待的待應 不時拉低口罩

今天第三次幫襯了！初次來叫菜只懂什麼都叫大辣，結果全部附送川菜傳統特式～重味重油😅 有了經驗，每個菜都要註明少鹹少油✌ 品嚐多次後我們有了必吃之選，就是膠原脆豬手、鐵板魷魚鬚和鹹蛋脆苦瓜 必吃以外的，叫了他們推介之選重慶辣子雞和一碟幹鍋椰菜花 老公今日異常開胃，所以再多點了兩個甜餅食，鴛鴦紫薯糍粑和玉米餅

今日老公放假，滿心歡喜帶我去食辣，專登入元朗搵食，見倒喇間幾多人follow就試試啦～點知好失望😣👉水煮魚🐟配飯🍚：魚既份量只有8至9小超薄片，包含芽菜一撮，有小小紹菜🥬，最深刻只剩大量辣油，超多油，同以往喺香港食過既水煮魚，甚至內地食既，都差得遠，味道還可以👉水煮牛肉配飯🍚：牛肉份量較多，但碗嘢亦同水煮魚內餡一樣，油份量簡直copy整體嚟講：服務唔錯坐得舒服性價比低太油，唔麻，如飲油無得回頭