豐衣粥食

旺角熟食中心入面，真係愈行愈多寶藏！今次去到上海街557號2樓嘅「豉汁蒸龍躉件」$98，龍躉肉厚實又雪白，切大件唔碎，入口嫩滑到好似唔使咬，豉汁香濃得黎唔搶魚鮮，配埋蔥絲同蒜蓉，送飯簡直完美😍「雲勝魚肚龍躉片」$78，龍躉片超大件，保持住鮮嫩彈牙；湯入面仲有勝瓜，雲耳，魚肚，湯底清甜得黎夠濃，飲完成個人暖晒～「板栗藥膳烏雞（半只）」$68，簡直係秋冬恩物！栗子粉糯香甜，烏雞肉炖到軟腍易剝，藥膳湯香而不苦，，滋補又潤喉，一啖湯一啖肉， 超適合冬天飲環境係熟食中心風格，乾淨企理，師傅手勢快手又細心，食材新鮮到食得出。價錢合理，份量足，無論一個人嚟醫肚，定同朋友share都好適合🤓📍旺角上海街557號旺角熟食中心2樓hkfoodie #foodie #旺角搵食 #湯飯專門店 #龍躉 #魚肚 #板栗藥膳烏雞 #秋冬滋補 #香港美食 #打卡必食 #街坊食堂 #食咗未 #香港味道…Read More

一直都鍾意揾D地道美食，今次經開旺角熟食中心，見到呢間湯飯店好似評語唔錯，咁啱又想飲湯，所以一試。叫左胡椒豬肚魚骨腩湯飯同牛腩撈烏冬，買完等候期間，都見到好多人買外賣，應該係附近返工既人，所以越等越期待，點知......就咁睇都以為湯底濃厚，滿心歡喜咁試下個湯，真心覺得有無搞錯，個湯奶白色點解可以一D味都無，正常都有少少胡椒味啩，但係無囉，好似加左水咁試埋個魚骨腩先， 點知仲衰， 有陣 臭味 ，完全食唔到仲有叫咗牛腩撈烏冬， 一樣係好難食， 牛腩係淋嘅， 但係佢個部位唔多似牛腩，質感好奇怪一路食一路都見好多人排隊買外賣， 唔明點解咁多人食， 可能我自己嘅口味問題， 但真係唔推介， 第一次完全食唔到啲食物， 浪費咗一日嘅quota…Read More

湯飯用料實在，中藥材滿滿，火喉十足，沒有味精，吃了多年的醉雞湯極度好味水準保持平穩，一月吃三四次補補身子十分正常，唯一缺點是週末有時不開門營業。老闆伯伯十分可愛，中氣十足。若是自喻湯怪，萬不可錯過如此誠意十足，價廉物美的珍品，回血聖物。…Read More

之前同啲朋友去食朗豪坊熟食市場，佢地都有食過豐衣粥食，係以湯飯為主，因為男朋友牙痛，佢唔係好食到太硬的嘢食，所以就決定去食湯飯了。最後揀左一個瓜粒蠔仔湯飯，叫左之後大約7分鐘就可以有得拎了。佢的湯飯都色香味俱全，老闆仲話佢地加左啲蒜，好正好好味，的確啲香蒜加左入湯飯到，真係生色不少。啲勝瓜同冬瓜都好入味，蠔仔數目都唔叫少，而且佢個莞茜湯底都幾正，撈埋啲飯飯，覺得味道好好味，加上佢特整的辣椒豉油，唔會太辣，又唔會太鹹，點瓜定點蠔都ok，更加加重呢個湯飯的味道層次，確實不錯，連男友牙痛都食到，都覺得好食。以下評分以5⭐️為滿分推介⭐️⭐️⭐️…Read More

Hidden gem in the city! 旺角出名多野食，但唔係街坊嘅你就未必會來過熟食中心呢邊。其實喺朗豪坊2樓m記過條天橋就到，都算方便。呢度嘅湯飯足料又大份，好抵食。…Read More